متضايقه يا بنات.... لا تخلوني

[وضح النقى]

رد : متضايقه يا بنات.... لا تخلوني

الله يفرج لج همج

ما عليج منه

استانسي واطلعي مع عيالج تعشوا برا غيروا جو

اخذي معاج وحده من خواتج عشان ماتملين

واحمدي ربج . اللي يشوف مصيبة غيره تهون عليه مصيبته

 

[Mazyoona]

حياتي ،
الله يفرج همج و يفرج ضيقتج يا رب

 

[Tom ♥ Jerry]

.


عآدي حياتي هالروتين يصير خصوصا ايام الدرآسه !
أممم شغلي نفسج بآي شي .. يعني الحين ياي معرض الكتاب
روحي اشتريلج جم كتاب و بوقت فراغج اقريه !
عشان تستفيد من وقتج و تخلين وقتج ثمين >

أو طبخي انا مرات جذي لمآ آمل اروح اسوي عشا
وناسه الطبخ .. أممم قعدي مع خوآتج و أمج طلعي معآهم يعني مرري اليوم باي طريقه


و هاذي فتره و تعدي آن شاء الله !
كلنآ ايآم الدراسه يصير لنآ هالشي .. عآدي فديتج

 

[om deaj]

انا مثلج اطلع حرتي بالنت و مقزرتها اقرا المواضيع بالمنتديات

 

[غمزه وإبتسامه]

نفسي انا فيني ضيييجه تهد جبااااال الله يفرجها عليناا

 

[غرنوق رعبوبة]

اتعوذي من ابليس وعسى الله يصلج امرج كله.

 

[* بنت المطر *]

تلفزيون _ نت _ سوالف تلفون _ اهتمي بنفسج _ حضري للعشا _ جهزي البسج باجر _ جهزي لدوامج شغلات حلوه تاخذينهم وياج

لعبي مع عيالج قيمز ضحكي وياهم بدال ماتصارخين وانتي بصراخج تدفعينهم يصارخون ع بعض ويسوون ازعاج

طلعي انتي وياهم كل جمعيه الحين عندها مطعم والعاب مجانيه والجو صار زين خليهم يلعبون شوي واكلوا سناك وردوا البيت

لاتنامين الظهر بعض الناس وانا منهم نومة الظهر تسبب لهم ضيقه الجو كل ماله يتعدل وماكو نهار استانسي بالوقت اللي

ترجعين فيه من دوامج ونامي مبجر انتي وعيالج ع ال8 او 9 وقولي الحمدلله وووووووبس

 

[باربية الكوووويت]

فعلا المسؤليه تتعب الله يوسع صدرج ويشرحه لج دلعي نفسج وروحي يسولج مساج وحمام استرخاء فوق بمجمع المهلب

 

[ummoony]

اجعلي لك ورد يومي من القرآن واكثري من ذكر الله ومن الاستغفار وان شاء الله بتشوفين النفسية الي مافي احسن منها ولا تقولين ماعندي وقت حتى وانت تشتغلين في البيت اذكري الله واستغفري وادعي الله ان يسخر لك زوجك وعيالك

 

[أسيرة_أحزاني]

رد : متضايقه يا بنات.... لا تخلوني

الله يفرج همج وهمنا وهم كل مسلم

 

[مشتاقه لك يبا]

رد : متضايقه يا بنات.... لا تخلوني

االله يعينج

 

[بـاسي قــوي]

رد : متضايقه يا بنات.... لا تخلوني

الحال من بعضه الله يعينج حبيبتي و يقدرج

 

[مكاييل]

انا مثلج ودورت لي على هوايه واكتشفت اشياء وايد فيني ماكنت ادري اني اقدر اسويها شوفي صرت مبدعه بتغليف الهدايا هالشي طورني حق تصميم الازياء وتصميم ديكور البيت صارت شغلتي اخبص بهالبيت وانواع الصبغ والديكورات والحين طايحتلك بالطبخ اسوي لي سفرة من هنا الي هنا وانبسط ومرات اذا بلغ الطفش مبلغه معي اطلب لي بيتزا واضبط لي ذاك الفيلم واسهر واصير حدي رايقه ومبسوطه واذا على العيال خليهم يشاركونك

 

[صاحبة الجلاله]

والله نفسي بس انا احاول انسي نفسي باي شي اطلع ونت مجمعات بحر سينما وفتره واصير احس

 

[عتيبيه ناعمه]

رد : متضايقه يا بنات.... لا تخلوني

البنات ما قصرو عطوج وايد اقتراحات الله يشرح صدرج ان شاء الله وما تييج ضيقة الخلق

ليش ما تسوين عزومه بالدور بينج انتي ورفيجاتج او انتي وخواتج كل يوم عزومه عند وحده تستانسون وتسولفون مع بعض ومو شرط كلا بالبيت يعني مره بحديقه ومره على البحر ومره بمطعم جذي وجذي والحين الجو صاير احسن


ويالله ضحكي ولا تضايقين لقفي هذي لج :eh_s(17):

 

[أم ســـجى]

وااااااااااااااي نفس حالتي بس انا ربة منزل
شقولج بس خلي الغطا مستووور انا وصلت لمرحت اليأس منه معني صارلنا بس 3 سنوات زواج بس