مسوية جراحة فك .....قولي تجربتج هني

[إحسآسي ، يكفيني]

الحمممد لله ويارب تكون مرتااحه واكيد الصبر مطلووب

دانتيلااا ماقصررتي فديتك طمنتيناا عليها ..​

 

[غلاااه]

دانتيلااااااا جزاك الله خير

والحمد لله طمنتينا عنها .:ggdw:

...
سكووون هلا وغلا
..



نظرتي الحلوه وينك مختفيه



​

 

[طفلة كبيرة]

هلا عشريتية

أنا بعد عندي طقطقة بالناحية اليسار
أنا مسوية جراحة فك مو علشان الطقطقة عشان شي ثاني
بس الطقطقة ما راحت سأت الدكتور قالي عادي

اذا مو متعبج هالشي فنصيحتي لا تجازفين بالعملية مدام الدكتور قالج مو وايد ناجحة

تسلمييييييين آختى
مآقصرتي ( :
آلله يوفقج ويجزآج خييير

 

[سود المدامع]

هلا خواتي
اقبلوني ضيفه جديدة على جروبكم اذا امكن
انا اعاني بروز في الفك وصاير شكل الفم عندي مثل .....تصدقون مااقدر اقول مثل شو
وعندي عقده من انا صغيره
وعملت بحث في النت مالقيت حد مثلي
ورحت لدكتور التقويم وقال ماتحتاجين تقويم عندك بروز في الفك وتحتاجين عمليه اذا انتي تريدين
الحين انا في سن الاربعين هل يجوز اجراء العملية لي ؟؟
وكيف العمليه هل هي كسر الفك ؟ولا قص اللثه ..ولا شي غير ؟؟
وهل يضعون براغي في الفم تمسك الفك بعد العملية وتستمر مدى الحياة معك..
اعذروني لتطفلي
لكن اختكم متردده ومع ذلك معقدة

 

[MiSS LoOola]

هلا والله غلاااه

اي أنا الحمدالله سويت العملية صارلي سنة تقريبا
ووايد مرتاحة من شكلي ألحين

الفال لكل الي ما سوت العملية ان تسويها وترتاح ان شاء الله :eh_s(6):


مشكووووورة دانتيلا قاعدة توافينا بأخبار أحب أمي
وان شاء الله ترجع لنا لأن ولهنا عليها

 

[غلاااه]

هلا MiSS LoOola

ما شاء الله

يارب عقبالنا .. اجل بحطك في قائمة إللي بغثهم بالاسئله :eh_s(6):


..

ماني مصدقه أشوف احب امي من بين المتواجدين في الموضوع

يا الله حيها

حمد لله على سلامتك يااااااااااااااااااااااااقمر


​

 

[أحب أمي]

السلام عليكم ورحمة الله وبركاته

اشتقت لكم حيييييييييييييييييييييييييييييييييييييييييييييييييييل

وجد والله احبكم كلكم

والحمدلله انا بخير وصحه وعافيه

وتخيلوا ليلة العمليه ماقدررت انام كلش

ولما دخلوني العمليات كنت بقمة البرود يمكن لان قلت لاهلي مابيكم قبل العمليه ودشيت بروحي بس لما حاجيت اختي قبل العمليه اخنقتني العبره حسيت اني اودعها

دخلوني العمليات مبجر حيل 6 ص جهزوني للجراحه 6 ونص انا بالعمليات
سبحان الله لحظات تمر بلمح البصر
والشعور المتعب بالعنايه المركزه الجسم كله مشلول عن الحركه لدرجة خفت صرت احرك حواجبي علشان مايقولون هذي ميته او ماقامت تحس بشي وكنت احس فيهم واسمع صوت الدكاتره والممرضات وأهلي

بس احس شكلي صااااااااار مو شي مابي احبطكم بس نقول الحمدلله على كل حال وناطره الانتفاخ يخف واشيل السيم اللي على الاسنان وقطعة البلاستك

والنوم متقطع جدا جدا

واحتجت 3 اكياس دم

وبعد شنووووو شنوووووووو

مادري بس لما اتذكر دانتيلا تقول شكلي جني غوريلا اقول بقلبي انا الحين زوجة القرد ههههههههههههه
اول ماشفت وجهي بالمنظره صرخت وامي تقول لاتشوفينها بعدين قلت انا مخترعه مخترعه وقمت اتمقل بشكلي
بيني وبينكم ندمت حيل اني سويت الفكين لو مسويه اللي تحت افضل
عالاقل مايتغير شكلي نهائيا بصراحه قمت ابجي اشتقت لشكلي القديم
احس صرت انسانه جديده

ومومتخيله شكل الاسنان شلون بيكون واو او عادي او بايخ

والخشم مادري ااذا بيفش اكثر او بيظل صامد في مهب الريح

وشغله لاحظتها عيوني صارت اوسع : \\ ماددري من الانتفاخ والا لان سحب الفك والا شنو بالضبط *_* < قامت تتخيل


ويلا ناطره اسألتكم فدييييييييييييتكم

ونصيحه اللي فكها طبيعي ومو واضح عليها لاتسويهااااااااااا امانه

ترى جد صعبه

 

[غلاااه]

هلا بالاخت سود المدامع


حياااااااااااااااك الله اخت بيننا وعلى الرحب والسعه


والله يا لغلا ما ادري اذا عمرك مناسب للعمليه ولا

احسن شيء واضمن اسألي طبيب مختص في هالامور والله يسهل امرررررررررررررررررك.

اما عن العمليه فهي قصصصصصصصصص للفك وتقديم او ترجيع او رفع وهييك .

والباقي البنات المجربات يعلمونك .


دمتي بود​

 

[غلاااه]

هلا وغلا

يا الله

فرحانه ومدري شكتب .

حمد لله ع السلامه يالغاليه

بشري طلعتي ولا ؟؟؟


يارب متى يجي دوري على خير


ختاما .. ضحكت من قلب لما قرأت (زوجة القرد) ههههههههههه

ان شاء الله تصيرين قمر قمر قمر

بعدين خلي الدلع دانتيلا قالت ان خشمك حلوووووووووووووووو


دمتي بود




​

 

[أحب أمي]

الله يسلمج غلاااااه

اضحكي اضحكي محدش واخد منها حاقه

وان شاء الله الشكل النهائي مبشر بخير

ولاتستعجلين صدقيني

بتشوفيييييييييييين بلاوي < تخرعج

 

[أحب أمي]

اي لالحين بالمستشفى

توه الدكتور طالع مني

 

[غلاااه]

الله يستر لا اجيكم بعد العمليه واقول

انا زعيمة القرود خخخخ


​

 

[أحب أمي]

هههههههههههه

لا ان شاء الله تكونين احلى الحلوييييييين

 

[dantella]

احب امي فديتج عيونج تحسينها اوسع بسبب الورم متفخينوهذا بروح بس عاد لازم ياخذ وقت
والاسنان بتشوفين ان صفتهم واااااااااايد حلوه عقب مايشيلون كل هذا تقريبا بعد شهر .. يني فديتج الصبر ثم الصبر ولاتحكمين على شي الحين
لان هذا موشكلج نهائياااااااااا

 

[dantella]

احب امي شنو قالج الدكتور ؟

 

[أحب أمي]

بصبر والله كريم

اللي جاني دكتور حلمي ماقال شي بس يتطمن يقول يعورج شي شلون وجذي
ويضحك علي يقول ليش ماتسولفين لووووووووووووووول

 

[أحب أمي]

احس جتفي اليمين مرتفع اكثر من اليسار

تهقون لان الرقبه صوب اليمين وارمه لان كان فيها غرزه

 

[غلاااا الروح]

الحمدالله على سلااااااااااامتج يالغاليه نحاااااااااااتيج فديتج
وانتي تسووووولفين عن العمليه شووووووووووي وابجي عاد انا خوافه
ومابي شكلي حيل يتغيرررررر بس لااااااااا تحاتين وتخوفينا انشالله يخف الورم
وتبشرينااااااااااااا عن شكلج الجديد

 

[Gipsy Queen]

salaam
yabnaat ana mswyh tqweem bs ilnteja mo3ajbtni
shlon a3rf mn wain ilmiahkila
o mn wain ablish ilkshf?

 

[MiSS LoOola]

هلا والله حبيبتي غلاااه

اخذي راحتج بالأسئلة أنا مستعدة أجاوب عن كل الي اعرفه
وترا استانس لما اقدر اجاوب أحد واعطيه معلومة :eh_s(6):


حبيتي احب امي حمدالله على سلامتج ونورتي المنتدى:eh_s(6):
عادي الانتفاخ وكل هالاشياء فترة وتعدي ان شاء الله ويصير شكلج حلو :eh_s(15):
ولا اتحسفين انج سويتي الفكين لان لو تفكرين فيها انج داشة العمليات والخوف واحد والعوار واحد والمحاتات وحدة
فليش تخلينهم مرتين ما يسوى

أنا قعدت بعد العملية 3 اشهر او 4 ما احس بالناحية اليمين (مكان العملية) ولا اقدر احرك حاجبي وبعدين صار عادي
يعني لا تخاغين من أي شي غريب يصيرلج ترا عاااادي هذا كله آثار العملية