مأساة الكويتية... زوجج يشفط معاشج سواء بالطيب او بالغصب ؟؟؟ تعالي هني

[om_3azoz]

الحمدالله انا ليلحين مااشتغل ريلي خذاني طالبه ويدري ماعندي معاش واهو يصرف علي وعلى عياله الحين عندي 2 واهو يصرف ليلحين ليلحين ماتوظفت توني بتخرج

بس لي اشتغلت معاشي حقي بس هذا ما يمنع اذا ابي شي حق البيت ماشتريه وعادي اشتري حق عيالي شل مشكله

بس في ريايل لا مايه بعينهم

 

[زهراء 24]

الحياة الزوجيه مشاركه بين المرا والريال
الحياة صايره صعبه وكل شي غالي واكيد معاش الريال
ماراح يكفي مسكين يلحق على شنو ولا شنو
مافيها شي اذا حطيت من معاشي على مصروف البيت
وشريت حق عيالي حق منو انا اروح اشتغل مو عشان
عيالي وبيتي شلون يهون علي اخلي عيالي يعانون وابهدلهم واخلي الثلاجه تصرف
وانا اخش معاشي اصرفه على مكياجي وكشختي
​

 

[أم الفناتك]

لمى الهاجري لوعتي جبودنا
انا بنظري الريال كثر ما حب المره يدلعها ويعطيها وكل شي بالطيب حلو مافي داعي اسوي افلام علشان يدفع يبه الفلوس مو كل شي بالدنيا ومافي شي يغلا علييه وعلى عيالي اخلي ملابسهم مشققه علشا يعطيني شهالمنطق والله لو اكرف ليل نهار بس اشوف عيالي بأحلا لبس وكل وحده بذكائها تاخذ اللي تبيه

 

[جوري 2007]

طبعا مو كلهم نفس الشي ،، الحمدلله في اللي يصرف مو مخلي على بيته قاصر

والمرة حتى لو تقدر تصرف ومعاشها اقوى من معاشه بس يظل اهوة الريال اللي لازم لازم لازم بالشرع اهوة اللي يصرف

واذا ابي اساعد اساعد بمزاجي

والمرة اهيا اللي تقدر تخليه يصرف او تخليه اتكالي

 

[ام فواازي]

اوبرا انتي كلش ماعشتي وعرفتي الرجال حبيبتي الرجال مو سوا اذا زوجج مو مقصر لا تحسبين كل الرجال نفسه لا في بعضهم طماعين والود ودهم ياكلونج اكال بالدين مانتي ملزومه عالصرف البيت والعيال هز ملزوم فيهم ومن بداية الزواج المره الذكيه هي اللي تحط اساسيات حياتها معاه تخليه ملتزم بكل شي من الى تالي والله من كيفي اذا بشتري لودي بدله او امر الجمعيه اخذ كم شغله للبيت بس ها مو التزام عشان ماتصير فوق راسي المسؤوليه الحكومه تعطيه بدل اجار وزوجيه وعيال على شنو يحطهم بطنه وانا اصرف خوش والله

 

[ام الدرر]

حبوبة
حسب زوجج
في ريال يستاهل تعطينه عيونج
وفي ريال فلس حمر حسافة فيه ​

 

[مناير ...!]

واي تخوفون @@

 

[Sisyphus]

بنات شفيكم كليتوني
ترى انا صاحبة الموضوع
وانا طالبة ها هههههه
ما عندي معاش
بس قاعده اتخيل وضه هالفئة اللي احس انها مظلومة
والمصيبة فئة كبيرة
في بعضكم يطبقون حياتهم عليهم و لا فاهمين الوضع
و يعاتبون بدل لا يعطون حلول

 

[سفييره الكويت]

خلونا نكون واقعيين..!

وسط الغلاء اللي نعيشه نقول الريال معاشه 1000 وطبعا اقساط سياره ومساعد احد من اهله واجار الشقه والماجله والخدامه

ومصروف العيال +اغراض المدرسه+يخش لبيت المستقبل

والزوجه تبي مصروف بانزين +ملابس كل شهر +كل اسبوع مطيحه بالجمعيه +مكياج +سفر بالصيف

شيبقى من راتبه؟؟؟


المفروض الزوجه نص راتبها لها ونص الراتب لزوجها وعيالها التعاون بالامور الماديه تعطي لذه الشراكه يفتقدها اصحاب القلوب

الانانيه..!

 

[am faisal]

بصراحة حنا اللى خربناهم تعودنا نشترى حاجاتنا بنفسنا من كنا عند اهالينا ولا رحنا الجمعية خمينا اغراض البيت معنا ولقى اغراض البيت تجى بروحها وما تعب فيها وما حس بثمنها لا ويقول معاشك وين يروح بس ترى الشىءمن البداية اللى تحصل احد يقبص اذيناتها من البداية وينبها ولا بتصير المرة الخارقة اللى تؤدى كل واجبات الزوج من مصاريف البيت لا وخلة ما يلقى كلينكس ولا جبن وتوست اوة تصير ازمة وتصبحين المهملة المقصرة الداجة الرفلة ويدخن زجارة الرجل المقهور المهمل ويعيش الدور وانتى شوشتك طايرة بين الخدم والجهال والتدريس والجمعيات والمستشفيات وبوكك يتنهج ويقول اعتقينى وهو عايش الدور والمشكلة قد تصل بة لتقمص الدور للبحث عن المرة اللى تفهمة وتريحة اووووووووووة ياليل ما اطولك

 

[كليـ دلعـ]

خلونا نكون واقعيين..!

وسط الغلاء اللي نعيشه نقول الريال معاشه 1000 وطبعا اقساط سياره ومساعد احد من اهله واجار الشقه والماجله والخدامه

ومصروف العيال +اغراض المدرسه+يخش لبيت المستقبل

والزوجه تبي مصروف بانزين +ملابس كل شهر +كل اسبوع مطيحه بالجمعيه +مكياج +سفر بالصيف

شيبقى من راتبه؟؟؟


المفروض الزوجه نص راتبها لها ونص الراتب لزوجها وعيالها التعاون بالامور الماديه تعطي لذه الشراكه يفتقدها اصحاب القلوب

الانانيه..!

واظح الكلام من موجه له

دايم تدسين السم بالعسل

ثمن انتي شلون تدشين الزوجيه وتفتين. وتوجهين المتزوجات

وانتي ماصرتي زوجه ليلحين!!

خبري فيج تستهزئين بالعادات والتقاليد

والمشاركه من العادات والتقاليد

فشلون دافعتي عنها!؟

المفروض تردين ع الموضوع بدون تعرض لردرود احد

الناس احررارر

والشراكه وماقلتي ماشوفها عمرت بيووت

كلن يشكي ويلطم بسبه هالشراكه!!

من خلقنا الله نعرف المره مكلوف فيها ريلهاا

بس الظاهر الساعه قربت

اللي صارت المرره تدفع للريال بس عشان يخليها بذمته!!

واللي يفتي الناس ع الاقل يكون ناجح بحياته

موو اموره موعارف يدبرهاا

وطايح له افتاااء ومطنزه!!

دنيا عجيبع

البنت تفتي المتزوجات وتوجهم!؟

ع اي اساس!؟!

واي انانين بكرامتناا ولا مغفلين وسذذذذج

 

[Le chat]

اي ريال هذا الي معاشه ١٠٠٠! انا الي شهادتي دبلوم بوطقه معاشي بيوصل ٨٠٠ هالدور ريال معاشه ١٠٠٠ الا اذا شهادته متوسطه حزتها بساعده وماراح اقصر

 

[! بــدويه وآآيــد !]

،



كلي دلع

يسلم تمج على قولة السوريين

عدل كلامج

وانا معاج ١٠٠٠٠٠٪

والبنات يقولون مساعده ومشاركه لو يفكرون فيها = مناصفه لرجولة الرجال وامحق رجال يرضى مره تناصفه رجولته

اعرف وحده ٢٥ سنه تصرف وتقول اساعد زوجي ابو عيالي وبعد ٢٥ سنه تزوج عليها وصار يغرق مرته بالفلوس وسجل نص المحل الي عنده باسمها ليش ؟ سحرته! قصت عليه ! اكيد لا لكن غريزة الرجل بالقوامه الكامله لازم تشتغل بيوم من الايام واذا ما اشتغلت على الزوجه تشتغل على الرفيجه او الزوجه الثانيه !!

 

[سحـورة]

كل حيااتكم فلووس وفلوس !!!!
عيشوو بضمير بسكم ... كل وحده تطرح موضوووع عن الفلوووس ..
ياخي راحتج وسعادتج و انسجامج مع ريلج ما تساوي درهم واااحد !
ريحووو عقوولكم من الماركات والفشخره هذي

 

[sunshine22]

السالفه مو ماديه


ترا الرجال ينقسمون


بعضهم يستاهل المساعده

وبعضهم حرااااام فيه الفلس



مومسأله ماديه بس تعود

والشهم ما يخلي الحمل كله ع الزوجه

الكويتي اتكالي بصراحه

الثلاجه
نواقص البيت
المدارس
لبسها
مواجيبها
عروسها
الخدامه واذا ثنتين اكيد راتب وحده عليها
مع انه اللي عندي رواتب الخدم منهم


فالرجل الكويتي 70% مو شايل حمل بيته

واللي زوجها زين ويساهم خل تحمد ربها لا تصيبها عين مني والا مناك

 

[سحـورة]

مستحيل يعني تشوفين الثلاجه فاضيه ولا فيها ولا قطعه أكل !!!!!
و البيت أغراضه مخلصه !! حتى شامبو مااعندج تسبحين فيه !
و فلوسج مكوده وفلوووسه مكووده !
يعني الشغله كلها : مكااابر صح ؟
وكل واحد ينطر الثاني يتحرك!!!!!!!

 

[Dancing^Queen]

شفيكم تهاوشتووو
!!!!!!!!!!!
بسم الله الرحمن الرحيم
وتردون علي ردود بعض
وكل وحده عبالها الكلام موجهه لها !!!!

فليقل خيرا او ليصمت
كل وحده ادرا فبيتها وادرا بريلها وتتخذ قراراتها باللي يناسبها والعاقله تاخذ اللي يناسبها ماتطبق كوبي بيست!!!

في اللي الشغله فعلااااااااااااااا مكابر بينها وبين ريلها وفي فعلااااااااااا رياييل مايبون يشيلون مسؤوليه حتا جيس الخبز مايبون يشترونه ! مو الجنطه الماركه والسفره
وفي ريال يبي يعلم مرته تصرف عليه وعلي البيت
ترا فعلا في هالفئات من المجتمع موجوده بينا
هذي اللي نوجهه لها كلامنا
مو اللي تبي جنطه ماركه وساعه ماركه ومو راضي يشتري لها

والمرأه معاشها لهاااااااااااا مو نصه لزوجها سقا الله الزمن اللي الريال يعتبرها مسبه لي طلعت المره دينار واهو وااااااااااقف وسالو يداتكم شيسوي يدي لو دفعتي دينار؟
يعتبرها مسبهه له وان مقصر فبيته
الحين هالزمن من اللي اشوفه بالقسم والمشاكل اللي اقراها (ماتكلم عني شخصيا الحمدالله اعرف اوزن اموري) فعلا في ريال يعاند مرته عشان تدفع وفي من يستغل صغر سنها وان توها متوظفه ويسحب كرتها وفي من يعطيها مصرف من معاشها ويسحب معاشها علي ابو بيمعلج والفلوس بحسابه
والمشكله يقصرون بالبيت وان قالت شي قالها حطي من مصرفج
شايفينها رجوله او قوامه؟

مو مساله عيالي لابسين ديور ولامساله عيالي لابسين من المعلم والجوهره
مسئله تعويد علي المسؤوليه واحساسه بالقوامه وتتحمله للواجب

وكلامنا مو موجهه للفئه المستقره لله الحمد واللي عارفين رياييلهم الكلام موجهه لحديثات الزواج اللي توها باديه تبني حياتها مع ريلها
لازم تعوده علي ان يشيل مسؤوليه البيت ولازم تعوده يشيل مسؤوليتها وماتهاون بالاساسيات

 

[كليـ دلعـ]

^^^^^^^


صحححح لسااااانج ياكوين

يسلمممم فمممك

اي هذا الكلام اللي ببررد الجبد

اي

الحق حق

مليناا من عاادي ساعديه

عطيه ميخالف تنازلي بلعي
بس عااد

خلاص الصح قلنااه اللي يعجبه يطبقه

واللي مايعجبه لاا ايي بعدين يشكي!!!!

 

[opera]

بس هونت ماني قايله شي

كل وحده تعرف ريلها ومستواه و تعرف من اي حموله طالع :\

وكل وحده تسوي اللي يريحها

 

[Sisyphus]

انزين بنات سؤال
بس كلي دلع لا تخرعيني ههههه احسج تصارخين والله خفت منج تمنيت ما كتبت الموضوع هههه
انا بتوظف هالسنة و بحكم تخصصي معاشي اقوى من معاش زوجي
اقوله من باب المساعدة يقطع المصروف
و باقي المسؤوليات عليه؟
لان احس حرام اهو كريم و طيب جذي بشفط دمه
خصوصا انه مقصر على نفسه عشان يجمع لبيت المستقبل و ما يشتري لنفسه شي كلش الا ما ندر
مو مثل قبل الزواج كله يكشخ