مرقة كرات اللحم والخضار المشكله اللذيذه,,التغيير مطلوب وحلوو

[حلوة ومملوحة الكويت]

السلام عليكم ورحمة الله وبركاته​

( الحمدلله الذي اطعمني هذا الطعام ورزقنيه من غير حول مني ولا قوة )​

حبيبتي جربي هالمرقه لذيذه وسهله..وراح يستانسون عليها اعيالج ويطلبونها منج
واكيد ابو الشباب راح يكيف عليهااا:rerrerek: آنا احب التغيير مو كله مرقة الدجاج ولا اللحم التقليديه بالغداا ولا العشاا..وعسالله يديم علينا هالنعمه ويحفظها من الزواال
نبتدي:​

اول شي نسوي كرات اللحم وطريقتها حيل سهله​

لحم مفروم واحد او نص حسب الكميه الي تبين تسوينها نغسله عدل ونضيف معاه بصله مقصصه صغار وشوية جزر مبشور ونص ملعقة اكل فلفل اسود وشوية كمون وشويه كزبره مطحونه وملح ..نخلط المواد السابقه ونكورها بايدنا لكور صغيره وعقب نقليها بزيت زيتون ليما تتحمش وتتحمر.. وهذا شكلها لا جهزت..
​

ونجي للمرقه ..في جدر نحمس بصل بزيت ليما يتشوقر وعقب نضيف الثوم ونحرك
بسرعه ...
وانا ضفت بعد بصل صغار(بيبي بصل)
ونضيف مكعب ماجي ونحرك ونضيف نص ملعقة اكل بهارات مشكله ونص ملعقة اكل فلفل اسود ونتفة كمون وشوية كركم وجم ورقة غار وملح ونحرك ليما تطلع ريحة البهارات...
عقب نضيف أربع ملاعق اكل معجون طماط ونحرك ونضيف كيس خضار مشكله ونحمس ليما تمتزج المكونات عدل ونكون
مجهزين ماي حار حوالي ثلاث قلاصات كبار نضيفهم على الخليط ونخليه يطبخ حوالي ربع ساعه على نار متوسطه وعقب نسقط كرات اللحم في المرقه مع ملعقة اكل نعناع ناشف ونوطي على النار ونخليها تطبخ على نار هاديه مدة عشر دقايق ..ونسكر جولتنا ..
ملاحظه: الي تشوف مرقتها خفيفه وتبيها تثقل تضيف ملعقة طحين او نشا بنص كوب ماي وتزيده على الجدر وتخليه يطبخ...يخليها ثقيله..
وتفضلوا طعم ولا ألذ ..وتصلح هالمرقه تاكلينها مع عيش مشخول ..او خبز حاار​

بالعااااااااااااافيه:eh_s(7)::eh_s(7):
​

​

​

​

حاااره توهااا منجوبه
​

 

[ranh]

تسلم الايادي حبيبتي شكلها لذيذ

 

[أحلى همبه كويتية]

ولكم باك ممولوحتنا
اشتقنا لطباخك حبيبتي
عليكم بالعافية ويسلمو الديات يارب

هالمرقة غرام وليدي الصغير ربي يخليه ويسلمه لي
مبارك عليكم الشهر وعساكم من عواده

 

[حلوة ومملوحة الكويت]

ولكم باك ممولوحتنا
اشتقنا لطباخك حبيبتي
عليكم بالعافية ويسلمو الديات يارب

هالمرقة غرام وليدي الصغير ربي يخليه ويسلمه لي
مبارك عليكم الشهر وعساكم من عواده

هلاوغلااا
الله يعافي قلبج حبيبتي,,
ويخليلج وليدج واخوااانه ان شاء الله
والحمدلله على سلامتج,,
وعساج من عوااده
منورره:eh_s(7):​

 

[أحلى غزالة]

تسلم ايدج
شكل المرقة رووعه
مشكوووره،،،​

 

[اميره1980]

شكلها عجيب
انا لمن اسويها احط فيها كرات اللحم الجاهزة سواء كانت دجاج او لحم بس اكيد لمن نسويها بالبيت احلا و اطعم

 

[حلوة ومملوحة الكويت]

شكلها عجيب
انا لمن اسويها احط فيها كرات اللحم الجاهزة سواء كانت دجاج او لحم بس اكيد لمن نسويها بالبيت احلا و اطعم

حبيبتي اكيد شغل البيت انطع واطعم
بس هذاما يمنع الي تبي تحط كرات اللحم الجاهزة اذا ماعرفت تسوي اللحم..اسهل لهاا
ياهلااا،،،​

 

[جارة القمر]

حلوة ومملوحة الكويت



مشكوووووووووووووووره




وتسلم ايدج حبيبتي

 

[grumpy22]

تسلم ايدج حبيبتي
من وين ماخذه البيبي بصل ؟

 

[حلوة ومملوحة الكويت]

تسلم ايدج حبيبتي
من وين ماخذه البيبي بصل ؟

الله يسلمج حبيبتي
وبالنسبه للبيبي بصل ماخذته ياطويلة العمر من مركز سلطان الي بالشويخ
تلقينه صوب البصل والثوم بالكيلو
اشحلاته حتى احس طعمه غير عن البصل العادي​

 

[حليبه]

مشكورة

 

[MiSS B.K]

تسلم الايادي

 

[عزوتي خمس صقور]

يم يم
تسلم الايادي​

 

[حلوة ومملوحة الكويت]

الله يسلمكم حبيبااتي
ياااهلااا،،​

 

[أسـيـل]

تسلم ايدينك

 

[شندوخه]

ماشاءالله تسلم ايدج خوش فنتق

 

[!.كيـ’ـان.!]

تسلم الايدي

 

[ABEER FLOWER]

ماشاء الله

تسلم إيدج مملوحه ​

 

[حلوة ومملوحة الكويت]

الله يسلمكم حبيباااتي
يااهـــــلااا ومرحــــــباااااا​

 

[اناظرك وكلي حزن]

واخيرا طبقت الطبق طلع واااااااااااااااااااو مشكورة وتسلم يدينج بس ما اعرف اصوره