ماراح اخليه يسافر هالسفرة

[سماء الاحساء]

الله يسخره لج ويهديه وعلى نياتكم ترزقون

 

[ناتشوو]

الله ينصرج
ويطمن قلبج
ويهديه


خلاص انت اخترتي طريق القوة
لما شقيتي التذكرة

بس دايما حطي ف بالج
اجوبة
للي ممكن يقوله

بيعصب
عليج
شنو بتسوين
هل ممكن يوصلها للطق؟
اذن لا تشدين بحزتها وخليج بعيدة

وقوليله انج شفتي الملاحظات
وهذا اللي خلاج تشقينه
لا تقولين
غيرة
بيقول هذي حب تمكلك
خفت عليك من الحوبة
ربي يبلاك بمحارمك
انا احشمك توصل لهالمرحلة

يمكن ينحرج
يمكن وده بتراجع

بس شياب المخيم
بيفكر بردة فعلهم
خاصة انهم متمرسين
بهالنوعية من الخلافات مع زوجاتهم
ويمكن يعاند لا يطلع بموقف بايخ بسبتهم
مادري
فكري
شنو بتقولين

هو عنده سوابق من هالنوع او خرابيط؟

عندج عيال؟

الله يعينج
بس خليج جاهزة لاي ردة فعل ممكنة منه


فعلا نبي وحدة قوية شنو ممكن تسوي
بس الاكيد فهميه مو عناد ورفض للسفر
بس هالديرة سمعتها مو شي
وتروح مع ربعك!

 

[!الجادل الصعب!]

معاج وكفووو عليج
بيروح للحرام برجولة ليش شذنبج و ذنب عيالج يتعاقبون ويبتلون بابوهم لاسحروه هناك
ولاجاب لكم مرض

حياته مو له بروحه
وراه عايله الفلوس الي بيقطعا على بنات الحرام انتي وعيالج اولى فيها
يبي جو ريلاكس سافري معاه وخلي عيالج عند اهلج
بيسافر بروحه يروح مع ناس محترمه مو باجر يضحكون على عياله ابوكم راعي سفرات وخرابيط
قولي له العالم ماترحم ولاتنسى و ربك شديد العقاب
حتى انتي محتاجه ترتاحين واكيد ماراح تسوين نفسه والا مره ماكو احساس



نرفزني صراحه الله يسخره لح

 

[shak!shoka]

ناتشو


زوجي ما عنده سوابق اسميها سوابق

حاله حال غيره

اشياء ع الوتساب


بس بدا يتعمق


مع ربعه
و تنظيم سفرات
و مقاطع اعمق من القديمه


وانا صراحه مابي استمر ع نفس الاسلوب و المداراه لانها ضرتني و خلتني اتحسف ما كنت قاسيه من البدايه





قبل لا يحجز تذكرته كنت مكلمته و قلتله انا معتمده و احتاج وجودك معاي و مع اليهال " عندي ٢"
وانا دوام
مو معقوله بقعد ببيت اهلي ١٥ يوم علشان تغير جو !!

بامكانك تخليها ع العطله و نروح كلنا نستانس


كلمته كلام حلو و حسسته انه مهم ومحتاجته
اخر شي راح حجز و خلص


!!





معناتها الغلط مني و من طريقتي

فهمني اني ضعيفه و يقدر يمشي كلمته




و بعدين ١٥ يوم على ذيج الديره وااااااااااايد


حتى ما سمعت احد راح و قعد هالمده كلها علشان راحه و استجمام

شدعوه !
ما نفهم !!

 

[mrs.abk]

والله يأختي ما أعرف شو أقول لج

يمكن أنا ما بتجرأ أقطع التذكرة وبكتفي يمسح الملاحظات كلها وأخلي الفون بدون هالملف .. او انقعه بماي شوي وأخربه له وأسوي نفسي بريئة

 

[mrs.abk]

هيه صح .. ممكن أتصل السفريات وأكنسل الحجز

 

[shak!shoka]

شكرا جدول حبيبتي


وصح كلامج فلوسه احنا اولى


الفلوس بروحها يبيلها موضوع منفصل

هالشهر كل ما قلتله اليهال يبون هالشي او هالشي

قال خليها ع المعاش الياي


طلع شايل قيمة التذكره و يبي يوفر مصروف سفرته !!!




يعني بشاير خير و بوادر طيبه من اولها !

 

[حشمه]

انتي الحين حطي لج خطه تسوينها بعدي اول شي عن العصبيه

وفكري شنو بتقولين لما يفتح التجوري الحين انتي موقفج

تغير قبل ممكن كنه نقولج دلعيه وحاولي تبينين له ان سفره

مع ربعه ماله معنى وانتي اوله تسافرين معاه بس الحين

حاولي تمتصين غضبه لما يدري وتصلحين هالشي بانج

تقولين له انج واثقه فيه بس غيرتج دفعتج تسوين جذي

الحين بسافر بسافر كلامج عن مايصير يسافر ماله معنى

حاولي تبينين له تغارين عليه وتبينه بس لج ولما يسافر

بتشتاقين له وليش مايفكر بسفره لكم عمره مثلا

ماقول ان مايخطئ لا غلطان بسافر وبخليج بس نحاول

نكسبه ومانخلي الغلط عليج ولي رد كلميه بهدوء

ان لج حق بالراحه مثله بس اكيد ماتبين تسافرين

الا معاه وتغيرون جو

 

[حشمه]

سالفه المصروف كلنه امهات العيال نشكي من هالشي نسمع كلام

ان شاءلله جربي على يوم طلعي معاه السوق وقولي له ناقص اليهال

فرضا بجايم ولا ملابس يمكن يحس شوي ان مصاريف اليهال

تكثر واكو اولويات منها البيت واليهال مو السفر

 

[shak!shoka]

Mrs



ليش امسح
الملف ملفي و لا ملفه


العار عاره ولا عاري


بالعكس

هذا دليل ابروزه و اطليه ذهب و احط بنص عيونه علشان يتسنع







انتهى زمن الخوف و الترقيع ��



الي تخاف الحين و تسكت

تخسر صحتها
و شبابها


واخرتها يدور غيرج

حتى لو بالحرام



انا لازم اسوي انتفاضه بهالقسم
يبيلكم شحنة جرأه و قوه و صلابه

 

[shak!shoka]

حشمه

انا صارلي ٤ نص سنين متزوجه

كل طرق الحوار و الهدوء استنفذتها


بينت له الغيره
و الحب

وانه اهو سندي و اعتمادي كله عليه





ماكو فايده
راح يضيع من عمري بعد ٤ ونص وهم ماكو نتائج ملموسه




وانا مو قاعده امنعه من عمل طاعه او بر او خير



انا قاعده احاول امنع شر
يمكن ينكد حياتي كلها




مشكوره يا قلبي ع الردود كلامج صح


بس مو مع نوعية زوجي

 

[حشمه]

انتي ادرى بزوجج والله يعينج

وان شاء الله الله يكتب اللي

فيه الخير بس جربتي تدخلين احد

من الاهل

 

[ناتشوو]

الله ينصرج
صح مو كل شي
بالزواج
نداري ونهدي بالموضوع
في شغلات يبيلها قوة
بس ايضا الوحدة
تداري لو فشلت الخطة
لو مانفعت المواجهة
انا معاج باللي سويتيه ولا الومج
بس ابيج تجهزين نفسج لردة فعله
عسى الله يهديه وييسر امورج

وحتى المصرف
خليها ع بالج
لي احتد النقاش
قولي
هذي بدايتها
السفر للحرام صار اولى من العيال؟

الله ينصرج
رجاءا خلينا معاج
لو تطور الموقف

 

[احلى خدود]

طبعا صح ومن حقج تخافين وتحرصين على حياتج الزوجية الله يهدي لج ويبعد عنه رفاق السوء قولي امين

 

[shak!shoka]

حشمه

مو ناويه للحين ادخل احد من الاهل
في اسباب تمنعني

اول شي

امي انفعاليه وانا مجربتها حرام تتضايق و تنقهر واخر شي مشكلتي تنحل و اهيا للحين تحاتي و ماكلها قلبي علي

الي فيها كافيها و اختي بعد مو مقصره قايمه بالواجب معاها هههههه كل يومين مناوبه عليها فقيره
يا انا اشتكي يا اختي





وابوي من قبل صايره مواقف و خذا فكره مو حلوه وانا بصراحه مابي ابوي يحط عليه اكس
مهما كان ودي يكون زوجي له قيمه عند اهلي

وايد ارقع له و للحين مابي اي تدخلات خارجيه



بحل المشكله معاه بيني و بينه


و حابه اسمع تجارب البنات و استشيرهم

 

[قاهره عذالي]

الله يعينج


انا السكات والاستسلام والضعف

وصلني بالنهايه للانفجار واطلب الطلاق وانهي

هم وتعب خسرني صحتي وعمري وشبابي

والله

يمكن انا لو مكانج افضحه واهدده اني افضحه هو ومقاطعه

عند اهله واهلي

بس راح يكون هذا الحل الextreme

عندي

اذا ما نفع معاه النقاش والكلام والهواش وما اهتم لي وطقني بالطوفه وخلاص جهز شنطته عشان يسافر

 

[PuPa^^SWeeT]

كبرتي الموضوع


غلطتج انتي اجلتي نقاش سفرته على بو بتخلصين شغلة شاغلتج



وبعديين امبييييه


باييج الحييييين ترااا هاااايج مثل البركان عالتذكرة


لانج تصرفتي من ورااااه



كل اللي اقدر اقوولج اياه


الدرب اللي اخترتييييه تراا صعب



بس لازم اذا فيج قوة اتكمليييينه من غير بجي ولا صراخ


والله مادري بس توقعي انه بيعصب و ممكن يستخدم ايده بعد




الله يكوووون بعووونج



بس مثل ما قلتلج


توقعي ردة فعل عنيييفة منه


و خليييج حازمة و قوية علشان مايغلبج لا بايده ولا بلسانه

 

[PuPa^^SWeeT]

والله قمت احااتيج



ياليت وحدة فعلا اتعرف اتصرف


اتقولج شتسووييين


متى سفرته ؟؟؟ قرييبة ولا بعييدة

 

[ميممآإ]

حبيبتي اقعدي معاه و علميه انك عرفتي غايته من هـ السفرة و هدديه انه اذا راح انك راح تعلمين امه وأبوه و تورينهم المقاطع و عقب تروحين لأهلك. و بسس

 

[منيره kkk]

زحير ومو لالعته وبعدين تفرغ له
شدعوه اسلوبج ينرفز سامحنى
شقتى التذكره بيدرى بعصب عليج وبركلج الغلط وعادى يطلع غيرها
طولى بالج لو منج اواجه بالمقاطع