- إنضم
- 30 نوفمبر 2008
- المشاركات
- 16,913
- مستوى التفاعل
- 0
- النقاط
- 0
- الإقامة
- في قلب كل عاشق
- الموقع الالكتروني
- www.cochway.com
السلام عليكم ورحمه اخواتي
حسبي الله ونعم الوكيل
حسبي الله ونعم الوكيل
صراحه انا اول مره احط موضوع فالمنتدى بستثناء قسم التجاري
واللي خلاني احط موضوع لان اعرفت ان ماكو ثقه وان كلمه والله العظيم صارت اسهل كلمه
والمفروض احط الموضوع بقسم الملتقى ولكن انا حبيت احطه هني
واللي خلاني احط موضوع لان اعرفت ان ماكو ثقه وان كلمه والله العظيم صارت اسهل كلمه
والمفروض احط الموضوع بقسم الملتقى ولكن انا حبيت احطه هني
الاغلب يعرف ان شغلي كله طلبيات من امريكا ولندن يعنى اى وحده تطلب خلال اسبوعين يوصلها طلب ماعندى شي متوفر والعاده انا اخذ نص المبلغ الاجمالي والباجي عند الاستلام مع ايصال بالعربون لحفظ حقوق الزبونه
الموضوع
الموضوع
المهم قبل عيد الاضحي طرشت وحده تطلب والله يشهد علي اكثر من 10 ساعات وانا احاول اظبط الطلبيه واخر شي طرشت لها مسج بالاجمالي والعربون وكل التفاصيل جان ترد علي ماعندى فلوس يعنى يابنات كل هالتعب وتقول موعندى فلوس بس اقدر ادبر 40 دينار من الاجمالي 203 دينار ولاحظو انا اخذ نص المبلغ قلت لها مايصير السستم عندنا نص المبلغ جان تقول خلاص باجر اطلب من ريلي ( انا قلت بقلبي خو انا شكو انتى وريلج ) طرشتلي يوم الثاني تكفين امل مااعطانى واتمنى توافقين الله ايخبليج وانشالله اول مااستلمهم حسابج كامل تاخذينه وحلفت اشكثر وغير طبعا الاتصالات وعندى كل المسجات ... اكسرت خاطري قلت اذه بطلب يسحبون كل المبلغ من حسابي واذه طلبت مايصير الغي او ابدل جذى راح تخسريني المهم بالف يمين من عايوني وحلالج بكون عندج قلت صار .. وستلمت العربون ب40 من اصل 203 دينار
المهم اتفقنا وقبل لا اسوى الخطوه الاخير لطلب حاجيتها اوكيك وظبطت كلشي وياها وحطيت انتر
وع الاساس الاستلام قبل العيد لانها تبيهم للعيد وقبل العيد بجم يوم طرشتلي مسج اختي امل وصل الطلب ( هنى قلت هي جاده دام انها تسال ع طلب ومستعيله )قلت لا ليلحين لان طالبه كذا شغله وموكلهم بمكان واحد علا مايتيمعون... وطرشهم لج .... وقبل العيد بيومين وصلو وطرشت لها مسج باجر باذن الله يتم التوصيل الطلب وكان يوم العرفه وبعدها طرشتلى تقولي لا اختى انا مسافره للحفر الباطن خلي عندج وراح اخذه يوم اليمعه اللي هو اسبوع العيد قلت اوكيك وقبل يوم اليمعه بيومين دقت علي فون وانا نايمه قالت انا ليلحين مسافره استلمهم يوم الاربعا يعنى اسبوع الياي قلت اوكيك ع راسي وقبل الاربعا بيومين طرشتلى مسج اختى اكنلسني الطلب .... شنوووو كل ؟؟؟؟ هالفتره والحين اكنلسن ليش؟؟ انا يايبته من الديرا واله شغلي موجود وعادى قلت يمه شغلنا طلبيات وين وعدج وين اليمين وحجييج تقولين ثقي فيني وطبعا دقيت عليها طنشتنى ماردت وكتفت بالمسجات قالت ريلي مااعطانى فلوس وانا منحرجه قلت لها انا خو مااعرفج واذه ماعندج فلوس ليش تطلبين ولين هالخساير قالت عيل خليهم ع المعاش يعنى انطر شهر واللي هو 25_11 _2011 قلت يلا خلينى امشى وراها وبشوف التالى .. وعقب ساعه جان يدق الفون انا ماثبت ع الرقم واله وحده ا قلت منو ؟؟؟ قالت انا اختها وهي ياهل قلت شنو ياهل ومتزوجه وعندها عيال؟ اى ياهل ؟ وانا شنو ذنبي هذا حلالى وعشان مااخذت منها نص المبلغ صارت تماطل وين الثقه قالت ماعليه نطريها اخر الشهر وتحلف قلت صار طبعا انا هددت انى احط اسمها وعنوانها وكل بياناتها عشان بكون لها درس ..
اللي ماعنده موشرط يشري ويخسر الناس
ونطرت شهر وقبل تاريخ 25 طرشلي مسج تقولى كنلسني واحد من طلب .... لاحول الله قلت مايصير لان ماعندى محل او بضاعه انا رزقي ع الطلبيات و ماردت علي عقب ساعتين واله فونى يدق رقمها تونى بسم الله بقول الو واله واحد ريال يسفل فيني .. طبعا انا اقدر اعتبره سب وقذف ووديه بستين داهيه بس لانى بنت ناس واصل وماعندنا هالامور اكتفيت ان اصك الفون بويه وطرشت لها مسج قلت انا مااتحجى مع الرياييل يامحترمه .... واللي فهمة من اول جملتين من ريلها وهو صراخ ان ماعنده علم بتفاصيل والله اعلم شقالت له انا طرشت مسج بتفاصيل والله يشهد علي حطيت موضوعي لانى مقهوره مو عشان حلالي (الفلوس) ترا احنا اللي نييب الفلوس مو الفلوس تييبنا بس القهر انها احلفت وايد وترجتني وتعاطفت وياها وانا حطيت ثقتي فيها وكسرت خاطري يعنى هذا يزاي ونطرت عليها كل هالمده وهي كانت تلعب علي وتجذب ؟ ومومعقول هذا يزاي؟ والقهر يا بنت الناس ماعندج ليش تحرجين عمرج وتخسرين غيرج؟ وقلتلها لج حق تهونين قبل لا اطلب اسوي الاوردر خو ماعندنا محل عشان تردين الطلب خلال 3 ايام (صارلي سنوات بهالمجال ولا عمري صادفة مثل هالزبونه بالعكس عندى زباين والله مااخذ منهم عربون لان صج مصدر ثقه وفيهم زباين والله تقول امول ع ذوقج بدون ماايشوفون الطلب لانه انا اثق فيهم وهم كذلك
حسبي الله ونعم الوكيل
اسفه ع الاطاله وسامحوني بليز
اللي ماعنده موشرط يشري ويخسر الناس
ونطرت شهر وقبل تاريخ 25 طرشلي مسج تقولى كنلسني واحد من طلب .... لاحول الله قلت مايصير لان ماعندى محل او بضاعه انا رزقي ع الطلبيات و ماردت علي عقب ساعتين واله فونى يدق رقمها تونى بسم الله بقول الو واله واحد ريال يسفل فيني .. طبعا انا اقدر اعتبره سب وقذف ووديه بستين داهيه بس لانى بنت ناس واصل وماعندنا هالامور اكتفيت ان اصك الفون بويه وطرشت لها مسج قلت انا مااتحجى مع الرياييل يامحترمه .... واللي فهمة من اول جملتين من ريلها وهو صراخ ان ماعنده علم بتفاصيل والله اعلم شقالت له انا طرشت مسج بتفاصيل والله يشهد علي حطيت موضوعي لانى مقهوره مو عشان حلالي (الفلوس) ترا احنا اللي نييب الفلوس مو الفلوس تييبنا بس القهر انها احلفت وايد وترجتني وتعاطفت وياها وانا حطيت ثقتي فيها وكسرت خاطري يعنى هذا يزاي ونطرت عليها كل هالمده وهي كانت تلعب علي وتجذب ؟ ومومعقول هذا يزاي؟ والقهر يا بنت الناس ماعندج ليش تحرجين عمرج وتخسرين غيرج؟ وقلتلها لج حق تهونين قبل لا اطلب اسوي الاوردر خو ماعندنا محل عشان تردين الطلب خلال 3 ايام (صارلي سنوات بهالمجال ولا عمري صادفة مثل هالزبونه بالعكس عندى زباين والله مااخذ منهم عربون لان صج مصدر ثقه وفيهم زباين والله تقول امول ع ذوقج بدون ماايشوفون الطلب لانه انا اثق فيهم وهم كذلك
حسبي الله ونعم الوكيل
اسفه ع الاطاله وسامحوني بليز
تحياتى لكم:eh_s(17)::eh_s(17):
التعديل الأخير بواسطة المشرف:
