ليش ديايتي واللحم المفروم زفر؟!!! ساعدووني

[Little_Queen]

ايييييييييي أشوه اخترعت يا ام الكتاكيت ..

اي احنا نستعمل الجاهز عشان جذي ما اغسله .. ما جربت من قبل أييب مفروم مال القصاب ..

ثاااااااااااااااااانك يوووو


بس هاااااااااااااااا يا كويتية مذهله .. ؟؟؟ شصار وياج طمنينا على الدياي و اللحم ؟؟؟؟ راحت زفرتهم ولا لأ ؟؟

بالنسبة لأنواع الدياي ... ساديا و بو علي و المتحده و بس الباااااااااااااجي خس هذول الي صج مافيهم زفررررة

 

[asnowah]

أهم شي يوخر ريحة الزفرة الدارسين و الفلفل الأسود ، بس لا تكثرين من الفلفل الأسود ، يصير الأكل حار فلفل

و كل أنواع اللحوم سواء دجاج أو لحم مفروم أو لحم عادي ، لازم من الليل يطلع من الفريزر عشان يذوب الثلج على راحته

 

[Fanar90]

البنات ماقصرو بالرد الله يعطيهم العافيه ...بالنسبه للزفره لان الدياي يعطونه علف صناعي فهو اللي يخلي فيه الزفره لكن اذا سويتي مثل ماقالو البنات باذن الله تروح الزفره واذا تبين تعرفين انها استوت تقزينها يالسكين اذا دخلت بسرعه تكون استوت

 

[أم عزيـز]

حبيبتي انا اغسل الديايه اول شي بماي وبعدين اصب عليها قفشه خل وافركها فراك بالخل واخليها تقريبا ربع ساعه
وبعدين ارجع اغسلها مره ثانيه بماي

واذا بفوحها اكون مقصصه بصل وثوم على عداله واحطهم في قاع الجدر مع دارسين ومسمار وهيل واحط الديايه
لين تطلع ريحتهم وبعدين احط فوقهم قفشه كركم وبهارات مشكله وملح وفلفل اسود وواحد مكعب ماجي وكزبره مفرومه
وحطي فوقهم ماي حار وخليها تفوح نص ساعه على نار عاليه شوي وبعدي خلي النار متوسطه وخليها تفوح نس ساعه بعد
وان شاء الله راح تكون مستويه ومافيها وفره

بس اللحم احسن شي اشتريه من اللحام لا تشترين المثلج المثلج مرات يكون وايد زفر بس اللي من اللحام ازفرته اخف وبسرعه ينظف وتطير زفرته مع الطباخ

 

[الفرحه]

اللحم المفروووم انا اغسله بالمشخال الي فتحاته صغااار كلش

اغسله مره ومرتين وثلاث لما اشوووف اللحم صاار ابيض وطلع الدم منه كله

وعقب احطه على الجوله ابجدر واحط عليه فلفل اسود واغطي الجدر لما يطبخ ويطلع ماااايه كاه

عقب احط دهن اشويه وبصل وبهارات .. عاد اسوي بالطريقه الي ابيها جانه مه طماط او بدوون


والديااااي انا اخذ ساديا الي اتصر 800 او 900 ما احب الكبار احس انهم زفريييين

الدياااي اغسله ابماااي وعقب انقعه بشويه ليمون وملح اخليه 10 دقايق

وعقب اغسله
اذا حق المجبوس افوحه اول ابماي وليمون وبصل عشااان اتروح ازفرته

وابجدر ثاني احط دهن واحمس فيه هيل عدل- مسمار- دارسين- ورق غاار - شريحه زنجبيل - ثوووم عدل 3 حبات تقريبا - احط علب فلفل واحد- بصل وليمون مبشوور اشويه احمسهم واحط عليهم الدياي الي فحته اشويه احمسه معاهم اشوي واعقب احط المااااي واخلييييه يطبخ على نار هاديه
ساااااعه او ساعاتييييين عقبل لا اشيله من الماي بنص ساااعه املحه واشوووف ملحه


وسلامتج
اتمنى اكون فدتج

 

[sun_light]

شوفي حبيبيتي
1) غسلي الدجاج جيدا
2) رشي عليه طحين وفركيه وخل واتركيه ينقع بالماء لمدة نصف ساعة
3) اذا بتسلقين الدجاج حطيه أول مرة بالماء الحار وشوية خل وخليه يفوح شوي وبعدها تخلصي من الماء
4) ضعي ماء جديد وضعي بعض البهارات الحب (هيل - دارسين - مسمار - ورق غار) + بصل مقشور و ثوم مقشوم وشوية خل وطماطة مقطعة === يروح الزفر علطول ====
5) عندما يستوي صفيه من الماء وكملي شغلج

 

[Zain 3lla Zain]

بالإضافة لكل ما قالوه البنات ..
اذا بتفوحين الدياي .. احشي كل ديايه بصلة صغيرة و فص ثوم .. و البهارات حطي ورق غار و دارسين و هيل على عدالهم و حطي بهارات مطحونة اللي تستخدمينهم .. و اذا حطيتي طماط بتصير الديايه ترفه .. و خليه يفوح على راحته لا تستعيلين عليه بس ديري بالج لا يروح منه الماي .
و قبل لا تقلين الدياية .. حطي عليها دارسين ناعم و ماي ورد و زعفران ..

أما اللحم المفروم .. نصيحتي غسليه لين يطلع منه الدم و عقب شخليه .. و بعدين خليه يطبخ بروحه لين يطلع مايه
بعدين حمري كمية وفيرة من البصل >> البصل اهو اللي يشيل الزفره أما البهار يغطي بس ..
و بعدين حطي الثوم و عقب حطي اللحم و بعدين حطي كتشب و Chili sauce ودبس الرمان و صويا ومعجون و دارسين و كمون و فلفل أسود . و استخدمي أعشاب .. يعني اذا الأكلة شرقية حطي بقدونس بس ما يكون مقصص لا على حطته . و اذا اكلج ايطالي حطي أريغانو و ريحان و روز ماري ..

 

[د-سوسه]

حبيبتي دياي هلال ايننننننننننننننن
وعلي فكره ترا اهم من نفس شركه ساديا ..
انا احس انج تستعيلين يعني ماتنطرين عالدياي يتشرب البهار ويفوح عدل وحتي اللحم ماتخلينه يحمس عدل طولي بالج واتبعي طريقه البنات وانشالله بيصير اكلج حلو

 

[دلوعه زوجها]

حبيبتي البنات ماقصروا بس بلنسبه للدياي
استخدمي دياي بو علي فظييييييييييييع ونظيف ومافيه زفره
اهو طازج بس يبيه البيت وثلجيه وبعدين استخدميه
انا ماحب الدياي الطازج احسه مادري شلون بس اذا ثلجتيه يصير حده حلو

 

[دولنغا]

شوفي بيتنا دايما يستخدم الدياي الي صناعته سعوديه استخدمنا الوطنيه بعدين فقيه بعدين رضوى

بس علشان فقيه ما صار موجود استخدمنا رضوى <=== لا يعلى عليه رووووووووعه :rerrerek:

بالنسبه للزفره خلي الديايه تفج من الثلج بعدين تغسلينها بماي وتفركينها بملح بعدين طحين وتردين تغسلينها

تنقعين الديايه بملح وربع كلاص خل لمدة ساعه بعدين تغسلينها

تسلقين الديايه مع جزره وحده مقطعه كبار وبعدين اذا طلعت الزفره تشيلينها وتحطين ماي سلق يديد وتحطين البهارات العدله والمطحونه العدله مثل بصله مقطعه مع هيل دارسين ورق غار مسمار ​

 

[جنان الورد]

الديايه خليها تفج على راحتها ...
و بعدين غسليها و نظفي احشاءها عدل بالمااااااااااي ..

بعدين كوني مجهزة طاسه فيها طحييين + ملح ... فركي الديايه عدل مدل فيه و سويلها مساااااج .. و بعدين فركيها بنص ليمونه من داخل و من بره من كل صوووب .. و حتى تحت أباطها فركي !!!

و بعدين الله يسلمج حطيها بجدر مع الماي و حطي معاها " ورق غار + مسمار + عود دارسين + جم حبه هيل مقرومه ) و خليها تفوووووح ... و بتلاقين بعد شوي بيطلع شي اسمه " الريم " هذي عبارة عن رغوة بيضا بتطفح على ويه الماي ... شيليها و قطيها بره .... هذي اهي زفرة الدياي


و بعدين خليها على راحتها بالمااااي ليما تنفاح عدل عدل عدل ... قزيها بالشوكه و شوفي الشوكه تدش بسهولة ولا لأأ ....


--------------


بالنسبة للحم المفروم ... احنا طريقتنا انه نخليه من قبلها بيوم بره الفريزر يفجججججج .... و بعدين ناخذه و نحطه عالنار مع كمية وافرة من البصل المفروووم ناعم .. و نقلبه نقلبه نقلبه نقلبه لييييييييييييما يستوي .. من غير دهن ولا شي .. اهو بروحه بيطلع دهنه و بينطبخ مع البصل و ماي البصل بروحه ليما ينطبخ ... و اهم شي لا تملحينه ولا تتبلينه الا عقب ما يخلص الطباخ ماله لأنه كل ما رح تملحينه و اهو ينطبخ بيطلع سوائل أكثر و الملح كله يروح و مايصير له طعم



و الخيار الأخير ...... شنو نوع الدياي و شنو نوع اللحم الي تستخدمينه ؟؟؟ يمكن العيب فيهم مو في الطريقة !

نفس طريقتي بالضبط والطحين مو طبيعي ينظف عدل عددددددددددل ويوخر الزفه

انا استخدم دياي ساديا وكل ما كان الجرام اقل كان الذ يعني انا استخدم 900 جرام وخلي الديايه تطبخ تقريبا ساعه الا ربع وحطي سجين على الصدر وراح تعرفين اذا استوا ولا لأ
اتمنى لي جربتي الطريقه اطمنينى شقال سي سيد عن الاكل
بالانتظار

 

[وتين]

الدجاج لو حبيتي تشلي الزفره عنه يغسل بماي وخل او ليمون اصفر فرجي الدجاج فيه وتبليه بالبهارات الي عندج وبعده طبخيها عاادي

لو ماعندج هذولا حطي بالجدر ماي حار وقطي الدجاج فيه خليه يغلي شوي بعدين كبي الماي عنه وغسليه عادي لا تفرجينه حيل

طريقه رووعه تشيل الزفره

اللحم المفروم هم نفس الطريقه فوحيه بماي حار وكبي الماي عنه وطبخيه عاادي

 

[<< أزيان >>]

حبيبتي طريقتي ماتختلف وايد عن البنات عقب ماتغسلين الديايه عدل فركيها بملح خشن وردي غسليها فوحي ماي بدون اضافه اي شي لما يغلي

حطي الديايه لماتشوفين الرغوه فوق شيليها بقفشه وبعدين كتي الماي كله وفوحي ماي ثاني حطي الديايه وفوقها ملح ولوميه عدله و2ورق غار

ومسمار وعودين دارسين وهبل وبصل وشرايح ثوم وفلفل بارد + شوية كاري وكركم وكزبر بودر وخليها ساعه عالنار راح تستوي

اللحم المفروم غسليه عدل وفوحي ماي واهو بالمشخال صبي فوقه الماي الحار راح تشوفين الدهن والزفر كله ينزل حمسي لك بصل وقطي

فوقه اللحم وحمسي لما اطيح ايدك ياخذ وقت لما ينشف الماي مره وحده حطي فوقهم فص ثوم مدقوق وفلفل اسود وملح وشوية كاري وكركم

ودارسين وكزبر بودر وكزبر اخضر مفروم هذي طريقتنا من عمر الدنيا والحمدلله طباخنا الكل يشهد له ولاتنسينا بدعائك

 

[غروب]

مذهله حبيبتي البنات ماقصروا ماشاء الله عطوج أكثر من طريقة، بس فعلا نوع الدياي مرات يكون اهو السبب.. أنا استخدم دياي الوطنية أو بوعلي ماحس فيهم زفره.

أما بالنسبة للحم المفروم سواء كان من الجمعية المثلج أو من اللحام طريقتي دايماً بعد ما يفج منه الثلج أخليه بالجدر مع ماي واحط عود دارسين وجم حبة هيل وشوية كركم وأفوحه لما تطلع الرغوه بعدين اشخله وبعدها أسوي حمسة البصل والثوم والبهارات واحط اللحم المفروم ماحس فيه أي زفره.

جربي انتي الطرق اللي قالوها البنات وان شاء الله تضبط طبخاتج

 

[الفردوس غايتي]

:ggdw:ماشاء الله البنات ما قصروا

بس اهم شي اتبعي الخطوات الي قالوا من غير اعجله هذا اهم شي
م
و
ف
ق
ه

 

[الكويت غالية]

ماشاء الله البنات ما قصرو بخصوص الدجاج

اما اللحم فما لج امل اكل اللي مثلج اللي بالجمعية

لحمي المفروم لازم يكون 100% عربي

 

[كويتيه مذهله 87]

بنات ماقصرتوا وفيتوا

وعسي ربي لا يحرمني منكم

ومشكورين وحده وحده

 

[حبونة]

البنات كلهم كفوا ووفوا , بس أحب أضيف عليهم أن نوع الدجاج يعتمد إذا كان فيه زفرة ولا لأ ؟ وبالنسبة للحم أنصحج إخذي لحم عجل صافي للمفرم يطلع بدون زفرة وعن تجربة نصحت مرة صديقتي وكانت تقول إنها ما تسوي معكرونة والسبب زفرة اللحم وكانت تستعمل لحم غنم .

 

[كويتيه مذهله 87]

مشكوووره قلب

 

[غير كل الناس]

دجاج رضوي السعودي فقط لاغير

مثل طريقه ام الكتاكيت تطلعينه من الليل
انا طريقتي انقعه بخل وليمون وفلفل اسود وطحين اكثر من ساعتين وعفب احمس البصل والثوم المدقوق والبهارات الحب هيل كمون جوزه الطيب قرنفل كزبره وزنجبيل مبشور وفلفل بارد دارسين مكعب ماجي وعقب اقط الدجاج وعقب يايندي احط البهارات البودر وادعي لي