لي ثلاث سنين وعلى على هل حال

[مزيونة الخبر]

مساااااء الخير بنات اخباركم واللة يوفقكم عرايس

صارلي مسجلة بهل موقع ثلاث سنين وكنت اتابعه من قبل واللة كل مادخلت هالقسم اقول متى انا ادخل معاهم واكتب عن تجهيزي ماصارت صار عمري 28 وانا ماتزوجت ليش ياربي واللة اني رشيقة وبيضا ومتوسطة الجمال مرات اقول ماتزوجت يمكن لانة شعري قصير وماعندي خلفية ممسوحة ومرات اقول جياكر يتزوجون مو انا النعومة مرات اقعد ابكي من القهر والحرمان خاطري افرح وفرح اهلي مانخطبت الا ثلاث مرات وماكان يصلحون جد جد مكسور قلبي كتبتلكم مجرد فضفضة احد مثلي :yaaaaaarb:

 

[lulu_q88]

شششوفي نننصيبج وينه !! < وان شالله قرريب يجيج :*


وان شالله الله بيرزقج باللي يسعدج ويهنيج وتفرحييييين وتفرحين اهلج

ادعي الله وان شالله بيرزقج بالزوج الصاللح

 

[Dr.rooz]

انتي م تدرين وين خيرتج ، يمكن الله جايبلج الاحسن من هالناس كلها
و الزواج قسمه و نصيب و الله يرزقج ب الي يستاهلج

 

[رمادية الهوى]

الله ياكتب لك اللي فيه الخير ويرزقك بزوج صالح عاجلا غير اجل

 

[زبــــــــدة]

حبيبتي الله يكتبلج اللي فسيه الخير وماتدرين وين نصيبج

 

[الأوركيد~]

حبيبتي

اول شيء تصحيح لكلمة الله و ليس اللة

الله يعفو عني و عنج

بخصوص موضوعج اخيتي

لا تحددين دعائج بفترة او زمن

رب العالمين قال: ادعوني أستجب لكم

و ما حدد الاستجابه متى

فقط أحسني الظن بربج

و لا تخلين الزواج شغلج الشاغل

اشغلي نفسج باشياء ثانيه

ترا الدنيا فيها متع

لا الشكل و لا العمر و لا عدد الخطاب لهم دخل بالنصيب

نصيحتي لج
لا تخلين تفكير انا أحلى و هي انخطبت و انا لا

استغفري اذا ياج هالتفكير عشان لا يتطور فيج
و تمني الخير لغيرج و لا تقارنين نفسج بحد

ربي قال

وَاللَّهُ فَضَّلَ*بَعْضَكُمْ عَلَى بَعْضٍ*فِي*الرِّزْقِ*فَمَا الَّذِينَ فُضِّلُوا بِرَادِّي رِزْقِهِمْ عَلَى مَا مَلَكَتْ أَيْمَانُهُمْ فَهُمْ فِيهِ سَوَاءٌ أَفَبِنِعْمَةِ اللَّهِ يَجْحَدُونَ

يمكن ناس فضلهم ربي برزق الزواج بس ما عندهم عافيه
و ناس ربي رزقهم اشيا غير عن الزواج عندهم اياها الناس المتزوجين

استمتعي بحياتج
و كثري استغفار و صدقه و دعاء و قيام ليل

و قولي آمين

ما تنتهي 2013 الا و انتي بهالقسم تجهزين
:eh_s(7)::rerrerek:

 

[معبوجه]

حبيبتي مشكلة العنوسه منتشره بالكويت يعنى كل فريج لازم فيه ثلاث بيوت عندهم عوانس او مطلقات

هذي احصائية, والنصيب الله كاتبه سواء كنتي بيضه او حمره اوسمره, حطي املج بالله ولاتتعلقين

بالزواج عيشي حياتج وتمتعي باللي الله كاتبه وباذن الله راح اييلج نصيبج

 

[مزيونة الخبر]

ان شاء الله ودي انسى ومافكر بس كلة مافكرت بعمري الي قاعد يمضي وابوي الي حيل متشفق على زواجي اتضايق وانا وحدة مابي الحرام ولا ابي احب مرة ثانية لانه محد يدوم لحد صدق عندي دوامي وجامعتي وخواتي واطلع واتمشى مع صديقاتي مع انه صارو قليل الكل تزوج لكن جد ودي البس فستان ابيض اجهز واستانس يصير لي بيت بروحي وطفل استانس فيه وزوج يدلعني الى متى هالحرمان كل يوم ابكي قهر وحزن مرات اقول شكل ربي خلاص بحطني من ضمن العوانس الي توصلين اربعين ماتزوجت اتخرع واقعد ابكي زود كل يوم اقول لا بجي اليوم الي بنخطب فيه وتمر الايام زي ماهي مليت من روتين حياتي ابي اسافر ااة مادري شنو مسوية بحياتي يصير فيني كدا وربي مرضية ربي اشوف بنات خرابيطهم واجد وماتعرف القبلة وماتزوجة واحد زين وتسافر بعد ليش كدا ولا الطيب مالة حظ بهدنيا جد انا فقيرة حظ الشكوى لله بس

 

[مزيونة الخبر]

على فكرة الي تقولة عنوسة احنا اكثر بسعودية الكويت البنات يتزوجون صغار عكسناا

 

[طيبة83]

اقري سورة البقرة كل يوم

وأدعي اللهم أرزقي الزوج الصالح عاجلا غير آجل

 

[<miss botamba>]

الزواج مو كل شي بالدنيا

عيشي حياتج واستانسي

ولا تبنين احلامج عالزوج بس واتحسبين الزوج اهوا الجني الي بالمصباح السحري وبغير حياتج وتصيرين نفس قصه سندريلا



اذا الله كاتبلج بالزواج بتزوجين واذا مو كاتبه فهذا نصيبج


وعادي لا تزعلين ولا تتضايقين


فكري بنفسج



انا بالنسبه لي اصغر منج بشوي عمري 26

وعادي عايشه حياتي اطلع و اروح واسافر واستانس

اوكي افكر بالزواج والامومه بس مو هوس بحياتي لان هذي غريزه بالانسان بس ما اخليها الهاجس الوحيد و اقعد ابجي واندب الحظ لااااا


واصلا بالعكس كل ما انا قاعده اكبر قاعده احس ان حتى لو تزوجت مراح القى احد يناسبني او يعيشني الحياه الي انا فيها

والحمدالله على قولتهم مال وجمال واصل وفصل بس هذا نصيبي وما افكر فيه وايد

اعتبريه من الغيبيات ههههه حاله حال الموت مثلا

الانسان مايقعد يحسب الثواني والدقايق متى بموت لااا يعيش الحياه ومتى ماصار الشي صار


فهمتي قصدي


انصحج تعيشين حياتج و تعيدين تكوين نفسج وتثقفين نفسج وتحاولين ان تسوين انجازات بحياتج

حتى لو شي تشوفيه سخيف يعتبر انجاز اذا سويتيه


مثلا تزرعين ورد بالبيت او تتعلمين شي ماتعرفينه (طبخ - خياطه -لغه يديده .. الخ)


وبعدها اصلا بتنسين الموضوع وبتعيشين بدنيا ثانيه

 

[شذونه]

مزمز محدن خالي يابنت الحلال

لكن الدعاء والصبر الصبر وصدقيني بيتحقق بذن الله انا كنت اشوف اشياء مستحيله تصير اقول مستحيل مع الدعاء صارت المستحيل احنا نصنعه ومع الله مافي شي مستحيل


ابيك تحافضين على البقره لو كل 3 ايام وسورة يس والدعاء اخر اليل لو ربع ساعه والاستغفار اهم شي

لاشياء هاذي رتبيها بتسهل عليك واطلعي استانسي عشان مايكون عندك وقت لضيقه

وصدقيني بذن الله قريب بيجي لك احلا نصيب

وياعمري انا خواتي بلاربعين للحين متزوجو يعني شوفي البنات للي اكبر منك وشوفي الصغار للي تزوجو وتطلقو هوني على عمرك

كلنا نبي وكلنا نتمى بس الله وحده بيده هالشي

 

[مزيونة الخبر]

طيب وناار الشهوة والتفكير بالجنس والعاطفه شلحل معاه

 

[مذهلة2013]

الله يرزقج بولد الحلال وثاني شي حرام تقولين الشهوه وجذي
الزواج مو عشان فراش ومتعه وجذي وسوري على هالكلام
الزواج مسووليه تطلعين من بيت اهلج لريال ماتدرين اهو شنو!!!
ربي يهديج بس ويستر عليج!!!

 

[_n0sh]

حبيبتي لا تشوفين الحياه كلها زواج قصديني انتي بنعمه ما تدرين ربي وين خاش لج الخير
الخيره يمكن وكلي امرج لـ ربي

طيب وناار الشهوة والتفكير بالجنس والعاطفه شلحل معاه

تفكيررررررررررررررر انتي بنفسج قلتي تفكير حاولي لا تفكرين بهل شي
بعدي عن الافلام لي فيها هل الاشياء
ترى من جد مثل لي قلت اختي لي فوق زواج مو بسس فراش
وعسى الله يوفقج ويستر عليج

 

[مـهـــابــــه]

ليش حبيبتي تفكيرج جذي .. المفروض ماتخلين الزواج هو الحل لجميع مشاكلج وونهاية المطاف لجميع ما تمرين به من ازمات او ضيقه
الزواج مرحله بالعمر ممكن تتأخر ممكن تجي بدري ع حسب النصيب مو ع حسب شي ثاني شيلي كل الافكار السودا من راسج
اذا تزوجتي طيب و بعدين ؟ الزواج مسئوليه و رجل ماخذج يبي منج اكثر مما انتي تبين منه .. بيت و طبخ و عيال و تربية و مسئوليه و ايام حلوة و ايام مره جذي طريقة الحياة
لكن السعادة تنبع من داخل الشخص غلط ثم غلط تعلقين سعادتج ع وجود شخص معين .. اسعدي نفسج بنفسج و حاولي ترضينها و تدللينها و تمارسين هوايات تحبينها و انسي التفكير السلبي هذا اللي ماراح يجيب لج الا ضيقة الخلق و التعب ولا راح تستفيدين شي .. بدال هالاحباط مارسي حياتج و واجهيها بابتسامه و الحي ع الله سبحانه و تعالى بالدعاء و الله يرزقج السعادة و النصيب الطيب

 

[silent-girl]

،

حبيبتي الله يرزقج الزوج الصالح الي يستاهلج ويدللج
ويفرح أهلج فيج يارب :eh_s:

الله في كتابه يقول

( وَلْيَسْتَعْفِفِ الَّذِينَ لا يَجِدُونَ نِكَاحًا حَتَّى يُغْنِيَهُمُ اللَّهُ مِنْ فَضْلِهِ )

و تفسير السعدي لـ هذه الآية
هذا حكم العاجز عن النكاح، أمره الله أن يستعفف، أن يكف عن المحرم، ويفعل الأسباب التي تكفه عنه،
من صرف دواعي قلبه بالأفكار التي تخطر بإيقاعه فيه، ويفعل أيضا،
كما قال النبي صلى الله عليه وسلم: " يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء "


أدعي
أستغفري
سبحي
آقري قرآن
تصدقي
صومي
صلي الوتر
آدعي آدعي آدعي في أخر الليل وفي كل وقت

قولي هالأدعية :

حسبنا الله سيؤتينا الله من فضله إنا إلى الله راغبون
ربي لا تذرني فردا وأنت خير الوارثين
ربي إني لما انزلت إلي من خير فقير
لا إله الإ أنت سبحانك إني كنت من الظالمين
اللهم صل وسلم على نبينا محمد



إن ربي قريب مجيب


الله يرزقج الزوج الصالح الي يحافظ عليج ويصونج ويرزقج الذرية الصالحة


:eh_s(7):

 

[الهنوف92]

ي حبيبتي و الله انتي نفس حالتي بس الفرق اني مخطووبه من سنه جدي و للحين ما ملجت بسبه الفحص الي حطمني )؛ ان شاء الله ما يخلص هالشهر الا انا وانتي نجهز مع هالعرايس و انا اقول لكل بنت مالجه تسجد لله سجده شكر لان ما يعرف بالنعمه الا اللي فقدها ..

 

[سعادتهم]

كم عمرك؟


شكلك طالبه جامعيه

استمتعي بجامعتك وصاحباتك

وربي ييسر أمرك ويرزقك بالزوج الصالح

 

[قآنون كيفكـ!!]

حبيبتي الله يرزقج بالريال الصالح اهم شيء
هذا نصيبج الله الله كتبة لج تتاخرين بالزواج مو شرط مسوية معصية مطيحة حظج بس هذا القدر اللي انكتب عليج قبل تولدين ع الدنيا مالج الا ترضين الله علشان يرضيج بصلاتج صيامج الذكر بلسانج والاستغفار مفتاح الفرج ..
ومو شرط تكونين جميلة علشان تزوجين انتي تعددين سلبياتج وتقولين موخرتج ممسوحة بظنج هذذا سبب تاخرج بالزواج !!؟ وكل اللي تزوجوأ موخراتهم كيك كردشيان !! طبعا لا ياما جياكر عوانس ومتزوجات وياما بنات الزين والذرابة وعوانس و متزوجات
الزواج مايعتمد ع الجمال كلش كلش في مقومات معاة اخلاقج ادبج ذرابتج وجمالج بعد !!
لو عندج اخوان شنو تسمعينهم قبل يخطبون شنو يقولون اهم شيء خلوقة ومؤدبة وحلوه مايحطون لج الجمال بالمقام الاول ..
التفكير والشهوه مثل الغبار اللي ع الطاولة من يهب هواء يطيره مو
نفسة نفس الشهوه من تخلينها كامنة ولا تفكرين وتشوفين اشياء تثيرها ماراح تتعبج وتشيلين همها
وصومي وحطي ايدج ع قلبج وقولي اللهم انزع من قلب حب كل شيء لاتحبة ..