مسجله بديوان الخدمة وناطره الوظيفة ( شاركينا )

[سليلة المجد]

انا تجاري قدمت شهر 6 بس شلون تعرفون بالارقام في رقمين احطونهم واذا كان الرقم كبييريعني بقالي وايد ولا شويات

 

[سليلة المجد]

72 / 96


شنو يعني ...؟؟؟ نااااااااااااطرتكم

 

[سليلة المجد]

بنات اكتبو انتو شنو الوزارات الي خترتوهااااااااااا وبترتيب

 

[ونات فطوطه]

سليلة المجد 72 اهو ترتيبج بالديوان من مجموع 96

يعني لازم يتوظفون قبلج 71 وحده بعدين يوظفونج ..

وكل ما تتوظف وحده ينقص الرقم يعني اذا توظفوا بنتين ارقامهم 1 و2
يصير رقمج 70 ليما يوصل رقمج 1 عقب يوظفونج .. وسلامتج


بس انتي شنو تخصصج ؟؟

 

[سليلة المجد]

يسلموووو حبوبه ع الاجابه انا ادارة مواد

 

[banota49]

أنا علوم كمبيوتر

مسجلة من زمان ما أذكر بالضبط ..نزل اسمي شهر 10 ورفضت الوظيفه

والحين انطر مرة ثانية

 

[سليلة المجد]

ايي كلية ...


ونات فطوطه توضفتي .. ولانفسنا

 

[ونات فطوطه]

سليلة المجد لا والله ما توظفت الله كريييييييييييم حدي زهقانه من قعدة البيت ..


أنا التجاري

وانتي ؟؟

 

[سليلة المجد]

يس لايك يوووو


يعيني مقطعتني الثقافة ... نفسج حبوبه لاعت جبدييي

 

[ونات فطوطه]

بنوتا انشالله نتوظف انا وانتي وسليلة المجد بالدفعه اليايه ..

آآآآآآآآآآآآآآآآآآآآمييييييييييييييييييييين يارب

 

[^ليلاس^]

بناااات ماتدرون متى يعلنون اسامينا بالجرايد

مليت من البطااااله

 

[Filakawyia]

اليوم عطوني رقم

و رقمي 6

تخصصي بيولوجيا جزيئية

و حطيت الرغبات اللي ابيها . . . اللي ماحطت رغبات من البنات اللي ضايعين مثلي خل تفتح سايتهم و تحط على القوى العاملة و تسجل رغباتها

و مادري ليش قبل لا احط رغباتي كانوا كاتبين يم رقم الترشيح : وزاره الصحه

شنو بكييييييييييييييييييفكم اهوه ​

 

[ونات فطوطه]

ابلة روضة نوسة موظفة بالديوان وتقول اخر هالشهر في دفعة كبببره راح تنزل ..
وأنشالله انا وياج اول اسمين قولي امين

 

[ونات فطوطه]

فيلكاوية ترى السالفة كيري ميري خو ديرتنا انتي وحظج
واذا بتتشرطين ينقعونج جم سنه ليما تكرهين اليوم اللي
درستي فيه وقدمتي عالوظيفة ... أأأأأأأأأأأخ بس

 

[شواقه كويتيه]

مرحبااا موظفات المستقبل

وبعد الوظيفه بنقول متى العطله ههههههه

الله كريم بس

اليوم مكتوب بالجريده ان في دفعه يديده راح تنزل الاسبوع هذا او الياي

هذا اللي مكتوب والله اعلم


بنات اللي بساله

اذا باتصل علي الديوان جم الرقم ؟

وكتاب الترشيح شلون اييبه ؟

بس

 

[^ليلاس^]

ونات فطوطة
آمييييييييين
الله يسمع منج قعدة البيت تملل اذا طولت المدة

وشواقة رقم الديوان 828888

 

[ونات فطوطه]

شواقة كتاب الترشيح تاخذينه من الوزارة اللي تبين تتوظفين فيها
بس ديري بالج ترى اذا كان كتاب الترشيح مكتوب فيه
(( مطلوب عدد 2 حاملين شهادة بكالوريوس رياض اطفال ))
وانتي رقمج بالديوان 3 على تخصصج اللي اهو مثلا رياض اطفال
راح يتوظفون اللي رقمهم 1 و2 وجذي ..

انشالله فهمتي علي ..

 

[شواقه كويتيه]

فهمت

مشكووره

 

[ونات فطوطه]

شواقة انتي شنو تخصصج ؟؟

 

[Filakawyia]

رقم الرد الالي 828888

الاستعلامات 2421293 - 2421295​