مدرسة abs

[(أم ضاري)]

السلام امهات abs اشلونكم وشخباركم
واشلون عيالكم مع المدرسه
بنتي باجر عندها امتحانين التربيه الأسلاميه واجتماعيات واملاء عربي
كلمت ناظره اللغه العربيه ما رضت تغير موعد امتحان :0bee2e8d89:

 

[lyale]

شلونج ام ضاري
الله يعينها مسكينه حراااام حتي لو الياهل شاطر ودارس وحافظ بس اذا اكثر من امتحان بنفس اليوم يسبب له ربكه ويتخربط وهذا عيب بالمدرسه انا هم جم مره بنتي صادف عندها اكثر من امتحان بنفس اليوم مافي تنسيق بين المدرسات

 

[(أم ضاري)]

شلونج ام ضاري
الله يعينها مسكينه حراااام حتي لو الياهل شاطر ودارس وحافظ بس اذا اكثر من امتحان بنفس اليوم يسبب له ربكه ويتخربط وهذا عيب بالمدرسه انا هم جم مره بنتي صادف عندها اكثر من امتحان بنفس اليوم مافي تنسيق بين المدرسات

هلا وغلا lyale اشلونج
والله سبب لها ربكه لان مادتين باللغه العربيه يعني امتحان رياضيات واجتماعيات ممكن لان ماديتين مختلفتين بس الله يسامحهم ولا عندهم املاء عربي اول مره تصير جذيه ان امتحانيين مع بعض يبونهم يمتحنون قبل اجازه
رياضيات قالت لنا عقب اجازه وحتى علوم عقب اجازه
بس ناظره اللغه العربيه الله يسامحها قالت ممكن تأجل امتحان اذا باجر فيه غياب علشان مؤتمر :0bee2e8d89:

 

[ملكة بيتها]

ليال شلونج إحنا موجودين بس المنتدى صاير يبط الجبد وايد يفصل ...المهم شخباركم شلون باجر عندكم عطله أو بيطلعون عيالكم مبجر عشان المؤتمر ؟؟ إحنا دوام عادي

 

[lyale]

هلا بملكه احنا الحمد الله بخير
وتوهم علي الساعه 8 طرشو مسجات ان الدوام اهوا اهوا لا يوجد اي تغير في موعد الحضور والانصراف الله يعينا علي الزحمه

 

[ملكة بيتها]

الله يعينكم على الزحمه

 

[lyale]

ام ضاري الله كريم وانشاء الله تاجل الامتحان الناظره

 

[(أم ضاري)]

lyale شفتي المدرسه طرشو مسجات ان الدوام تغير الله يعينه على الزحمه
ما اعتقد باجر فيه حضور بالمدرسه

 

[lyale]

اييي ما غيرو الدوام الله المستعان

 

[mr000]

سلام أمهات الabs اشلونكم غريبه ماغيروا دوامكم عاد انتوا بخيطان! احنا بالنسبه حق ولدي بالميدل سكول ماغيروا دوامهم بس الكي جي دوامهم لي ال11 ونص!

 

[lyale]

هلاا بمروو لا كلج ما غيرو شي ورااح نعاني من الزحمه يوم الثلاثا تاخرت ساعه عليهم الله يعينا باجر

 

[lyale]

:eh_s(14): الله يعينا بنتي بس اتاخر دقيقه اطقها بجيه

 

[mr000]

سلام أمهات اشلونكم ليالي ان شاءالله ماتتأخرين على بنتج الله يهديهم جان طلعوهم اليوم مبكر قبل شوي حماتي تقولي بالجابريه باص المدرسه الهنديه من ال11 قاعد يوصل اليهال بيوتهم!طمنينا على أحوالكم تالي!

 

[للحين ناطره]

السلام
انا ودي اسجل ولدي حق السنه اليايه ان شالله
kg1
خاطري بمدرستكم بس محتاره بينها وبين اجيال
بتابع التجمع قبل القرار الاخير
الله يوفقكم

 

[lyale]

هلااا والله بمروو الصبح كان الطريح مافي زحمه وصلنا بسرعه
ابوهم طرشته ياخذهم لان عندي ولدي الصغير مطعمته وحراره وريله متفخه فا قاعده معاه كاسر خاطري حبيبي مو قادر ينام سويت له كمادات وادول وماكو فايده
للحين ناطره حياااج حبوبه معانا بالتجمع يلااااا سجلي نصيحه ولا تحتارين المدرسه ممتازه

 

[mr000]

ليالي سلامته وليدج الله يعينه وحبيبي ويعينج معاه آنا بنت ولدي لما نطعمها تتبهدل من الحراره والترجيع والبجي يومين أقول حق السستر ليش يصير فيها جذي آنا ماأذكر عيالي يتعبون لي هالدرجه تقولي ألحين التطعيمات غير زايدين الجرعه ومقوينها! بس آنا ماأعطيها أدول مال المسنوصف ماتحبه ترجعه على طول فماتنزل حرارتها أشتري لها من الصيدليه نوع على كرز وعلبته حمره نسيت أسمه تتقبله أكثر وينزل حرارتها بسرعه! شوفي عطيه 3أو 4 مرات باليوم أول يومين علشان لاترجع له الحراره!!سلامته

 

[lyale]

حبيتي مروو الله يسلمج من كل شر مشكوره ياعمري
لا امبيه صج الادوول انا بعد ما ياخذه ولدي ما يحبه كلج ويقعد يرجع ويتلوع مده منه حبيبي عاطيته بندول اشوي ارحم

 

[sara999]

ليال شلونج شخبارج شالدنيا فيج شلون عيالج مع الabs

 

[للحين ناطره]

ليال سلامت ولدج
مشكووووووووووره عالترحيب
ان شالله بسجل ولدي فيها
باجر بمر عالمدرسه واشوفها عالطبيعه

 

[lyale]

هلااا وغلااا بسارا من زمان عنج والله عيالي مستانسين بالمدرسه وخصوصا ولدي الي بالكي جي وايد مستانس والاهم انا مستانسه منها لان حسيت بفرق عن مدرستهم القديمه بالاهتمام والمعلومات الي يعطونهم
للحين ناطره العفوووو والله يوفقج يارب وتكون المدرسه خيره لج ولولدج وبشرينا شنو يصير معاج