ما عندي ثقة بنفسي وما اعرف اتكلم:(

[ღ❤سـنــيـــڪـرز❤ღ]

رد : ما عندي ثقة بنفسي وما اعرف اتكلم

انا كنت احس لو ابتسم الناس بيضحكون علي كنت منطويه وكائيبه
الحين بلجلسات والتجمعات انا بدون فخر التوب
ماتحلا الجلسه الابي وصوت ضحكتي اخر الشارع

الطريقه بكل بساطه
كل مااسنع كلمه قويه وتعجبني واحس بحتاجها يوم من الايام
اكتبه واقعد بغرفتي ادرب اقولها
اقولها بصوت عالي

مثلا مر سمعت وحدة بمسلسل تقول
انا ماراح احس بشي بعد اليوم لان اصلا ماعاد عندي قلب عشان احس قتلت قلبي
وكلمات كثيرة تحسين يجي لهم يوم وتحتاجينهم من صدق لاتضحكين

والله تجاوزت خجلي او مرضي انا الي عانيت وادري وش تحسين
جربي وشوفي

 

[فوق الثريا محلي]

بعطيج خبرتي احم احم
انا كنت ييخجوووووووووولة و مو اجتماعية ابدا و لا احظر المناسبات الاجتماعية ... استحي
و دخلت الجامعة و انا على هالحالة و مالي خص في حد و الجامعة اهم شي الدكتور يعرفج صح و كنت اييب درجات في الامتحان بس فالشفوي لالالالالالالا
هني اتحدت نفسي و قلت لازم اتغير و تغيرت شخصيتي 360 درجة و صرت و حدة غير شخصيتي غير وصرت دوم اقول انا احسن وحدة و من هالكلمات و الكل صار يعرفني حتى الدكاترة

و الحين حياتي احلى بمليون مرة من قبل اهم شي الشخصية القوية الواثقة من نفسها
خليج قوية و تحدي عمرج قبل كل شي

 

[عواشة بنت أبوها]

رد : ما عندي ثقة بنفسي وما اعرف اتكلم

يا حياتي أقعدي و سولفي مع الناس و خلي عندج ثقة بنفسج حاولي مرة و مرتين و ثلاث و أكثر .... >>>> ترى الحياة حلووووووووة

 

[حقـوق]

رد : ما عندي ثقة بنفسي وما اعرف اتكلم

حبوبه .. انتى مافيج شي .. ومشكلتج ثقه بالنفس .. بس .. وهذا امر طبيعي
مع الوقت وبحكم وضيفتج راح تنمين الثقه عندج .. وماتعرفين تسولفين مافيج شي من ردودج على البنات
مبين انه كلامج موزون ولبقه وتعرفين تردين .. بس مثل ماقلتي الثقه .. والفيس تو فيس ... وترا الماسنجر ينفع
لان تتعلمين تتكلمين وشوي شوي تتجرأين وتتكلمين فيس توفيس ... تعرفي على المدرسات واحتكي معاهم
وسولفي .. وان احد كلمج لاتقولين كلمه ورد غطاها .. حاولى تطولين بالرد .. وبالدرس ان شرحتى اسألى الطلبه في شي مو واضح افتحي الحوار معاهم .. عشان تتعلمين الحوار والمناقشه .. وصدقيني المسأله مسأله وقت .. بس ساعدي نفسج بالتواصل

 

[حربيه وبس]

رد : ما عندي ثقة بنفسي وما اعرف اتكلم

صدقيني حتى لو مافيج شي من كثر ما انتي توسوسين راح تقتنعين انه فيج شي

حطي ابالج دايم انج جريئه وانه عندج استعداد تواجهين اي موقف واي نقاش
وشوي شوي راح تلاقين نفسج اقتنعتي

 

[شموووخ الكويت]

رد : ما عندي ثقة بنفسي وما اعرف اتكلم

السلام عليكم اختي الغاليه بخصوص الثقه بالنفس لازم اترددين هذول الكلمات
انا حلوه انا مزيونه انا واثقه من نفسي
محد يتحداني..الخ
اما بخصوص البدليات عادي كل الناس تقط بدليات لا تقوليلي انا غير وبعدين قبل لا تروحين المدرسه رددي الكلام الي بتقولينه ليما توصلين المدرسه وبالتوفيق

اختج>>>>>>>>>>>>
شمووخ الكويت
تقبلي مروري

 

[حلوةودلوعة زوجي]

رد: رد : ما عندي ثقة بنفسي وما اعرف اتكلم

هلا يا قلبي
امممممممممممممممم
تصدقين انا اول تقريبا جذي بحكم اني مااطلع وايد ومااسولف وووووووووايد يعني هادية بشكل كبير
بس بعدين لم تزوجت نضجت واختلطت مع ناس واهل ريلي وسوالف انطلقت اشوي بالحجي وقمت اسولف وحبوبة وجذي خلي الامور تعدي ما اخفيج اني لي الحين هادية على قولتهم راكزة يني مو حلو تسولفين وايد ولا هادية وساكته طول الوقت
حبوبة لازم تختلطين وخلي عنج الخوف وانشاءالله ماكو الا العافية

 

[نادره في وجودها]

رد: رد : ما عندي ثقة بنفسي وما اعرف اتكلم

بالعكس يالغاليه هذي لا تعتبرينها مشكله هذي اعتبريها احترام للغير

والناس يحبون البنت الهاديه اللي مالها صوت مو ام قرقاااا

وبالعكس تري بعض الرياجيل يحبون البنت اللي مالها صوت بس ان شااااءالله وحاضر وخير الكلام ما قل وذل

وقلتيلي مدرسه انا من ناحيتي اعتبرج مدرسه ناااااجحه ما تعرفين تجاملين اما المدرسات اللي قرقتهم واجد تحسين انهم يجاملون وانا ما حب هالنوعيه

وقلتي انج خجوله احلي ما في البنت خجلها مو دفاااااشتها هع هوووووع تبين تصيرين دفشه افهم من كلامج

وانطوائيه اهم شي اهلج امج وخواتج جابليهم والباجي طنشي فيهم خليج قدامهم انطوائيه ع طول وفتكي من شرهم لووووووووول

وشنو البدليات اللي تقطينها تري الانسان مو معصوم من الخطأ عاااادي يعني هم ملائكه وانتي شيطان لوووول

الناس سواسيه يالغاليه ما في فرق بينا وبينهم كلنا مدفونين بقبر واحد لا زين ولا مال ولا كلام بينفعم صح

خلي ثقتج بالله عاليه وتوكلي على الله وارفعي راسج قدام اللي يسوى واللي ما يسوي وما لج شغل بأي احد

وعذريني ع التعليق

 

[tulip]

رد : رد: رد : ما عندي ثقة بنفسي وما اعرف اتكلم

حبيبتي البدليات حتى المذيعين الي راس مالهم قايم على الحوار والجراه والنقاش يقطون بدليات عاددي طبيعي كلنا

وحتى انا مثلج استحي مرات واقط بدليات بس ما اقول عن نفسي ماعندي ثقه وماعندي جراه انا شايفه نفسي مميزه حتى بخجلي .. اصلا شخصيتج عاجبتني بالعكس حلات البنيه انثى وعلى فكره اانا اتصنع هالشي هههههههه شفتي شلون في ناس تتمنى شخصصيتج ؟
و خير الكلام ماقل ودل ورسولنا عليه الصلاه والسلام قايد امه مو طلبه بو كلاس ها لووول قايد امه وكان كلامه مختصر وكله حكمه ورجاحه .. وعلى قوله وحده من البنات مو مهم القرقه والهذره المهم الحكمه والمنطق وتبعدين عن الحش والنميمه والتطنز على البشر بلبسهم وطريقتهم
انا حاليا احاول مااقرق وايد مع الناس مااحب اكون كتاب مفتوح كثره الحجي تخلي الناس تعرف انتي شنو شنو عيوبج وشنو مميزاتج بشينها وزينها لانه لسانك حصانك مو دايما معاج خصوصا بالكلام الزايد وكثره المجاملات على غير سنع بالطالعه والنازله
حلاته انتي الغامضه بسكوتج وبستماعج للغير واهما الكتاب المفتوح بكثره القرقه والسوالف

انا اعارضج اكون مستمعه احسن من ان اكون قرقه و " مسولفجيه "

وازيدج من الشعر بيت ذاك اليوم وانا افتر من بالمنتدى .. رحت قسم العروس البنات الي توهم مخطوبين يعني توه بيقعد وياها بالمجله
وحده تنصح الثانيه قاعد تقولها لا تسولفين وايد خلج انتي المستمعه معاه والخجوله


شخصيتج ينصحون فيها ياعزيزتي

وبس شاركتلج على الموضوع .. جنه صرت انا المسولفجيه الحين هههه

 

[ρяɪиcєss τστα]

رد : ما عندي ثقة بنفسي وما اعرف اتكلم

لآآ حيآآآتي لا تـــقولين جذي .. يمكــــن هالشغلة تكــــــون فيج .. بس إنتي لآ تأكدينهآآ دآخلج أكثر .. يعني قولي دايمآ إن ما فيج أي شي وإنج بتكونين قوية وبتتكلميـــن .. ولازم تجرإين نفسج أكثر .. شوفي برآآآمج إذاعية .. مسلسلآت .. أفلآم .. إحتكي أكثر بالنآس .. ترآ أهما بشر مآ يعضــون هههه .. وإنشالله تصيرين زينة وتتجرئين ..

 

[مسس كارميلا]

رد: رد : رد: رد : ما عندي ثقة بنفسي وما اعرف اتكلم

البنات ما قصرو
بس تبين شور اخت
تبي لج الخير
انتي بس ينقصج تقدير الذات
نصيحه من قلبي
اسمعي هذي السلسه

سلسه مفاتيح التعامل مع الذات
حق الاستاذ بشير الرشيدي
وطبقي كلامه راح تفرقين واااااااايد
بس الاول استعيني بالله وادعي ربي يسر لج
ثم طبقي كلامه
هلانسان عجييب
نصييييييييييحه اقري كتاباته
احسن واحد بتنميه البشريه
وراح تفرقين وايد
مع تطبيق كلام البنات كفوو او وفوو

 

[زهره الخليج]

رد: رد : ما عندي ثقة بنفسي وما اعرف اتكلم

انا قبل كنت نفسج

بس طبعا كنت غير كانت اختي اكبر مني كم سنه كانت اتحطمني
بس تضحك علي اذا تكلمت الا ان صارت فيني حاله نفسيه قمت بس اقط بدليات وصرت انطوائيه حييل
مع اني اجتماعيه واذا تكلمت قالت استكي ماتعرفين تتكلمين واقعد بين وبين نفسي كله اسب عمري اني ماعرف اضحك
وشيطان لعب لعبته معاي وقمت بس اقعد بروحي ... بس الحمدلله من خلصت من المدرسه طلعت بنت ماعرف اتكلم كلش
بس اقط بدليات من تعرفت علي صديقاتي قمت اتجرااا
اخذي كلامي بحمل الجد حتي لو تبيني اتكلم انا وياج بتلفون عادي والله حياج ياقلبي...
اول شي : نفسك يعني اذا قعدتي مع نفسك حاولي تشجعين نفسك شنو ناقصني انا انا اعرف اتكلم
ثاني شي: المجالس مدارس يعني اذا تكلمو ناس عنده خبره بكلام اسمعي واحفظي كلامهم عدل
ثالث: ارد وقولك الليل الليل لا تسبين نفسك او تحطمين منعوياتك يعني شجعي عمرك انا اعرف اتكلم انا اعرف اتكلم
رابع: اذا تكلمتي فكري وخلي عقلك متصل بلساان يعني اذا تكلمتي خلي عقلك شغال مع كلامك ..
خامس: اي شي تبين تقولينه حطيه بعقلك حاولي كم محاول تلقين بسرعه عندك راح تكون ردك فعلك سريعه واهم اسلوبك راح يكون متزن
سادس : الناس تضحك عليك اهم اول ناس تعادينهم وتسبينهم ...لانه اختي اهي سبب صار فيني والحين اهي اول ناس تحب تسمع كلامي بس تثقيف نفسي اللهم لك الف حمد

بس الحين الحاله قامت ترجع لي هههههههههه بسبب جلووسي بروحي في دووام مثل ماقلت لك المجالس مدارس ياقلبي
اذا بغيتي شي انا حاضره

 

[طأقتن تسبدي..!]

رد : ما عندي ثقة بنفسي وما اعرف اتكلم

نفففففس المشكلة بس في ظروفي الحالية الحين انا ادرس برا ماعرف اربط كلمتين على بعض بالانقلش مع اني ولله الحمد لغتي قوية
بس اختبص مادري ليش عنجد مشكلتي ارقتني

الله يكون بعوني وعونج حبيبتي ​

 

[سنجوبه]

رد : ما عندي ثقة بنفسي وما اعرف اتكلم

حبيبتي انتي وايد مكبره الموضوع ترا وهذا للي اثر عليج لان حطيتي شي في بالج انج ما تقدرين تتكلمين وتقطين بدليات على قولتج شوفي خل اقولج على حلين :

يا انج تقرين الجريده كل يوم او وقت فراغج قعدي اقري الجريده ومو مشكله اذا تخربطتي بالكلام ولا تقعدين في بالج اني اتخربط في الكلام وانتي تقرين الجريده ركزي بالكلام مو تسريحين وتقرين

وثاتي شي سويه في قصص صغيره مولوت يهال عرفتيهم ؟ اقريهم وحطي جدامج منظره وقعدي اقري ولما تخلصين كلمي نفسج وجدامج المنظره ولا تضحكين ترا وايد مهمه هالحركه والله

واضح ان انتي تستحين صح ؟؟ ونظام بيتكم محد ايقول رايه اتقوقع المهم ماعلينا بس سووي اللي قتلج عنه وبلغني بالنتيجه حبيبتي واهم شي لا تحطين في بالج انج اتقطين بدليات والله شغلتج بسيطه حييل لانج مو مدربه على الكلام بصيغ طويله يعني تعرفين تردين على قد الكلام ما تعرفين اتناقشين فعشان جذي اتقطين بدليات وما تركزين بالكلام

 

[غاده بنت وليد]

رد: رد : ما عندي ثقة بنفسي وما اعرف اتكلم

دايما رددي هالدعاء
(( ربي اشرح لي صدري و يسر لي أمري وحلل عقدة من لساني يفقه قولي ...))

احلاااااا شي انقااااال

بس ازيدك
سوي دورااااااات
ماعرف بالنسبه للكويت
بس عندنا في اكاديميه فيصل
دورات تعلمك المهم دوري او سالي في الشي
اللي تبين
مهارررات المهم في الشي الي ناقصك
والامور هذي يبلك لس اختلاااط
وشوفي برامج تثقيفيه
وما في شي يبقي ع حاااااااااااله

ربي يوفقك

 

[صدى الاسلام]

اشكرج على طرحج الموضوع
بالصراحة اعاني من المشكلة
اذا شفت احد غريب يصير بطبعي جذي

​

*

 

[صدى الاسلام]

اشكرج على طرحج الموضوع
بالصراحة اعاني من المشكلة
اذا شفت احد غريب يصير بطبعي جذي

​

*

 

[صدى الاسلام]

اشكرج على طرحج الموضوع
بالصراحة اعاني من المشكلة
اذا شفت احد غريب يصير بطبعي جذي

​

*