مسوية جراحة فك .....قولي تجربتج هني

[أحب أمي]

احب امي
الحمدلله على سلامتج يالغاليه
اجر وعافيه ان شاءالله

ماعليج بتهون
ماتذكريني اول ماسويت عمليتي لما دشيت وقلت لكم لاحد يسويها
تذكرين شلون دانتيلا غثيت دانتيلا وساره
اذكر وقتها تندمت قد شعر راسي اني سويتها
بس الحين اقول الحمدلله مليون مره اني سويتها وخلصت
ماعليج اول اسبوعين بيكونون متعبين شوي وبعدها التعب كله بيختفي
حاليا شكلي طبيعي جدا
ماعليج بيمر الوقت وماراح تحسين فيه

والف الحمدلله على سلامتج ياقلبي
دزيت لج ايميلي بالخاص لاتنسين تضيفيني

الله يسلمج ياااااااااا قلبي
ان شاء الله يمر الوقت بسرعه
اي انا ندمت حيل اول مااستوعبت الوضع بيومين بعدين دانتيلا قالت لي تذكري صف صف
ورديت شبكت ادور ردودج واقراهم رد رد علشان اشجع نفسي بنفسي :denya:
واقول بقلبي يلا مرت الايام مع البنات بسرعه اكيد انا نفس الحاله
واليوم شفت الاشعه الجديده الانتفاخ واضح حيل فيها لذلك هالشي يبشر بخير رديت ابتسم لوجهي بالمنظره واقول له بكرى تحلى الدنيا :krkrkr:

وسويت لج آآد فديتج

 

[أحب أمي]

احب امي وينج اليوم ؟ ليش منخشه؟؟؟؟ فديتج لاتقاطعين بشرينا عنج

كأني والله شابكه علشان الموضوع بس
وحدي طافيه ودايخه :0bee2e8d89:

وكل مانمت قعدوني اشرب عصير

ولو طولت بالنومه ادوخ :denya:

 

[MiSS LoOola]

هلا أحب امي

أول جم يوم بس عصاير وشوربات وبعدين اشياء لينة مثل هريس ، يريش ، موز مع اني ما احبه بس لما يصير ما عندج الا هالشي بتاكلينا :dddds:
حتى بعدين لما اروح مطعم قمت آكل لحم مفروم أو دجاج مفروم والله صرت مطنزة :dddds:

بس اهم شي النتيجة النهائية راح تكون وايد حلوة ان شاء الله وهالشي كله راح يكون ذكريات

 

[أحب أمي]

اي مو المشكله بالعصاير والشوربات لووووووووعه

بطني كله سوائل

 

[MiSS LoOola]

الله كريم ان شاء الله كل شي يهون
المهم النتيجة النهائية تكون زينة بس انتي تحملي شوي ولا تفكرين وايد وتعبين نفسيتج

انتي وين سويتي العملية؟
وطلعتي من المستشفى والا للحين؟

 

[أحب أمي]

سويتها الثلاثاء اللي طاف
بالبابطين عند عماد النجاده

امس طلعت من المستشفى

 

[dantella]

احب امي مبروووك طلعه المستشفى وماعليج الا العافيه يارب .... عطوج موعد متى تراجعين دكتور اشرف؟

 

[غلاااا الروح]

احب امي الحمدالله على طلعتج من المستشفى ياقلبي والحمدالله النفسيه تعدلت شوي تعالي صج مبين برقبتج اخياااااااااااط العمليه ولا لا

 

[غلاااه]

احب امي

حمد لله على سلامة الخروج .

يلا نبي يومياتك اول باول :eh_s(6):


طيب ثؤال .. ليه الابره إللي بالرقبه ؟

وكنت اقصد بلـــي يصرف الدم يعني مثل إللي يحطون قصدره للبول (الله يكرمك) فهمتي ؟
يعني قصدره للعمليه عند الرقبه( عشان الدم) فيه ولا .؟



وبنات معلومه مهمه ... عشان العطور والشمم .. المفروض كل بعد كل عمليه اول ماتخرج الوحده
المفروض يكون مجهز قطن فيه مجموعة راوئح عطور البيت حتى البخور )
واذا شمها المريض حتى لو لسا ما فاق , بإذن الله ماراح يأثر عليها روائح العطور باقي ايامها


​

 

[أحب أمي]

احب امي مبروووك طلعه المستشفى وماعليج الا العافيه يارب .... عطوج موعد متى تراجعين دكتور اشرف؟

لا بس عندي موعد عند الدكتور عماد الاحد القادم إن شاء الله

 

[أحب أمي]

احب امي الحمدالله على طلعتج من المستشفى ياقلبي والحمدالله النفسيه تعدلت شوي تعالي صج مبين برقبتج اخياااااااااااط العمليه ولا لا

الله يسلمج غلاوي
لا مو مبين الا نقطتين يم بعض كأن عاضني مصاص دماء بانيابه لوووووووول :dddds:

 

[أحب أمي]

احب امي

حمد لله على سلامة الخروج .

يلا نبي يومياتك اول باول :eh_s(6):


طيب ثؤال .. ليه الابره إللي بالرقبه ؟

وكنت اقصد بلـــي يصرف الدم يعني مثل إللي يحطون قصدره للبول (الله يكرمك) فهمتي ؟
يعني قصدره للعمليه عند الرقبه( عشان الدم) فيه ولا .؟



وبنات معلومه مهمه ... عشان العطور والشمم .. المفروض كل بعد كل عمليه اول ماتخرج الوحده
المفروض يكون مجهز قطن فيه مجموعة راوئح عطور البيت حتى البخور )
واذا شمها المريض حتى لو لسا ما فاق , بإذن الله ماراح يأثر عليها روائح العطور باقي ايامها


​

يمكن اللي حطوها برقبتي للدم ترى ما اعرف بالقصدره وهالامور :eh_s(1):
علشان جذي للاسف بقول لج للامانه مافهمت :0bee2e8d89:

ومادري شلون نقلوا لي الدم غلووي

 

[أحب أمي]

بنات احس في صوب اكبر من صوب بالانتفاخ

و صوب الفك اليمين لما ابلع ريجي او اتحرك يطق عالخفيف هالشي عادي او مو زين؟

 

[MiSS LoOola]

الحمدالله على سلامتج أحب امي :eh_s(6):

 

[أحب أمي]

الله يسلمج لوووووووولا

 

[el-zain]

احبببببب اممممي سوييتي العملييييييييييه ؟؟؟؟؟؟؟؟ انا ما قريت كل الردوود قريت مقطع ... متى سويتيها ؟؟ و عند منو و شكثر صارلج و شلون الانتفاخ و خشمج كبر ولا لاء تعور ولا لاء

 

[el-zain]

تووني قرييت ... واي انا ويني طول هالمده دخلتي العمليه و انا مادري كلا يعلق معاي السايت ... يلا الف الحمدلله على سلامتج مع انها يت متأخره .. و طمنيني عليج شلونج الحين

 

[سكـون]

السلام عليكم

هلا والله بناااااااااات شخبااااركم؟

أحب أمي بالمبااارك طلعتج من المستشفى

هاااانت، ترى الأيام تركض، تصدقين تفاجأت يوم قلتي إنج مسوية العملية يوم الثلاثاء كأنج مسويتها من يومين بس! مر الأسبوع بسرعة سبحان الله، بتمشي هالأيام بسرعة وبتعدين هالمرحلة ، و عقبااااااال ما تبشرينا برضاج عن النتيجة 100% ياااارب

تصدقين أحس إني بكون الضحية اللي بعدج :eh_s(2): <<حشى خروف العيد خخخخ

الله يستر على كثر ما ودي إن الدكتورة تقول لي كلام جديد بموعدي الياي، على كثر ما خايفة تقول لي عملية

- - - - - - -

الزين هلا وغلا
طولتي الغيبة، توي أفكر فيج من يومين أقول الظاهر ما درت عن أحب أمي
شلونج وشخبارج؟
وشلون البنت اللي تعرفينها؟ تغير شكلها أكثر؟

 

[أحب أمي]

أهلين الزين

الله يسلمج ياقلبي

معذوره وفقدناااج والله كنت افكر فيج

شفتي التطورات كل شي صار بسرعه سبحان الله

وأي سؤال بخاطرج انا حاضره اسأليني

وبخصوص الالم بس اول الايام الباقي سهالات

 

[أحب أمي]

السلام عليكم

هلا والله بناااااااااات شخبااااركم؟

أحب أمي بالمبااارك طلعتج من المستشفى

هاااانت، ترى الأيام تركض، تصدقين تفاجأت يوم قلتي إنج مسوية العملية يوم الثلاثاء كأنج مسويتها من يومين بس! مر الأسبوع بسرعة سبحان الله، بتمشي هالأيام بسرعة وبتعدين هالمرحلة ، و عقبااااااال ما تبشرينا برضاج عن النتيجة 100% ياااارب

تصدقين أحس إني بكون الضحية اللي بعدج :eh_s(2): <<حشى خروف العيد خخخخ :d

الله يستر على كثر ما ودي إن الدكتورة تقول لي كلام جديد بموعدي الياي، على كثر ما خايفة تقول لي عملية

- - - - - - -

الزين هلا وغلا
طولتي الغيبة، توي أفكر فيج من يومين أقول الظاهر ما درت عن أحب أمي
شلونج وشخبارج؟
وشلون البنت اللي تعرفينها؟ تغير شكلها أكثر؟

وعليكم السلام

اهلن اهلن

اي الايام تركض وان شاء الله عاد على هالصبر والانتظار النتيجه تستاهل