مسجله بديوان الخدمة وناطره الوظيفة ( شاركينا )

[ونات فطوطه]

هاااي بنات


شفت وايد مواضيع عن البنات اللي مسجلين بديوان الخدمة
وناطرين من الله الفرج .. فقلت ليش ما نسوي موضوع تجمع لكل
وحده مسجلة بالديوان وناطره الوظيفة .. ونجاوب على استفسارات
بعضنا البعض ..

كل وحده تكتب :
______________

1- شنو تخصصها ؟

2- ومتى سجلت بالديوان ؟

3- جم ترتيبها ؟



والموظفات هم كل وحده تكتب اشكثر قعدت ليما توظفت وشنو تخصصها ..؟؟


آنا ابدا

تخرجت شهر 6 اللي فات..
تخصصي اداره ( كلية الدراسات التجارية )..
رقمي 61



اللي بعدووو :eh_s(15):

 

[جكورة]

1- شنو تخصصها ؟
سكرتـــاريـــه..
2- ومتى سجلت بالديوان ؟
شهــــر 11/2006
3- جم ترتيبها ؟
7


مشكــــورة ونات على الموضوع...

والله كريم...

 

[Filakawyia]

<--- مو فاهمه شي خخخخخخخ

بقدم انشالله يوم الخميس الياي

قولولنا شالسالفه شلون طريقة التقديم بالضبط ؟؟؟ و شنو هالارقام بعد؟؟؟

<=== منصدمه خخخخخخخخ و ضايعه بعد​

 

[(بنت النور)]

1- شنو تخصصها ؟
اداره مواد " التجاري"
2- ومتى سجلت بالديوان ؟
ممممممممممم مادري جنه شهر 11-2006
3- جم ترتيبها ؟
مادري شنو يعني هذا انا ابوي سوالي كل شي
وناطرين الفرج

 

[جكورة]

بنت النور جم ترتيبج يعني جم دورج وجم وحده تكون قبلــج..
وتعرفين من خلال دخولج موقع ديوان الخدمه وتحطين رقمج المدني وإختاري معرفة الترتيـب..

 

[يمامة]

1- شنو تخصصها ؟
ادارة مكتبية

- ومتى سجلت بالديوان ؟
شهــــر 11/2006

الترتيب
86

 

[(بنت النور)]

جكورة
تسلمين حبيبتي الحين ادخل واشووف
يعطيج العافيه

 

[جكورة]

الله يحييج بنت النور..

يمامه إنتي أي معهـــد أخاف معاي ؟؟

 

[جنتي^و^ناري]

طبعا اللي بتكلم عنها اختي


1- شنو تخصصها ؟

دورات بعد الثنويه اللي بحولي

كانت سكرتارية وبعدين على كيفهم غيروا مسماهم مساعد إداري مادري شنو

وبعدين بالديوان غيروا اسمهم حق موظف شامل والله مادري حسبي الله ونعم الوكيل عليهم غربلوهم قالولها تخصصكم مومطلوب بسبت المسمى!!!!

2- ومتى سجلت بالديوان ؟

بصيرلها 3 سنين .. السنة اللي فاتت كان رقمها تقريبا 200 وشي عقبها بكم شهر راحت ولا 400؟!؟!؟ واي أشكره حاطين ناس فوقها

والله كريم قاعده تروحلهم وتسأل وتوه طلع اسمها مادري بأي زوارة ويوم راحت قالولها ماكو درجات

شالخواره

الله كريم

 

[الأماكن]

تخصصي:
دورات خاصة (معهد إنفوسنتر)
مسئول أمن معلومات

سجلت بالديوان :
شهر2-2006

ترتيبي :
قبل شهرين كان 109
و دقيت عليهم قالولي 9
وقبل شوي شفته 99
والله مادري شسالفتي مع الرقم (9)؟؟؟

والله إني مت قهر في بنات متخرجين معاي و إشتغلوا بسرعة لكن آنا حظي اللهم لا حسسسسسد:eh_s(9):

 

[ونات فطوطه]

موفقين كلللللكم انشالله ..

الاماكن شكلج مواليد التسعينات على لزقة التسعه فيج ..



بس يا بنات نبي حتى الموظفات يعلمونا شكثر قعدوا ليما توظفوا عشان ما نفقد الامل ونستفيد من تجاربهم ...

 

[^ليلاس^]

بنات بغيت اسأل وانشالله اللي تعرف ترد علي , سجلت توه بالديوان بس ما قالولي شي بس انت مسجل حاليا ومرشح للتوظيف ما عطوني موعد؟ ولا لازم انطر لما ينزل اسمي بالجريده؟

 

[تووووووووووته]

انا بعد نفسج ابلة روضه توني سجلت وطلعلي انت مسجل لدينا

مدري شالطبخه عقب التسجيل

فهموووووووونا يا اصحاب الخبره

 

[ونات فطوطه]

أبلة رووضه انتي وتوته

معناته ان اوراقكم موجودة الحين بديوان الخدمة ولمن تجيهم طلبات توظيف من وزارة التربية راح يوظفونكم.. بس حسب ترتيبج .. يعني اذا وزارة التربية طلبوا 15 موظفة جديدة وانتي رقمج 16 راح ياخذون ال 15 وانتي يصير رقمج 1 وجذي ..

 

[^ليلاس^]

ايه الحين عرفت

مشكورة حبيبتي انقذتيني

 

[تووووووووووته]

مشكوره ونات فطوطه

بس هم ابي اعرف اذا بدخل واسطه بالموضوع عشان اتوظف بسرعه

متى تتدخل هالواسطه؟؟؟ واقدر اجيب كتاب ترشيح من التربيه واقدمه للديوان

الحين والا متى؟؟؟ بليز فهمووووني ضروري

 

[الـجـوهـرهـ]

انا مسجلة بديوان الخدمة تخصصي دبلوم ادارة رقمي بديوان 50 ومسجلة بديوان شهر 11 وابحث عن زوج خخخخخخ لايدرون ديوان بس ياخرون رقمي وسلامتك والله يوفقنا انشالله بالوظيفة رزة وانا رغباتي الشئون والتربية .

 

[الـجـوهـرهـ]

تخصصي دبلوم ادارة ورقمي بديوان 50 ومسجلة بالديوان شهر 11ورغبتي التربية والشئون والله يوفقنا انشالله

 

[تووووووووووته]

بنات وحده ترأف بحالي وتقولي ابي اعرف اذا بدخل واسطه بالموضوع عشان اتوظف بسرعه

متى تتدخل هالواسطه؟؟؟ واقدر اجيب كتاب ترشيح من التربيه واقدمه للديوان

الحين والا متى؟؟؟ بليز فهمووووني ضروري

 

[ونات فطوطه]

توته أنا بقولج اللي اعرفه

كتاب الترشيح اذا اخذتيه يكون مكتوب فيه ( مطلوب عدد 2 حاملي شهادة
بكالريوس رياض اطفال أناث ) .. ولما تودينه ديوان الخدمة تلقائيا راح يتوظفون
اللي رقمها 1 واللي رقمها 2 .. لأن اللي مطلوب بكتاب الترشيح 2 ..
يعني اذا كان رقمج 5 مثلا أو 3 راح ياخذون اول رقمين حتى لو انتي اللي يايبه
كتاب الترشيح .....

حده قهرررررررر يعني تخيلي تروحين اطلعين كتاب ترشيح واتعبين عمرج آخر شي
ما اتوظفين



نصيحة لا تاخذين كتاب الترشيح الا وانتي متأكده من رقمج يعني اذا كان رقمج 3
ييبي كتاب ترشيح ل 3 أشخاص واذا كان رقمج 4 ييبي كتاب ترشيح يكون مطلوب
فيه 4 ... وجذي


وانشالله ان المعلومه وصلت