مسلسل بنات الثانويه

[fri2010]

اذكر لما كنت بالثانويه في ابله فيزيا كانت تلبس تنوره ضجيه لدرجه ان اللي ورا حيل تبين وكانت تلبس بدي هم ضيج يعني حتى المدرسات يلبسون ومحد يكلمهم

 

[fri2010]

بنات شسالفه الطابات المحجبات اللي يخلون الحجاب من ورا داخل القميص ويسون كبه ترا هذي الظاهره شفتها بمدرسة اختي وحتى الحين بهالمسلسل وين الناظرة عنهم والا بس احنا الللي لازم ما نأثر عليهم بلبسنا

و صح في مشهد انتصار الشراح المدرسات كله جذي انا حامل ولايعه جبدي من الدوام هههههه

ونفس الكلمه اذا صرتي حلوين نسهل الامتحانات

واذا بتستلعنون ماكو العن مني ههههههههههه

بس والله زين بس يعني المشاغبات ثنتين ثلاث انا على بالي الصف كله بيقوم علي لووول

حلو كلامم الابله حق البنيه اني اطردكم وازفكم لان ابي مصلحتكم وتييبون مجموع زين وان وانتو باجر بتندمون

وسالفه تزلق الوايرات بين البنات ويرحون يعلمون الابله عن هالشي والابله تحط على البنيه من غير دليل مو حلو هالشي


وبعدين جذي تكلم الابله الناظره جدام البنات انها طقت جبدي وانا تعبانه وشوفي لج حل!

وصج على سالفه الابلات لي تعبت شوي تقول حق الناظره ابي اعفاء إن تعبانه ما اقدر اكمل

والناظره اعرفت لها هههههههههههه

حلوه حلقه اليوم

 

[ذكريات عشاق]

اي حلقة اليوم حسيت في شي من الواقع واللي قاعدين نشوفه
وخاصة المشاهد اللي ذكرتيها من ناحيه كلام الابله لي الطالبات وانها تبي مصلحتهم
وكذلك حرام تظلم البنتين بدون مايكون عندها دليل بس مجرد انه يولها بنات يشتكون
يعني مثلا لو انا بيصير معاي جذي اول شي ابي دليل عشان لا اتهم احد بدون سبب
ولازم شي اشوفه بعيني عشان لا يانبني ضميري
ومو معانته البنت شيطانة وموزينة بتكون اهيا الغلطانة دايما

 

[fri2010]

اي والله عدل كلامج ذكريات

 

[ذكريات عشاق]

بس حسيت المسلسل قليل ما يتكلم عن بنات الثانوية اشوفه مركز
على المشكلات الاجتماعية والاسرية وعلاقاته ببعض والا شرايكم

يعني انا توقعت انه بيحطون اشياء تخص الثانوية حححيل
بس مادري كله علاقة حب ومشكلات زوجيه

 

[fri2010]

ايه صح لاحظت هالشي وهم كنت ابي سوالف المدرسه مع البنات اكثر

بس مثل ما قلتي مركزين على اشياء ثانيه

 

[ذكريات عشاق]

حسيت العنوان بروح والاحداث مالها شغل فيه وخاصة الضجه اللي صارت

 

[fri2010]

ايه والله

مسلسل ابله نوره هم كان فيه شغلات حلوه

 

[ذكريات عشاق]

ابله نورة هذا من كثر ما يعيدونه كرهته


بس هم كان ححلو وكان ححيل مركز على المدرسة

 

[fri2010]

ايه صح وايد عادووه لووول

في مشهد اذا كنت شايفته لما هند تكون ماكله تفاحه

والابله تقول لها شنو قاعده تسوين ليش تاكلين بالحصه قطي بالزباله

اهني ردو البنات حرام ابله نعمه الله

اهني حسيت الابله ثقتها بنفسها مهزوزه ما اقدرت ترد عليهم

وبعد ما فكرت شوي ياللا قالت لهم روحو عند الناظره !

 

[ذكريات عشاق]

يعني الواحد لما بيرد عليهم لازم يفككر خمسيين مممرة
مو هينيييين يصيدون اي شي تقولينه

 

[fri2010]

ايه صح كلامج

 

[حنين السعودية]

احس المسلسل للحين مايستاهل الضجة الإعلامية اللي صارت قبل ينعرض
(وانا اتوقع إن هالضجة كلها بس عشان يشهروا فيه ونتابعه)
وووين سوالف البنات ؟؟
للآن .. كله المشاكل العادية اللي تصير بين المعلمة وطالباتها .. نفس الشي المشاكل العائلية ...
البنت اللي اسمها منال ان ماخانتني الذاكرة .. حفيدة حياة الفهد .. أتوقع هي اللي تغلط مع واحد من الشباب
لأنها لو تلاحظوا لما يجي المسلسل ووقت الأغنية تدوخ وتطيح .. << أتوقع حبال
وغير كذا .. التفكك الأسري اللي تعيش فيه !!!!

والبنت اللي اسمها شهد _سمر بالمسلسل_ تحب اخو البنت _حفيدة حياة الفهد_
وبالنسبة للجوالات عادي تصير كثير والله .. حتى حنا عندنا بالسعودية بنات يجيبوا الجوالات بالدس وماخفي اعظم

المسلسل مايستاهل الضجة الإعلامية اللي صارت قبل عرضه

 

[Thέebą ❥]

بنات على اي قناه تشوفونه دبي ؟

ولا قناه ثانيه ؟

 

[fri2010]

ما ندري للحين شنهي احداث المسلسل ومناقشاتنا كلها عن الاحداث اللي تصير في المدرسه فقط لا غير

نشوف المسلسل على قناه دبي العاديه

 

[PuPa^^SWeeT]

في شي باط جبدي

من متى المدرسات عندنا يلبسون قصير
ومن متى عندنا بنات يلبسون ملفع ابيض بالمدرسه يعني مو حجاب ابي

ومن متى عندنا العقاب توقف على الطوفه وترفع ايدها شخباري منو باجي يسوي جذي ​

لا تستغربين

كانت في ناظرة ماراح اقول باي مدرسة

كانت تمنع البنطلون ماتحبه

بالمقابل اتقول للابلات لبسو التنورة اي طول تبونها بس لاتيون اببنطلون


فا كانو الابلات الوافدات و وراهم الكويتيات

يلبسون قصير وااااااااااااااااااااايد


يعني مسخرة صارت بذيج المدرسة

 

[PuPa^^SWeeT]

وبعدين بنات شفيكم مستغربين

عادي المدرسات يلبسون و يكشخون

ماعندهم الا انه مو مختلط فا يلبسون على كيفهم

وفيه ابلات اتيي بعباية اول ماتدش المدرسة تفسخها و اتكون لابسة احلى لبس و اضوق لبس

عادي ليش مستغربين

وسالفة الحامل مادري انا ماشفتها بس اعتقد انه النساة

تلعب وياها دور


ثاني شي حسب المدارس

يعني فيه ادارات تاخذ فصل و حرمان من اول اسبوع عادي علشان يضبطون المدرسة من الاول


وفيه ادارات متسيبة

انا شفت حلقة امس عادي مافيها اوفر


شوفي اهمه مو طارحين المسلسل علشان يقولوون بنات الكويت جذي ولا ابلاتهم ولا مدارسهم


طارحينه لأنه يتحجى عن الاهل اللي تاركين بناتهم مايدرون عنهم


عيل بنتين خوات كل وحدة تستفسر شلون يغازلونها ( شوفيهم شلون يركضون وراي )

لوووول

 

[حنين السعودية]

وبعدين بنات شفيكم مستغربين

عادي المدرسات يلبسون و يكشخون

ماعندهم الا انه مو مختلط فا يلبسون على كيفهم

وفيه ابلات اتيي بعباية اول ماتدش المدرسة تفسخها و اتكون لابسة احلى لبس و اضوق لبس

عادي ليش مستغربين

وسالفة الحامل مادري انا ماشفتها بس اعتقد انه النساة

تلعب وياها دور


ثاني شي حسب المدارس

يعني فيه ادارات تاخذ فصل و حرمان من اول اسبوع عادي علشان يضبطون المدرسة من الاول


وفيه ادارات متسيبة

انا شفت حلقة امس عادي مافيها اوفر


شوفي اهمه مو طارحين المسلسل علشان يقولوون بنات الكويت جذي ولا ابلاتهم ولا مدارسهم


طارحينه لأنه يتحجى عن الاهل اللي تاركين بناتهم مايدرون عنهم


عيل بنتين خوات كل وحدة تستفسر شلون يغازلونها ( شوفيهم شلون يركضون وراي )

لوووول

والله إنج صاجة .. يتكلم عن الكل .. وش دعوى عاد عن بنات الكويت وبس ؟؟
مو انا شاركت مسبقا بهالموضوع .. حتى هالسوالف تصير عندنا بالسعودية .. اللهم لبس المعلمات رسمي جدا .. يعني تنانير طويلة فقط .. والبنات هم بعد مراييل طويلة

 

[zargona99]

مبارك عليكم الشهر يا ابلات شلونكك



اشوه اني ادرس ابتدائي يعني ما في طولة لسان جذي

بس بصراحه يونس المسلسل ذكروني بالثانويه كانو شياطين البنات بس انا ماكنت شيطانه بس استانس عالشياطين يسوون اكشن

 

[HaYoOoMa]

انا اتووقع

لو المدررسه من تدش الصف منفسه وتسلم وتبدا شررح

البناات راح يحترمون نفسهم .. !!

لان صرااحه ماينعطووون وجه ..

.
.
.


واي غلطه بسيطه من الطالبات تزفها زفه محترمه عشان تحترم نفسها وتحترم الصف والمدرررسه


انا اذكر قبل مدرستي الله يذكرها بالخيير ابله سبيجه اذا انتي اهني كلميني ههههههههه

كاان اسلوبها جذي البنات المحترمات يموتون فيها وتسوللف معاهم وتحبهم اما اللي ضحك وقلة ادب يماا يخافوون منها من تدش هدوووء الكل سااكت ...

غلط المعامله المرتخيه والضحك والسوالف معااااااهم من راح يستهينون فيج وعبالهم انتي مقصه


وبس


وسوالف بنات الثنوييييه الاستهتاااار والمراهههقه عدل كلها صحيح من ايامنا احنا قبل 5 سنين
واشوفها بخواتي وحمواتي وبنات خالتي ..

وسلامتكم