مسجله بديوان الخدمة وناطره الوظيفة ( شاركينا )

[!! شوق !!]

انا سجلت شهر 2 اللي طاف وطلع اسمي

ورفيجتي سجلت معاي وماطلع اسمها معنهااا اعلى من معدلي ,,

 

[^ليلاس^]

ونات

لا يضيق خلقج حبيبتي كل تأخيره فيها خيره

وانا طلع اسمي وبداوم عالاسبوع الياي بالروضه

 

[شواقه كويتيه]

مبروووك ابله روضه - نعناعه


موفقين ياارب

 

[ونات فطوطه]

اي والله على قولة شواقة مبروك نعناعة وأبلة رووضه
الله يوفقكم انشالله
انتم السابقون ونحن اللاحقوووووووون يااااااارب

 

[banota49]

ألف مبروك أبلة روضة ونعناعه ..

الله يوفقكم ...

والفااااااااااااال لنااااااا انشاالله

 

[تووووووووووته]

باااااااااااااركوووولي انا بعد توظفت مثل ماكنت ابي ... الداخليه ...

يارب يارب يارب ونات فطوطه وبنوته بالدفعه الجايه << من كثر ما اقرا

مشاركاتكم قمت احاتيكم على فكره في دفعه ثانيه بعد اسبوعين وان شاء الله موفقين

 

[^ليلاس^]

banota49 وونات فطوطة

مشكووووورين يا حلوووين والله يوفقكم انشالله وبشروووني عنكم قريباااااا انشالله

 

[^ليلاس^]

banota49 وونات فطوطة

مشكووووورين يا حلوووين والله يوفقكم انشالله وبشروووني عنكم قريباااااا انشالله

 

[ونات فطوطه]

تووووته مبروووووووك
الله يوفقج يارب ويسمع منج وتطلع اسامينا انشالله ..
ابلة رووضه االله يرزقج انشالله بروضة سنعة انا اختي ابلة روضة
ومتعذبة من أدارتهم وناظرتهم ومطلعيلهم قرووون ..

 

[HmSaT-Q8]

انا للحين ماطلع اسمي مقدمه من شهر 11
بعد اسبوعين عدد المقبولين بيكون وايد ولا شوي ؟
ادعولي مليت من القعدهـ

​

 

[^ليلاس^]

ونات :

ايييي هذا اللي افكر فيه الاداره ولا اذا يت على اليهال عادي مافي مشاكل وانا الاحد بداوم والله يستر :eh_s(2):

HmSaT-Q8
والله مادري حبوبة انشالله البنات يفيدونج

 

[بنت الثانوية]

بنات انا بتخرج شهر 6 ما يصير اقدم قبل لا اتخرج ؟

 

[بنت الثانوية]

يووووووه
هم شاركت بعضوية اختي
شسوي كله تحط تسجيل دخول تلقائي َ!!

 

[ونات فطوطه]

هلا بنت الثانوية
أنا اللي اعرفه انه مستحيل اتقدمين الا عقب ما اتخرجين من الكلية
وفيه ناس ماكملوا دراستهم بالكلية وما عندهم الا شهادة الثانوية
فيقدمون وظيقة على شهادة الثانوية بس هذول مساكين ينطروون
سنيييييييييين ولما يتوظفون يتوظفون وظايف كللش اي شي وسلامتج

 

[Om-FahooDy]

بنات اللي طلعت اساميهم بالتربية ... ممكن تفيدوني شسويتو بعدها بالضبط ؟
انا طلع اسمي بالتربية و لما راجعتهم قالولي مو أكيد يمكن تنقبلين و يمكن لأ !!!

شسالفه

 

[HmSaT-Q8]

بنات متى ينزلون بعد اسامي للديوان ؟

 

[تووووووووووته]

همسات الكويت عالاسبوع الجاي ان شاء الله
وان شاء الله كل البنات اللي ماحالفهم الحظ يحالفهم هالمروه


بنات رحت راجعت الداخليه على اساس كاتبين بالجريده راجعوا المكان اللي ترشحتوا له ..صج صج انبطت جبدي.. الاسامي نازله الاحد وانا راجعتهم الاحد اللي بعده تخيلوا اشقالوا لي و للمرشحين ...!!! الاســــامي ماوصلتنا نطروا
السجلات لما تجينا من الديوان..!!! هالكلام سمعته همن اليوم الاثنين وشكلي بسمعه لمده شهر
اشدعوه يبا شنو السجلات هذي؟؟ صناديق مبيته والا ذبايح؟؟ كلها 600 اسم مايكملون 5 صفحات واذا ضاقت عليهم بضغطه زر عالكمبيوتر توصلهم من الديوان..شالسالفه؟؟ قسما بالله طفروني .. يبا احمدوا ربكم اننا قابلين بالداخليه..

بعد قرن انتظروني في اول يوم وظيفه بالداهليه << الداخليه ):

 

[HmSaT-Q8]

هههههههههههههههههههههههههههههههه
هذا الي تعودناه سنه على مايقبلونا
والسنه الثانيه يفكرون يدزون الاوراق

ياحلو ايام قبل تتخرجين من متوسطه عارفه بتروحين الثانويه
ههههههههههههههههههههههههههههههههههههه
بس بعدها ماشفنا راحه

الله يصبرج توووته وعقبالنا يارب
انا تعقدت من القعده الكل صار يقولي طبعج صار كئيب
ههههههههههههههههههههههههههههههههه

 

[شواقه كويتيه]

بنوتات

مو المفروض تتغير ارقام الترتيب الحين ؟

 

[ونات فطوطه]

شواقة اذا توظف احد من تخصصج يتغير ترتيبج بس اذا محد
توظف من تخصصج ما يتغير ترتيبج
همسات q8 ليش انتي من متى تنطرين وشنو تخصصج ؟؟ ومتى متخرجة ؟؟
والله حرام عليهم بنات الكويت كلهم بطاليات ذبحنا الفرااااغ .