الصراحه مادري شلون البنات يقولون هذا شي طبيعي لو اهم عايشين بهالشي جان كتبو موضوع شطوله هني
صج الوحده اذا تزوجت تحب اهله وتحب تزورهم وهالشي اهو الطبيعي
والطلعات عندنا وعندج خير انا ريلي جذي طول اليوم برا ما اشوفه الا وقت النوم
ومرات اقوله هالشي بس بطريقه غير مباشره اقوله اشتقتلك وايد
يقولي ادري انا فاهمج << انزين فاهمني سو شي وله بس احساس اهو هههههههههه
بس المصروف الحمدلله اهو يصرف يمكن لان انا توني ما توظفت اذا توظفت بشوف شيصير
بس حبيبتي صدقيني بتتعودين مثلي انا احس خلاص تعودت جذي اعيش قبل كنت ابجي واتضايق كل يوم كل يوم بجي الحين عادي انام
ما اقولج بمرتاحه بالوضع لا مو مرتاحه بس بنفس الوقت تعودت عليه وصار شي عادي خلاص
قبل باليوم ابجي عشرين مره واحس الدنيا مسكره بويهي
الحين بالاسبوع مره يمكن ابجي ومو جدامه طبعا انخش بالحمام بليل وابجي ههههههههه واطلع جنه ماكو شي
قمت كلش ما اتذكر شي حلو كان بينا عشان لا اقارن بين قبل والحين قمت اعيش يومي وبس
وعودت نفسي لما اسوي شي مو كل شي اسويه يدري عنه زوجي لان احس هالشي يخليني اتضايق لان ما احس في شعور متبادل
مثلا قبل كنت كل ما اروح السوق اشتري اي شي والله لو بدي عادي حتى لو دلاغ شفاف عادي اوريه شوف شنو شريت كنت احب ان يعرف كل شي عني
كنت لما اطلع من البيت اصورله كل شي تخيلي اروح السوق اصورله انا الحين بهالمحل واصور اسم المحل وادزه
اقعد بكافيه اطلب قهوه اصورله القهوه وادزها
بالاصح كنت اعيشه جو ان اهو طالع وياي وبالصح اهو مو وياي !
وبالمقابل ما اييني منه شي حتى تعليق مافي فحسيت ان اللي اسويه اوفر
احس كان هالشي رده فعل لي الحين
الحين وضعي اهو يقوم الصبح يداوم يرد الظهر يتغدا تحت عند اهله ! ينام تحت الظهر او مرات يصعد ينام فوق مرات
ينام لما الساعه 6 او 7 ويقوم يبدل على طول ويروح الدوانيه
يرد الساعه 12 او 1 بالويك اند يرد الساعه 2 او 3
وايام الاسبوع يرد ما يسولف وياي وله شي ينام طبعا على طول عشان الدوام باجر
وبالويك اند الخميس يرد الساعه 2 او 3 ويسولف بو نص ساعه وينام يقول تعبان اليوم دوام وجذي !
ويوم اليمعه اوكي يسهر وياي بو ساعتين ثلاث وينام والسبت طبعا ينام مبجر عشان الاحد دوام
يعني لو بحسب الوقت اللي يكون اهو فيه وياي ما ايي ربع يوم بالاسبوع
يعني بالكثيييييير 6 ساعات بالاسبوع يكون وياي واسولف وياه
يعني يوم واحد بالشهر لو تحسبينها بالشهور
وفوق هذا لكا اكتب موضوع هني يقولون هذا شي طبيعي ادري اغلبهم بينهم وبين نفسهم يقولون مو طبيعي
بس عشان يصبروني والحمدلله ويزاهم الله خير الفضل يعود لله ثم لدعواتهم ان الله يصبرني
وصج وقتها بعز المشاكل وياه كنت احاول اسوي اي شي عشان بس اغير زوجي
بس بالنهايه عرفت ان شي صعب اغير شخص جدامي
قمت اغير انا من نفسي احس فجأه نزل علي صبر مو طبيعي
قمت اطول اشياء اوف لو هالشي يه قبل جان يمكن بجيت وما طولت وشوفي مواضيعي لو تبين شلون كان اسلوبي وشلون صار
مرات احس ابي افضفض واكتب هني بعض الردود تفيدني والبعض الاخر تضايقني
ادري كولت وقلت قصه حياتي ههههههه بس صج مالج الا الصبر الله يصبرج يا رب ويغير حياتكم للاحسن
