مأساة الكويتية... زوجج يشفط معاشج سواء بالطيب او بالغصب ؟؟؟ تعالي هني

[بكيزة هانم]

هههههههههههههههههههههههههه ضحكتوني وأنا مالي نفس

أنا مع ان الصرف كله على على الزوج ..أجل شلون أشوف قدري بعينه الا من خلال مدت ايده

شلون أثمن هدية ب 100 دينار اذا قاطة عليه وعلى بيته 500 دينار ...قولولي شلون

 

[ليمونه8888]

بس احب اقول معلومة للي يصرفون علي بيوتهم


باجر لي صار نقاش بيقولج ليش انتي شمسوية

يعني لا تظنين راح يبين بعينه ولا بيقول جزاها الله خير تصرف

راح ينكر كل شي


ديروا بالكم يا حريم لا ينقص عليكم

كلامج اميه باالاميه صح لا ويشتكي ما عنده. واخر شي والله كل شهر ولا شهرين مسافر مع رفيجته صرف عليها غير الخط الثاني الله كريم بس

 

[بطوووطة$بيضة]

كلي دلع

عاد انا بنت مو متزوجة ....وانصح المتزوجات


كل رفيجاتي متزوجات من كث مايتحجون عن مشاكلهم حقي ....صرت فوزية دريع حقهم

حتى عقدوني من الزواج ...جني ناقصة عقد ابحياتي


بس الواحد يقول قصص الناس وتجاربهم علشان الواحد يتعظ


والصراحة هالدنيا مالها امان....والله سبحانه يبلي العبد اباكر شي يحبه ومتعلق فيه علشان يختبره


والله الرياييل مالهم امان اليوم عندج بعد ساعة يمكن عند غيرج

 

[Sisyphus]

انزين بنات سؤال
بس كلي دلع لا تخرعيني ههههه احسج تصارخين والله خفت منج تمنيت ما كتبت الموضوع هههه
انا بتوظف هالسنة و بحكم تخصصي معاشي اقوى من معاش زوجي
اقوله من باب المساعدة يقطع المصروف
و باقي المسؤوليات عليه؟
لان احس حرام اهو كريم و طيب جذي بشفط دمه
خصوصا انه مقصر على نفسه عشان يجمع لبيت المستقبل و ما يشتري لنفسه شي كلش الا ما ندر
مو مثل قبل الزواج كله يكشخ

احم احم

 

[ماني من الناس]

الله يعينكم يالموظفات

احنا تربينا ع مفاهيم معينه في الرجوله صعب ان تطلع اجيال جديده تغيرها مهما اختلفت الظروف

يظل الرجل رجل بسلوكه وتظل مرسومه له صوره احنا الحريم نحب نشوفها فيه والاكيد انه اهو يحب يشوف نفسه فيها

يعني بهالزمن اللي عنده خمسميه نفس اللي عنده الف

لان ال 500 والالف راح يطيرون يطيرون ماعادت تفرق

فالواحد منا يعيش على قده ويظل الرجل محتفظ بهيبته والزوجه محتفظه بدورها ولا كل هالدراما كلها

كل من يؤدي حقوقه الشرعيه وكفى لان فيه فرق بين انك تعيش دورك وبين انك تعيش دورك ودور غيرك

والقوامه تقوي شخصيه الرجل ماتضرها يعني لو تجيلي وحده تقول ان المساعده زينه اقول لها اوك بس مجرد انج بديتي تدشين بهالمتاهات الرجل راح يحس انه ماعاد مسيطر عالوضع

وفررررق الريال اللي يتكفل بزوجته وعياله من الالف للياء وبين اللي ينطر مساعده من احد

والحين محد يموت من الجوع سواء كان معاشه الف او اقل السوق فيه اسعار تناسب الجميع

اللي يبي يصرف الف بدقيقه يقدر

وفيه اللي يقد يسد جوعه بدينار

مسأله تمد ريلك ع قد لحافك لا اكثر

 

[miss swan]

ماكووووووو ريااااااااال ماااااااعنده فلووووووووس

في رياييل كاشتين ابحريمهم ومايقطووون ولا فلس

بس عند حبيباتهم غيرررررر الوضع

الحين في موضة يديدة طالعه الحبيب يفتح سيارة حق رفيجته .....ويسافر معاها.....وبعد عمليات تجميل يدفع لها.....غير مصروف جيبها .....غير ساعات وجناط وهدووووم

وهذا بعد اذا مو فاتحلها شقه ويدفع اجارها


وهالسوالف هابين فيها البنات الحين

:ggdw: بالضبط هذا اللي بقوله
الريال يقول ماعندي يا عشان ايمع للزواج او السفر والخرابيط او يكلم وحده ومستعد ياخذلها قرض
لو على حساب بيته وعياله
ماكو رياييل بهالزمن
كل واحد مجابل ربعه بالدوانيه وبس الهم ومجابل اليهال وتدبير الفلوس على المره

 

[آلزين~]

والله يابنات شوفو

اهي مو سالفة ماديه او شي

لا لازم الريال يتحمل المسؤوليه

والمفروض حتى لو انتي موظفه وعندج معاش تخلينه يتحمل المصاريف

عشان لايتكل عليج بكل شي ومايحاتي شي لان يعرف انج بتدبرينها يعني بتدبرينها

اعرف وحده والله معاي بالدوام موظفه حلو متزوجه وعندها عيال

عفيه عليها الف مره .. تغيب عشر ايام وتداوم يوم حلو ومعاشها كل خصم من الغياب ومرات ماينزل لها شي

وفوق هذا لا داومت الشنط الغاليه كل يوم غير والتليفونات الي كل يوم غير والسفرات والروحات والمصاريف

مو عشان زوجها غني لا

زوجها عالمعاش بس هااااا .. ملسونه وامشيه زوجها سيده لانها عوبه

هو الي يصرف من - الى ولو ماعنده مومشكلتها يعني حياتها ماشالله ماشيه


وهذا الصح والله بنات اوكي الزواج مشاركه آمنا بالله والي تحب زوجها وتقول حرام مو دايم يقدر يشيل المسؤوليه

بقولها والله والله والله الريال لابغى فلوس طلع من تحت القاع

ولا البنت الطيبه المسكينه الي كله تقول حاضر وانشالله

وتساعده تلاقينه متكل عليها ولا ساعات لاحمدا ولاشكورا

ويطلع فيها عيوب لاصارت اتفه المشاكل والله حرام

والبنت الي تعود زوجها انها تصرف وتشتري بقول عليج العوض

وهذي عشرة عمر مومعقوله بتعودينه كل عمركم انج تصرفين وتساعدين باللا معقول

وكل وحده وشطارتها

وانا هذا رايي

 

[كليـ دلعـ]

،



كلي دلع

يسلم تمج على قولة السوريين

عدل كلامج

وانا معاج 100000٪

والبنات يقولون مساعده ومشاركه لو يفكرون فيها = مناصفه لرجولة الرجال وامحق رجال يرضى مره تناصفه رجولته

اعرف وحده 25 سنه تصرف وتقول اساعد زوجي ابو عيالي وبعد 25 سنه تزوج عليها وصار يغرق مرته بالفلوس وسجل نص المحل الي عنده باسمها ليش ؟ سحرته! قصت عليه ! اكيد لا لكن غريزة الرجل بالقوامه الكامله لازم تشتغل بيوم من الايام واذا ما اشتغلت على الزوجه تشتغل على الرفيجه او الزوجه الثانيه !!

لو كل البنات نفسج ونفس عقلج

جان مافي خيانه. ولافي حال ماايل



الريال من المره

اذا كانت سهله

والاخبله

ولامقصه

والا هبله

والاذكيه

والافطينه

والا شااطرره

والاحريصه


يعني من شخصيتهاا

يايشيخ عليهاا

ويلبسهاا ولا لها جيمه

وقدرر

والاااا


حطهاا

ع راسه

وعمل لها

الفييييييين حساااااب

والمره اللي تعطي ريلهاا كرت معاشهاا


شتنطرر منه يعني!؟

هئ

احترام والا مهابه

والا حرص!!


ماقول الا الله لايبلانا

وكلن عقله براسه

بس اللي تسلمه الخييييييط

والمخيط

لا اتيييي


تسندرناا

بشي انبحت اصواتنا واحنا ننبه منه!


حبيبتي بدويه رايج يشرفني

وانتي اللي فاهمتني

 

[Sisyphus]

انزين واللي تستحي تقوله ادفع ؟
وربي احس الارض بتنشق و تبلعني
ما اقصد الامور الاساسية
اتكلم عن الامور الجانبية و المصاريف الاضافية
اهو كريم و زين بس ما يرهي لانه عايش على المعاش

 

[سفييره الكويت]

انا مع كلي دلع
و بيني و بينكم انا طالبة و ما اشتغل
مصرفي كله على ريلي
و لا ناوية اشتغل لانه مو مطلوب مني هالشي
انا خالي كان يداوم بثلاث وظايف عشان يعيش مرته و عياله بالمستوى اللي اهو يبيه
فانا ماني مضطرة اتوظف عشان اترفه
لاني مو ملزومة بهالشي
مثل ما اهو مو ملزوم يغسل هدوم و يرتب البيت و يغسل المواعين
عدلا و لا لا

اهو عليه السكن وانه يحط اللقمه بحلجج وييب لج الاكل وحضرتج تطبخينه هذا اذا كنتي تطبخينه انتي

ولا تغسلين ملابسي انتي ماعلينا

الانانيه عاده سيئه عليج التخلص منها واصلا استحي لو اصير انانيه على منو على للي اشاركه حياتي!!

وخل تنفعج للي تقول للناس تطلقوا وتهاوشوا مع رياييلكم وخلكم بخله وجعوص ولا تعطونهم شي

وعقدوا النونه الحياه الزوجيه اكبر من ان تكون كذلك ..!

:eh_s(8):

 

[سفييره الكويت]

انزين واللي تستحي تقوله ادفع ؟
وربي احس الارض بتنشق و تبلعني
ما اقصد الامور الاساسية
اتكلم عن الامور الجانبية و المصاريف الاضافية
اهو كريم و زين بس ما يرهي لانه عايش على المعاش

ماعليج من للي تقولج استغلي زوجج ..!

سمعيني ياقلبي..

الزواج عند البعض هني مشاركه بالمشاعر والاحاسيس و بالفراش وغيره


ولكن حين يكون الموضوع عن الفلوس عندهم يخرج الوجهه الاخر لديهم..!

لااا دربااالج وينصب عليج وحرامي ومو زين انا ماقول مافي رجال استغلاليين ولكن هذا مايعني كل

الرجال استغلالييين !! فيه الكثير من يتزوج يبي يكمل نصف دينه ويبي يسعد زوجته بس ماتقدرين تتكلين على

معاشه اتكال كلي وسط الظروف اللي نعيشها تلقين معاشه نصف الشهر اذا كان مبذر واذا نقول

قادر يوازن نهايه الشهر مخلص معاشه وبالتالي اهو محتاج مساعتدج وانا قلت مساعده وليس

راس مال للي تسلمه كرت البنك وغيره انا ضدهم بهالشغله هذا غلط ونفس الشي الزوج لا يسلم

مرته كرت البنك لانه هذا غلط ايضا وينتج مشاكل ولكن المشاركه بينهم ضروريه واساسا

الزواج بني على المشاركه..


قال الله تعالي { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً } سورة الروم 21

قال صلى الله عليه وسلم" دينار أنفقته في سبيل الله ، ودينار أنفقته في رقبة ، ودينار تصدقت به على مسكين ، ودينار أنفقته على أهلك ، أعظمهم أجر الذي أنفقته على أهلك " رواه مسلم

والكل يدري وماضن تخفى عنكم هالمسأله ان ذكر الرجل بالحديث لا تعني الرجال فقط ولكن تشمل المرأه والرجل ..!



:eh_s(8):

 

[شادن33]

^^^^^^
الصراحه هالمره عجبني ردج
انا ما احب اللي اتقول لاتعطينه فلس حمر ولاتييبن له شي وما يستااااهل
انزين ليش حرام مو بو عيالج وساترج
السيده خديجه مو ساعدت الرسول صلى الله عليه وسلم بمالها وتجارتها لان عرفته ان يستاهل و
الزوجه اهي الوحيده اللي تعرف هل ريلها يستاهل ولا لاء

 

[بطوووطة$بيضة]

شادن حبيبتي

لما الله سبحانه يرزقني ريال مثل رسولنا صلى عليه وسلم .....راح اسوي نفس السيدة خديجة

بس رياييلنا مو رسل ولا انبياء

 

[شادن33]

بطوووطه حياتي انا قلت اللي يستاااااهل عرفتي

يعني المدمغه اللي تعطيه الخيط والمخيط
بس فرضا ريلي حبيبي وابو اعيالي احتاج وييييين يروح
يعني انا عندي فلوس ومااعطيه واساعده واااااي ليش جذيه تفكيركم
وترا انا مااقصد الصرف لا المساااعده
وبعدين اعطي بكيفي موغصب فهمتي بطوووطه
والله يرزقج ولد الحلال ونتفي ريشه خخخ

 

[^^ريهام^^]

خير الأمور الوسط.....

الريال عليه الاجار وماجلة البيت ومصرف اليهال ... والزوجة اذا كانت موظفة عليها الخدامة ومصرفها

اذا بسافرون النص بالنص .... نفس الشي بالمستشفى والولادة والاستقبال

من وجهة نظري المرأة اذا كانت موظفة مو لازم زوجها يعطيها مصروف ... لكن هو مجبور بالبيت والعيال

اللي تصرف على البيت او مخلية كرتها عند زوجها غلطانة .... واللي كلش ما تعطي حتى حق روحها بعد غلطانة

حلوة المشاركة بس بحدود...

 

[Le chat]

انزين بنات سؤال
بس كلي دلع لا تخرعيني ههههه احسج تصارخين والله خفت منج تمنيت ما كتبت الموضوع هههه
انا بتوظف هالسنة و بحكم تخصصي معاشي اقوى من معاش زوجي
اقوله من باب المساعدة يقطع المصروف
و باقي المسؤوليات عليه؟
لان احس حرام اهو كريم و طيب جذي بشفط دمه
خصوصا انه مقصر على نفسه عشان يجمع لبيت المستقبل و ما يشتري لنفسه شي كلش الا ما ندر
مو مثل قبل الزواج كله يكشخ

ليش تقوليله! اذا موقادر راح يقولج بقطع مصروفج لاتخافين ترا مايستحون من هالسالفه ومسالت انج تستحين تطلبين منه طبيعي ودام يمشيلج مصرف لا تطلبين شي مو ضروري

 

[Le chat]

واذا حاسه بتانيب الضمير انه مقصر على عمره انتي اشتريله هدايا الهدف من المصرف الي يمشيلج اياه انه يحس صج اهو مسؤول عنج وله ان شاء الله منتي محتاجه اذا توظفتي باذن الله

 

[Sisyphus]

الله يجزيكم الجنة على هالردود
و ان كنت اختلف مع بعضكم
انا قلبا و قالبا مع كوين و لي شات و شادن و سفيرة الكويت
احسهم ماسكين العصا من النص

 

[بطوووطة$بيضة]

لاااااا شادن انا موقصدي على الريال المحتاج

انا قصدي على اللي عندة ومايبي يصرف

اكيد اذا ريلج صج محتاج وفعلا ماعنده اوكي اساعده بالمعقول

 

[طيف *]

شوفي حبيبتي ولكل لموظفات
انت من تتوظفي عارفه شنو اللي حق عليك تسوووينه؟؟
هو انك فقط تحطي التعويض عن لوقت اللي كنتي فيه خارج بيتك
فقط

ومصاريفك مصاريف االعيال مرة ماتساعديه هو تزوج وهو المسؤول
وانت تعرفي وين لوقت المناسب ووقت الحاجة اكيدد بتساعدي
واتمنى الكل الحريم يفكروا بعقل ومايضحكو عليهم بكم كلمة