مسوية جراحة فك .....قولي تجربتج هني

[فوز فواز]

مرحبا بنات ممكن سؤال
عندي الالم ما اقدر افتح حلجي حيل وعندي الاكل يكون عوار من جهة اليمين ورحت لدكتور بمستشفي الهادي حق اسنان قال هذا من مفصل الفك قال سوي عملية عشان الوجع -وقال لي بعد سوي اشعة بس كانت الاشعة عند الهادي خربانة -- ورجعت البيت
وكنت قبل رحت حق المستشفي الحكومي بالجهراء التخصصي حق جراحة الفك بس زحمة حيل وقالوا تعالي اسبوع الجاي -
مادري شنو اسوي حيل خايفة من العملية وعندي اطفال وخايفة حيل وما عندي احد بالكويت الا انا وعيالي وزوجي

 

[safia]

راجعي الدكتور وسوي عمليه شوفي شنو يقول لج
روحي اكثر من دكتور وشوفي كلامهم واحد ولا كل واحد له راي
الله يشفيج يارب وان شاءالله ماتحتاجين العمليه

 

[dantella]

صافيه هالحدايد تنشال بعد 4 اسبوع من تركيبها مو من طلعتج من الجراحه فالحسبه تجذي تختلف يعني حسبي انتي متى ركبوها
بتلاحظين عقب مايشيلونها لمن تدزين اسنانج بلسانج بحسين الاسنان لينه نوعا ما
عشان جذي بهالوقت صعب انج تعظين حق الاكل
يبيلهم بو سبوع بعد عشان يثبتون
بهالوقت ترا وايد اشياء تقدرين تاكلينها
انا اذكر كنت اروح تشيليز اطلب تشيلي فرايز وبالشوكه اهرسه واكله وطعمه لذيذ وهم ماتش بوتيتو تقدرين تاكلين وهم البرد والتشيز كيك
بس بتلاحظين انج نوعا ما نسيتي حركه البلع وجذي بتحسين لفتره جنج ياهل يعلمونه شلون ياكل
عادي جدا تالي تتأقلمين

 

[safia]

فوز فواز

امبيه قصدي راجعي الدكتور وسوي اشعه
شفيني مو قاعده اركز لوووووووووووووول

 

[safia]

دانتيلا
انا اليووم كملت ثلاث اسابيع والحدايد ركبوهم بنفس اليوم اللي طلعت فيه
لا الحدايد كانت موجوده بس السيور ركبوهم يوم الخميس وعمليتي كانت الاحد

دكتور اشرف قال ينشالون بعد العمليه بشهر ونص
يعني بعد ثلاث اسابيع

بالنسبة للاكل انا راضية اكل بطاط مهروس ولا عيش مهروس ومرق
عادي توست وبيض؟

انزين متى قدرتي عادي تاكلين سندويشات وبيتزا؟

دانتيلا ما تحسين ودج تذبحيني لوووووووووووووول
قاعده اكرر اسالتي اكثر من مره احس مخي واقف من بعد العمليه
حاشتكم هالحاله ولا بس انا؟

 

[dantella]

لوووووووووووول حياتي انتي شمعنى بيض وتوست ؟ هههههههههههه
لاحياتي حاسه فيج
لا بالنسبه للسندويتشات مو قبل شهر من لمن يشيلون عنج الحدايد
راح تحسين ان فكج مافي القوه ان يعض
بس مع الوقت واحط لج تقريييييبا شهر عقبها
تالي ممكن انتي بيدج تقطعين اللقمه وتاكلينها بس صعب من اولها تعضين بشكل مباشر

 

[bnt~3z]

السلام عليكم،،،
بنات الله يعطيكم العافية على المعلومات اللي تقولونها خصوصا دانتيلا<< الله يوفقك ويسعدك يارب

انا ما سجلت في المنتدى الا علشان موضوعكم هذا لان اختي بتسوي هذه العملية وانا جالسة ادور لها على دكتور ثقة يسويها لها

قريت انو في بنات مسوينها في السعودية بس ما عرفت الاطباء اللي قالوا عنهم بس سمعت عن "عثمان الطويرقي" ياليت احد يساعدني ويعلمني رقم عيادته او حتى مكانها ،،،

الف شكر لكم على كل الكلام اللي تقولونه والله يجزاكم خير

 

[el-zain]

صافيه شلون الورم الحين ماخف شوي ماتحسين انج بديتي تتقبلين شكلج ولا هاذا اهو ما تغير؟

 

[dantella]

الزين حبيبتي ترا مومطلوب من صافيه بهالوقت ان تتقبل شكلها لان حاليا هذا مو شكلها ابدا ممكن يخف الورم نوعا ما بس ابدا مومطلوب ان تتقبله تو الناس عليها ولا حتى بعد 3 شهور مومطلوب ان تتقبل شكلها بعد التغييرات تاخذ وقت

 

[dantella]

السلام عليكم،،،
بنات الله يعطيكم العافية على المعلومات اللي تقولونها خصوصا دانتيلا<< الله يوفقك ويسعدك يارب

انا ما سجلت في المنتدى الا علشان موضوعكم هذا لان اختي بتسوي هذه العملية وانا جالسة ادور لها على دكتور ثقة يسويها لها

قريت انو في بنات مسوينها في السعودية بس ما عرفت الاطباء اللي قالوا عنهم بس سمعت عن "عثمان الطويرقي" ياليت احد يساعدني ويعلمني رقم عيادته او حتى مكانها ،،،

الف شكر لكم على كل الكلام اللي تقولونه والله يجزاكم خير

فديتج يالغاليه ماسوينا شي واحنا كلنا خوات نعين ونعاون والله يسهل امور اختج ... ساره اهي الي مسويتها بالسعوديه اظن اهي تقدر تساعدج بهالخصوص

 

[سارة252]

السلام عليكم،،،
بنات الله يعطيكم العافية على المعلومات اللي تقولونها خصوصا دانتيلا<< الله يوفقك ويسعدك يارب

انا ما سجلت في المنتدى الا علشان موضوعكم هذا لان اختي بتسوي هذه العملية وانا جالسة ادور لها على دكتور ثقة يسويها لها

قريت انو في بنات مسوينها في السعودية بس ما عرفت الاطباء اللي قالوا عنهم بس سمعت عن "عثمان الطويرقي" ياليت احد يساعدني ويعلمني رقم عيادته او حتى مكانها ،،،

الف شكر لكم على كل الكلام اللي تقولونه والله يجزاكم خير

اهلا انا سويتها بالسعوديه اي اسئلة انا موجودة

 

[safia]

لووووووووووووووووووول دانتيلا
اخترت بيض وتوست قنوعه خخخخخخخ
انا صرت اشتهي اشياء ماحبها


هلا بالزين والله
الورم خف اللي فوق صوب العيون بس صوب الفك والخدود والخشم لا لما الحين متفوخ بشكل مو متناسق لووووووووول
انا تقبلت شكلي غصبن علي الا خشمي كارهته بشكل فضيع

 

[سارة252]

هو في عماير السيلكون والحرس
بس عماير السليكون اسهل للتواصل تعرفين الحرس تحوس شوي
كلميهم خذي معه موعد
وبالتوفيق

 

[غلاااه]

الله يسعدكم بنات


صافيه خلاص هانت وبكره تاكلين كل حااااقه :botetoo:


سؤال

بنات شخبار دانه .؟؟ سوت العمليه ولا ؟؟



​

 

[el-zain]

لا بس صافيه ماعليييج الحين انتي صارلج شوي و طاعي شلون خف الورم عيل شلون عقب شهرين لا ماعليج دام مسويتها عند محمد المصري ما يطول معاج جك بك الا مرو الشهرين وراح عنج التتفخ :eh_s(15):

 

[safia]

غلاه
ان شاءالله اول اكله اكلها ان شاءالله بنزل لكم صورتها هني لووووووووووووووووووووووووول

الزين الله يسمع منج يارب
حبيبتي انتي

اليوم رحت موعدي مابي ادش هني الا بعد يومين علشان ما احطمكم كالعاده
لوووووووووووووووووووووووووووول

 

[bnt~3z]

هو في عماير السيلكون والحرس
بس عماير السليكون اسهل للتواصل تعرفين الحرس تحوس شوي
كلميهم خذي معه موعد
وبالتوفيق

يعطيك العاااااافيه ما تقصرين
بس معليش هو له عيادة لحاله ولا مع عيادة الدكتور الخرسه اللي في السيركون ؟؟

وبليز معليش اذا ممكن رقم العيادة

الف شكر لك :icon30:

 

[سارة252]

هلا
هو مع الخرسة
وصراحة ما اعرف رقمها خذيها من الاستعلامات
لأني انا مو تبع الخرسة .. انا امج
بس ترا امج مررة صعب تلقينه فييها .. اسهل شي الخرسة لأنه يداوم هناك خاصة يوم السبت

 

[dantella]

واخيرا فتح معاي المنتدى مادري شفي كان معطل
ولهت عليكم

 

[el-zain]

هلا دانتيلا حبيبتي توني اشوفج كلامج ... ادري ان تو الناس وبعد سنه يبين الشكل النهائي بس انا حبيت اتطمن على نفسيتها ... بس دانتيلا ترا ممكن يبين الشكل النهائي عقب جم شهر من العمليه مو شرط الا سنه كا ولد عمج خلص من الورم بشهرين يمكن اهي بعد يروح عنها الورم بسرعه