متزوجه ومو متزوجه فهموني ........

[شموسة كيوت]

الله يسخره لك ان شاءالله

 

[مدام فراوله]

الله يعينج ....بدويه وايد كفت ووفت

 

[دلوعة صلوح]

الله يهدى لج يارب العالمين.

 

[حلوةودلوعة زوجي]

حبوبة كله الي تمرين فيه طبيعي جدا جدا اول الزواج لازم فيه اختلاف بوجهات النظر والاطباع مع الوقت والعشرة بيتغير الوضع
بس يا قلبي لا تحنين وايد على سالفة خدامة وفلوس وطلعات الله يهديج اشلون ريلج ما يطفش توة الناس ماصارلج شهرين وتبين خدامة اشخليتي حق بعدين
المرة الذكية اهي الي تعرف اشلون تشوق ريلها يرد البيت لها بسرعة وتنسيه طوايف ربعه وما يشوفها الا اهي لا تكندين على حياتكم واظنتي فاهمة قصدي
سلااااااااااام

 

[أميره بلا قصور]

الله يهداج توج شهرين وتبين خدامه !!!!

بعدين شنو الولد صج يمكن معاشه متقطعع قروض ودنيا لا تكلفينه فوق طاقه

الحمدلله الله مرهي عليج موظفه وراتبج عندج ليش اصرف علي !!!

بالعكس حمدي ربج غيرج العيال والبيت عليها وبالعه العافيه

اعرف وحده هدمت بيتها والسبه المصرف مع انها موظفه ومعاشها راااهي بس دلع تبي زوجها يصرف عليها

اخرتها ندمانه الله يصلح بينهم

خلي عنج هالخرابيط وقابلي بيتج وونسي زوجج حاولي تجذبينه لج وللبيت وبتشوفينه ما يفارقج

 

[أميره بلا قصور]

حبوبة كله الي تمرين فيه طبيعي جدا جدا اول الزواج لازم فيه اختلاف بوجهات النظر والاطباع مع الوقت والعشرة بيتغير الوضع
بس يا قلبي لا تحنين وايد على سالفة خدامة وفلوس وطلعات الله يهديج اشلون ريلج ما يطفش توة الناس ماصارلج شهرين وتبين خدامة اشخليتي حق بعدين
المرة الذكية اهي الي تعرف اشلون تشوق ريلها يرد البيت لها بسرعة وتنسيه طوايف ربعه وما يشوفها الا اهي لا تكندين على حياتكم واظنتي فاهمة قصدي
سلااااااااااام

سبحان الله اانا وهالمزيونه كتبنا المشاركه بنفس الوقت وطلع نفس الحجي

توارد افكااار 

 

[sosowaty]

االله يعينج

 

[hooryah q8]

الله يهدي سركم و يسخره لج
اهوا فيه اشياء وايد غلط ابطبعه .. يعني الطلعه المفروض الحين ينسى ربعه و بس يجابلج لانكم معاريس
اشدعوه عليه مو قادر يفارق ربعه وتوا ماصارلكم شهرين زواج!!! اسمحيلي زوجج وايد مشاعره جامده !
صح الي اتسوينه عوديه على الطلعه و يخصص يوم لج تطلعون فيه ميخالف حتى لو كافيه قهوه وكيكه
المهم يخصص وقت لج انتي شريكة حياته مو مكمله لحياته!!!
و سالفه المصرف مصاريفج الخاصة من ملابس و عطور ومكياج هالاشياء صح الريال مايقدر يلتزم فيها
كلها و انتي موظفه ماشاءالله قادره على هالاشياء .. بس مثلا وانتو طالعين حلو انه يشتري لج شي
حلو اذا دخلتوا محل و عجبج شي و لما اتروحون حق الكاشير يقولج خليه علي او اعتبريه هديه
او لي تغديتوا برا او عشا اهوا الي يدفع .. علمييييه هالشي لا تعودينه كل شي انتي وخاصة اغراض الجمعية
عيل اشحقه متزوج اذا مو قادر على مصاريف البيت؟؟

و سالفه زوارة الاهل انا كنت جذي اول ماتزوجت بس اخذيها مني اول مااتييبين اول بيبي راح اتلاقين امه
اهيا الي ادق عليج واتقولج تعالي .. بس عطيهم وقت

و الله يوفقج حبيبيتي و ييسر امورج

 

[حبك من الله]

شنوووو هذا

الله يهداج

توج بحرف ( أ ) بالزواج

تبين الريال يقابلج 24 ساعه

مستحيييييييييييل

انت اللي تشوقينه لبيته

دلعيه وريحيه وعلى بال مايتعود عليج اكثر ومايبي يفارقج ويوله عليج

ولا تعطين الطلعات مجل اكبر من جذيه ويا رفيجاتج وطلعات اهلج

ديري بالج حبوبه عشان لايتعود على فراقج

والله يوفقكم

حبوبه أكل العنب حبه حبه

 

[FeShinGoOo]

سمعي كلام بدويه وايد

 

[أميره بلا قصور]

بنات شسالفه الحموله الي مايبووووون احد يزورهم منتشره بكثره

انا نفس الحاله وتوني عروس مايبيني احتك فيهم يادوووب مره مرتين بالشهر والحين صارلي شهرين مامريت

وقريت اكثر من مشاركه نفس حالتي


معقووووله الناس صارت جذي !!!!!!


اعوذ بالله

سوري حبيبتي قلبت موضوعج سوالف ههههه

الله يعينج ويسخره لج بس الله الله بالدلع والسنع

 

[مزيوونه حيل]

طلباتج واجد بصراحه

اخذي كل شي بالهداوه مو دفعه وحده

بعدين منو قالج انه رياييل هالوقت يسفرون حريمهم؟ ما تسافر الا قاطه نص فلوس السفره اذا مو اكثر بعد

اما ما يقعد وياج ولا تشوفينه غلللط .. قوليله انا اولى من ربعك وحاولي تكسبينه وعسى ربي يهديه

 

[شيخه_البيض]

تصرفاته غلط بغلط
حبيبتي دقي على خالتج وكلميها وسولفي معاها
وشوفي شنو نوعها ترى اكو رياييل مايحبون حريمهم يحتكون باهلهم مع ان الأهل اهبلون
يمكن ريلج مايبيج تزورينهم واهما يبونج على شان جذي ماوجبوج بعرس أخوج متحسسين منج
والريال ملزوم يصرف على بيته وعلى مرته حتى لو اهيا موظفه
وملزوم يجابلها ويشوف طلباتها وشنو احتياجاتها
وبعدين شنو شوقيه يرجع للبيت ليش جم سنه صارلج متزوجه بسم الله توهم شهرين المفروض مايفارقها
وغلط أنه أتكل على اهلج بكل شيء
لازم تتكلمين معاه
لو صج مشغول او مريض او فيه شيء أوكي مقبوله بس جذي بصراحه شيء لايطاق
تبين الصراحة ووالله مو قصدي اشيشج لو ريلي جان ذبحته من القهر
الله يعينج ويصبرج ولاتسكتين عن حقج

وموصحيح اللي يقول كل الرياييل جذي وينهم ما اشوفهم @@

 

[غرقانه]

بس انا ابي اعرف سالفة الخدامة انتي راسك براسة شكو خدامة

شلون تبين تثبتين وجودك عنده ومو تاركة بصمة لج

ابداااااااااا

 

[سمو]

اللهم صل علي محمد وال محمد


بما ان الموضوع للمتزوجات ...... ف اللي بقوله شي عادي


عزيزتي ..... كلمه قالت لي اياها صديقه عزيزه علي ..... ونصيحتها ذهب ..... اذا ارتاح الريال بالفراش ..... يرتاح دايم ..... ويحطج بعيونه .....الرجل تزوج بس علشان هالشي ....غير البنت تزوجت علشان وايد اشياء ...... حاولي تسعدينه بالفراش وبتشوفين منه العجب ....نصيحه لكل زوجه وعروس جديده مثلي ....... نصيحه من ذهب ...من اخذ بها سعد بحياته :rerrerek:

لا تفكرين بالحموله عادي ..... انا ما زرت حمولتي كلش ..... ريلي ما يحب سوالف القيل والقال ...ومايبي اروح لاهله ..... عادي مو مهم عندي .....المهم راحت ريلي وبس :rerrerek:

والله يسعدج يارب .

 

[mira]

انا زوجي نفس الشيء طوول اليوم برا بداية الزواج واهلي يعطوني فلوس وهو شايفها عشان كذا صار ماعاد يصرف نهائي بس بعدين صرت مااعلمه بإللي عندي واطلبه ويعطيني مايقصر بس برضو استحي منه لآن ماصار لي 4 شهور معه
واهله واصحابه اهم مني بس شوي شوي صار يتغير واهل زوجي من طبايعهم لازم ازورهم كل اسبوع 3 او 4 مرررات ومرررره مو عاجبتني السالفه !!
ارضي بإللي عندك احسن لك والله ودي بالفكه منهم وادعي الله يسخره لك وان شاء الله يتعودون علينا ويعطوننا من وقتهم زي اهاليهم واصحابهم

 

[عتيبية مزه KSA]

الله يفرج همك ويشرح صدرك مافيه شي يسوى ترى سهالات بس خلك ذكيه واكيد زوجك له ايجابيات عززيها فيه امدحي صفاته الحلوة وسلبياته حاولي تشتغلين عليها بهدوء
وبصراحه ماعندي كلام اكثر من الكلام اللي قالوه البنات ماقصروا صراحه ماشاء الله مثقفات وفاهمات وانصحك عن التسرع في اتخاذ قراراتك والطفاقه مو كل يوم بيجيك رجال سنع الحمد لله اللي مشغله دوامه مو شي ثاني شوفي مصايب غيرك واحمدي ربك وارتاحي ​

 

[* بنت المطر *]

زين يخليج تروحين مع اهلج انتي ماقريتي مشكلة بدوية وايد !! اللي حتى عروس قرايبها ماتروح !

هذي رياجيل هالايام حبيبتي اسم بس تاقلمي على وضعج واستفيدي من وضعج قد ماتقدرين وحاولي تطلعين ايجابيات

هالوضع وتتحاشين سلبياته

 

[حدي خطيره]

السلام عليكم ورحمه الله وبركاته

اانا ليست عضوة جديد بل اترددع المنتدي كثير وحب هذا القسم حييييييييييييل:rerrerek:

وحب اهل كويت وهواها:eh_s(7):

طيب ذكري الله وقولي لاالله الا الله زين انا متزوجه 11 سنه :ggdw:يعني خبره

رجال يموه في الي بالي بالك:ch12: &نوم& وعقله فيه وهو المحرك لحاجاتك
وشي الي تبينه تقدرين تاخذينه زين بس غيري لاسلوب شوي

وبس سامحوني باالاطاله :eh_s(8)::eh_s(8):

محبتكم*حدي خطيره*​

 

[! بــدويه وآآيــد !]

زين يخليج تروحين مع اهلج انتي ماقريتي مشكلة بدوية وايد !! اللي حتى عروس قرايبها ماتروح !

هذي رياجيل هالايام حبيبتي اسم بس تاقلمي على وضعج واستفيدي من وضعج قد ماتقدرين وحاولي تطلعين ايجابيات

هالوضع وتتحاشين سلبياته

،


ههههههههههه ياحلووج

اي والله صاجه وللحين مالقيت حل جربت كل شي كل شي الي يطري والي مايطري على البال