ما تبين بنتج تتزوج ؟! :\

[sadan111]

شرايج ان وحده قايله حق الناس بنتي مجنونه وتتعالج عشان توقف نصيبها

مصدقتج في امهات يتبلون على بناتهم عشان يوقفون نصيبهم

 

[MiSs_CRaZya]

منورين بنات​

 

[some one waw]

عاد لو اقولكم شي يمكن تطقوني خخخخخخخخ

انا عندي بنتين وأقول لبوهم ماااني مزوجتهم أخاف يأخذون واحد يعلهم لاسمح الله او المسؤلية تكبر عليهم وما أتخيل البيت بدونهم ياحلاتهم والله ربي يحفظهم

 

[الاماني الحالمه]

فيه امهات كذا انا امي ماكانت تبغاني اتزوج لين عديت ال30 وصرت اقوم فيها بعد ماجتها الجلطه روزي الله يرزقك بابن الحلال ويهدي امك عورتي قلبي

 

[am faisal]

فية اب بناتة ثلاث اصغرهم عمرها 48للحين ما تزوجو علشان طمعان بمعاشاتهم الاب توفى الحين بس من يبيهم وحتى عيال راحت عليهم الحين الناظرة واللى وكيلة بس مساكين حرمهم البيوت والعيال والسعادة علشان وصخ دنيا عجبى

 

[مس وردة]

ما قول غير عسي الله يهديهم .......... وصدقيني صلي صلاة الليل والاستغفار ولا تنسين الدعاء وال تعجبجصدقات والصلاة والله راح تشوفين النتيجة اللي

 

[قاهرتهم 2011]

استغفر الله ..

 

[حلوى عمانيه]

ما قول غير عسي الله يهديهم .......... وصدقيني صلي صلاة الليل والاستغفار ولا تنسين الدعاء وال تعجبجصدقات والصلاة والله راح تشوفين النتيجة اللي

:eh_s(15):

 

[●•∫ استثنآئيهـ]

صج انا دايم اتسائل اكو امهات جذي ؟ ليش يعني شيستفيدون ؟
وبخصوص اللي تقول حاجي امج مادري اشوف انه عيب بعدين تقول ميتة عالزواج
والله يرزق كل البنات يارب

 

[رحمتك يالله]

الله يرزقكم بالأزواج الصالحين ياااااااااااااااااااااااااااااااااااارب , والله تضايقت لهدرجة في آهل مايبون الفرحة لبناتهم !!!!!؟..
الله يهديهم يارررررررررررررب​

 

[نوره 99]

مو من حق الأم تختار عن بنتها
المفروض هم يخلونها تقرر عشان تتحمل مسؤولية قرارها

 

[دروب البنفسج]

لا حول ولا قوه الا بالله العلي العظيم , الله يهدي هالنوعيه من الامهات ويحنن قلوبهم وصلح حالهم ..,

" اللهم لا تدع من بيننا او اهلنا واحبابنا والمسلمين اجمعين فتاه او شاب الا رزقتهم بالزوج / الزوجه
و الذريه الصالحه , اللهم يسر امورهم واكشف ضرهم واسعد قلوبهم وبدل احوالهم الى احسن حال ,"

لكل فتاه تعااني ابشرها يقول الله عز وجل : (وبشر الصابرين ) , (ان مع العسر يسرا)

عليكم خواتي بالصلاه والاستغفار فالله تعالى يقول "فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً" , وتحروا صلاه القيام (سهام الليل لا تخطى) ,

بناات اللي تبي زواج , عيال , مال , وظيفه ......وغيره ترا ما تحتاجين واسطه !
اذا كانت كل امورنا ما تمشي الا بواسطه ’ ف مع الله سبحانه انتي مو بحاجه الواسطه وما بينج
وبين الله حجاب !! تخيلي انه المخلوق الضعيف ايا كان (مسؤول , موظف ...) اذا تبين منه معامله
ما يمشيها الا بواسطه هاذا وهو ضعيييف ! ليش تلجأيين لضعيف ؟ وعندج رب العباد خالق الكون خالقج وخالق المخلوقات جميعها وهو القوي الغني الحميد العزيز الكريم الجواد العطوف الرحيم بعباده , ربنا ينزل كل يوووووم بثلث الليل يقول هل من مستغفر فاغفر له ؟ هل من سائل فاجيبه ؟؟ وييينج عند ندااااء الكريم
القادر على كل شي !! اذا ربي كتبلج زواج وغيره ترا مستحيل اي بشر مهما كان يوقف بطريجج !!

بنااات انصحكم ونفسي بقيام الليل والتوجه بالدعاء والخضوع لله فوالله وبالله وتالله انها سعااده ما بعدها سعاده
ركعتين او ثلاث خير من الدنيا وما فيها ...@

 

[معلمة شيسمونه]

روزي قطعتي قلبي والله اني ادعي لج من كل قلبي

اسال الله العظيم ربي العرش العظيم ان يرزقج بالزوج الصالح اللي يعوضج عن كل هالالم اللي عشتيه

انا ما بتكلم عن امج لان الناس عقلياتها وطرق تصرفهم تختلف من شخص لاخر
لكن هي تزوجت وجابت عيال وحبت يكون لها بيت ليش تحرم بنتها ؟؟؟
قولي لها وليش انتي تزوجتي من الاساس ؟؟

والله اني تركت الموضوع وقعدت ادعي لج اعذرينا صاحبة الموضوع

في بنات اهلهم ما يزوجونهم لانهم بعد ما نضجوا فكريا فممكن البنت تكون مطيوره واهلها يخافون عليها
فيأخرون موضوع زواجها سنتين او ثلاث علشان تكون بعمر اعقل وهالشي افضل من انها تتطلق
هذا شي مر علي

ومن الحالات اللي شفتها ام اجلت موضوع زواج بنتها لحد ما خلصت الجامعه وتوظفت لان البنت كانت تعاني من سكري حاد فممكن باي لحظه تدخل البنت بغيبوبه وتموت وبهالحاله هي محتاجه مراقبه دائمه .. وكانت امها ترفض خوفا عليها لحد ما زوجتها لشخص من العايله وهي الان ما شاء الله عندها طفلين وام زوجها قايمه فيها حتى الاكل توكلها اياه بوقتها خوفا عليها وانا اشوف الام هني جدا ذكيـــــــــــــــــــــــة نقت لبنتها مكان ممتاز

وفي امهات مثل ما قالوا البنات تبي بنت تطبخ وتنظف وتدير شئون البيت ... فليش تزوجها وتتعب روحها
وهذول ما اقول الا ربي يهيدهم .. تعذبون بناتكم وتدفعونهم لطريق الله يعلم فيه


موضوعج يجرح واثار مواجعنا بس ناقشتي نقاط هامه حيل

شكرا لج اختي صاحبة الموضوع

 

[معلمة شيسمونه]

صج انا دايم اتسائل اكو امهات جذي ؟ ليش يعني شيستفيدون ؟

وبخصوص اللي تقول حاجي امج مادري اشوف انه عيب بعدين تقول ميتة عالزواج

والله يرزق كل البنات يارب

اختي ممكن تسمحي لي بكلمتين

يعني ما فيها شي اذا البنت صارحت امها ؟؟ او حتى ابوها إن كان يتقبل ؟؟

ما فيها شي اذا ما تكلمتي ما امج ؟؟ من بتفتحين له قلبج ؟

واذا ما صارحتي ابوج ؟؟ بتصارحين منو ؟؟

احناا فعلا لنا حدود وهي احترامهم .. لكن هالموضوع يخص مستقبلج وحياتج واسرتج
هم اول وتالي بيتركوننا بعد عمر طويل

وهالبنت وين بتروح ؟؟ لمنو بتظل ؟؟
بتكبر وبتعيش بلا اسره ؟

طبعا بصارحهم واذا اهلي بيقولون مشفوحه على الزواج خل يقولون مشوفحه
انتي عارفه انج تتكلمين بعقل ومنطق ودامهم مو راضين يفهمون هالفكره خل يقولون


ومو عيب نقولهم خاصه ان كانت البنت كبرت بالعمر وحتى فرص الانجاب قلت بالنسبة لها
قولي لي ساعتها بتندم على انها سكتت وما تكلمت ؟؟


وشاكره لج اختي
​

 

[LuLiTa]

هذي حرية شخصية... يمكن إتكون مخطوبة حق أحد ثاني أو ما ياخذون أحد من بره عايلتهم ، مو شرط إذا كانت متوظفة و مخلصة دراستها لازم على طووول إتروح بيت الريل !!

 

[فطوم السعوديه]

بعد قلبي معلمة شيسمونه


برددددتي قلبي والله .. احيانا تشوفين الاهل يبطون الجبد < الا تتكلم كويتي :$

يرفضون بدون سبب او يمكن عندهم اسباب معينه
ماتحسينهم جديين بموضوع الزواج باردين فيه ومو مهتمين طيب ليه ؟؟؟

 

[MiSs_CRaZya]

منورين بنات

معلمة شيسمونه اخذي راحتج و عبري كثر ما تبين​

 

[حلوه بس هبله]

بصراحه انا امي يهمها هو من اي منطقه وتدقق بالمنطقه واذا هو بدوي او حظري وشلون تعامل هالناس وهل بقدر اني اتعايش معاهم ولالا ' انا امي رفضت الشخص الي احبه عشانه من منطقه بعيده عن منطقتي قبل لا تعرف طبعهم واخلاقهم بس وربي انهم كيبين حيل ومستعد يعيشني العيشه الي ابيها بس مدري ليه رفضته حسيت السبب مو مقنع عشان ترفضه

 

[أم مسك_]

كل أم وكل اب
يبون بناتهم وأولادهم أحسن منهم

عشان كذا لابد من السؤال عن كل التفاصيل:
دينه / اصله/ حالته الصحية/ حالته النفسية/ عنده وسوسه / عنده شك
هل فيه أمراض وراثية أو نفسية معروفة بالعائلة./ وظيفته / راتبه/ يسكن مع أهله/ يسكن الزوجة في بيت لوحدها
البيت ملك ولا مستأجر...

ترى الحب في المسلسلات بس
لأن عندنا عادات وتقاليد

 

[MiSs_CRaZya]

منورين يا صبايا

وين اراء باجي البنات ؟​