ماراح اخليه يسافر هالسفرة

[زبــــــــدة]

واااااااي صصج قهههههههر شهالحركة الخايسه يحجز بدون مايقولج ...

لو انا منج اقووله اني شفت تلفونه عشان يتوهق ...

قوليله لا تسكتين...

 

[shak!shoka]

ادري موضوعي في كلمات تنرفز وانا كتبته حزت المشكله كان ضغطي مرتفع


و شقة التذكره يمكن في بنات يشوفونها شي كبير و قوي
بس بالنسبه كان ردت فعل عكسيه لو مو شاقتها و شايفتها جدام مشققه
مستحيل كنت ساكته للحين


يعني اعتبر نفسي طلعت الحره فيها

وعندي خبر يقدر يطلع غيرها
بس اهوا مو حاس بشي و ما شافها للحين

وانا ناويه لمن اكلمه ع المقاطع اعطيه تذكرته


ما ادري بس ما احس بخوف
لاني كنت اطوف و اسكت و دايما اقوله مابي اشوف هالاشياء مره ثانيه انا ردت فعلي مو حلوه و يمكن اصدمك


عنده خبر

واهوا غلطان من راسه لي ريله




و زوجي ما يطق الا اذا انا طولت لساني

وانا هالمره ما غلطت و لا شديت

واهوا حاس انه مسوي شي غلط


كل شوي يسألني
شفيج
مو طبيعيه


انا مقصر بشي ؟ جرحتج بشي ؟

تحيلو بروحه والله ما كلمته


الظاهر شك اني شفتهم


بس انا مو مبينتله شي

 

[ناتشوو]

الله يهديه ويطمن بالج

ردودج هني في غاية العقلانية والادب
وانشاءالله بتتجاوزين الازمة بكل نجاح
باذن الله وعونه

 

[bal8es]

يالله خل يولي زين سويتي في و شوي بعد وان مانفعت شقة التذكره شقي جوازه جدامه
بطق بغلط يطلع غبي تطلع السالفه والغلط راكبه هالاشكال مو كفو نعمة الثقة ولا نعمة الحريه
مثل الجلب لازم ينحط طوق برقبته. ويتسنع و هذي مو اول مشكلة لج بالقسم زوجج مع احترامي لج ردي
من كلامج عرفت الدوله شنو ناطره لمن يسحرونه وتيي تقعد وحده ع قلبج لا تسكتين له السالفه مو لعب
وبليز لا ترد علي وحده و تتهاوش وتغير الموضوع ما عدا صاحبتع وشكرا

 

[صفحه بيضه]

رياجيل مايملي عينهم الا التربه ومرته مخليها بي حق العيال وتربيتهم
وهو عايش حياته

 

[%دانة%]

حبيبتي انا مالي خبرة في هالامور

لكن ما اقولللللللج الا الله يكون بعونج ويحفظج ويكافيج الشر
تكفين حبيبتي حرصي على الاذكار
والله يعيذة من الشيطان الرجيم


استودعج الله الذي لا تضيع ودائعه

 

[shak!shoka]

دانه

تسلمين يعمري ع كلامج الحلو



وانشالله ما تنحطين بمثل هالموقف انتي و باجي البنات

 

[mischocolat]

صديقتي مرت بنفس السالفه .....الفرق انها اصلا ما كلمته وبما انها يديده في الزواج كانت مب عارفه كيف تواجهه قالت تأجل المواجهه بس المشكله ان موعد السفر قريب
اتصلت على مكتب الطيران وقالت انا سكرتيرة فلان بن فلان وهذا رقم الحجز ومديري طالب الغي له اياه ما بيقدر يسير بهالوقت قالت لها الموظفه اوكي بس ما يرجع له المبلغ كامل بينقص لان الغاء الحجز بيتم قبل السفر بيومين ...قالت اوكي والحين بطرش لج الصبي وانتي سلميه البيزات...طبعا الموظفه خذت منها عنوان البريد الاليكتروني ورقم الموبايل للتأكيد وهي عطتها

طبعا اتفاجأ يوم سار المطار ان الحجز ملغي والله ستر ان الطياره ما فيها سيت فاضي حتى بالبيزنس....كان بيموت من القهر ورجع البيت ولقاها بالفراش يعني بترقد ....كملت التمثيليه عليه وظلت تبوس فيه وتقول له الحمدلله هذا يعني هالسفره مافيها خير لك وربي نجاك منها ...تقول حسيت انه اهتز خوف يوم قلت له هالكلام ...وما رجع عادها

لين يومج ما عرف ان انا وهي ورا الموضوع الحمدلله
الله يعينج بصراحه هالنوع من الرياييل يجلطون الحرمه ويخلونها مثل البركان ما ألومج والله بس لو تودين موبايله وجوازه عند ابوه وتخبرينه بالسالفه بيكون احسن شي لا تقولين ما بي افضحه ومن هالكلام ...اكيد بيستحي من نفسه جدام ابوه عكس كلامج وياه بيخليه يعاند

 

[shak!shoka]

صعبه اخلي ابوه يشوف هالمقاطع

عيب استحي


بحاول مبدئيا احلها معاه يمكن يتفشل و يغير رايه


اذا اصر و عاند

بخلي ابوه حلي الاخير





انا حلول غير التدخلات الخارجيه
مابي الموضوع يكبر حيل


بحاول اسيطر

 

[mischocolat]

انتي قلتي انه عنادي يعني ممكن يتطاول ويمد ايده عليج واذا عرف انج بتخبرين ابوه يمكن يمسح اللي بالفون عشان يطلعج جذابه وتتخيلين امور
بسكات عطي عمج الفون وقوليله السالفه وهو بيشوف بعينه وبيعرف يتصرف ويا ولده
ابتعدي عن المواجهه ويا الزوج العنيد لانها ما وراها غير زيادة العناد والتصرف السلبي من قبل الزوج

ما تزوجج هو بروحه ...ياب ابوه يخطب له والحين الابو ملزوم يصلح اعوجاج ولده وبعد هالشي بيخليهم يخافون انج تخبرين اهلج

 

[ناتشوو]

انا التدخل الخارجي
كلش ماأأيده
عيالنا متى ماكبرو
مايطيعون الكلام
هالمرة متزوج وابوعيال
مايرضى احد يحاسبه
بي بيكون اكثر حرص
المرة الجاية



زين ماتفكرين تبادرين
وتقولين له
باللي شفتيه وسويتيه؟

 

[shak!shoka]

امبلا لازم يعرف انا شنو شفت و شنو الي سويته

و حابه اكلمه كلام ينقده و يفشله بس بطريقه قويه و واثقه ما تخليه يقلبها علي او يطلعني غلطانه

لاني مقتنعه ما غلطت

علشان جذي ابي وحده كبيره و شخصيتها قويه تقولي شلون افتح الموضوع
يعني ابي مدخل بس
والباجي انا مجهزته

لاااازم يعرف بالي شفته

لا

 

[modern]

ماغلطتي بنظري و كان تصرفك ذكي

 

[Artq8]

المفروض تواجهينا بالي شفتيه بالملاحظات و مو محتاج التذكرة يعطي الطيران جوازة و بس يدش قولي له انج تبين تسافرين وقت سفرته مثل ماله نفس لج نفس الله يهديه و يعينج صج بطه جبد

 

[ناتشوو]

اقصد بالمبادرة
انج انت تفتحين الموصوع
مو تنطرينه يكتشف التذكرة بنفسه
انت لما تبدين الكلام
تكونين في مركز قوة
كونج بتباغتينه

 

[بودي حبيبي]

والله ما الومج باللي سويتيه من الحره اللي فيج
بنات إحنا واجبنا كزوجات نحفظ بيوتنا مؤ نشوف الغلط ونسكت
لان مافي وحده ترضى تشوف زوجها يروح الحرام وتسكت ... بأجر لا سووله سحر والا ابتلى بمرض لقدر الله محد بياكلها غيرج
أنا اقول واجهيه بالوصاخه اللي شفتيها وقولي شقيت التذكرة قبل لايجبج نافخ ريشه​

 

[shak!shoka]

انا فكرت بحركه اسويها كمقدمه


اجهز الملاحظات افتحها و اقفل الفون
وبس يبطل جهازه تطلع الملفات هاذي بويه و اكون يمه

ودي اشوف ويهه حزتها !
و ابتدي اكلمه


انا مشكلتي بهالامور لساني فالت و يمكن اغلط
وانا مابي اتعامل معاه مثل الياهل ابي اسمعه كلمتين بالعظم
ينقدونه
و يفشلونه

وبنفس الوقت يفكر بكلامي


معصبه للحين كل ما احس اني طخيت اتذكر الي شفته و ارد اعصصصصب

و عارفه نفسي اذا كلمته راح ابدع
وانا مابي هالموضوع خاصتا ينقلب ضدي

 

[شــــــــــــــوقــــه]

صح كلام ناتشو انتي الي ابدي بالموضوع عشان لا تعطينه فرصة يهب فيج و يطلعج غلطانة

و ذكريه بكلامج له قبل لمن قلتيله ردت فعلي تصدمك و هذي النتيجة و كملي عاد بتهدني و تروح حق ديرة شبهه شنو تبيني افكر

و انا مو تارسة عينك و حيلج فيه

 

[ام اريج 22]

الله يعينج على مابتلااااااج ويهديه لج

 

[مناير ...!]

الحين السالفه بتقلب عناد
وماكو رجال يسمح لمرته تكسره
ولج مني انه بيسافر
لانه تصرفج غلط
المفروض استخدمتي اسلوب غير العناد