مسوية جراحة فك .....قولي تجربتج هني

[^^ROSE^^]

انا ادرس ب Gust عندنا كورسين صيفي نفس الامريكيه
الصيفي الاول بدا من اخر 6 لي 2-8
والصيفي الثاني من 9-8 لي 15-9 وعقبها يومين فاينال
بكل واحد خذيت مادتين فالمجموع 4 مواد تقريبا جنهم كورس عادي وخففت على روحي وايد الحمدلله
بس شوي مع رمضان تعب بس الحمدلله طاف الوقت ماباقي شي الحين مادة خلاص ما اداومها و مادة الاسبوع الياي اخر شي و اخلص وانطر الفاينال

بنات منو عندها موعد عند عماد النجادة و لا اي دكتور ثاني بالكويت تسأله عن عمليه الحنج اللي تصير عن طريق قطع العظم وتركيبه
مابي احط قطعه سيليكون لان مو ثابته100% ممكن تتحرك
وقالولي الصبيح يسويها ب 700
بس انا ابي شي مضمون ودائم احسن
مادري اروح عند عيادة عماد!! بس اخاف يصكني بسعر بالعلالي وجم بدفع للمستشفى وبلاوي ثانيه

دانتيلا
المصري اللي بالاميري شلونه زين ولا نص ونص؟ مالي خلق اقلب جيكره لوووووووول

 

[^^ROSE^^]

شوفوا بنات هالصور تبين الفرق بين عمليه زراعه الذقن وبين عمليه قص العظم عشان يسوون ذقن طبيعي

الصورة اللي على اليمين اللي مكتوب تحتها chin osteotomy هذي اللي انا افضلها اللي هي قص العظم و يدزونه جدام و خلال 6 شهور ينبني عظم بهالمساحة ويتسكر ويصير طبيعي 100% ان شاء الله

الصورة اللي على اليسار Chin Implant هي عمليه زراعه قطعه سيليكون بالذقن تتثبت فيه
بس في احتماليه انها تتحرك وصارت وايد
غير ان عمليه قص العظم تبين احلى لان الحنج و الرقبه والذقن كله راح يصير متحدد و حلو مو بس قطعه ناقزة مكان الحنج
يمكن في حالات بسيطة تنفعلهم تركيب القطعه بس الاحسن ان تكون العمليه بالعظم اضمن و اضبط و احلى

شوفوا صور المريضه اللي سوتها شلون صارت رقبتها و حنجها متحددين و تغير شكلها وايد
انا مثلها بالضبط

حتى صورة الاشعه مبين فيها شلون تغير شكل العظم وبعدين ماحطوا جسم غريب ممكن يرفضه الجسم
هو عظمها ينبني و يسكر الفتحة مالت العمليه والسلام

بس ابي دكتور شاطر يضبطها ومااظن في غير عماد النجادة ونائل الهزيم اتوقع هم اشطر شي لان تخصصهم الفك عظام الوجه

 

[سارة252]

احسن تسوين chin osteotomy لأنها بتسير للابد بدون ما تخافين يجيها شي عكس الimplant
بس الفرق انه في الimplant اذا ما عجبك شكلك تقدرين تشيلينا وترجعين زي شكلك القديم بس بالكسر خلاص ما فيه امل تراجع

 

[^^ROSE^^]

مشكورة حبيبتي
حتى انا ابي اسويها احسن لان في وايد مشاكل بقطعه السيلكون
بس على الشكل انا ترى نفس الصورة اللي حطيتها نفس حالتها
والدكاترة الحين يراوون المريض بالكمبيوتر الشكل التقريبي شلون بيكون
وان شاء الله تضبط

 

[دانه وصلت]

هاي روز
انا عندي موعد مع النجاده .. شنو تبيني اسالج ؟

 

[الجود2005]

الســـلام عليـــكم .. قوه بنات .. عساكم بخير يارب
...
الحين ابي اسأل لازم اروح لحق الفك اكشف وهم يحددو عن التقويم او اقدر اسوي تقويم عند دكتور تقويم بعدين اروح لحق الفك..؟

وكمان لو ركبولي تقويم وسافرت اقدر اشد بأي مستشفى تقويم والا لازم نفس المكان اللي ركبت عنده؟؟

اختي ساره كيف لما رحتي ابي كل شي بالتفصيل لاهنتي .. وهل اقدر لارحت ع طول ادخل اكشف والا كيف ووش قلك بالضبط لما رحتي.
وانا قريت موضوع عنه بصراحه خفت
مدري هي اشاعه والا شو؟بس خفت مره
وهذا رابط الموضوع
http://vb.alhilal.com/archive/index.php/t-90178.html

ردولي ضروري شايله هم بقوه وربي:0bee2e8d89:

 

[سارة252]

بتسوينها عند عثمان ؟
الي اعرف عنه انه مررة شاطر بشغله ويهتم بجمال الوجه مع تصليح الفك ..
ابدالك من البداية وبالتفصيل
اول شي كانت سنوني موب عاجبتني كنت ابي اصلح انيابي لأنها مايلة وطالعه فوق المهم اخذت موعد عند الدكتورة ايمان في عيادات امج
( وهذاك الوقت ما كنت اصلا اعرف انه فيه شي اسمه جراحة الفك)
رحت لها قالتلي وش تبين تصلحين قلت لها سنوني واحس بصعوبة اذا جيت بسكر فمي ( كنت احسب سنوني متقدمه)
المهم جيت الموعد الثاني كانت هي فيه ومعها الدكتور عثمان وقالت لي عندك 3 خيارا
الاول : تسوين تقويم عادي بس لثتك بتنزل اكثر ( انا كنت من قبل التقويم وانا تبان لثتي اذا ظحكت) وقالت اذا نزلت اللثة ممكن يبان التقدم الي في فكك اكثر
الخيار الثاني : اني اسوي جراحة الفك وهنا تدخل الدكتور عثمان تدخل وقعد يشرحلي عنها .. وكنت كل دقيقة اقول انا ما تهمني العملية تهمني النتايج ابي اظمن اني راح اسير احلى موب تعب ع الفاضي قام قال الدكتور لو هي تخلي الواحد اشين كان ما سويناها :d
الخيار الثالث: اني ارجع بيتنا بدون ما العب بنفسي :d
المهم طبعا قررت ع العملية سار يجيني الدكتور كل شهرين تقريبا ويقيم وكذا لأنه عنده شروط معينه في التقويم لازم الدكتورة تمشي عليها
وبس بعد يمكن سنه من التقويم ناداني في عيادات الخرسا الي هي اكثر شغله فيها ووراني شكلي التقريبي بعد العملية وصراحة الصورة ما كانت واظحة ابببببببد وكانت من الجنب وخشمي ممسوح نصه صراحة ذاك اليوم مررة انقرت حسيت استهتار طلعت من عنده وانا كاره العملية وكاهه نفسي بس سبحان الله كملت المشوار الى يوم العملية

الخلاصة هو لو بتروحين امج وشافو ان عندك مشكلة بالفك بياندونه لك بس اذا رحتي للخرسة هو هناك يشغل اكثر وقته فاتوقع ع طول تاخذين موعد معه
وعن وش قالي ترا كلامه قلييل ولا يدخلك بالتفاصيل اببد < هذا اكثر شي كان يعصبني فيه خاصة اني كنت ابي اعرف كل صغيرة وكبيرة
ففالشي الوحيد الي قالي عليه هو طريقة العملية والمشكلة الي فيني والنتايج المتوقعة

وعن الكلام الي مكتوب عنه والله مدري بس هذاني طلعت من عنده سالمة غانمة خخخخخخخ الحمدالله

وانتي قوليلي رختيله ولالا ؟ وش المشكله الي فيك واذا تبين شي زيادة اوضحح انا موجودة

 

[سارة252]

و

كمان لو ركبولي تقويم وسافرت اقدر اشد بأي مستشفى تقويم والا لازم نفس المكان اللي ركبت عنده؟؟

لا ما اتوقع اي دكتور يقدر لأن طريقة عمل تقويم الفك غييير التقويم العادي < ( هذا كلام الدكتورة ايمان ) فلا تتهيونين

 

[dantella]

انا ادرس ب Gust عندنا كورسين صيفي نفس الامريكيه
الصيفي الاول بدا من اخر 6 لي 2-8
والصيفي الثاني من 9-8 لي 15-9 وعقبها يومين فاينال
بكل واحد خذيت مادتين فالمجموع 4 مواد تقريبا جنهم كورس عادي وخففت على روحي وايد الحمدلله
بس شوي مع رمضان تعب بس الحمدلله طاف الوقت ماباقي شي الحين مادة خلاص ما اداومها و مادة الاسبوع الياي اخر شي و اخلص وانطر الفاينال

بنات منو عندها موعد عند عماد النجادة و لا اي دكتور ثاني بالكويت تسأله عن عمليه الحنج اللي تصير عن طريق قطع العظم وتركيبه
مابي احط قطعه سيليكون لان مو ثابته100% ممكن تتحرك
وقالولي الصبيح يسويها ب 700
بس انا ابي شي مضمون ودائم احسن
مادري اروح عند عيادة عماد!! بس اخاف يصكني بسعر بالعلالي وجم بدفع للمستشفى وبلاوي ثانيه

دانتيلا
المصري اللي بالاميري شلونه زين ولا نص ونص؟ مالي خلق اقلب جيكره لوووووووول

هلا روز
ولد عمي تقريبا صارله شهر ونص مسويها عند المصري يعني ماقدر احكم عليه الحين ويها لي يومك متورم نطري خل يروح الورم منه واعطيج تقرير مفصل :eh_s(6):

 

[dantella]

بس الي اقدر اقوله لج الحين ان خشمه صار توأم خشمي بالضبط هههههههههههههه فرش وصرنا خنافر مع ان سبحان الله ماكنا نتشايه

 

[^^ROSE^^]

هاي روز
انا عندي موعد مع النجاده .. شنو تبيني اسالج ؟

الله يعافيج ابيج تسألينه عن هالعمليه chin osteotomy
اللي هي يقصون العظم مال الحنج و يدزونه شوي جدام و بعدين ينبني عظم بالفراغ ويصير طبيعي
لان مابي اركب قطعه سيليكون اللي هي Chin Implant لان عليها مشاكل ومضاعفات فالعمليه اللي بالعظم اضبط حاليا

ابي اعرف اذا يسويها ولا لأ؟ لان دكاترة التجميل مايسوونها لانها اختصاص دكاترة الفك و الوجه صج انها تجميليه مالها تأثير عالفك بس ان مكان العمليه وطبيعتها من اختصاص دكاترة الفك
وفترة النقاهة بعد العمليه هل تطول نفس عمليه الفك ولا اقل؟ على اعتبار ان العمليه بالحنج بس
اتمنى ان ماتطول لان وراي جامعه

وابي اعرف شلون اروح البابطين اذا مستوصف منطقتنا مايعطي تحويل للبابطين لان احنا تبع بنيد القار
شلون اقدر اراجعه؟
لان صج صج ابي اسويها اليوم قبل باجر
وانا على فكرة حاطة تقويم و بشيله يمكن بعد شهر لان خلصت العلاج خلاص واسناني صاروا متطابقين و فكي تسنع وايد عن قبل فما احتاج عمليه فك بس ان حنجي ابي اسويله تجميل حق الشكل بس
دام سويت الضروس خل اسنع كل شي مرة وحدة
وماقصرتي بعد عمري صج بتفيديني لا يبيتيلي الخبر ماتدرين شكثر متعقدة من هالمشكله ومخربه شكلي وايد

 

[^^ROSE^^]

ويييييييي دانتيلا لووووووول لا يامعودة مابي خشمي يفرش
بروحه كان بوحقب وضبطته مابي يعتفس ارقع شي و يخترب شي لوووووووول

 

[el-zain]

السلام عليكم بنات
انا اشتركت بهالمنتدى بس عشان هالموضوع.. وبصراحة عقب ما قريت كل النقاش واااايد تشجعت اني اسوي العملية بس بصراحة اكثر شي خايفه منه اهو التورم ان يظل معاي مدة طويله يعني لو سويتها بأول الصيف عقب الفاينل لييين يبدي الدوام عقب رمضان بعد ما يمدي يخف التورم؟ او ما ودي اروح الكليه ونا جذي منتفخة
وبقيت اسأل عن الخشم ماراح يفرش؟ لان انا ماراح يرفعولي الفك الفوقي بس راح يجدمونه و يردولي الفك التحتي... و انا الحين حاطه تقويمي عند د.اشرف مختار اللي بالاميري و ناويه اسوي العمليه عند عماد النجادة لان يقولون اهو احسن واحد

 

[سارة252]

دانتيلا .. فرش خشمة بعد ما سوا ذقنه؟ غريبة الذقن ياثر ع الخشم؟ انا اببد ما اثر علي .. والحين لي كملت شهرين من العملية ما فيه ورم اببد
el-zain طبعا بيكون خاف الورم بس لسا بيكون باقي ويمكن الناس ينفجعون لأن مهما كان بيسير فيك شي غريب .. انا الحين كملت 7 شهور ولسا احس باقيي شووي صح موب باين بس يعني تراه يطووول وزي ما قالت دانتيلا يبغاله سنه ..وخشمي ما بدى يرجع ويزين الا بعد الشهر الخامس يعني اول 4 شهور راح يكون اضعاف خشمك الحين هههههههههههههههه
بس في النهاية كلها فترة وكل شي يرجع طبيعي وان شاءالله تستانسين من النتايج

 

[el-zain]

وااااي ياحسرتي يعني حتى لو ما رفعولي الفك الفوقي بعد بيفرش خشمي !!! عاد انا شفت مثل حالتي بالظبط باليوتوب بس ما انفرش خشمه .. بس يمكن عشان اهم دكاترتهم وايد شطار ..

 

[dantella]

لا ساره ولد عمي سوا نفس جراحتي بالضبط رفعوله الفك العلوي ودخلو فكه السفلي عشان جذي فرش خشمه ...الزين لاتحاتين اعتقد اذا ماجاسو فكج العلوي ماراح يتحرك خشمج

 

[سارة252]

لا اذا ما مسكو فكك العلوي ما راح يتغير خشمك وترا خشمي رجع زي اول بس هذيك الفترة كان مورم
بس فيه كثير تغير خشمة

 

[el-zain]

صصصصج :eh_s(6): واااااي بعد قلبي دانتلا و ساره والله طمنتوووني ...ثاااانكس فري مج حبايبي :eh_s(6):

 

[غلاااه]

السلام عليكم ورحمة الله وبركاته
واسعد الله الجميع بخير

بصراحه بحثت كثيييييييير عن هذا الموضوع لكن لم أجد مايروي عطشي عن هذا الموضوع إلا هنا

جزاكم الله خير يا بنات الكويت

بصراحه اقرأ الردود صفحه صفحه وانا مستمتعه كثييييييييير واستفدت أكثر واكثر
ولسى ماخلصت قراءه لكن ماعندي صبر لأني حابه اسئل


عندي كم سؤال للأخت دانتيلا ولا يهنون الباقين

سويت التقويم من كم سنه ونصحوني الأطباء عمل تقويم جراحي للفك لكن تجاهلت الموضوع

والآن رجعت اسعى لعمل هذه العمليه

الآن الاسنان مسكره ولا توجد أي فتحات بينهم


وفهمت من كلامكم أن هناك خلع أيضا للأسنان لأجل العمليه

سؤالي .. أي الأسنان تخلع ؟
وإذا كان يوجد ضرس عقل هل أيضا يخلع ؟؟
إذا كذا اجل كم باقي من أسناني !!!!!!!!!!!!

وهل الخلع قبل العمليه وكم المده ... أو أثناءها ؟






سؤالي الثاني .. وتحمليني والله يجزاك خير

بعد العمليه أعرف المريض يستفرغ البنج

كيف استفرغتي والفم شبه مسكر !!!!

أتخيل احيانا وقت فتره العمليه أن الدم سينزل للبطن وبعدها قد أستفرغ لذا سألت هذا السؤال هههههه




سؤال آخر ..... هل الأطباء حذروك من أن هناك أثار جانبيه خطره قد تحدث مثل شلل عصب في الوجه ؟
(الله يستر)




امممممم وش كمان باقي اسئله
ايه صح أنا وزني 48 تتوقعين كم بنقص خخخخ ؟؟؟؟




اختم اسئلتي بصوره

هل العمليه بهذا الشكل ؟




وبعد العمليه نوع التقويم متحرك ولا مثل الأول !؟



ولك مني جزيييييييييييييل الشكر




​

 

[غلاااه]

عدت من جديد

سؤالي للأخت ساره 252من السعوديه ... (بنت بلدي)

كم يوم ظلتي في العنايه ؟
وكم يوم بالمستشفى ؟

وفيه شغله مافهمتها .. يعني شو رفع الفك العلوي ؟

انا فكي العلوي والسفلي بارز ؟
كيف يعني بتكون الجراحه ؟

ولك جزيل الشكر


​

​