لي متى هالتفكير الخايس !!!!!

[غمزه وإبتسامه]

ااااااااااااااااااب

 

[أموت برزة عقاله]

رد : لي متى هالتفكير الخايس !!!!!

بنات وايد يخافون من التسميه هذه فيضحون حتى لو هشي فيه إهانه لنفسهم
وبعضهم تكون ظرووفهم تخليهم يخضعون لهشي مثل ماعندها احد سند لها أو اهلها يرفضون فكرة الطلاق

بس بتكلم عن البحرين موضوع الزواج من مطلقه او منفصله ( يعني كانت بس مملجه بدون زواج ) تغير وموب مثل قبل

اعرف بنات وايد متزوجين وتطلقوا وخذوا خوش ريااايل والرياايل كانوا اعزوبيه !

وفي وحده اعرفها ريلها طلقها مسكينه وعندها بنت صغيره واهي صغيره .. لكن الله عوضها وبهالشهر مدري عقبه زواجها على واحد

عزووبي !!

وبعدين ليش الشماته يناس والله عيب بنسبه لي في شغلات المرة تجوفها بزوجها ولها حق تطلب الطلاق واذا بتهتم بحجي الناس مراح

ترتاح

 

[الفدنه]

الله يعطيج العافيه
وانتي صاجه مجتمعنا كل ماله وتزيد العقد فيه
بدال ما يتطور وينفتح لا قاعد يرجع ورى
الله يهدي الجميع

 

[*loveli-noni*]

قبل الطلااااق نادر الحين كل بيت فيه مطلقه او اثنتين..


وانا كنت مطلقه..بس الحمدالله مااحسيت اني طاايحه من عين احد..بس نظرات الشفقه كاانت تضاايقني حيييييييييييييل..


ماادري ليش يمكن عبالهم انا مطلقه انا تعيسه؟؟؟.................بالعكس كنت مرتاحه حدي والكل كااان يداااري خااطري وناااسه

...وعلى فكره...المطلقه هي اختي وعمتي وخالتي وانا كنت منهم وبنت جيرانا والدكتوره والمدرسه والمديره والشيخه والفقيره..بلا تخلف

ورجعيه....والله يعوض كل بنات الديره ان شااءالله ويجبر خااطرهم..

 

[FiOnKa]

كلامج صح و عقلاني

و صراحه الوحده ماا في شي بالدنيا يحدها و يجبرها انها تجابل واحد منغثه منه و مو متحملته طووول عمرها

و الآية دليل ((عاشروهن بمعروف أو سرحوهن بإحسان)) .. إنتهى

 

[بنت النجف]

إنتي قلتيها تفكير خايس وسطحي ورجعي ومتخلف بعد..

 

[ذهب أبيض]

رد : لي متى هالتفكير الخايس !!!!!

حبيبتي موضوعح حلووووووووووووووووو


والمطلقة هآآآآآآآآآآآآآآآآووووووووووووو ...جنها مساوية فاحشة ..ليش تطلقين .إنتي ما فيج خير ...وحدة أعرفها تطلقت ومعاها ولد ..أهلها شيقولون ...مافيج خير ..البنت اللي فيها خير تحمل ....مع إنه مافي صفة حلو ....لو أهو راعي بنات تقول مو مشكلة أطوفها ..لوياخذ نص معاشي وهو معطيني راحتي ..عليه بالعافية ..
المطلقة الأن ولاشي ..وبعض الآهل يأذون بناتهم ....يعني إسم الله علي أنا وحدة بصراحة موحلوة ومو متزوجة بس في أجكر تزوجوا وعاشوا مرتاحين ا.........المهم لو مطلقة انا ومو موظفة جان تلاقيني في بيت اهلي خدامة ...لأني تطلقت .....

الحمدلله على عطا الله ...وبصراحة شي يخوف ألحين الطلاق صار شي عادي .........وانا خايفة من نصيبي ..
وبالعكس أنا عندي صديقة مطلقة ..أدق عليها إهي ما ترد ولا والله انا ما نسيتها ......
خلي موضوع الطلاق .....إلا شرايج باللي تتزوج مطلق وعنده طفل واحد ...لاتحبطونها يمكن هذا نصيبها ؟ شتقولولها ؟؟؟

 

[laymona]

في وحده وزعت حلو بداومها وسوت بوفيه لانها تطلقت لوووووووول هذي الي رافعه الراس :icon30:​

 

[روحي زوجي]

رد : لي متى هالتفكير الخايس !!!!!

برد على استفسارج

معقولة في حريم يرضون بالضيم والظلايم والهم والغم عشان مايصير اسمهم ( مطلقة ) !!

في حريم يرضون علشان ماتصير مطلقه وفي حريم هم يرضن مو علشان سالفة طلاق ولا حتى فراقها عن زوجها يرضن علشان عيالهم لان مهما كان العيال لازم عند اب وام في حريم سنعات يتقاضن عن كل شي زوجها بينها وبينه مشاكل تسكت عنها وتصبر تدري وراها عيال وبيت وفي حريم لا تنسى عيالها تنسى بيتها ماتتقدر تتحمل ومن هالحجي وهذا غلط لان حياتج الحين مو ملكج انتي فقط لازم الواحد يكبر عقله

اما اذا ماكان بينهمعيال فالاحسن الطلاق اذا كانت حياتهم مستحيله

والله يسخر ازواجنا لنا ويحفظ عيالنا ويصلحهم يارب

 

[ريتااجي]

رد : لي متى هالتفكير الخايس !!!!!

اي في حريم مايبون يحملون لقب مطلقة

لإن المجتمع اللي هم عايشين فيه مايرحم

اعرف ناس لما تكون متزوجة تروح وتجي المكان اللي تبيه من غير ماحد يسالها

ومن يتطلقوا كل شي ممنوع حتى تروح المستشفى لازم مع احد من اخوانها او احد من اهلها

أما أنا أشوف المطلقة بشر والبشر مايقدر يتحمل شي فوق طاقته فمن حقها تختار الشي اللي يريحها

وأنا عندي أخت مطلقة والحمد لله عايشة حياتها ومرتاحة وماحد يضايقها ولاحد يذكرها بالفترة اللي مرت فيها

واللي تقول إن 70% من البنات المطلقات خلااص ماعاد يهمهم شي غلطانة أختي

اكيد يهمهم لان هذا شرف بعد مثل مالعذرية شرف

 

[*Sparkle*]

رد : لي متى هالتفكير الخايس !!!!!

المطلقه قبل كانت عيب

الحين كل بيت في ثنتين ثلاث مطلقات

وصار شي طبيعي

اساسا الكويت من اعلى الدول في حالات الطلاق

 

[.،:"$الـعـوبــــة$":،.]

مشكووره حبيبتي على طرحج للموضوع
بصراحه اي في بنات يتحملون بلاوي عشان ما يصير اسمهم مطلقه وانا وحده منهم!
والله كريم

الله يعينك ويصبر قلبك ياربي ،، ويسخرلك زوجك غصبن عليه يارب ،،
​

واي يالعوبه جبتيها على الجرح انا مطلقه للمره الثانيه شفتي الحظ والله مااستاهل بس حكمه الله وعين وحسد حسبي الله ونعم الوكيل
بس والله لوبايدي مااتطلق بس شسوي طلقني زوجي مابيدي حيله مت ومت ومت من البجي والالم والقهر والاحساس بالنقص وعندي يهال اه يالعوبه مرت عل ايام الله الله لايعودها ولا احد يذوقها ابجي والله دم ولا احد حاس بس اتجهت لربي سبحانه واللحمدللله عدت على خير وتغيرت شويه
انا اقولج بالمجتمع الكويت الي احنا عايشين فيه يهتمون حيل جيل بالمتزوجه واخبارها وطلعاتها وهي تحسين الي عايشه عندها حموله تلبس وتطشخ عشان حمولتها وتسافر وتستانس اما عيشه المطلقه فراغ مالها هدف ولا عندها احد تكشخلها صراحه وغير احساسها بالنقص والعجز تشوف كل الي حواليها متزوجات وسولفهم الا هي ياعيني عليها
بنات ادعولي ربي يرد طليقي او يعوضني بلي احسن منه يارب الفرج الفرج تعبت

ياحياتي ، ولايهمك ، صدقيني خيرة ،، يمكن الله يبي يعوضك باللي احسن منهم يارب ،،
ولاتبكين ولا شي ،، انتي مطلقة سهالات !! العمر قدامك ! عيالك عندك بكرة الله يعوضك فيهم خير ،،
ومن يقول المتزوجة تستانس وتعيش والمطلقة لأ !
والله العظيم والله العظيم وربي فوقي وشاهد على كلامي ،،
إني أعرف وحدة أيام الزواج ، كرشة وشعرها منتف وشكلها موشي !!
ولما تطلقت ! وربي انك تعطينها أم 25 سنة بالكثير ،
الرشاقة ، والشعر شحلاته ، والبشرة شحلاتها !
تحسين عن جد وحدة متفرغة لنفسها ! مو لما كانت عند زوجها ! ولما شافها زوجها ردها ،،​

بصراحة اي افضل حيات الظيم والقهر ولا ينقال عني مطلقة لان في مجتمعنا الطلاق يعني الانتحار او الموت البطيء .من وجهة نظري بعد.

ليه ؟ انا اعرف حريم مطلقات ، والله انهم شايخين في بيت اهاليهم ، اكثر من يوم انهم عند رياجيلهم !
ساقوا السيارات ، وطلعات وروحات وردات ، وماشاء الله !!
​

قبل الطلااااق نادر الحين كل بيت فيه مطلقه او اثنتين..
وانا كنت مطلقه..بس الحمدالله مااحسيت اني طاايحه من عين احد..بس نظرات الشفقه كاانت تضاايقني حيييييييييييييل..
ماادري ليش يمكن عبالهم انا مطلقه انا تعيسه؟؟؟.................بالعكس كنت مرتاحه حدي والكل كااان يداااري خااطري وناااسه
...وعلى فكره...المطلقه هي اختي وعمتي وخالتي وانا كنت منهم وبنت جيرانا والدكتوره والمدرسه والمديره والشيخه والفقيره..بلا تخلف ورجعيه....والله يعوض كل بنات الديره ان شااءالله ويجبر خااطرهم..

آمين يارب ،،واستغفرالله ! يعني يانظرة شرهة وعتب عشان متطلقة ! أو نظرة شفقة وكسرة خاطر ! عبالهم صرتي مسكينة !!​

في وحده وزعت حلو بداومها وسوت بوفيه لانها تطلقت لوووووووول هذي الي رافعه الراس :icon30:​

مالومها !! تلقينه من الشين اللي شافته وهي ويا طليقها ! احتفلت بفراقه !!​

 

[نشيج الروح]

في حريم مو عشان يقولون عنها مطلقة .... في حريم ما يرضون لأنه عندهم أمل أن ريايلهم يتغيرون فيصبرون عليهم

 

[رحيل المرافيء]

رد : لي متى هالتفكير الخايس !!!!!

كلامج كله حجي بحجي
مو المجتمع يظلم المطلقة لاا المرة هي اللي تظلم المطلقة
لارحتي بتخطبين لاخووج بترضين بمطلقة ؟؟؟؟؟؟؟؟ الكل يدورون بنات حتى لو اخوانهم مطلقين ولا ارمل وعنده
كوكش عيااال
انا اشووف الرياييل عاد عندهم بس البلوة بالحريم امه وخواته مايرضون
وبالنسبة لسؤالج ايه فيه وايد

 

[iron women]

كلامج عدل حبيبتي ربج حللة والناس محرمته مادري ليش

يعني الوحدة لازم تصبر على الظلم والاهانة والخيانة عشان ماتصير مطلقة؟ باي شرع هاذا

والله ان بعض المطلقات حتى عقب الطلاق ماتسلم من شر طليقها

 

[*بسبوسه*]

صاجه
عندي بنت خالتي مطلقه تقول ابي اتزوج اي شخص لونه يبيني الثانيه بس لا اقعد جذي
والذنب مو ذنبها يوم تطلقت المسكينه

الله يستر عالبنات ويوفقهم احمعين

 

[.،:"$الـعـوبــــة$":،.]

رد: رد : لي متى هالتفكير الخايس !!!!!

كلامج كله حجي بحجي
مو المجتمع يظلم المطلقة لاا المرة هي اللي تظلم المطلقة
لارحتي بتخطبين لاخووج بترضين بمطلقة ؟؟؟؟؟؟؟؟ الكل يدورون بنات حتى لو اخوانهم مطلقين ولا ارمل وعنده
كوكش عيااال
انا اشووف الرياييل عاد عندهم بس البلوة بالحريم امه وخواته مايرضون
وبالنسبة لسؤالج ايه فيه وايد

لا والله مو كلام بكلام !
واذا المطلقة محترمة وحبيبة واخلاقها حلوة ،، ومااقصد بالشرف ! اقصد اخلاقها اطباعها ،
ليش لأ ! ليش ماازوحها اخواني ! ليه ؟ يمكن احسن من بنات واجد !
أنا كنت مطلقة وخذيت زوجي ! ومرتاحة معاه ،
وولد عمي ماخذ مطلقة وماشاء الله تبارك الرحمن سنعه مسنعه ! وربي إن الله رازقه فيها رزق !!
ماقلنا مطلقة ويع !
وبالعكس لاتقولين الرياجيل عادي ! بعضهم تفكيره وصخ من ناحية المطلقة !​

 

[روح عاشقها]

اكيد في اش كثر

 

[بحر الذكريات]

صاجه والله نفس اللي تدري ان اختي مطلقه نقول ليش تطلقت؟؟!!!! يعني ابصراحه سؤال نفس وجهها يعني الوحده ماتتطلق الا بسبة المشاكل واكيد في صالحهم هالشي

 

[صديقتك ياليل]

رد : لي متى هالتفكير الخايس !!!!!

فديت قلبج يالعوووبه انا مطلقه والحمدلله الكل يضرب فيني المثل باخلاقي وكل الناس يمدحوني الحمدلله محافضه على سمعتي وشرفي واسوى ميته متزوجه لان وحدح من جماعتنا كانت تقط على زقزات وطاحت بيدي محاثه لهااا تغازلبالمسن اتفحت ايميلها بجهازي ولقيت المحادثه وهي متزوجه وعندها علاقات