مدرسة abs

[lyale]

للرفع

 

[ملكة بيتها]

شلونج ليال سلامته الصغير ما يشوف شر حبيبي ..ها مستعده للإجازه_03ba:

 

[(أم ضاري)]

اشلونكم امهات abs
اشلون عيالكم مع المدرسه قربت العطله
lyale
اشلونج واشلون عيالج ما يشوف الشر وليدج ان شاء الله احسن
عيالي ما يبون العطله يبون المدرسه اونس لهم

 

[lyale]

هلاا بملكه شلونج احنا تمام انتي شلونج وشلون بنيتج العطله هه كل يوم لي راي استعدادتي مو مضبوطه
ام ضاري صاجه المدرسه مونستهم انا ولدي االصبح قبل كان يبجي هالاسبوع يقعد يقولي ماما انا اليوم هابي فيس هه يعني مستانس والعطله حدي محتاره وين اوديهم واطلعهم شكلي بطير علي دبي

 

[mr000]

السلام اشلونكم امهات ..ليالي اشلونج اشلون وليدج عقب التطعيم..آنا عندي نفس فكرتج ودي في دبي بس المشكله بنتي عندها جامعه وهي ودها بالسفره أكثر مني فموعارفه اشلون توني أدري الأحد عطله حسافه جان رحنا من اليوم لي الأحد!!

 

[lyale]

شلونج مروو اهي خووش فكره ودبي حلووه حق اسبوع انزين بنتج ما تقدر تاخذ تعتذر من الدكتور جم يوم اذكر قبل كان عادي اذا جم يوم

 

[lyale]

ام ضاري وكلا كلا بلغوكم ان باجر الكي جي يلبسون ودري وبني وشنو طلبو منكم بعد
والابتدائي باجر شلون عليهم دوام عادي ولا درس فري

 

[ملكة بيتها]

السلام عليكم إجازه سعيده أمهات abs
شلونج ليال عساج بخير شلون حفلكم اليوم وها شنو خططتي بصراحه دبي وناسه والجو الحين وايد يشجع ..إجازه حلوه لكم

 

[mr000]

سلام أمهات اشلونكم... ليالي شخبارج

 

[lyale]

لا ملكه لا شكلي هونت
مرووو شلونج ومبرووووووووووك علي نجاح ولدج ودرجاته انشاء الله دوووم

 

[محفوظيه زوغه]

بنات منو ولدها بالحضانه اللي بال abs ???

اختي بتودي ولدها وامي موراضيه تقول حرام مراح يستفيد خليه بالبيت احسن شرايكم

 

[محفوظيه زوغه]

السلام
انا ودي اسجل ولدي حق السنه اليايه ان شالله
kg1
خاطري بمدرستكم بس محتاره بينها وبين اجيال
بتابع التجمع قبل القرار الاخير
الله يوفقكم

من قلب اقوولج ال abs

اتينـــــــــــــــــن والله

عيال خواتي فيها وماشاء الله يمدحونها ومستانسين وشخصيه اليهال صارت حلووووه

ويتعبون عالطفل وتدريسه

 

[lyale]

بنات منو ولدها بالحضانه اللي بال abs ???

اختي بتودي ولدها وامي موراضيه تقول حرام مراح يستفيد خليه بالبيت احسن شرايكم

حياج محفوظه بتجمعنا بالنسبه لي انا عيالي بكي جي ون وقريد ون ونفس ما قلتي اهما يتعبون علي الطلبه وتاسيسهم قوي ومنهجهم وايد قوي وهم يحببون الياهل بالدراسه ويخلونه حريص علي دراسته وواجباته \ بالنسبه للحضانه ما عندي بس ترااا الحضانه شي مهم لتاسيس الياهل وتحببيه بالروضه فا لازم يتعود علي بالبدايه علي الحضانه علشان ما يتفاجا بالروضه وبعدين اذا ما راح حضانه بياذيكم بالبجي فاا شغله مهمه الحضانه وافضل له من قعدة البيت

 

[للحين ناطره]

السلام
انا ولدي ان شالله ايدش شهر 9 الياي kg1
متى اسجله؟؟
التسجيل متى ايبلش والامتحان اشلونه؟؟

 

[lyale]

السلام
انا ولدي ان شالله ايدش شهر 9 الياي kg1
متى اسجله؟؟
التسجيل متى ايبلش والامتحان اشلونه؟؟

التسجيل يفتح علي شهر 3 بس مو متاكده سئلي افضل
بخصوص الامتحان انا لان ولدي الحين بكي جي ون سئلوه عن الاعداد والاحرف لازم يعرف اشكالهم ويعرف يقولهم والالوان والاشكال ومحادثه بسيطه مثل شنو اسمك جم عمرك بالانكليزي طبعا ركزي عليه وعلميه يكتب اسمه هذا الي اذكره

 

[mr000]

هلا والله ليالي الله يبارك لج والله هي الشهاده مو امتياز بس الحمدلله ان شاءالله يشد حيله أكثر الكورس الياي!!والله مدرستكم ماشاءالله ممتازه لو مو بعيده علينا جان دخلت بنت ولدي فيها!!

 

[lyale]

هلا مرووو المهم ناجح ومنها للاعلي يارب
المدرسه اهي صج يديده بس بخبرة فايزه الخرافي قامت تنافس المدارس الثانيه وفي وايد طلبه عندنا منتقلين من مدارس ثانيه خاصه ويمدحونها
ومن ناحية البعد انا ما اشوف بالكويت منطقه بعيده الكويت صغيره ومن منطقتنا لي المدرسه تقريبا 20 دقيقه واروح مرتاحه مافي زحمه تصادفني الا عند جسر خيطان بس لج علي الصعايده تارسين خيطان اشكالهم تخوف

 

[للحين ناطره]

مشكووووووووووووره
انا ولدي ايعرف ايعد ويعرف الالوان بس مايعرف يكتبهم ولا يعرف شكلهم
الشفوي شاطر فيه بس كتابه لا
انا بروح باجر اسال

 

[lyale]

للحين ناطره اشلونج وشصار معاج
المدرسه اجازه الحين يداومون 4/1

 

[mr000]

سلام أمهات الabsشخباركم مع الأجازه..!!ليالي اشلونج