مسوية جراحة فك .....قولي تجربتج هني

[dantella]

صدقيني دانه ماراح يكون البربيش اكبر همومج فلاتحاتينه وقت الي بركبونه بتكونين مبنجه ووقت الي بسحبونه بتكونين دايخه فماراح تحسين فيها والانسان طبعه ينسى فلايكون هذا همج

 

[دانه وصلت]

افحمتيني صراحه

 

[dantella]

لوووووووووووول حاضرين للطيبين

 

[غلاااه]

صباح الخير صبايا


سؤال للي مسوين عمليه


صج من بين السوائل ( الحليب ) كان ممنوع ؟؟!!


دمتم بخير



​

​

 

[dantella]

انا لان كان حلجي مسكر فكان اي ممنوع لان صعب ان انظف حلجي من عقبه كان التنظيف مجرد ماي وملح وتدرين الحليب يتخمر

 

[safia]

ويه انا اشرب حليب ومحد قال لي ممنوع

عطوني دوا اتمضمض فيه ثلاث مرات باليوم
واغسل اسناني بفرشة اطفال مع معجون

 

[dantella]

اي صفيه طريقه جراحتج ختلفت وطبعا جذي افضل بوايد

 

[dantella]

الجراحة ما اخفيكم انها صعبة بس كل شهر عن شهر تحسين بثقة اكبر وراحة اكثر .. والله يتمم
بس انا عن نفسي احس التغير ما كان كبيير ابدا احس كلما يخف الورم ارجع زي شكلي قبل بس على احلى فم
يعني احس التغير الي سارلي فقط من تحت منطقة الفم والذقن احلوت وقصر وجهي بس التغير موب كبير مرة
والحين انا داخلة بالشهر ال8 وان شاءالله اذا كملت سنه اعلمكم باخر النتايج

شوفي ياقمر
التغيير بويهج ماراح يبين الا اذا عطيتي نفسج مجال تستردين عافيتج وتمتنين شوي
ليييييش
عشان تعطين مجال ان ويهج يعبي بشكل طبيعي
اهنيييييييي بس راح تلاحظين الفرق
انا اذا كان ويهج جلد على عظم شلون بتلاحظين الفرق
حاولي تستردين عافيتج وبتلاحظين الفرق وبشكل عام الناس يلاحظون اكثر منج بس اخذيها مني متني شوي او استردي عافيتج وبتشوفين

 

[safia]

دانتيلا
انتي اول ماطلعتي من العمليه كانوا مسكرين حلجج وبعد شهر شالوه صح؟

شنو حطوا لج بداله؟

 

[غلاااه]

شكرا دانتيلا:eh_s(6):



صفيه ... فهمت من كلامك أن فمك ماهو مسكر مثل البنات إللي سوو عمليه قبل !!

يعني كيف كلمتي الاطفال وكيف تستخدمين فرشاة اسنان ؟؟؟



دمتي بود


​

 

[dantella]

صفيه بعد ماشالو البلاستيك والابر وفتحو حلجي خلاص ماحطو شي قالولي بلشي الاكل تدريجي وقتها كان الفكين مايفتحون بشكل كامل تقريبا كنت يادوب ادخل قفشه صغيره مالت الشاي تالي لاتدرج الموضوع وكنت مداومه على التمرينات الي يقولي عنها الدكتور وكانت تساعدني وعقب 3 شهر شالو التقويم بكبره وعطوني تقويم مؤقت ينشال وينحط طبعا ما التزمت في وما تغير شي عموما

 

[safia]

انا صافيه :d

غلاة
اي اطفال كلمتهم؟؟
استعمل فرشاة اسنان مالت الاطفال لان بعد العمليه ماسكروا حلجي وكانوا يعطوني جيلي وعصير مع عود يقولون مصي بالعود
وكان حلجي مفتوح ماقدر اسكره كلش بس كان الدكتور يضغطهم على بعض حده يذبح
واليوم اللي طلعت فيه من المستشفى رحت للدكتور بعياته وحط لي سيور وخلا فتحه صغيرة مافيها سيور قال لي دخلي الفرشه وغسلي لسانج

والمشكله اليوم الصبح وانا ادخل الفرشه سمعت صوت طقه بفكي اليمين المنتفخ

دانتيلا كان يعورج فكج وانتي تاكلين؟؟

 

[سارة252]

صافيه
انا ما خلولي ولا منطقة مفتوحة يعني حتا المصاص ما كنت اقدر ادخلة ولا حتا الفرشة .. بس اشرتيت شي مررة رهيب نسيت اسمه اجيبله لكم ان شاءالله هو جهاز صغير وفيه رشاش قوووي تحطينه ع سونك وتطلع كل البلاوي من بين الطاطات الي ماسكة السنون ومن جد ينظف
بس الي كان مازمني انه في الاسبوع الثناي طلعتلي ريحة فم شينه واتوقع السبب من الحليب

 

[safia]

عفيه سارة ابي اسمه مع ان عندي امل بموعدي باجر ان شاءالله يشيلونهم لي

 

[أحب أمي]

بربيييييييييييش !!!!!!

لااااااااااا تكفوون يع *_*

 

[dantella]

لوووووووووول فديتج صافيه السموحه غلاتي
انا ماحسيت بالالم غير يوم واحد اول يوم لمن طلعوني من العنايه المركزه
وماكان الم جايد
فكي لمن جربت اكل في اول مره كان يخرعني لان اسمعه يطق
يطلع اصوات
وكله خايفه ان بينكسر
واول الايام الحركه في موسهله
اصلا احط الاكل بحلجي ماعرف امضغ الاكل يطلع بره سبحان الله لان فتره مومستخدم ووضعه يديد فمو على طول تأقلمت معاه تالي لا عادي صار تبربس بالاكل وشوي شوي وزني زاد من الاكل

 

[أحب أمي]

انا خلصت موعدي مع عمااااااااد الاحد اللي طاف

وطلب من دكتورتي للتقويم قياسات واشعه

وسويتهم

ويخلص تقريري النهائي يوم الخميس 15-10

وموعدي عند عمااد 27-10

بنات شنو الخطوه التاليه بعد اميشوف القياسات والتقرير والاشعه حق الاسنان؟

 

[dantella]

بس هني تنطرين عماد يحدد لج موعد العمليه بهالفتره لو موعد العمليه طوله دكتور التقويم يقولج ان تروحين له كل شهر عشان يجيك على التقويم بس

 

[أحب أمي]

سجل اسمي ورقمي ورقم البيت عنده بدفتر الاحد اللي طاف

تهقين هذا موعدي؟

 

[dantella]

لا اهو يسجل بياناتج ونطري منه تلفون باي وقت وطبعه بااااايخه
يدق عليج اليوم يقولج يلا باااااجر جراحتي تعالي الصبح
يعني من الحين زهبي جنطتج واغراضج وكلشي وخلج جاهزه واااااااي فديتج مابقا شي