مادري انا عندي كرامه ولالا لاني .........

[كريستال]

مالج الا لدعاء

 

[امـ خــزامـى]

احس ان في شي ماتعرفينه
يانه سامع كلام شين عنك او احد لاعب عليه ومكذب او هو فيه شي
او في شي لاحس مخه

مادري حبيبتي احس في شي بموضوعكم مايطمن
اصبري انت وادعي ربك وتصدقي واستغفري ربك

والله يسخرلك ويطمن بالك

 

[Glamour-mutir]

انتي حامل وناطرين بيبي
لا تتنازلين عن بيتج دخلي عليه من باب الرجوله قوليله ربي ماحط الطلاق بيد الريال الا لحكمه
والحكمه انه الريايل يتحكمون بمشاعرهم حيل وعقولهم كبيره ويفكرون مليون مره بشي قبل لا يسونه
غير انك ما تحبني وماتبيني شنو في اسباب ساليه كلميه قوليله الحب والموده الله يحطها بينا اذا عطينا نفسنا فرصه
راح يكون بينا رابط ورابط قوي اللي اهو البيبي نبي نفكر في مستقبله قبل ما نفكر بنفسنا
دخلي احد تثقين بحكمته بينكم واذا بين انه بس عذره ما يحبج وما يبيج قوليله اللي يبيع برخيص نبيعه بتراب ونفس مو مغصوبه علي احد
واللي يعوفنا نعوف طاريه وبس




وكثري استغفار وصلي ركعتين بنص الليل ملنا الا ربنا



اللله يسخره لج ويرد لج بكامل عقله

 

[طلة نجمه]

الله يهديه لج ان شالله بس انتي متأكده يوم تزوجتيه ان موغاصبينه اي والله يصير مايقدر يرد امه وتكون غاصبته عليج بس صبري ماتدرين يمكن لما تولدين الله يحنن قلبه لما يشوف ولده .

 

[روح مووود]

الله يعينج

 

[هذا مزاجي]

الله يسخررره لج

 

[غرومه غنوجه]

هل شي مو مافي كرامه او كرامه انتي تحبين زوجج وماالومج والله
بس لازم تصيرين شوي قويه
يعني لو بيطلقج من صج ليش ماسواها الزواج مو لعبه اتزوج يوم يومين وطلق صح في مواقف صعبه وماتنبلع بس شسوين بعد
انتي دام شفتيه يحب هل ناحيه ويكلمج فيها معناته الريال يحبج ولا جان مافكر فيج بهل شي وفيه رغبه من ناحيتج
والله بالنسبه لي اشوف احد وازه وز عليج ومكرها فيج

صيري ذكيه وكلميه من جانب اهو يحبه مو تذكر هل موقف الي صار كنا مستانسين ومادري شنو
من يكلمج قوليله انا بالشهر الخامس وولدك او بنتك قامو يرفسون بطني ويتحركون
والله اني شفقانه اشوفك تلعبهم جدام عيني وتربيهم انت ماتمنى هل شي

ان مانفع معاه قوليله حمالي احلى شي بالدنيا صار لي لان هل ياهل منك طلع انت امنية حياتي
مهما كان قاسي وعنيد لازم يلين باسلوب من الاساليب ترا

الصخر ينكسر الحديد يذوب والالماس يقطعونه صغار معنه صلادته عاليه جدا

بس الشي يبيله ذكاء شوي وتفكير
والطلاق صعب حاولي تخلينه اخر احتمالاتج
ووايد اشياء اذكروها خواتي كويتيات مفيده
بس صدقيني الله جعل الحب بقوب المتزوجين حتى لو قالج مااحب ولا جان ما كلماج وفاتحاج بموضوع الشهوه
ولو يكون مصاحب وحده ولا عنده علاقه فبنت ثانيه جان ماكلماج بهل موضوع لان في من يسد مكانج
بس انتي سايسيه من يقولج مابيج سكتي سمعي ليش مايبيج مثل ماقلت لج جان طلقاج من زمان من صج لو مايبيج لاتقولين حامل عادي عقب ماتولدين تكونين طالق ماكو شي يمسكه
ومهما كانت المشاكل بتلين مع الايام
صدقيني اذا بيدش بيته ويلاقيه مغبر بيذكرج وبيتندم
ان مالقى غداه زاهب بيتذكرج
ان مالقى ملابس نظيفه بيتذكرج
ان مالقى ملابس مكويه بيتذكرج
ان مالقى دلوعته الي تدلع جدامه اول مايدش البيت وتلقاه عند الباب فبوسه ولمه بيتذكرج

حاولي معاه قوليله شكثر مشتاقتلك الي بودي اول مادش من باب البيت اللمك وعالغدى بيدي اوكلك ماخليك تعب نفسك
ترا بيحس بمكانج خالي وقتها

بس اذا انتي ماتسوين شي من هل الاشيا ترا مالومه لان الريال يحب الي تهتم فيه حتى لو شويه
الله يهون عليج

 

[noura ooo]

رحم الله امرأ عرف قدر نفسه << انتي عارفه انك لزقه والرجال قالها بالوجه حسبي الله عليه وعلى وقاحته .. انتي ماتحبينه ابشرك << انتي بس تبين تثبتين لنفسك انك مرغوبه وتبينه غغغصب يحبك علشان تنتقمين لكرامتك وبعدها بتعرفين قد ايش هالانسان سخيييييييف وبتتركينه << يعني من الآخر القصه واضحه انتم مو لبعض .. اللي بعدووو

 

[جـنـون]

اوكي حافظي على بيتج .. بس مو بهالطريقة ..!!

في حدود .. ولاتسمحين له يتمادى ، وصلي الموضوع لأهلج أو أهله .. انتي مو لعبة عنده !!

الي يقهر كثير يتزوجون بس يسكتون اهلهم .. وهو مرتبط بإنسانة ثانية مثلاً .. وهالشي اكثر اسباب
الطلاق السريع !!

مابي اخليج توسوسين .. بس اعرفي السبب ، واتركيه .. اتركيه .. اتركيه
من الحين إلى يوم ولادتج .. انقطعي باختصار .. بس وصلي الموضوع وخلاص ..

جانه بيرجع من نفسه ويعقل .. خير على خير .. مابيرجع ؟ هذا عمره مابيرجع
ولاتتمادين على نفسج وكرامتج .. شي بتندمين عليه ألف مرة بعدين ..

قوليله باختصار ستوب .. براحتك ..
انا سويت الي علي عشان ولدك الي ببطني .. ماتبي
اسمح لي ماتستاهلني .. والسالفة مو لعب بقول لاهلي
وبوصلها لاهلك عشان يعرفون وانا مو لعبة اخذتني
جم شهر .. بعدين خلاص مابيج !!

من الاخير لازم توصل له رسالتين :

* انا مو ميتة عليك

* الزواج من اساسه مو لعب وذنبي برقبتك ليوم الدين



واتركيييييييه ولاتتواصلين .. ان ما أنبه ضميره .. هذا مايستاهلج
وربج يحبج انه من البداية جذي .. توج ببداية عمرج .. احسن من
تجي منه هالكلمة بوقت متأخر.