مجلس الامه يصوت برفض اسقاط القروض

[ماكنتوشة]

ام بدير
ناني سيكرتس
انريشبل
نورالدنيا
يعطيكم العافيه
طلعتوا اللي بقلبي

 

[الغاليه نونو]

اخر الاخبار .......البحرين اللي هي البحرين طيحت قروض مواطنينها بمناسبة العيد الوطني عليهم بالعافيه

واحنا مجلسنا بش يعرفون يقولون .... نشجب ونرفض ونستنكر...والبوق علي عينك ياتاجر ومال عمك مايهمك ....خلوها بالقلب تجرح ولاتطلع عاللسان وتفضح

 

[أميرة الورد]

أبوي مساع يقولون مظاهرات الناس مسوين ؟صج ؟ ماشفت شي يقول عافسين الدنيا

 

[قمر ضاوي33]

الحين يطيحون ديون كل هالدول عادي واحنا ديونا مو عادي ... ليش ؟؟؟ انا الحمدلله بقى لي جم شهر على قسط سيارتي وبس .... ولكن هذا الشي يبط الجبد يتبرعون بالميارات حق الغريب واحنا حامض على بوزنا ..... لا حول ولا قوة الا بالله ... صج عين عذاري

 

[Q8tya_GirL]

والله لكويت xxxxxx
ليش بالله يعني يودوون خيرنه حق بررررره واهل الديره حاطين ايدهم على خدهم الحمدالله لكويت ديرة خير ونعمه خل اتوسع على الشعب مو تودي خيرنه برره واهل الديره ماخذو القرض والا اهمه محتاجينه يمكن نادر ماخذه حق الوناسه و الكشخه
وبعدين خل يعطوون حق كل كويتي مبلغ وبس جذيه الكل بيرضي ويرتاااح
بس الحمدالله على كل حال

 

[أغصان]

اخر الاخبار .......البحرين اللي هي البحرين طيحت قروض مواطنينها بمناسبة العيد الوطني عليهم بالعافيه

اي صحيح انا سمعت بهالخبر وعقبالنا ان شاءالله
بس اللي انا مستغربه منه هذول اللي رايحين المجلس وهم ماعليهم قروض
بس رايحين علشان يوقفون ضد اسقاط القروض انزين ليش ؟ بيستفيدون شيء يعني ؟
والله لو انا مكانهم وماعلي قرض ولا على زوجي كان صوت مع اسقاط القروض ليش ؟ اذا احنا متهنين بعيشتنا وبالمعاش اللي ينزل لنا آخر الشهر فيه غيرنا مو لاقين مصرف حق اكلهم ولا ملبسهم !!
ما اقول الا الله يرزقنا من عنده من غير لا نذل نفسنا اكثر من جذيه​

 

[جورية كويتية]

والله كنت دارية ماراح يطيحونها​

بس عن جد الكويتيين غريبين والله لو مطيحين القروض عن العراقوفلسطين مافي احد احتج​

بس لما قالو نبي نطيحها عن الكويتيين الكل يقول شمعنى وشمعنى​

وين الله يوفقنا اذا كل واحد حاسد الثاني​

اي والله صااااااااااااااااااااااجه
شي يحر:eh_s(14): ​

 

[لازوردي]

لا تعليق
شكراً لكي اختي الكريمه على هذا المشاركة

 

[norema-sarto]

بنات لا تذكرونييي ...ببجيييييييي​

 

[rudy]

انا اعرف وحدة راحت شرت جيب بورش وخذت قرض من البنك بسبة هالسالفة يعني شي يحر لما اناس تاخذ قروض عشان اتسافر ولا تكشخ اهني ماكو عدل
يعني الي محترم نفسه وماد اريوله على قد الحافه وصاير مواطن محترم هذا جزاته
اهي مو مساله نحاسه لا بس مساله عدل
وبالنسبه للدول الي الكويت اطيح قروضها هذا موضوع ثاني صج يحر بس هذي سياسه او شي ايي من فوقهم مو ابكيفهم
انا عندي اقتراح وهو ان الحكومه اترفه عن المواطنين بتوفير خدمات ذهبية مثل الرعاية الصحية والمدارس والشوارع والقسايم السكنية وووو..... اشياء وايد اطلٌلع الكويت واتخليها دوله حضارية مو تسديد القروض على الي امسافر ولا شاريله شاليه.
هذا رايي انا مع قرار الحكومه​

 

[Q8-Lady]

وبعد الي ما عليه قرض عايش متهني الله يوفقه ويهنيه اكثر واكثر بس فكروا شوي الي يقولون مافي عداله انت يالي مو ماخذ قرض ماصارلك موقف الحمد لله جايد يخليك تاخذ قرض عشانه , انت تتهنا بالقمه مالتك عليك بالف عافيه, بس في ناس متبهذله حالها واعيالها بالسجن سواء مره ولا ريال وما عندهم حتى لقمه ياكلونها, اما شفت حالات جذيه الله يكون بعونهم عشان جذيه انا مع اسقاط القروض خل الشعب يتنفس شوي وتالي حطوا حدود حق الي بياخذ قرض لا يخلون السالفه سبهلله وحق كل من هب ودب.

و اللي يحر في الموضوع اكثر يوم جاي ملك الاردن طاير اخر مرة يوم سمع الكويت توزع فلوس قال خل الحق قبل لا يطوفني شي خذله نص مليار ومشى بالذمة مو شي يحر عمره ما طب الكويت الا هابش هبشة ورايح مو اولى الكويتين فيها او مو لازم القروض الديرة اولى ولا السودان و لا اليمن وكلهم معروفين يكرهون الكويت

 

[rudy]

تدرون بنات شنو الحل بعد
يشوفون قيمه اكبر دين للمواطنين مثلا واحد دينه 100 الف او مثلا مليون
يقومون يعطون كل مواطن 100 الف او مليون واهني بس يصير العدل
وطبعا هذا من سابع المستحيلات

 

[طير الحب]

شى كان متوقع

 

[عمري الكويت]

ليش يا بنات جذي مو حرام انتوا ما شفتوا امس قناة الراي ريال كبير كاعد يبجي عشان القرض إلى شايله ولا المراه إلى تقول حطوا لنا سجن كبير حقي انا وعيالي من قرض إلى ما خذينه ما تبي زوجها ينسجن إذا غحنا ما عندنا قروض غيرنا عندهم والله يعلم في حالتهم .

إن شاءالله وبإذن الواحد الاحد يسقطون القروض عاجلاً وليس آجلاً اللهم آمين يارب العالمين

 

[moors]

اشوه ما عندي قرض عشان جذيه المنحه احلي

 

[hada]

حسبة الحكومة
نعطي جم من عضو في المجلس مليون ونحطهم بجيبنا ويصوتون ضد اسقاط القروض معانا
ولا نسقط القروض اللي قيمتها مليارين عن الشعب ويستفيد الالاف من المديونين ؟




طبعا الحكومة اختارت الارخص وشرت ذمم النواب واولهم السعدون اللي ينتمي لكتله الشعبي للاسف

مااقول الا حسبي الله ونعم الوكيل كم من اسرة بيدش معيلها السجن وكم من واحد بياخذون منه البنوك حتى بيته اللي ضافه ويا عياله اذا مادفع وكم وكم وكم .... وراهم رب يحاسبهم

 

[رمانه كويتيه]

يمعودين مو مشكلة لايطيحون القروض خل يطيحون الفوايد شقتنا شق

 

[ii DareeN ii]

احنا مشكلتنا شعب عاطفي ما نحب نسمع غير صوت نفسنا ودايم الي ضد راينا يعني عدونا خلي نحلل السالفه
- اول شي اسقاط قروض البحرينين انا مادري مدي صحه الخبر من عدمه بس تدرون شنو الفرق بين الكويت والبحرين ومستوى راتبك ياكويتي والامتيازات الي انت تحصل عليها فلا تقارن نفسك بحد يعاني اكثر منك اذا حسبنا نفسنا احنا ان نعاني قولو عليهم بالعافيه المساكين حتى اشغال بسيطه قاعدين يشتغلون واهم جامعيين اشغال لو بتيبين كويتي عنده متوسط تقوليله اشتغلها مايرضى فيها

- الي قدم اقتراح القروض كان يدري ان بيسقط لانه ماقدمه بمنطقيه ولا تعب عليه وكان بديهيا بينرفض وكنا نقول ونتكلم بس الرد شنو ناصح الناس فاضحهم ناس وايد خذت قروض على امل احلام نواب الاحلام
*تم تقديم مشروع القروض على اساس اسقاط جميع قروض المواطنين ولم يفرق بين القروض الاستهلاكيه والتجاريه
*لم يقدم مشروع للمواطنين الي مايستفيدون من اسقاط القروض لتحقيق العداله
*استثاره الجمهور بطريقه شوهت صوره المواطن الكويتي وكله لاجل مصالح انتخابيه لا اكثر ولا اقل


هذا رايي كمواطنه صاحبه قرض ارفض ان يستغل عقلي نائب انتهازي مستعد
يقلب الدنيا وينزلها عشان يضمن له كرسي بالمجلس القادم

 

[rudy]

صح السانك دارين​

 

[ورود الجوري]

اي والله صج مو خوووش خبر