ما تبين بنتج تتزوج ؟! :\

[بحرانيـه]

ههههههههههههههههههههههههههه ترى العزوبية حلوة

 

[أماني عمري]

أي أم ترفض تزوج بنتها مريضة نفسيا

 

[بعـــيد الشــوح]

يوه عورتوا قلبي الي ابوها وامها رافضين الزواج تدخل احد في الموضوع والله حلوه ابيك في البيت علشان تشيلين عيال اخوانك ياحبيبي

 

[بعـــيد الشــوح]

نسيت اقول صح سبق تقدم لي الظابط والطيار والدكتور والتاجر بس كلهم مو من قبيلتي حتى مره تقدم لي امير قامت امي ودقت على ابوي لانه مسافر وابوي على نياته علم عمي الا ويدق على امي ويصارخ بنتنا مو لعبه توها صغيرة وجامعيه وحلوه وكل يبيها ترى بنتنا غاليه ماياخذها الا واحد من قبيلتها فقط لا غير ومع كذا عادي عندي لانهم كلهم في الشرق وانا في الغرب علشان كذا ما اتعب عمري بالتفكير الي بيجيبه الله حياه الله....طولتها صححح..

 

[amami al-kuwai]

انا قهرني موضوع روري

شدعوه عليها امج الامهات بالعادة يبون يطمنون على بناتهم مو عيالهم

والمصيبة عارفة وضعج

الله يعينج ويرزقج بالجنة ويعوضج بالدنيا خير

 

[MiSs_CRaZya]

ما توقعت هالكم الهائل من الاهالي الي يمنعون زواج بناتهم !!​

 

[رووح ابووها]

روزي جربي تكلمين خالج
قوليله ابي اتزوج كلم امي او شي

ويارب ترزقج بالرجال الصالح الي يعوضج عن كل شي
ويرزق كل البنات

 

[Bloom]

ماتوقعت في اهل جذي ! لاحول ولا قوه الا بالله !

 

[MiSs_CRaZya]

اي والله الله يهديهم انشالله​

 

[مريااانه 4]

نسيت اقول صح سبق تقدم لي الظابط والطيار والدكتور والتاجر بس كلهم مو من قبيلتي حتى مره تقدم لي امير قامت امي ودقت على ابوي لانه مسافر وابوي على نياته علم عمي الا ويدق على امي ويصارخ بنتنا مو لعبه توها صغيرة وجامعيه وحلوه وكل يبيها ترى بنتنا غاليه ماياخذها الا واحد من قبيلتها فقط لا غير ومع كذا عادي عندي لانهم كلهم في الشرق وانا في الغرب علشان كذا ما اتعب عمري بالتفكير الي بيجيبه الله حياه الله....طولتها صححح..

صااااج انا جذي مثلج

 

[ميونة الحلوة]

الله يستر علينا في الدنيا و الآخره يا رب

و الله ييسر كل عسير و يفرج كربة كل مهموم

لكن و الله يا بنات لو شنو تسوين لو شنو تتعذرين بامج بابوج باخوج بولد عمج اياً كان الي تلومينهم بعدم زواجج هذا نصيب من رب العالمين

و لازم تكون عندج قناعه من داخلج ان كل امرج فيه خير لج سواءً تزوجتي أو ما تزوجتي ارضي و بقناعة بقسمتج و لا تحقدين على أحد من أهلج لان لو كان لج نصيب و الله لو كل الناس وقفت ضدج راح يتم لان رب العالمين قسم لج هالشي

 

[الفردان]

روزي الصغيره
الله يرزقج باللي تتمنينه
ويوفقج يااارب
جعل الله لك من كل هماً فرجاً ومن كل ضيقاً مخرجاً

اسال الله العظيم رب العرش العظيم ان يعطيك حتي يرضيك
لاتنسين قوله تعالي (ولسوف يعطيك ربك فترضى)

موفقه يارب *

 

[Loutes]

عندنا وعندكم خير


أتا أمي ترفض كل مرة وتقول لي شتبين بالعرس
ومرات تقول صغيرة ع الزواج مع أن عمري 25

 

[مرتبة]

رفع
رفع
رفع

 

[أغداً القاك]

صاحبة الموضوع مس كرزيا .. شكراً على فتح هالموضوع

الأخت ام فيصل .. ياترى هالابو الي حرم بناته من الزواج عشان معاشهم
هل الكفن الي لفوه فيه الحين فيه جيوب؟ والا بتنفعه هالفلوس في آخرته؟
لا حول ولا قوة الا بالله

اما الأخت روزي .. والله انج قطعتي قلوبنا يالغالية
صح انا اكبر منج بسنتين ومو متزوجة بس ظروفي خارج عن ارادتي
وانا ضد الي يقولون مو مهم الزواج وياحلاة العزوبية وبلا زواج بلا هم
الزواج يتوافق مع فطرة الانسان الطبيعي والرغبة في الزواج طبيعي جداً
يكفي انه استقرار لكل انسان سواء بنت او شاب
نصيحتي لج .. من قلب مؤمن الى قلب مؤمن
قيام الليل ثم قيام الليل ثم قيام الليل
لا توقفين قيام الليل الى ان تنفرج الغمة
مابين صلاة وقراءة سورة البقرة
موفقة ان شاءالله