مسوية جراحة فك .....قولي تجربتج هني

[safia]

هلا دانتيلا
المنتدى قاعدين يطورون فيه من جذي مايتبطل معانا

الزين
نفسيتي مد وجزر مرات اتحمس وترتفع معنوياتي ومرات اتحطم واتحسف اني سويتها

وان شاءالله الله يسمع منج ويروح الورم بسرعه
ساعتها اسوي لكم حفله

 

[el-zain]

حبييبتي صاافيه الله يعيينج و يسهل عليج و تمر الايام بسرعه و تشوفيين روحج احلى وحده بالكوييت وعقب سنه تقوليلنا بنااات سوو العمليه كلللش ما تخوف وتصيرين مثل دانتيلا تعلمينا كل شي و حنا انشف ريجج كل شويه نسئلج هههههههه حبييبتي موووووووفقه

 

[bnt~3z]

هلا
هو مع الخرسة
وصراحة ما اعرف رقمها خذيها من الاستعلامات
لأني انا مو تبع الخرسة .. انا امج
بس ترا امج مررة صعب تلقينه فييها .. اسهل شي الخرسة لأنه يداوم هناك خاصة يوم السبت

جزاك الله خير والله يعطيك العافية ياحلوة ،،

بس ماقلتي لي ان شاء الله نروح له واحنا متطمنين ،،،

سووري تعبتك معي بس ابي اتاكد من الدكتور :ssssso:

 

[dantella]

هلا حبيبتي الزين .. شوفي اهو ممكن الورم يفش عقب 3 شهور بس الويه نفسه راح تحسينه من غير ملامح من غير تعابير حتى الابتسامه بتحسينها صعبه يحتاج وقت على مايرد الويه يبني وياخذ شكله عرفتي؟

 

[غلاااه]

اشتقت لكم والله
:016:

صافيه .. إن شاء الله يارب وونتظر الصوره والحفله كمان هههه:happybday:


وإن شاء الله تمر الأيام ويصير حنا مكانك ونزعجك بالأسئله

مثل ماقالت الزين خخخ.



​

 

[safia]

الزين
لووووووووووووووووول مابي اصير احلى وحده بالكويت ابي اصير احلى وحده بفريجنا << قنوعة اسم الله علي :d
وتخيلي اصير مثل دانتيلا وانصحكم واعلمك احس ما يلوق علي لووووووووووووووووول
حبيبتي انتي

غلاااه
احنا اشتقنا لج بعد
ونطرني ان شاءالله اذا بديت اكل يوميا بنزل طبخاتي بالمنتدى لووووووووووووووووول
دانتيلا العميدة نفعتنا وايد وحتى سارونه بعد الله يعطيهم العافيه انا اصير مساعدتهم خخخخخ

 

[el-zain]

ههههههههههههههه اي صافيه انا قبل لااسوي العمليه بجم يووم بقوولج عشان ترفعين معنويااتي خوو انا اعرف روحي احس اول ما يقولولي باجر عمليتج بقولهم لا خلاص هونت من قال بسويها ... بس والله اخيس شي سالفه التتفخ هاذي شكلي بسويها عقب ما اتخرج ع الاقل اروح الوظيفه محد يعرفني محد يقولي شكلج غيير عشان عبالهم هاذا شي اساسا خلقه

 

[dantella]

الزين
لووووووووووووووووول مابي اصير احلى وحده بالكويت ابي اصير احلى وحده بفريجنا << قنوعة اسم الله علي :d
وتخيلي اصير مثل دانتيلا وانصحكم واعلمك احس ما يلوق علي لووووووووووووووووول
حبيبتي انتي

غلاااه
احنا اشتقنا لج بعد
ونطرني ان شاءالله اذا بديت اكل يوميا بنزل طبخاتي بالمنتدى لووووووووووووووووول
دانتيلا العميدة نفعتنا وايد وحتى سارونه بعد الله يعطيهم العافيه انا اصير مساعدتهم خخخخخ

صافيه انا وانتي وساره سوينا نفس الجراحه بس مع 3 دكاتره مختلفين وبتكنيك مختلف يعني كل وحده فينا لها تجربتها الخاصه وانتي اكيد بكون عندج كلام وخبره مختلفه والي مريتي فيه وايد راح يستفيدون منه بحكم انج تعاملتي بهالجراحه بتكنيك مختلف ... بشريني عنج شلونج الحين شلون كان اخر موعد مع دكتور اشرف ؟ طمنج؟ سويتي اشعه؟

 

[غلاااا الروح]

غلاا الروح
اذا ماكنتي تبع الاميري على جذي وين بتسوين عمليتج على خير؟؟

هلا حبيبتي صاااااافيه بسويها عند دكتور عماد نجاده عااااااااد مادري اسويها بالبابطين ولا بعيادته انا عن نفسي فتحت ملف بالبابطين وناطره الموووووووعد والله كريم

 

[سارة252]

جزاك الله خير والله يعطيك العافية ياحلوة ،،

بس ماقلتي لي ان شاء الله نروح له واحنا متطمنين ،،،

سووري تعبتك معي بس ابي اتاكد من الدكتور

خذي راحتك حسيت فيك .. كنت اتمنى احد يفيدني
الدكتوور مررة رهيب وانصحك فيه لأنه يجمع بين التجميل والجراحة .. وحتا خشمي 95% محافظ ع شكله واحسه كلماله يزين ويرجع
يعني من كل النواحي زين ..
1- يحاول يحافظ ع شكل الخشم |
2- تجميلي مو بس يهتم انه يصلح الفك وبس لا يحاول يصلحة بطرية ملائمة لوجهك
3- استخيري واتوكلي

 

[مــســك]

هااااااااي شلوونكم بنااات شخباركم ..؟؟

صافية فديت القنوعة انا لوووووووول

هاا بشري شلوونج الحين عسىى احسن ؟؟

تطالعين لنفسج بالمنظرة وايد ولا لاااا ..؟؟



الا صج بناات شخبار دانة لاحس ولا خبر لا يكون سوت العملية ..؟؟ الله يوفقهاا ويسر امرهااا ..


غلا الروح .. انتي بطلتي ملف عند البابطين .. طيب ما قالوو لج متى العملية ؟؟ يعني بعد شهر او شهرين ..؟؟

 

[safia]

الزين
ترى انا كنت متحمسه للعمليه وكنت خايفه بنفس الوقت
بس سبحان الله قدرت اضبط اعصابي وكنت هاديه اغلب الوقت مع اني خوافه بدرجة فضيعه
وقبل العمليه بيوم لما دشيت المستشفى وانا رايحه امشي بدش كنت ارجف ارجف حيل
وبالليل قمت ابجي اقول لامي دقي على ابوي ياخذنا هونت بس امي قالت تعوذي من ابليس ونامي
الصبح قعدت من نفسي لقيتهم حاطين لي الملابس على الطاولة وقعدت انطر وانا بقلبي اتمنى يقولون ماكو عمليه طلعي
شوي الا داشين علي السسترات علشان العمليه جان تحوشني حالة ضحك بس اضحك

ان شاءالله ماتخترعين شوفيني وين كنت ووين صرت
الحمدلله على كل حال


دانتيلا
صح كل وحده غير عن الثانيه بس استفدنا وااااااايد منج
بالنسبة لموعدي الدكتور اشرف دز فكي لليسار وضبط السيور وصج صج وقتها عورني
لانهم مره يدزونه يمين مره يسار
يمكن خشمي ضيعهم لانه عوي لوووووووووووووول
وماقال لي سوي اشعه بس قالت بصوت عالي اهم شي التغذيه التغذيه التغذيه
ياربي الشوربات ماتشبع

هانت ماباجي شي اسبوعين مادري ثلاث اسابيع xD


مسك
هلا وغلا
انا الحين الحمدلله احسن
اي اشوف نفسي بالمنظره خلاص تعودت على نفسي لوووووووووووول
ولو ان ويهي مافيه تناسق بالمره صوب غير وصوب غير
يبيله وقت ويفش ان شاءالله

 

[dantella]

لوووووووووول اهم شي ان خشمج مضيعهم هههههههههههه شدعوه بوصله؟
دام الفك لازال لين والجرح مو ملتئم اي فعلا يقدر يضبط ويعدل اذا كان حاس ان في خلل ودكتور اشرف فاهم شغله ومتمكن ... ميخالف ماعليه انتي تحملتي الصعب الحين هالامور كلها سهالات وراح تنسينها

 

[safia]

دانتيلا
اليوم اكتشفت شي
عظمة فكي اليمين صوب الاذن بارزة عكس اليسار مو مبينه
امبيه اخترعت

 

[dantella]

ممكن يكون صوب خف الورم شوي والصوب الثاني بعد موشرط الصوبين يخف الورم فيهم بنفس الوقت

 

[ظروف الليل]

وااااااي حيرتوني دانتيلا انا من يوم عمري 17 مسويه تقويم وماضبط سنتين وشلته وسويت عند دكتور ثاني هم سنتين المهم الدكتور مال الاسنان قالي انتي محتاجه عمليه فك بس توج صغيرة والعمليه متعبه واحاول اسوي اسنانج وعدلهم بس هم مو عدل صج راحت الفتحه بين الفكين جدام وصكر بس صار عندي لثه وويهي صار اطول وخليتهم يولون بس الحين نفسيتي اكس
ضحكتي مو حلوة وويهي حنج تعبت من كل شي واللحين ودي اسوي هالعمليه ثقتي بنفسي انعدمت بسبت هالسالفه اتهرب من الصور مع اني حلوة بس هالشي مجكرني وقالولي روحي محمد المصري الحين يعني اقول حق طبيب الاسنان العادي يحولني عالدكتور؟؟ وشلون اذا عندي تلبيس اسويه قبل واخلص واروح؟؟ وبرايج منو احس عماد ولا محمد المصري ؟؟؟

 

[ظروف الليل]

علي فكرة الحين عمري 28 وشكثر اطول الاجراءات معاي

 

[el-zain]

بنات ما يصير يوريني الدكتور شلون شكلي راح يصير بالفوتوشوب ؟؟

 

[dantella]

حبيبتي ضروف الليل مابي احبطج بس الحكومه اعتقد اذا عديتي عمر ال25 صعب يسوون لج تقويم
وهالجراحه بدايتها لازم تقويم الا جان تسوينه بالخاص
عموما لانستبق الاحداث
انتي الحين روحي الاسنان التابع لمنطقتج وجيكي معاهم
بالنسبه لي انا لان جربت عماد النجاده فاشوف شغله وايد زين

 

[bnt~3z]

خذي راحتك حسيت فيك .. كنت اتمنى احد يفيدني
الدكتوور مررة رهيب وانصحك فيه لأنه يجمع بين التجميل والجراحة .. وحتا خشمي 95% محافظ ع شكله واحسه كلماله يزين ويرجع
يعني من كل النواحي زين ..
1- يحاول يحافظ ع شكل الخشم |
2- تجميلي مو بس يهتم انه يصلح الفك وبس لا يحاول يصلحة بطرية ملائمة لوجهك
3- استخيري واتوكلي

تسلميييييييييين حبيبتي ما قصرت
اهم شي الخشم اختي مرره شايله همه لووووول
الله ييسر الامر ويوفق الجميع،،،
:
:
لكل البنااااات اللي مسوين العملية الله يقومكم بالسلامة ومشكوورين على كل المعلومات اللي تحطونها هنا الله يمدكم بالصحة والعافية و تمم لكم اموركم وتصيرون احلى شي
:
يعطيكم العافية ،، الله لا يحرمكم اجر مساعدة التايهين اللي يدورون على احد يساعدهم >> مثل حالنا :eh_s(2):