مادري انا عندي كرامه ولالا لاني .........

[Hello_kitty]

عورتي قلبي..اشدعوا الله يهداه حتى ماقدر نفسيتج ووضعج وانتي حامل..

اذا انتي مايحبج ..ضناه اللي ببطنه مايحبه؟موفرحان فيه؟؟

حبيبتي لاتذلين نفسج اكثر..اكيد في شي انتي مو عارفته..واكيد السبب مو منج

لاتلومين نفسج وتحملينها غلط زوجج..الغلط والعيب منه مو من الرجوله الواحد يطرد مرته من البيت!!

مو من الرجوله يتزوج ويطلق بكيفه!!في سبب واتوقع ان ريلج مل من المسؤليه وموكفو مسؤليه

واشتاق حق حية العزوبيه..بدليل ان يقولج مايبي يتزوجج وان بس شاقج حملتي وحس السالفه صارت بيت

وزوجه واعيال قال بيطلق وروحي بيت اهلج يبي يفتك يبي يعيش بمزاجه..

اهم شي بهالفتره اهتمي باللي بطنج ترى ضناج يسوى ظفر الف ريال من هالأشكال..وريحي اعصابج وعيشي حياتج

وصدي عنه واستعيني بالله ولجأليه بالدعاء والإستغفار والصدقات ان ربي يفرج همج ويدبر امرج على خير

ولاتحاتين ولا تدقين كافي اشتري كرامتج واللي الله كاتبه بيصير والوحده كل ماعزت نفسها الريال يحترمها ويعزها

 

[bride2011]

الله يكتب لج الخيره
ارسلت لج رساله على الخاص

 

[!الجادل الصعب!]

جربتي تردين له مانفع
جربي التطنيش حقريه خليه يدورج مايلاقيج
مو يوم يومين قووي قلبج وفكري عدل وقتها
الله يكتب لج الاصلح

 

[شادن33]

لا حبيبتي انت عندج كرامه وحابه اتعيشين باستقرار انت والياهل اللي ياي
بس ريلج يمكن مو قد المسؤؤليه استغفر الله

انتي ولدي اول وفكري بصحتج والله يهديه مع الوقت
لاتستعيلين في شي

 

[مريم القلاف]

شنو السبب لازم اكون في غير انه مايحبج شنو الزواج لعبه​

 

[Mjnont '3lay]

يمكن يكون فيه شي والله العالم يعني عين سحر الله يعلم انا مادري بس انتي تقربي من ربج من ناحية الدعاء ومن ناحية الاستغفار والقران والله يكتب لج اللي فيه الخير

 

[(*ام عهــــد *)]

الله يسر امورج​

 

[حظ من عنده انا]

مالج الا ربج

وادعي وصلي اخر الليل وتصدقي والله يفك كربتكم

وعلي طول قولي حسبي الله ونعم الوكيل علي من حسدني ووصل حياتي لهالحاله

 

[ام الدرر]

طيب حبوبة
انتو على خلاف وفي بيت اهلج
(بس يحب يتكلم معاي في اللي شيسمونه يصير غريب وده فيني من هالناحيه بس مايبي يردني)
ليش تتواصلين وياه وتسمعين منه وتتجاوبين وياه
زوجج مايبي يتحمل مسؤوليه بيونس نفسه وانتي في بيت اهلج
جربي لاتردين على مكالماته او تتواصلين معاه
عشان تعرفين اذا هو يحبج وسالفة الطلاق ردة فعل لمشكلة
او انه مصمم ومايبي يرد بقراره
عسى الله يهديه ويسخره لج ويكتب لكم اللي فيه الخير
​

 

[((غلاي))]

الله يهديه يارب

ليش شنو السبب؟؟؟؟؟؟؟

من حقج تعرفين ليش مو موضوع كرامه هذا
وشي طبيعي الوحده ماتبي تتطلق
الله يهديه يارب و عليج بكثرة قيام الليل و الدعاء لرب العالمين

 

[مودي كويتي]

اهاااااااااااا خمس شهور وتغير فجاءه اكيد شايفله وحده وحبهاااااا او انه مايبي حياة الزواج والمسؤليه بدليل قالك مابي اتزوج مابي الله العالم حبيبتي انتي الحين خليه يوووووولي لانه مايستاهلك ولاتردين عليه ابدا خلي كل تفكيرك باالمولود وبصحتك وبس لانه هذا اهم واللي الله كاتبه بيصير موفقه

 

[am faisal]

ببداية الزواج الشاب يحس انة مقيد ويبى ربعة ويبى انة فرى بدون التزامات
فترة ويتعود ولما يجى المولود انشاء اللة بتغير حساباتة وبيحس بالمسئولية
اذا تحبينة وما فية عيوب تفاهمو علشان المولود يعيش وسط امة وابوة

 

[yam_yam]

hello kitty انتي على راسي
صح كلامج

 

[رانيا6]

الله يهديه لج يارب

 

[رنا 2012]

الله يهداك مو مفروض تقولي له موعلى كيفك تطلقني تغلي سويلك قيمه
وبعدين صارحيه ليش تبي تطلقني قوليله بنات الناس مولعبه
قولي له شنو تحب وشنو تكرهه
واسويلك

 

[Tom ♥ Jerry]

.


و الله لو انا منج يوم يقول هالحجي ادوس على قلبي
و اقوله اوكي تبي الصج انا مو مرتاحه معاك بعد و اشوة يت منك
تطلقي ويع شتبين بواحد يقول هالكلام !!!!

 

[غلآ نوآف]

لا اختي الي سويتيه صح
مو ع كيفه يطلق
ومافي منج تقصير او سبب يخليه يطلق
تو الناس ماصار لكم حتى سنة
لحق بس يفكر بالطلاق؟
يامسرع!

بينكم الحين ياهل
لازم تعرفي السبب
كل يوم حصني نفسج وبيتج
وارقي عمرج بالرقية الشرعية تلقينها بالنت وايد
وخليه يشرب ماي مقري عليه
بدون لايحس
ولمايطلع من البيت
شغلي سورة البقرة بصوت عالي بالغرفة او ببيتك

تصدقي بمبلغ وادعي ربج
يسهل امرج ويسعدكم ويسخره لج
ويحفظ لج طفلج وييسر حياتج عليج
وعسى خير ان شاء الله

اعطيه فرصة
ابعدي عنه
يمكن يحن
واذا حب امم يسشمونه
تغلي عليه
لاتعطينه بسهولة
ارفضي خليه يحس
قولي له تعود انك تكون بلا مراة بحياتك
لان نحن راح نتطلق
بيني وكان انتي الي ناوية ع الطلاق
لاترمين نفسج عليه
راح يزيد ويعاند
وترسخ الفكرة براسه اكثر
بيني انها مو فارقة معاج

وصدقيني دلعي نفسج اخر دلع
اهتمي بنفسج
وبلبسج وكشختج
مو لحد لذاتج بس
وتكبري عليه تغلي لاتركضين وراه
خليه هو الي يركض وراج
احقريه بيني انج مقتنعة بالي يريده
وانج قاعدة تنفذين رغبته
واذا زعل وقال ليش تعامليني جذي
قولي له مو هذي رغبتك
مو انت ماتبيني وتبي تطلقني
ليش تلاحقني ؟ ليش تبيني الحين ؟
خلاص اعتبر نفسك بدوني من هالوقت
شوف حياتك كيف تمشي
عاجبتك الله يوفقك انا بطريق وانت بطريق
ماعجبك احترمني وقدرني
وحط لي مكانة وقيمة
انا زوجتك ايه
بس مو عبدة بين يدينك تذلها تقولها تعالي وقت ما حبيت وروحي مابيج ولاحبج وقت مامليت
واذا عرفت قدري
وقتها برجع لك وقلبي مفتوح لك وبرضيك
غير هالشي ماقدر افيدك اسفة

الشخص الاناني ما اميل له
وانت كيفك

والله راح يموت قهر
وراح يحس بغلطته
وراح يحس باكتفاءج وكرامتج
وقوتج وانه وجوده مثل عدمه
وراح يعرف انه بالنهاية هو الوحيد الخسران

واذا استقبلج ويباج تردين
ردي وحدة تلحسسسسسس مخه خخخخخ
دووووخيه كوني مثل عشيقته

 

[Reelax]

لاا حبيبتي لاتذليين نفسج اكثر
قولي له سو اللي تبيه خصوصا اذا مو مقصرره ويااه

وانتي اهتمي بصحتج ..

 

[Miss.sho sho]

يمكن مافيه سبب ويمكن فيه
بس دام تحبينه حاولي لاتكلمينه وتضغطين عليه
خليه كم يوم من غير ماتكلمينه ولاتسمعينه صوتك
ابعدي عنه شوي يمكن يشتاق لك
ويفقدك . . ويمكن يفكر بقراره ويتراجع
ابعدي كم يوووووووووووووم وغيبي عنه تمآما يمكن نفسيته تعبآنه
وصلي صلاة الليل وادعي وابكي لربك واستعيني فيه
واستغفري وصدقيني لو فيه خير بيرجع

 

[المرايه]

انتى اذا شاطره لعبى نفس لعبته وقوليله اللى مايبينى ماابيه ولو متشققه بحبه
اكو رياييل مايوعي الا من يشوف الصجيه لازم بعد انتى تعطينه على راسه عشان يصحي
ولا يقولج عايفج وتقوليله ابيك الحين على باله روحه رشدي اباظه والمرغوب اللى يطرد
البنات ويردون عليه بدون كرامه سوى جذى وشوفيه ان كان جاد ويبيج مايهون فيج
وان كان شغلته يلعب ببنات خلق الله شلج بريال ريال بالاسم حلو الله ياخذ بنت الناس ويحملها
وتالي ماابيج حلوة والله الا ماعندج اخو مصك يكسرله اسنانه جود يردله وعيه ولا يخق
شوى ويستحي على ويهه شباب اخى زمن رقاله الندامه