مسج مرت حماي الوقحه

[أم غدوره]

مرحبا بنات​

بنات صار لي ثمان شهور مقهوره تدرون ليش ..............حكايتي بأختصار
ولد حماي نسى تلفون امه في شقتي و وسوس فيني الشيطان الله لا يبارك فيه وقالي شوفي الصندوق الوارد تدرون شنو شفت؟......................
شفت مسج من مرت حماي الصغيره اللي تزوجها حماي عقبي بعشر سنين وأنا أكبر منها بعشر سنين وصارلها عندنا أربع سنين وتدرون بنات هالوقت يا طالعين يا نايمين لأن عمي وخالتي متوفين ما أشوفها الا بالمناسبات واذا شافتني الضحكه ترس الويه وانا اوجبها بكل شي واسأل عنها واهي عندها بنتين وانا 6 وبكري طولي ........... المهم المسج طالع منها حق مرت حماي اللي أكبر منها مع العلم اني الكبيره في البيت يعني مرت حماي الصغيره اهي الثالثه ومطرشه مسج حق مرت حماي الثانيه المسج( اني انا وزوجي نزرع الحقد والفتن وسبب المشاكل وما تدري شنو هدفنا)مع ان المشاكل اللي في البنت مشاكل يهال وخدم...........لحد اليوم تدزلي مسجات شوق و وله وباركت لي رمضان ما أقدر أواجهها يعني مو حلوه أقول أنا فتشت بالتلفون أشلون أحرقها؟​

 

[G!RLooNa]

يعني انتوا الحريم فيكم لقافه مو طبيعيه

تنبشون بموبايلات رياييلكم امنا بالله

شكو فاتحه تلفون المره تنبشين فيه !!!! ما تقولين في اشياء خاصه بالمره مسجات بين المره و ريلها !!!!

يعني سوري بس ترا هذي قله ادب

 

[أمل q8]

ويه يامالج من الخير يعني لااهي امج ولا اختج خليها تولي وعساه بذمتها واذا بترتاحين واجهي بس موحلوه تقول تبطل تلفونات خلق الله وتنقلب عليج السالفه

 

[سآق نملة]

مادري والله ..

عامل الناس باخلاقك وليس باخلاقهم ..

خليج ع طبيعنج وكانج ماشفتي شي واحتسبي الاجر من الله ..

 

[dob106]

النفاق سيد المواقف الان !!!!!!!!!! للاسف !!! علشان تمشى الحياة

 

[شموخ العز ^]

لا تعليق

 

[لولوة الكويتية]

؟؟؟؟؟؟؟؟؟؟؟؟؟؟؟؟؟؟؟؟

 

[أم غدوره]

أمبيه أشفيج علي قلت لك ابليس قص علي وما تدرين يمكن الله كان بيفضحها وبيفضح نفاقها مع اني ولا مره دخل ولد حماي شقتي ال هالمره

 

[المزيــونه]

ماكو اوقح من انج تفتحين رسايلها بدون علمها

شنو كنتي متوقعه تشوفين ؟؟ وشنو ادورين عليه من الاساس الي الفضول اذبحج وخلاج تدورين بالتلفون

اتوقع كلامها صح

 

[•Brown•Sugar•]

انتي سميتيها وقحه والسالفه منتهيه :×

 

[أم غدوره]

واي يالمزيونه كلامك ثقيل أول مره أشارك وجذي تحرجيني عالعموم مشكوووووووووووره

 

[G!RLooNa]

عزيزتي صاحبه الموضوع ليش تزعلين من كلام الحق؟؟؟؟

من تدخل في ما لا يعنيه لقي ما لا يرضيه!!

و انتي دخلتي روحج بشي ابدا ما يعنيج و هذي النتيجه

 

[سنيوريتآ]

سؤآل بس : ترضينههآ لـ نفسسسج ..؟
شششششلوون سمححتـي لـ نفسسسج تفتحيين فوونهههآ آنآ لوو تصصيرليّ آسمييهآ وقآإحه و قلة آدب مآكوو شششي آسسمه قص عليّ آلششيططآن عقلج فييج جآن فككرتي قبـل لآ تسسوين هالححركـه =x​

 

[أم غدوره]

واااي صراحه صدمتوني في رددددددودكم قاعدين تغلطون علي الله يغفر انتو ما تغفررن
مشكوريييين​

 

[فرزاشيهـ]

سوري بس شلي حادج تفتشين !!! انا وحده ماحب احد يمسك فوني حتى لو امي فيها خصوصية !! اصلن راح تطيحين من عينها اذا واجهتيها ،.~! يبه خلي السالفه تطوف و طاف

 

["~FOoFOo~"]

خليهاااا تولي اشتبين تقولين لها فتشت بتلفووونج فشله وعيب وراح تنقلب السالفه عليييييج طاااااااااااف حريم الحموان كلهم جذي اذا ماحشو مايرتاحون

 

[عبير العنزي]

شوفي حبيبتي

اما انج اطنشين السالفه وتسامحينها وتنسين سالفة المسج

او انج تواجهينها وتقولين ولدج يوم نسى تلفونه عندنا عبالي تلفون واحد من عيالي وكنت افتش فيه قبل لااعرف ان تلفون ولدج

وانصدمت بمسج منج يافلانه انتي كاتبه جذي وجذي عني؟ ليش يختي شاللي خلاج تقولين اللي تقولينه قوليلي بويهي ان كنت غلطانه؟

واعتقد راح ينقص ويها وراح تعتذر وتبرر موقفها

وبكذا الحالتين ماراح تحقدين عليها وبتسامحينهاا لان مو حلو الواحد يخش بقلبه ويحقد

وبالتوفيق

 

[كادى الحب]

خليها تولى الكلام مامنة فايدة

 

[shouq99]

عامل الناس باخلاقك وليس باخلاقهم ..

وكأنك ما قريتي شي خلية في قلبك لايطلع

 

[شتاء الحب]

كل انسان يغلط

و انتي قص عليج الشيطان !
و يمكن هي بعد
و كلنا غلطنا بحياتنا .. و عشان نعيش و هذا اللي حثنا عليه الاسلام انا نسامح .. و نطوي الصفحآت السوده

حبيبتي .. لا تضايجين من البنات بس كل وحده حطت نفسها بمكان صاحبة الفون
بس تذكري دائما كلنا نغلط ! و الله يغفر

موفقه