مسج مرت حماي الوقحه

[Noor AlQ8]

تواجهينها شنو تقولين لها ؟ خلاص انسي السالفة


بس ترا انتي غلطانه هذي خصوصيات المفروض ما تفتشين تلفونها

 

[شندوخه]

هذي حدها منافقه .. ونصحيه لاتحتكين معاها خليج كلمه ورد غطاها

 

[brstej]

انا اقول قطي حجيها وراج دام انها من جدامج زينه معاج شعليج من اللي بقلبها

تحقد وتسطفل اهياا وقلبها

لا تحاولين تبينين لها .. ويوزي من اللقافة لووول

 

[ســحر الانـوثـه]

بنات اش فيكم خلاص اللي صار صار
بس انا اقول لك انسي اللي صار
نصيحه لوجه الله عشان ماتكبر المشاكل اللي انتي في غنى عنها
وعيشي حياتك عادي
اهم شي لاتقولين لها
ولا كان شيئا لم يكن
هاي نصيحه من اخت لك

 

[نوني.]

انا احس البنت تندمت ع الساعه الي قالت فيها الموضوع لكم ماتسوى عليها كليتوها بقشورها ههههههههههههههههههههههههههههههههههه

 

[شذى2007]

من تدخل فيما لايعنيه لقي ما لايرضيه انتي فتشتي بدون اذن واللي سويتيه اكبر من اللي سووته لانج فتشتي بخصوصيه غيرج مايحق لج تواجهينهااا وتعاتبينهااا لان لو احد قالج ايه عادي لكن تجسستي المفروض تتسامحي منها على اللي سويتيه مو تعاتبينها

 

[~✿ ارتـِوآآآء روح !]

كل انسان يغلط

و انتي قص عليج الشيطان !
و يمكن هي بعد
و كلنا غلطنا بحياتنا .. و عشان نعيش و هذا اللي حثنا عليه الاسلام انا نسامح .. و نطوي الصفحآت السوده

حبيبتي .. لا تضايجين من البنات بس كل وحده حطت نفسها بمكان صاحبة الفون
بس تذكري دائما كلنا نغلط ! و الله يغفر

موفقه

كلآمج 100%
ربي يحفظج

 

[ياقلب وشفيك !]

ماكو اوقح من انج تفتحين رسايلها بدون علمها

شنو كنتي متوقعه تشوفين ؟؟ وشنو ادورين عليه من الاساس الي الفضول اذبحج وخلاج تدورين بالتلفون

اتوقع كلامها صح

أوافقج الرآي :ggdw:

 

[noona90]

يعني انتوا الحريم فيكم لقافه مو طبيعيه

تنبشون بموبايلات رياييلكم امنا بالله

شكو فاتحه تلفون المره تنبشين فيه !!!! ما تقولين في اشياء خاصه بالمره مسجات بين المره و ريلها !!!!

يعني سوري بس ترا هذي قله ادب

معها حق :rgewrg: لو انا مكانها مابسامحك هذا تجسس ومالك حق تزعلي
يمكن كانت متضايقه منك هذاك الوقت وارسلته وبعدها غيرت رايها وشافتك كويسه وتراسلك لانها تهتم فيك ماحد غاصبها تجاملك

 

[ســتارز]

تمدين ايدج على فونها وتروحين دغري للمسجات وتفتحين مسج اللي دازته لمرت حماج !!!

كل هذا حماس بتعرفين اسرارهم لكن لقيتي اللي عور قلبج صج

ربج قال (( ولا تجسسوا ...)) امر رباني منه سبحانه

 

[engnera]

خلج رسميه معاها ولا تدخلين بحياتها

 

[انصاريه قمره]

انتي غلطانه واهي منافقه
والمنافقون بالدرك الاسفل من الناااس

 

[فتوشه كويتيه]

حبيبتي اللي صار منج غلط .. بس خلاص اللي ضار صار وانتي عرفتي غلطج
اهم شي انتي لاتفاتحينها بالموضوع وطاااف
كافي انج عرفتيها على حقيقتها

 

[انونا]

عطيها طاف عادي ترا مهما تسوين ماراح يعجبهم همن بيدورن شي عنج وبيتكلمون

بس ترا غلط يوم فتحي تلفونها لان هالشي خاص

 

[عاشقة هواك]

عزيزتي صاحبه الموضوع ليش تزعلين من كلام الحق؟؟؟؟

من تدخل في ما لا يعنيه لقي ما لا يرضيه!!

و انتي دخلتي روحج بشي ابدا ما يعنيج و هذي النتيجه

انااا وياهااا

وتقبلي مروري

 

[عالمي انا غير]

المفروض ماتفتشين بس ما ينفع اللوم اللي صار صار وتعلمي من هل الغلط اما هي طنشي وخلاص يمكن من حرتها كتبت هل الكلام شدراج عاملها بخلاقج وبطقاق فيها

 

[ساره777]

غيرة حريم

 

[mi corazon]

ياقلبي ليش زعلانه وكارهتها؟

اهي الحق معاها لو اشتكيتي لحد .. تذكري انج مسكتي تلفونها ونبشتيه

تخيلي لو فيه سر عائلي اختها ولا امها دازته وانتي قريتيه .. منو الغلطان؟

هاذي يمكن رسالة من ربج تحسسج بالذني والضيجه لمن نسوي شي غلط

اهي الشيطان لعب عليها .. وانتي لعب عليج اكثر

تعوذي من ابليس

 

[عانيت القهر]

أإمممم ..
أإنـأإ أإقـوؤل يَ معــوؤدهـ خلييهـآ توولـي .. شششلـج بهـآلجـآآهــل .. ككبري عقــلــجَ عنننهـآ تراهــآ صغييره وأنتي كبيره م شاء الله ..
الله يهديهـآ .. ويهدييج معـآهـآ ع التفتييش .. ( بس لاتزعلين من البنات ترا اهم يحبونج وماقالولج جذي الا انهم يتمنولج الخير وبيصححون أخطــائـج)



.
.
.

 

[وردة-الكويت]

اول شي غلط انج تفتشين بتلفونها وثاني شي يمكن الله يبي يفضحها لج وكشفها انها منافقه

الحل يااختي انج طنشينها ولاتعدين لها اي اعتبار ابد ولا توجبينها وسحبي عليها ولا كنها موجوده