ما اشوف شي من معاشي.. ريلي ياخذه كله

[غـرامـي أنـت]

حبيبتي من حقج تقعدين في بيتج وهو ملزوم شرعا وقانونا يصرف عليج ..

انا معهـا .. خيييييييييييير بسراحه يقهر

 

[مناير ...!]

زوجه غبيه مدمغه

 

[نشيج الروح]

خل تجرب تقعد في البيت تريح دماغها وهو يصرف عليها .... وإن قالها ردي شغلج ما ترد إلا بشرط أن الفلوس لها إذا هو طمعان بفلوسها

 

[أم عزيـز]

ما يجووووز طالما انها مو راضيه
اذا برضاها مو مشكله
بس اذا مو راضيه وياخذه غصبن عنها ما يجوووووز
وتقدر تشتكي
وعلى فكره اهو غصبن عليه يصرف عليها حتى لو عندها راتب
لانها مسؤوله منه واهو ملزوووم يصرف عليها غصب مو طيب

 

[simone]

ها مريض تعبان نفسيا؟؟

 

[غدووور الكويت]

حرام اللي يسويه ومو من حقه ياخذ فلس من راتبج الا برضاج

 

[فوفو22]

مو من حقه ياخذ راتبك الا بموافقتك ورضاك

ومو من حقك العمل الا بموافقته ورضاه

ومن حقج تقولين اي وتقولين لا

احس شخصيتج ضعيفه وهو يستغل هالضعف فيه

قولي لا .....

وانتي مو مستفيده بالراتب وقاعده من الصبح وتكرفين

قعدي بالبيت احسن.....اذا رفض اعطاء حقك

فوفو

 

[سنفورره]

ماله حق وحرام عليه معاشج وماله حق ابوج اللي صرف عليج دم قلبه واخرتها خيرج لغيره
لايرضي الله ولا رسوله
والاحق اهلج اصلن المراه اللي تستحي تعطي اهلها وماتوقف الرجل عند حده بهالسالفه مو مراه
يعني عادي اهو يصرف ع اهله ويعطي ابوه وامه وانتي لا مااااله حق

 

[om MaRyooM]

من ناحية الشرع


ماله حق في ولا فلس من معاش زوجته وهالشي معروف بكل المذاهب طبعا



والشي الثاني ..
ان هالريال يعتبر أشبااااه رجال للاسف

والطمع فيه والانانية وانعدام الظمير وعدم احترام الزوجة وكل شي سيء


وهمن غلط الزوجة انها معطيته مجال من اول شي




نصيحة :

اذا مافي مجال تغيرين الوضع قعدي بالبيت احسن
لأنج قاعدة تشتغلين جذي حقه .. مافي شي داش جيبج

وبهالطريقة بتخلينه اهو غصصبا عليه يصرف عالبيت

 

[Hello_kitty]

اشلون ياخذه غصبا عنها؟؟؟؟
انا مو قادره استوعب هالنقطه !!
ماكو شي اسمه غصبا عليها !!!

اذا اهيه مو راضية ترفض
واذا اهوه ظل متمسك بنقطته ،،
تطلع من البيت وايد اشرف!!
تدخل فيها اهل .. تدخل فيها فريج ، تدخل فيها دولة!! الي اهوو !!
ولا تسكت !!
هذا حقها قاعد ينهضم جدام اعيونها وساكته ؟؟؟

قال سيدنا عمر بن الخطاب رضي الله عنه :
" متى إستعبدتم الناس وقد ولدتهم أمهاتهم أحرار "

طول عمرج عايشه عزيزة مكرمة ..
وعلى اخر عمرج، اييلج شخص يخضعج تحت سلطته !!!
اهو الآمر وانتي سمعا وطاعه !!
واخرتها يبي يحبسج بالبيت !!

مادري اي عقل واي منطق يقبل هالشي!!
ارد اقولج الحل ،، تدخل فيها اطراف خارجية وفورا !!
بدون تفكير رجاءً !! بدون تمخمخ وتمحيص!!
هذا موضوعه خالص .. وماله علاج ! :\

:eh_s(15)::eh_s(15)::eh_s(15)::eh_s(15):

اي والله متى استعبدتم الناس وقد ولدتهم امهاتهم احرارا..انه كل يوم انصدم من المواضيع والردود ان في بنات مخلين الزواج عبوديه وهي رقيق عنده فعلا..

مادري ليش ضاق خلقي لما قريت مشكلتج والله عورني قلبي عليج شنو هالظلم؟؟
شهالقسوه؟؟شهالأنانيه ؟شهالجشع؟؟زوجتك تكرف من الصبح وتاخذ معاشها كامل وبطاقتها بجيبك؟؟
يا الظالم عفيه قلب عليك ما كسرت خاطرك؟؟ما استحرمت فلوسها عليك؟؟ما خجلت من نفسك ودناءتك؟؟
اشلون هانت عليك تعاملها بهالطريقه واي مو قادره اتخيل تكرفين واخر الشهر ما تحسين بفرحه معاشج انغمت قلبي.. شهالبشر؟؟
هذا نوع من الذكور حرام فيه اقول نوع من الرجال..الرجوله محشومه عنه وعن اشكاله
انسان دنيء خبيث ذمته وسيعه استغل طيبتج وضعفج منو قال ان الريال اذا سمح لزوجته تتوظف ياخذ معاشها؟؟
عيل ليش تشتغل؟؟اصلا بالدين والشرع لو تشتغل وتبي تحط معاشها كامل بالبنك اهو ملزوم يصرف عليها كل شي..

ومدام المنطق جذي خلاص بعد حتى احنا الحريم اي وحده تشتغل وتكد تنتفي القوامه عن الرجل لأن نصرف وحالنا حاله شنو اللي يميزه عنه عشان ياخذ حق القوامه والطاعه؟؟

حسبي الله ونعم الوكيل فيه وفي اشكاله حبيبتي تلاحقي عمرج كافي لاترضين على نفسج هالظلم
اللي ما يرضي الله ولارسووله ولا الناس حتى الكافر ما يعامل زوجته جذي وياخذ حقها..
دخلي اهلج بالموضوع ولا تسكتين حق النفقه من اهم وابسط حقوقج عليه

 

[glory]

شوفي لا تهديد ولا غيره
لكل بساطة تاخذ إجازة طويلة وتقعد بالبيت
وتقوله انها فنشت
ونشوف كيف رح يتصرف أبو الشباب
يمكن رح يطين عيشتها لما يشوف راتبها ما صار يوصله
المهم تقعد في البيت وتحط رجل على رجل وهو يصرف عليها
وليش تتعب وتروح شغل وما بتقدر تحتكم على فلس
شو هالكلام الفاضي
بس تاخد إجازة أفضل بدون ما تقوله هي تفهمه انها فنشت
يمكن لما يشوف ما في راتب يزيد مشاكل معاها وما بتعرفي يمكن يطلقها لا سمح الله
لأنه شكله بيهدد انه رح يقعدها في البيت بس تهديد لأنه فاكر انها ما رح تعملها
ونشوف
يمكن لما تقعد في البيت وتدير بالها على بيتها وتفضاله وتدلعه شوية بدل تعب الشغل تتعب معاه هو أفضل
تكون معاملته الها كويسة وتزيد المودة بينهم

بس على فكرة الفلوس بتفرق كتير

 

[CH!C G!RL]

طبعآ لا والف لا يمد يده على فلس واحد ومبين امه عبد الفلووس ماهمه انه من مره او غيرهآ
لو هي صاحيه من الاول ماسمحت له يمد يده وياخذ البطاقه ..
وتدخل اهلها بالمووضوع

وترا لو مو غلطان وعارف ماهددهآ