ما اشوف شي من معاشي.. ريلي ياخذه كله

[أم حورية]

اهو له حق ان ما يخليج تشتغلين بس دام وافق تشتغلين ماااله حق يجيس فلس واحد من راتبج

ماله شغل ولا له حق بهالشي

الله يعينج بس يبيلج تصرف حكيم عشان تمنعينه ياخذ معاشج
*

 

[Ameera 55]

من نااحية الشرع .. اكيد حرراام

طيب اهي ليش سااكته يااربي بنجن قسم بالله قهرر ..
لوانا مكانهاا اخذت الصرافه والرقم السري يكوون معي ويحلم يشووفهااا اتعب واكد واكررف ااخرر شي ياخذه بالقووه .. اوواناام في البيت بلا شغل بلاهم .. واهو الي يوريني رجولته ويصرف ويتوولى كل شي ..

الله يعينهااا شكلهاا مستسلمه له مررره .. الي نفس حالتهاا مالهاا الاحلين :
.. يااستقطاع شهرري من دون ماايدري ..
... اوو تبلغ احد من قرايبهاا يكوون حكيم وشخصيته قووويه يتفااهم معه ..

 

[مـزآج ــــية]

قطيعه شنو هالريايل !

يعني اهوا متزوجها عشان يستعبدها ؟ بالضبط هذا نظام العبودية تشتغل و تكرف و بالنهاية ياخذ راتبها
هذا بدال لا يدللها و يصرف عليها

اسمحيلي اقولج المرة اللي جي ساكته شخصيتها معدومة
شنو يعني سامح لها تشتغل فيقوم ياخذ معاشها !

انا اقول تبطل من الشغل و تقعد بالبيت لانها مو ماخذه الا التعب و تحط ريل ع ريل و تقعد بالبيت و غصبا عليه يصرف عليها و عايلها
و راح ينقهر لانه ماكو الخير اللي اييه من معاشها

صج مو كفو حشيمة الريال اللي جي طبعه

انقهرت و الله ..

 

[a7la_7b]

ماله داعي تداوم مادام اهيا دينار واحد ماتاخذه من معاشهااا
استغفر الله اتعب اتعب وهو بارده مبرده ياخذ المعاااش قووويه والله
خل تطلع من دوامها هي جذي وجذي مو مستفيده

 

[ضحاوي الديره]

لا طبعا مايجوز اللي قاعد يسويه وانتي غلطانه لأنج سمحتيله
راتب الزوجه من حقها اهيا وبس واذا تبي تعطيه بكيفها وشي راجع لها
واذا ماتبي مو من حقه ابد انه ياخذ معاشها منها
وهذا اسمه طمع يعني اذا معاشه ضعف معاشج شيبي فيه ؟؟

 

[ElN00R]

اذا كلش مافي امل يعطيج اياه قعدي فالبيت نحاسه

 

[*peace*]

زقوم ان شاء الله

شهالظلم!

مادري ليش اتعب نفسها وتكرف بالدوام واهيا ماشافت فلس!

تقعد بالبيت احسن لها

بس موهذا الموضوع

ااسالفه انه حده متجرأ عليها مادري اهيا شلون تسمح له يسوي جذي ويتمادى

مساكين بعض الحريم فيهم طيب لدرجة الهبال والضعف!

 

[نـعـومـه]

مع احترامي هذا مو ريال

شنو ياخذ راتبها!!! عيب

عيل تقعد بالبيت احسن

 

['Basma']

ماله اي حق ياخذ حتى فلس واحد من زوجته

الزوج اهو اللي يصرف على زوجته مو العكس!

واكبر دليل انه يدري عن نفسه غلطان و مو من حقه.. تهديدها اذا علمت احد بالموضوع

 

[نـــــــــــونه]

معقوله اكو رياييل من هالنوع شلون ينزل نفسه وياخذه فلوس من مرا
حلات الريايل اهو يصرف على مرته مو ياخذ منها
نصيحتي قعدي في البيت وطلعي عينه بالمصاريف

 

[*E.B.D.A.3*]

اشلون ياخذه غصبا عنها؟؟؟؟
انا مو قادره استوعب هالنقطه !!
ماكو شي اسمه غصبا عليها !!!

اذا اهيه مو راضية ترفض
واذا اهوه ظل متمسك بنقطته ،،
تطلع من البيت وايد اشرف!!
تدخل فيها اهل .. تدخل فيها فريج ، تدخل فيها دولة!! الي اهوو !!
ولا تسكت !!
هذا حقها قاعد ينهضم جدام اعيونها وساكته ؟؟؟

قال سيدنا عمر بن الخطاب رضي الله عنه :
" متى إستعبدتم الناس وقد ولدتهم أمهاتهم أحرار "

طول عمرج عايشه عزيزة مكرمة ..
وعلى اخر عمرج، اييلج شخص يخضعج تحت سلطته !!!
اهو الآمر وانتي سمعا وطاعه !!
واخرتها يبي يحبسج بالبيت !!

مادري اي عقل واي منطق يقبل هالشي!!
ارد اقولج الحل ،، تدخل فيها اطراف خارجية وفورا !!
بدون تفكير رجاءً !! بدون تمخمخ وتمحيص!!
هذا موضوعه خالص .. وماله علاج ! :\

 

[ماني من الناس]

تدخل اهلها بالسالفه اهو عباره الحين عن واحد بايق حلالها لان شي مو من حقه يمد ايده عليه

بمثابه السارق.، بالمختصر المفيد

 

[اخت خالتهم]

هذا ظلم و جشع وين قاعدين مسلسل
خل يولي اخذ بطاقتي انا ما اضيع دراستي و سنين عمري عشان واحد ياخذ مصروفي بارده مبرده

 

[تبطي عظم!]

لو مكانج ما اتردد ثانيه وحده عن الاستقاله انا بالحالتين مو مستفيده غير تعب الدوام

استقييل ويصرف علي غصب عنه

 

[FUSHIA-GIRL]

الحين اهوه يقول لها انه راتبها من حقه لانه سمح لها اتداوم ؟؟
عيل شنو الهدف من الدوام ؟؟؟ استقيل دام ابرك لى

 

[ديانا سبنسر]

تقم استقالتها احسن

 

[يكفيني حنانك..]

هو الملزوم يصرف عليك واسمحيلي انتي مدلعته زززياده ومعطيته وجه واسمحيلي بعد أقولك هو شايفك ضعيفة شخصيه ومستغغغغغغلك
والله ارررتفع ظغطي *

 

[حلوة ومتينة]

الحمدلله والشكر شهالعقد ... طاع التفكير اذا هذي اولها ينعرف تاليها
اقول يفتح الله

 

[sweet-love]

ريلج حاله حال ريلي نفس الكلام قالي يوم فكرت اشتغل بس قتله ماراح اشتغل عيل
وصج مااشتغلت واهو يصرف علي شكو اصرف عليه الرجال قوامون على النساء لان اهو المفروض يصرف علي بالشرع من عرق جبينه مو من تعبي اشتغل بره البيت واكد واتعب واهو ياخذه برده مبرده عشان تيلي سكته قلبي
بس نصيحتي دام مايعطيج الا شوي قعدي في البيت ابرك واريح وكبري المخده لان نفس المضمون راح تاخذينه بتعب اقل
والله يعينا والحمدلله ربي هو الرزاق ومحد راح يقدر يمنع الرزق الا الله
ودوم ادعي بصلاتج اللهم اغنني بحلالك عن حرامك وبفضلك عمن سواك
وقولي اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير توجل الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب
واكثري من الاستغفار
والشوفي اشلون ربي راح يرزقج من حيث لاتحتسبين وان شاء الله ماتحتاجين حق الشغل لان المره بالاصل موملزومه تشتغل بره بيتها والاساس ان الرجل هو اللي يشتغل ويقوم في اهل بيته وان المره اشتغلت وحبت اتساعد زوجها هذا من طيبها مو غصب عنها

سامحيني على الاطواله بس حاسه فيج

 

[moo-0-oon_14]

امببيييه انا انقهرررت شلووون انتي
لو انا منج اقول حق ابوي يتصرف
لا تخافين منه ماله حق بفلووووووووسج