لي متى هالتفكير الخايس !!!!!

[احب المنتدى]

رد : لي متى هالتفكير الخايس !!!!!

خوش موضوع

مشكوررررره

 

[MoonDiamond]

التفكير مو من البنات من اللي حول البنات
المطلقه يحطون عليها حطه

 

[bdora]

اولا اخت حبوبة~<<<ردج حيل غريب ماله داعي الكلام اللي قلتيه والله يهديج حطيتي نسبه بعد 70% ليش يبا مافيه بنات مو متزوجات يخربطون ولا بعد يشوهون سمعة اهاليهم
ومتزوجات استغفر الله يكونون ازواجهم لاهين بدواماتهم اللي تتطلب انه يسافر بره ويغيب عن البيت وتاخذها فرصه لخرابيطها والانحطاط على اصوله
يعني الناس مو سواسيه لا تعممين






و اختي العوبه كلامج في محله لي متى الناس تقيم المطلقه انها مطلقه مسويه مصيبه هي تكون بنت طيبه واخلاقها عاليه تتدبس برجال والا ناس منحطين

 

[& شرطان الذهب &]

وااااااااااااااااااااااااااااااااااجد يخافون من كلمه مطلقه بس هذا قدره سبحانه وتعالى



وفي امهات اعرفهم يصبرون بناتهم عشان خواتهم الصغار ماينقالهم اختهم مطلقه



واما عن نفسي اتمنى التوفيق للكل والله يسترنا دنيا واخره ....................

 

[الحلم الكبير]

اب اب

 

[lovely jojo]

والله كلامج عين العقل ..

 

[F T O O N]

رد : لي متى هالتفكير الخايس !!!!!

السلام عليكم


اعتقد ان اللي تبقى على ذمة زوج إما يكون سكير ولا يطقها ولا راعي بنات بس عشان ما يقولون عنها مطلقة تكون وحده جاهله وسفيهه بعد
يعني الوحده ممكن تصبر وتنصح زوجها من باب الحب والخوف على العيال

لكن عشان ما تصير مطلقه
فذي فكره غلط

 

[بنت.المطيري]

مادري المفروض تتغير نظرة العموم
لان الحين الطلاق صارت اسبابه علا اتفه الاشياء مو لعيب في الرجل او المرا
الطلاق يصير باسباب تافهه ولبنات عوايل ومحترمات
الزينة زينة لو كانت بزر وعذرا ع قولتكم
والخربانه خربانه لو عندها ستعش ولد وفبيتها

الله يستر علينا جميعا فوق الارض وتحت الارض ويوم العرض
وان شالله يتزوجون كل البنات والمطلقات والله يهدي سر المتزوجات مع رياييلهم
يحز بالخاطر لما اشوف عدد كبير مو مرتاح

 

[بنت.المطيري]

وااااااااااااااااااااااااااااااااااجد يخافون من كلمه مطلقه بس هذا قدره سبحانه وتعالى



وفي امهات اعرفهم يصبرون بناتهم عشان خواتهم الصغار ماينقالهم اختهم مطلقه



واما عن نفسي اتمنى التوفيق للكل والله يسترنا دنيا واخره ....................

للاسف خوفهم في محله هذي نظرة مججتمع

 

[بنوته ذربه]

رد: رد : لي متى هالتفكير الخايس !!!!!

معاج أنا ..

ولاحظت هالتفكير بمواضيع كثييييييييييييييييييره ..بهالقسم


بس تبين الصج .. حتى ابوي ماخذ فكره شينه عن المطلقه ...


وبصراحه بعضهن المطلقات .. الله يستر عليها


انتي ادرى ..وش يسووّن ..خلاص على بونها مره .. ماعندها عذريه ..تلعب ..وترافج


لأنها كانت متزوجه ومستانسه مع رجلها ومتعوده على شي .. فجأه انحرمت منه!

ف تدوره بين الشباب ..او حتى الشايب < صار عز الطلب هالوقت




فكلامي هذا ينطبق على 70% من المطلقات


والبعض مستورات ..ومحفوظات في بيت اهاليهم

تدرين انج ماتستحين على ويهج ولاتخافين من ربج
وذمتج وسيعه وانشالله تتطلقين وتذوقين اللي ذاقوه المطلقات وينقالج نفس الكلام اللي قاعده تقولينه وينظرلج ابوج نفس النظره اللي ينظرها للمطلقات ويصير الشايب عز طلبج نفس ماتقولين
وحسبي الله عليج وعلى اللي نفس شاكلتج والدنياااااا دوااااااااااره وبذمتج كل بنت مطلقه رميتيها

 

[Do I Care]

رد : لي متى هالتفكير الخايس !!!!!

حبوبه : لا تحطينها بذمتج حرام عليج
في مطلقات يحافظون على روحهم اكثر من البنت وربي
واعرف شكثر بيدهم يسوون كل شي بس حاطه الحلال والحرام بين
عيونها
الحمدلله والشكر يا تقولون كلمه سنعه يا تسكتون

 

[ملووكه كووول]

مشكووره حبيبتي على طرحج للموضوع
بصراحه اي في بنات يتحملون بلاوي عشان ما يصير اسمهم مطلقه وانا وحده منهم!
والله كريم

 

[Do I Care]

رد : لي متى هالتفكير الخايس !!!!!

صاجه والله يالعوبه
ودج تسوين فورمات حق هالمجتمع وتفكيره

 

[cat_women]

رد : لي متى هالتفكير الخايس !!!!!

صاااااااجه 100%

بعض الناس نظرتهم للمطلقه غيييييييييير و خاصة لو كان عندها عياااااااال :eh_s(1):

و الحين الواحد اذا يبي يتزوج و درا ان للبنت اخت متطلقه ممكن يغير رايه عادي

مع ان اشوف ان الطلاق مرات يكون رحمه للمتزوجه

 

[.،:"$الـعـوبــــة$":،.]

كلامج عين العقل و تعجبني وايد طريقة كتابتج ما ادري ليش احس جني اسمع صوتج وانا اقراا ,,, <<اشرايج بالهلوسات تالي الليل خخخ

تصدقين خفت منك !!! شصوته اللي تسمعينه الله يهداك !!:dddds:
يمكن لأني مو من النوع اللي ينسق الكلام ويكتب باللغة العربية !!
انا وربي اكتب موضوعي بنفس اسلوبي وطريقة كلامي لما أسولف،،:sfg:​

بنات اتبون اقولكم على شي يمكن تستغربون منه وتضحكون عليه
انا لما اعصب حيل من ريلي اقوله طلقني تدرون شنو رده علي ليش علشان تتزوجين غيري عاد انا عووووووووبه(سوري يالعوبه بقت نك نيم مالج)
ارد عليه اي حبيبي اتزوج ليش تبيني اعيش على دكراك هين ان ماخلصت العده وطرشتلج بطاقه دعوه لعرسي ماكون بنت ابوي
ليش شقاصرني جمال وشهاده وبنت عايله طبعا بعد هالرد لاتشوفون ويهه يكسر الخاطر لووووووووووووووووووووووول

نفس كلامي ،،:sfg:
اقوله لا يكون عبالك بحط ايدي على خدي وابكي !! وربي طااااف ! اللي صبرني على موتة امي وابوي واخوي ،
يصبرني على فرقاك وكنه العيد ،،
​

حبيبتي هالكلام ماينقال للبنات

هالكلام ينقال لاهل هالبنات المساكين

الاهل اهما المشكلة الكبرى

مافي ابو يبي بنته تتطلق آل ايه كلام الناس

والبنت اهية المظلومة الاولى والاخيرة

الله المستعان

بس ترى وين اول ووين الحين

الحين الوحدة تتطلق واهية رافعة راسها مو اول

شوفي الأهل اللي يبون لبناتهم الستر ، هذا شي طبيعي ،
بس عاد اللي يشوفون بناتهم شايفين الضيم والهم والغم ، وماهمهم ، بحجة انها لا تصير مطلقة !!
هذولا الله يسامحهم وياويلهم من الله صراحة !​

!

انا اختي تزوجت وبهذلها زوجها وجابت منه ولد وعقب سنه يالله يالله تطلقت .. بعد الحسسسره والمعاناة
مايبي يطلقها ولا يبي يردها .. يبي يعلقها جذي نحاسه .. والحمدلله بعد سنه تطلقت .. مامر عليها 5 شهور
ولله الحمد تزوجت واحد مطلق محروم من الاعيال .. الله عوض بزوج يحب ولدها ويصونها ويحترمها

وفي ناس ماتحب اتقول انها مطلقه اشكثر مروا علي ناس بالدوام لما اسالهم شنو الحاله الاجتماعيه يقولون لي متزوجه ..
واهيا لا اتكون مطلقه .. اي ليشششش ؟؟ لاهو حرام ولا شي ؟؟

وفي ناس تتحمل الضيم والظلايم من الرجال بس عشان اتعيش معاه .. ولاانها تتطلق ..ليش اعرف وحده اتقول .. انا وزوجي مانام بغرفه وحده .. اهو بدور وانا بالدور الثاني .. وجدام الناس احنا متزوجين وفاهمين بعض .. بس بالاصل اهما متفرقين من زمان
بس بالورقه متزوجين ..
مادري بصراحه استخفوا الناس ؟؟

استغفرالله ياربي !! هذا التفكير الخايس اللي اقولكم عنه !! تقولون لي الناس تطورت ! انا انصدم من هالسوالف اللي اسمعها !!​

انا مطلقه و ماكله هوااا من المجتمع الخايس حتى ابي اتزوج الي ابيه امه مو راضيه

لا حول ولا قوة الا بالله !! وهو كيفه اما يقوي شخصيته والا ربي يرزقك بغيره ان شاء الله ،،
​

موضوعك بصراحه جميل جدا بس عندي سوال اذا ممكن وسموحه اريد اعرف كم تقارب نسبة الطلاق في الكويت وبعد الرد بخبرك حاجةه

أهلين ،والله ياهمسات انا مو متأكدة من النسبة ! ولا اقدر اعطي نسبة تقريبية لأنها ممكن تكون غلط وبعيدة عن الواقع !!
​

و الله صاااااجه ... اصلاا فكككه انها تطلقت اريح لها خلااص صارت مره شايله همهاا
و ترتااح من ازعااج زوجهاا مالت علييه و حرية و جمعات و طلعات و ربي ابرك مو بس تروح لاهلهاا ترد الساعه 10 < ليش يمه شصااير
انا اقول المطلقه خل تحمد ربها < غيرها متزوجات ملعون جدفهم هههههههههههههه
< تراني مو متزوجه =$

أنشهد !!!!! يحسبون كل متزوجة مرتاحة ، واحطين لها الشمس بيد والقمر بيد !!
​

التفكير مو من البنات من اللي حول البنات
المطلقه يحطون عليها حطه

عشان كذا أقولكم ، اذا مرة ثانية سمعتوا أحد يقول وبكل ثقة هالكلام الخايس لاتسكتون ! مو تهاوشون ! لأ ، بالاقناع ،
إنها ماكفرت ولا سوت شي ربي محرمه ، وهذا نصيبها وبكرة الله يعوضها خير ،​

،

تدرين انج ماتستحين على ويهج ولاتخافين من ربج
وذمتج وسيعه وانشالله تتطلقين وتذوقين اللي ذاقوه المطلقات وينقالج نفس الكلام اللي قاعده تقولينه وينظرلج ابوج نفس النظره اللي ينظرها للمطلقات ويصير الشايب عز طلبج نفس ماتقولين
وحسبي الله عليج وعلى اللي نفس شاكلتج والدنياااااا دوااااااااااره وبذمتج كل بنت مطلقه رميتيها

تعوذي من ابليس يابنت الحلال ،،
ترى حبوبة صغيرة ، وتوها في بداية حياتها ،، وهذا كلام اللي حواليها طبيعي بتلقينها مقتنعة فيه،،
مع اني مو موافقتها بالذات بسالفة النسبة اللي حاطتها ،، بس خلونا نتناقش ونقنع بعض باللتي هي أحسن ،،​

 

[ماريا ابنة الحي]

الاخت حبوبه
اهي قالت في مطلقات يخربطون
صح معاها بهل كلام
شفنا بحياتنا مطلقات يخربطون

وشفنا بعد بنات يخربطون

وفي بنات ومطلقات ولا اروع من اخلاقهم ويهبلون وفيهم الخير

بس الاخت حبوبه الله يغفر لها بالغت بالنسبه
70 % !!!!

الله يستر علينا وعلى بنات خلق الله
بكل فئه وبكل مجتمع في الفساد وفي الصلاح

اسأل الله لنا ولهم التوبه الصالحه <جني قبلتها محاضره ههههههههههه

كل مافي الموضوع المطلقه عاشت تجربه مره ولا اهي مجبوره تعيشها كل العمر
علشان نظرة مجتمع تحرمها من ابسط حقوقها انها تفتك من هظيم

كل املها تطلع من علاقه فاشله

علشان تشوف حياتها وتكملها مع انسان يستاهل وتعيش باجي عمرها مع انسان يكون توأم روحها


انا لو تزوجت واحد موريني الويل (الله لايكتبه لا لي ولابنات الناس) وحياتي جحيم معاه

بالطقاق بكلام الناس اتطلق وجنه العيد

قال نظرة الناس قال
شنو راح ينفعوني وانا عايشه بهم وشيبت وكبرت وانا بعز شبابي
شنو الفايده امرض واتعب

علشان نظرة االناس

اسفه ع الاطاله

 

[.،:"$الـعـوبــــة$":،.]

حياكم الله بنات ،،
وفعلا ،، المشكلة إن النظرة هذي بدت من الأهل نفسهم ،، فطبيعي تلقين أجيال ورى أجيال ماخذه نفس هالفكرة !!!
أنا اللي يقهرني إن التفكير هذا ، يخلي بعض البنات المطلقات ينكسرون !!
تلقينها ياترضى بالهم وتسكت ،، أو إذا تجرأت ودافعت عن نفسها وحياتها وطلبت الطلاق ، حسسوها بالذنب !!
عشان كذا اقولكم لازم التغيير يبدى فينا ،، وباذن الله راح يتغير هالتفكير الخايس ،،
وأنا بموضوعي هذا مو معناته اني اشجع البنات على الطلاق !!
لا والله ، عسى الله يوفق الكل ، بس اللي سبحان الله ماتوفقت !! مولازم تنغث بالزواج وبعد الطلاق بعد !!!​

 

[مهمة]

واي يالعوبه جبتيها على الجرح انا مطلقه للمره الثانيه شفتي الحظ والله مااستاهل بس حكمه الله وعين وحسد حسبي الله ونعم الوكيل
بس والله لوبايدي مااتطلق بس شسوي طلقني زوجي مابيدي حيله مت ومت ومت من البجي والالم والقهر والاحساس بالنقص وعندي يهال اه يالعوبه مرت عل ايام الله الله لايعودها ولا احد يذوقها ابجي والله دم ولا احد حاس بس اتجهت لربي سبحانه واللحمدللله عدت على خير وتغيرت شويه
انا اقولج بالمجتمع الكويت الي احنا عايشين فيه يهتمون حيل جيل بالمتزوجه واخبارها وطلعاتها وهي تحسين الي عايشه عندها حموله تلبس وتطشخ عشان حمولتها وتسافر وتستانس اما عيشه المطلقه فراغ مالها هدف ولا عندها احد تكشخلها صراحه وغير احساسها بالنقص والعجز تشوف كل الي حواليها متزوجات وسولفهم الا هي ياعيني عليها
بنات ادعولي ربي يرد طليقي او يعوضني بلي احسن منه يارب الفرج الفرج تعبت

 

[تفكوره]

اي والله صاجه في كل كلمه قلتيها

بس تدرين ليش هالتفكير؟؟؟

لان معظم الشباب اللي مايخافون ربهم الصايعين الضايعين
يدورون على المطلقات او المتزوجات بس المطلقه اكثر لان ماعندها زوج
لغايه حقيره في بالهم .
عشان كذا تلقين المطلقه عليها الرقابه اكثر
حسبي الله على عيال الحرام

ومشكوره

 

[المستغفرة 74]

بصراحة اي افضل حيات الظيم والقهر ولا ينقال عني مطلقة لان في مجتمعنا الطلاق يعني الانتحار او الموت البطيء .من وجهة نظري بعد.