مجلس الامه يصوت برفض اسقاط القروض

[عرووووس الكون]

حسبة الحكومة
نعطي جم من عضو في المجلس مليون ونحطهم بجيبنا ويصوتون ضد اسقاط القروض معانا
ولا نسقط القروض اللي قيمتها مليارين عن الشعب ويستفيد الالاف من المديونين ؟

الظاهر جذيه بس حراااااااام فيه ناس ماخذه قرض عشان تعالج وناس عشان تبني بيت
والله ظلــــــــــــــــــــــــــــــــــــــــــــم للشعب

الله يهديهم ويسخرهم لنا هالنواااب

 

[bambena]

البحرين طيحت 50 % من القرض مو كله

واذا بتقولون نحاسه وحسد ومااحتريتوا عشان طيحوا قروض الدول الثانيه
كاهم ماقصروا معاهم توهم معطين المغرب مبلغ وقدره مليون او اكثر لانشاء مسيد وترميم دار عجزه!!! هذا اذا بتتكمون من مبدأ وحده بوحده

انا مو معترضه انهم ماطيحوهم لان مو معقوله اخذ قرض واحتج انه ماطاح عني ! وادري بعد لا طيحوا القرض بيفرضون علينا ضرائب بالمقابل

واللي تقول الكويت ديره بطيخ اعتقد هذي ديرتنا ومكاننا والله لايحرمنا منها والحمدلله لو ماطاحت القروض احنا بخير ونعمه الله لا يغير علينا

 

[om el7elwen]

انا مو مع اسقاط القروض اشذنب اللي ما خذوا قرض صراحة اذا نفذوا اسقاط القروض في وايد ناس راح ينظلمون وانا منهم بس المنحه فكرة حلوة وانشاءالله اطبقونها

 

[**Jumana**]

انا ما اعرف اسوي لنك على مشاركتي في موضوع غير هذا فعلشان جذية بسوي لكم كوبي و بيست.... على قدي...

أنا ما شفت المقطع لكن انا اقول الشره على بورمية والخمة اللي مجمعهم.. كل يوم والثاني مرتزين عند المجلس ومسوين لوية وشوشرة... هذيل لو قلوبهم على الكويت ما يتجرأ ولا واحد منهم يسوي اللي سواه ... الكويت طول عمرها لها شيوخها ولها ناسها اللي كلنا نعرف انهم يمشون الامور و حاطين بين عيونهم مصلحه الكويت قبل مصالحهم الشخصية... ولو احد يقول انهم يبوقون و ينهبون نقول اولا اللي نهبوا ينعدون على الاصابع.. لكن هم نقول عط الخباز خبزة لو باق نصه.. على الاقل شيوخنا ورجال الكويت ارحم الف مرة من الشيوخ والامراء اللي حوالينا... روحوا دول الخليج كلها كلها ما تقلاون نص الترف اللي عايشنا بالكويت!!

لحد يقول دبي.. دبي مو دوله.. وبعدين اهل الامارات نفسهم لايعة جبودهم من اللي صاير فيها.. روحوا باقي الامارات وحكموا.
بعدين اللي ماخذ له مليون قرض اكثر من معاشه ابــ %80 والا %90 بالله شنو ذنب الحكومة انه مسوي جذية؟؟ يعني احد اخطفه وغصبه على القرض؟؟

لازم كل الكويت يسكنون بمناطق معينه و يبنون بيوت دورين و سرداب و ملحق؟؟ ويحط له دوانية؟؟؟ اللي يبي الدح لا يقول أح.... وخبزن خبزتيه يالرفله اكليه.... والا الحكومة اللي طقتكم على روسكم و حطت القروض بحساباتكم و انتوا نايمين بالليل..؟؟

عساها القروض ما تطيح .. والله لا يوفق كل واحد كبير والا صغير بهالبلد يحط مصلحته قبل مصلحة الكويت.... وسلامتكم




والمشاركة الثانية كانت:

حياج الله رودي... والله مو مني من الحرة اللي فيني على هالخمة.... ومثل ما هم لهم اسلوبهم لازم اللي ضد اسقاط القروض يحجون بعد... والا الكويت مالتهم بس؟؟؟

انا اظن لو هالناس عارفين حدودهم ما كاموا وصلوا للمواصيل هذي لأنه محد بالدنيا ينولد و عنده قرض بحسابه.... بالعكس الكويتي ينولد و يجيله معاش بو 50 دينار من اول يوم بحياته... وهال50 اللي طايحة من عينهم تساوي معاش خادم شهر ويزيد منها بعد!!!

حمدوا ربكم عالنعمة اللي انتوا فيها والا نسيتوا الغزو و الذل اللي ربي ذلكم اياه؟؟ ترا النعمه زواله....

واذا يبون يطيحون القروض .. فانا اطالب ان يعطون حق كل كويتي ما عنده قرض نفس المبلغ ! والا شنو على راسهم ريشه يتسبفون بالملايين و يقولون ما نبي ندفع....؟؟؟ لأن الفلوس اللي راح يدفعونها لهم كان المفروض كل الكويتين أولى فيها .. ينبني لهم فيها مستشفى والا مشروع ثاني يجيهم من وراه دخل !

عسى الله يحط كيدهم بينهم و يحفظ ديرتي الغالية الكويت... والله يرحمك يا جابر الخير و البركة!

 

[نجمه*]

انا اعرف وحدة راحت شرت جيب بورش وخذت قرض من البنك بسبة هالسالفة يعني شي يحر لما اناس تاخذ قروض عشان اتسافر ولا تكشخ اهني ماكو عدل
يعني الي محترم نفسه وماد اريوله على قد الحافه وصاير مواطن محترم هذا جزاته
اهي مو مساله نحاسه لا بس مساله عدل
وبالنسبه للدول الي الكويت اطيح قروضها هذا موضوع ثاني صج يحر بس هذي سياسه او شي ايي من فوقهم مو ابكيفهم
انا عندي اقتراح وهو ان الحكومه اترفه عن المواطنين بتوفير خدمات ذهبية مثل الرعاية الصحية والمدارس والشوارع والقسايم السكنية وووو..... اشياء وايد اطلٌلع الكويت واتخليها دوله حضارية مو تسديد القروض على الي امسافر ولا شاريله شاليه.
هذا رايي انا مع قرار الحكومه​

بصراحه انا مع الاخت برايها
السالفه مافيها عدل بالمره وماتعتبر نحاسه

 

[sara-25]

والله عاد ذيك اليوم ريحين سوق الذهب ولا واحد من الكباريه جايب عراقى يشترى ذهب شرا حق ست الاف حق زوجته ما ادرى خطيبته بالعراق وكله من جيب الكويت والحين على اسقاط القروض سووها سالفه وبعدين اذا ما ينصوفون الكويتيين بعضهم حتى لو فى ناس مو ماخذين قروض المفروض يرضون عادى يكون عندهم يرضون نعطى لبنان والعراق وكل الدول الى بعضنا ما نرضا وحتى لو يسقطون القروض على الاقل نصها

 

[hada]

لازم كل الكويت يسكنون بمناطق معينه و يبنون بيوت دورين و سرداب و ملحق؟؟ ويحط له دوانية؟؟؟ اللي يبي الدح لا يقول أح.... وخبزن خبزتيه يالرفله اكليه.... والا الحكومة اللي طقتكم على روسكم و حطت القروض بحساباتكم و انتوا نايمين بالليل..؟؟((كلام الاخت جومانه))
الحكومة ماجبرت احد على القرض بسسس ...
ربطت صرف الدينار بالدولار وكل مازاد سعر الفائدة زادت البنوك بقيمه القرض يعني اللي قرضه 1000 بيصير 10000
وسوت جذي عشان تربح اصحاب البنوك معروفه القمندة
وبعدين اللي يشوف ردج صراحة لاتزعلين مني يقول انتي بتعطين الناس من جيبج !!!
لعلمج حبيبتي قبل ايام الغوص والفقر لاصار واحد من اهل الفريج مديون وماعنده فلوس قطوله اهل الفريج كللللللهم ((من جيبهم))ومايقولون مالنا شغل ولا خله ينسجن شلون الحين واحنا بالعز والخير الله يديمه
وفي حديث شريف يقول ((حب لاخيك ماتحب لنفسك))
وحديث شريف (( لايدخل الجنه حاسد)) او كما قال صلى الله عليه وسلم
والله العظيم توني مسددة القرض اللي على من 4 شهور يعني ماراح استفيد
بس اعرف واااااااااااااااااااايد يعانون من هالسالفه ومن كثر همومهم شاب شعرهم ((( وأحس فيهم)))
الناس للناس اختي وكلنا بالله سبحانه والله يفرج هم المديونين

 

[(بنت النور)]

الحين اللي يشوفكم يقول كل اللي ماخذين قروض عبط ولا تفشخر ولا كلهم ماخذينهم
حق السفر والوناسه دام ماتدرون عن حالة الناس سكتوا لا ترحمون ولا تخلون رحمة
ربي تنزل خلاص اعتبروا الكويتيين اللي بطيحون قروضهم عراقيين ولا فلسطن ولا بس
عشانهم كويتيين ناشبتوهم البيوت اسرار واذا انتوا مو ماخذين قرض معناته مو محتاجين
ولا سمح الله احتجتوا وحدتكم الظروف اكيد راح تاخذون قرض لان مو معقوله
بتمدون ايدكم وتطرون بالشارع اهم شي نحط مصلحتنا قبل مصلحة الكويت مادري الكويت بتعيش على بساط الفقر اذا سددوا جم دينار
وقاعد تنباق بالملايين وانتوا تضحكون مادري هالنحاسه من وين طالعه اعوذ بالله
اللي يقهر ان بنفس الوقت الفلوس تتوزع برا حق اللي يسوا واللي ما يسوا وهالفقاره اللي محتاجين مو ملقين لهم بال الله يعينهم بس​

 

[*ستايل*]

بصراحه انا اشوف سالفة اسقاط الديون ما فيها عدل كلش
يعنى بالعقل شذنب اللى ما عليه ذنب ولا اللى قرضه شى بسيط
تساوونه باللى قرضه فوق الامية الف مثلا ؟؟؟؟؟
كل هالسالفه فيها ظلم لناس وناس


واصلاا باجر اذا طيحوو القرووض كل واحد بياخذ قرض ويقول نضغط
عليهم بالمجلس ويوافقون وتصير البلد فوضى


واذا بيرضون الشعب
انا راى يعطون كل كويتى مبلغ حلووو بس بالعدل والتساوى والكل بيرضى
من غير سالفة هالقروووض اللى ما تدش العقل ​

 

[شكليطه]

كلام الصج يضايق للاسف


وانا قلتها قبل في اكثر من موضوع واكررها الحين


للاسف الكويتيين صاروا ماديين لآآآآآآآآآآآآآآآآآآآآآخر درجه

وسالفه القروض 80 اذا مو90% من اللي عندهم قروض واقساط ماخذينها فشخره ومظاهر


والا هذا عدل نسقط القرض عن وحدة معاشها ومعاش ريلها مايوصل ال600وماخذه قرض عشان تركب جاكور
والقرض الثاني عشان بدلة!مادري دراعه؟؟!!!!!!!!!!!!!!!!
وكل سنه سفره!!!!


وغيرها وغييييرها..................ياهل توه شواربه خاطه راكب سياره اغلى من بيتهم (هذا اذا مو ساكن باجار ومنتف)

وعساه دافع اقساطها والا سعرها من حسابه واهو ماتخرج من الثانوي
الله يعافي (القرووووووض)على ظهر الابو

وعقبها تتبجبجون اذا انسجن الابو

اللي عنده ظروف اضطرته ياخذ قرض اكيد ربي بيفرجها مدام اهو يصرف بالمعقول وقاعد يشتغل عشان يسدد

اما اللي يلعب ويتدلع ويبي الكويت عين عذاري.......هذا مو كفو نعطيه سلف20 دينار

وعسى ماصاراللي صار قالوا نبي نهج من الديره


يالله هجوا خل اشوف اي ديره تدلعكم مثل الكويت

واذا معتبرين الكويت بقرة ولود.......تاخذون منها وماتعطون
عيل حسافه عليكم اسم (كويتيين)


كا احنا خذينا قرض....والحمدلله لا تحلطمنا ولا شي.......وسددناه على داير مليم مثل مايقولون........بس بالمقابل تنازلنا عن الكماليات والشغلات اللي ماتودي ولا تييب


الكويتيين يبون يكشخون ويسافرون ويسرفون بالصرف.....وبنفس الوقت مايبون يتحملون عواقب هالشي


والا اذا انتوا صج محترين على سالفه خير الكويت طالع حق برا
لا تطالبون باسقاط القروض........خل هالفلوس اللي بيطيحونها عنكم خل يعدلون فيها الديرة
والا شرايكم؟؟؟؟؟؟؟؟؟؟؟؟؟؟؟؟؟؟؟؟؟؟


اما سالفه القروض ملوت الدول ....فهذي لعبه سياسية كبيره مو بيدنا
والا بذمتكم احد قدر يوقف ارجاع العلاقه مع العراق؟؟؟؟؟؟؟ وانتوا عارفين ان كل الكويتيين مايبون هالشي





لي عودة.................(اروح اصلي ابرك)

 

[atooma]

الحمدلله ان اخاف ربي بكل شي ولا جان الحين بايقه من شغلي لي الراس اقلها اشتري بيت وااجره بس والله ان احب لأخواني مثل ما أحب لنفسي ولو طيحوا القروض عليهم بألف عافيه بسسسسسسسسس ياليت ماينسووونا حتى لو ب200 عن الخاطر

بس أنا اتوقع لو مرشحين الحريم جان اسقطوا القروووض واسقطوااا كل شي الحريم سوووقهم قايم واللبيب بالاشاره يفهم
أنا قررت ارشح نفسي اذاحلوااا المجلس ويا بناااااات كويتيات والله لدلعكم دلللللع مابعده دلع

بس ما أقول الا الحمدلله على غنااااة النفس ولا جان رايحه وطي

 

[غلطة حياتي]

ليش يعني مبروك الله يسامحج!

 

[** حسناء**]

يالله ...الله كريم وخير الكويت مثل عين عداري

الله يرزقنا