لي متى ببقى تحت رحمه الكيلوات الزايده نبيها رشاقه

[BiiShOoO]

قووة بنااات شلوونكم شخبااركم


انا توني قاعده من النوم و ليلحين مادري شنو اكل


سوري قعطت التجمع اليومين الي طافوا لانه امس ان عرس و لد خالي و كنت اخلص اغراضي

عواافي عليكم اكلكم

كويتية تنصحيني استخدم green coffee

لانه وحده معاي بالدوام نزلت عليها 12 كيلو باسبوعين ماشاء الله

وودي اجربها

 

[Eng_7asasa]

هلا لووو شلونج

عذرج معاااج الله يوفقه ان شاء الله

لوو جنا وايد حجي وقيل وقال عن القرين كوفي اسمع بالمنتدى يقولون لها اضرار ومايندرى

 

[BiiShOoO]

تماام حساسة

ما قصرتي و الفال لج ان شاء الله يا رب


صج يقولون مو زين ؟


مادري قلت اجربها مع ريجيم و اشوف

 

[ام_ياسمين]

قوووووة بنات شلونكم ..؟

سوري خميس وجمعه أنا عند أهلي وما كان عندي نت

كان المفروض أقعد إلى باجر بس حلفت أرجع عشانكم والله واليوم وزن

أنا ملتزمة 100% بدايت السوائل وما خربطت بس انشاءالله أكون نازله لو كيلو

ألحين بشوووووف وزني وبرسله لكويتيه ادعووووووووووووووووووولي ..:krkrkr:

 

[Eng_7asasa]

ان شاءالله اتكونين نازلة ام ياسمين

 

[ليمونه79]

هاي بنات انا الحمد لله ملتزمه بالرجيم والله كريم موعدي يوم 28 الشهر ان شاء الله اكون نازله بالتوفيق بنات ان شاء الله تكونون نازلين يلا باي

 

[Eng_7asasa]

موفقة ليمونة


ويييين الاوزااان منو رشيقة الاسبوع كويتية؟

 

[Eng_7asasa]

بنااات لا تزعلووون مني بس صراحة تجمع اضيق خلق

انا ببطل تجمع عشااان ما اخربط اعرف عمري لازم احد يشجعني ويسفل فيني

وتجمعنا بيظل الاول بس ابي تشجيع ابي حماااس عيدميلادي 22-1 وانا لمن الحين بطة :0bee2e8d89:

 

[ام_ياسمين]

افا حسوسه ليش بتخلينا ..؟

كلنا موجودين حبيبتي بس الخميس والجمعه الناس شوي ينشغلون مع أهاليهم والزوارات

اشدعوه قعدي بس لايكثر وأما عن الزف أنا بزفج إذا ما نزلتي بعد اشتبين ...؟؟؟

وانا والله لولا هالتجمع مانزلت هالأسبوع كيلويين والحمدلله

 

[ام_ياسمين]

باقيلي 3 كيلوات وأوصل لهدفي الأول يعني أتوقع عقب اسبوعين بالكثير وأنا واصله لهدفي الأول

بنااات الضعف مو في يوم وليله والكيلو والكيلويين ما تنزلينهم باسبوع او اسبوعين

احنا قعدنا نعلف سنين عشان نجمع هالكيلوات وآخر شي نبي ننزل بشهر او شهرين بس

بالعقل والله ما يصير ....؟

يعني عطوا نفسكم شهرين ع الأقل عشان تنزلون 10 كيلو تقريبا وربي يوفقنا وننزل بصحه وعافيه ..

 

[Eng_7asasa]

اكيد هذا تجمعي الاصلي بس انا ابي تشجيع زيادة اعرف نفسي ام ياسمين

اكيد حمدالله اانا تقريبا نزلت كيلو كنت 75 وصرت 74.1 حمدالله نعمة والاسبوع الياي ودي اوصل 73.1

الله يسهل ان شاء الله

عشاااي نصف خبزة سمراا و وية زيتون وجبن حمدالله الحين بشرب ماي

 

[Eng_7asasa]

ام ياسمين انا صارلي سنتين رجيم ترى مو يوم ولا يومين كنت بالثمانينات وصرت بسبعينات نعمة حمدالله

 

[ام_ياسمين]

أزيدج من الشعر بيت

أنا كان وزني 92 والله

وألحين الحمدلله اليوم صار 73

ترى مابيني وبينج شي يلا خلينا نتحدى ونشوف منو تضعف قبل هههههه

 

[ام_ياسمين]

 

[Eng_7asasa]

اوكي حبيبتي منو يوصل الاول الستينااات الله يسهل ياررب

اشحلات جسمها الفال لنا يارب

 

[كويتيهx5]

هلا بنات

عليكم بالعافيه وان شاء الله تنزلون بصحه وعافيه ياارب

حساسه الواحد لازم ينشغل ويتضايق ومثل ما قلت من قبل مو كلنا قومتنا وقعدتنا وحده لازم الاستمرار والتشجيع انتي يكون من نفسج قبل لا يكون من احد ثاني شدي حييلج يالله.

 

[كويتيهx5]

الاوزان

حساسه=الفرق 900

لووو=الفرق كيلو

ام ياسمين=الفرق 2

كويته =الفرق2

في تعادل انا وام ياسمين رشيقات الاسبوع

 

[Eng_7asasa]

الف مبروك ام ياسمين و كويتيه

بس ليش ماكو صور عشان نتشجع

 

[كويتيهx5]

 

[كويتيهx5]

هذي الصورة

الله يبارك فييج حساسه

والقهوه لووو انا شفت بنت خالي ماشاء الله ضعفت عليها اتسد الشهيه وانا من فترة وزني ثابت من قاعده استخدمها قاعد ينزل وزني الحمدالله

صج كيلوين بس كل من يقول اكيد ضعفانه اكثر بنات خالي يقولولي تونا شايفنج ما كنتي جذي فحدي مستانسه عليها يعني تصغر المعده.