مسوية جراحة فك .....قولي تجربتج هني

[dantella]

حبيبتي ام بنت ... الله يهون عليج .... نصيبج يه جذي .... شنسوي اذا دكاترتنا خوارا .... يعني الواحد يدش عليهم ومليون فكره وفكره في باله ... بتصيب او بتخيب .... حبيبتي عادي تقدرين تراجعينه دكتور اشرف باي وقت حتى من غير موعد بس روحيله عالساعه 8 واساسا انتي عندج ملف هناك .... يمكن يقدر يساعدج بشي .... خل يسويلج اشعه يشوف شنو الخلل .... واهو يستقبل اي حاله واصلا علاجج عنده .... عادي تقدرين تراجعين

 

[ftafet85]

بنات انا سؤالي عن الورم بالضبط اشكثر ويهكم ورم يعني بليز ابي شرح مفصل عن الورم وشلون خف بالتدريج ومتى اطلعة النتيجه النهائيه
وبسالكم ماخديتوا شي يخفف الورم او سمعتوا عن شي يخففه يعني ادا بسوي العمليه انشالله نص سته اقدر اسافر اخر شهر سبعه وويهي طبيعي مافيه شي لان بسبفر بستانس مو يقلق من شكل ويهي

 

[om3boood]

قوه بناااات
انا وحده قررت وبكل عزيمه اني اسوي العمليه ... حق الفك التحتي .. فيه بروز بسيط بس مسببلي open bite
يعني لما اعض اسناني اللي جدام مايسكرون مع الاسنان اللي تحت ... وطبعا مأثر على مخارج الحروف وعلى شكلي طبعا
قاعده افكر بدكتور عماد النجاده ... بس سؤال مهم .. ((( انا كنت مسويه تقويم وعمري بال16 وعدلت اسناني بس خربتهم لاني مالتزمت بالمثبت ))) وردوا مثل ماكانوا .... وعندي بلاوي في اسناني .. ضروس العقل كلهم لازم شلع
والعمليه بسويها بالحكومه .. واتوقع 100 بالميه راح يقولي الدكتور سوي اسنانج وردي ... الحكومه راح تاخذني حق التقويم؟؟
ولا راح اضطر اسويهم بالخاص اول؟؟؟
ابي اسوي العمليه ومابذني مااااي

عفيه دانتيلا ادري زهقتي من الاسئله ... ابي اوصل حق دكتور عماد.. شلون ؟؟ وين اروحله ؟؟؟ لازم موعد ولا اطب عليه عادي؟؟؟ اكو رقم شي او مكان عياده ؟؟؟ عفيه ابي معلومات عنه ... ​

 

[ftafet85]

بنات عندي استفسار ثاني لما اسوي العمليه بليزر وايد احسن صح ومنو الدكتور الي اسويها بليزر والي سوت عند الحكومه مو بليزر صح

 

[om3boood]

ناطره الجواب

 

[ftafet85]

وانا بعد معاج ناطره الجواب

 

[سارة252]

بنات انا سؤالي عن الورم بالضبط اشكثر ويهكم ورم يعني بليز ابي شرح مفصل عن الورم وشلون خف بالتدريج ومتى اطلعة النتيجه النهائيه
وبسالكم ماخديتوا شي يخفف الورم او سمعتوا عن شي يخففه يعني ادا بسوي العمليه انشالله نص سته اقدر اسافر اخر شهر سبعه وويهي طبيعي مافيه شي لان بسبفر بستانس مو يقلق من شكل ويهي

اهلا انا الحين مسوية عملية الفك من 3 شهور
واسبوعين ما يكفي وجهك يسير طبيعي ابدا وترا يفرق الي بيسوي للفك الي تحت يكون الورم اخف شوي من الي سوا للفك العلوي
انا مسوية للفك العلوي ما بديت احس نفسي خلاص ارجع طبيعه(تقريبا) الي هذا الشهر يعني بعد ما انتى الشهر الثاني والى الان احس فيه ورم حولين خشمي بس مو واضح يعني ما يحس فيه الا انا
وترا ما خلوني اكل الا بعد مرور شهر من العملية (يربطون سنونك بمطاطات )
العمليه مو سهله واتمنى تكون نتائجها ع قدها

good luck

 

[dantella]

بنات انا سؤالي عن الورم بالضبط اشكثر ويهكم ورم يعني بليز ابي شرح مفصل عن الورم وشلون خف بالتدريج ومتى اطلعة النتيجه النهائيه
وبسالكم ماخديتوا شي يخفف الورم او سمعتوا عن شي يخففه يعني ادا بسوي العمليه انشالله نص سته اقدر اسافر اخر شهر سبعه وويهي طبيعي مافيه شي لان بسبفر بستانس مو يقلق من شكل ويهي

هلا حبيبتي ... بالنسبه للورم والشكل النهائي مايبان الا بعد مرور سنه ... بهالجراحه لاتستعيلين النتايج ... والدكتور نفسه يقولج ان تاخذ اكثر من سنه ... ما انصحج تفكرين بالسفر حتى بعد مرور 3 شهور بتكونين تعبانه وحتى اثر البنج ماراح يروح بشكل نهائي ... الصبر مطلوب بهالجراحه

 

[dantella]

قوه بناااات
انا وحده قررت وبكل عزيمه اني اسوي العمليه ... حق الفك التحتي .. فيه بروز بسيط بس مسببلي open bite
يعني لما اعض اسناني اللي جدام مايسكرون مع الاسنان اللي تحت ... وطبعا مأثر على مخارج الحروف وعلى شكلي طبعا
قاعده افكر بدكتور عماد النجاده ... بس سؤال مهم .. ((( انا كنت مسويه تقويم وعمري بال16 وعدلت اسناني بس خربتهم لاني مالتزمت بالمثبت ))) وردوا مثل ماكانوا .... وعندي بلاوي في اسناني .. ضروس العقل كلهم لازم شلع
والعمليه بسويها بالحكومه .. واتوقع 100 بالميه راح يقولي الدكتور سوي اسنانج وردي ... الحكومه راح تاخذني حق التقويم؟؟
ولا راح اضطر اسويهم بالخاص اول؟؟؟
ابي اسوي العمليه ومابذني مااااي

عفيه دانتيلا ادري زهقتي من الاسئله ... ابي اوصل حق دكتور عماد.. شلون ؟؟ وين اروحله ؟؟؟ لازم موعد ولا اطب عليه عادي؟؟؟ اكو رقم شي او مكان عياده ؟؟؟ عفيه ابي معلومات عنه ... ​

هلا حبيبتي سامحيني ان تأخرت بالرد .... بالنسبح حق عماد ... اذكر ان لمن خلصت من التقويم بالاميري اهم الي حولوني واذكر خيروني بين ان اسويها بالاميري او اروح البابطين عند عماد ... لان وقتها الاميري موقف جراحه .... حاليا الاميري بلش عمليات وولد عمي بسويها بالاميري عند الدكتور محمد المصري والي من وجهه نظري ان افضل من عماد ... عالاقل بالاسلوب .... عماد اذا تبين تحصلينه يا تتعنين له بالبابطين وتروحين يوم العيادات من الصبح تكونين هناك ... او تمرينه عيادته وتستشيرينه .... بس انا افضل محمد المصري بالاميري دام فتحو الجراحات هناك .... محمد المصري بروفسور وتخصصه بس هالنوع من الجراحات

 

[dantella]

بنات عندي استفسار ثاني لما اسوي العمليه بليزر وايد احسن صح ومنو الدكتور الي اسويها بليزر والي سوت عند الحكومه مو بليزر صح

هلا حبيبتي ... انا لمن سويتها كانت فعلا بالليزر ... البابطين يستخدمون حق هالجراحه ليزر ... وفعلا افضل والجرح يصير انظف ... بس ماله شغل بسرعه الشفاء ... بس افضل من ناحيه ان ماتشوفين كدمات بالويه ومافي ازرقاق وجذي .. اتوقع حتى الاميري بالليزر بعد .......... بس نصيحه يابنات لاتفكرون تسوون هالنوع من الجراحه بالخاااااص لو مهما كان الخاص حلو ومريح ..... الجراحه فيها نقل دم وعنايه مركزه .... والله الحافظ.....

 

[dantella]

اهم شي انكم تنتبهون لصحتكم قبل الجراحه وهم بعد الجراحه ... يبيلها قوه وصبر ... بس لاتستعجلون النتايج ... الحين الطب تطور مو مثل قبل وكل ماله وهالجراحه ييتطور ويستخدمون فيها تكنيكات يديده تساعد المريض ان يشفى اسرع .... ولو ان الدكاتره هني مايبردون القلب بالاسئله ......... بس لاتخلونهم ناشبوهم سئلو عن كلشي قبل الجراحه عشان لاتخافون عقبها .... وان شاء الله مافي الا العافيه

 

[ftafet85]

مشكورين على الرد بس انا المشكله الي صج مارقتني وعلى طول قاعد افكر فيها سالفة الورم يعني سؤال مهم تقريبا عقب شهر من العمليه اقدر اطلع من البيت عادي قصدي بالطلعه اهني مثلا اروح استقبالات ولا عروس وحط مكياج ولا بكون شكلي اخرع يعني نسبت الورم جم بالميه مثلا عقب شهر يكون الورم جني قاعده من النوم
وسؤالي الثاني اقدر اتكلم طبيعي عقب جم يوم من العمليه

 

[dantella]

شوفي عقب شهر والى 6 اشهر بكون بعده شكلج غريب ........ انا كنت جريئه وطلعت عقب 2 شهر رحت السوق ....... ههههه طبعا الكل كان يخزني لان شكلي موطبيعي ........ بس عادي طاف ........ بس ان الشكل يكون عادي ؟؟؟؟؟؟ لا طبعا موعادي ماراح تستقر الملامح الا عقب سنه بالضبط

 

[dantella]

شوفي خل اقولج شنو الي ظل الورم عندي لاطول فتره ......... شفتي المنطقه الي بين الشفه العلويه والخشم ؟؟؟؟ هذي طولت ماخف الورم فيها بسرعه ........ واطراف الفك التحتي هم ماراح الورم منه بسرعه ........ انا عن نفسي كنت عيوني من غير ملامح ...... يعني كله نازله اتوقع من تاثير الجرح بعد ........ بس بعدين كل هذا راح .... يعني الصبر مطلووووووووب

 

[ftafet85]

صج والله ضيقتي خلقي الصراحه واي اشلون جدي انزين تعرفين احد مسوي العمليه بعد وجدي كان الورم عنده
انا قالولي صج انا نتيجة العمليه ماتبين نهائي الى عقب سنه تقريبا بس تقريبا عقب شهر يكون الورم حده خاف يعني اطلع طبيعي ومحد يحس فيه غيري
يعني مثلا عملية تجميل الخشم كله يقول الدكتور حق المريضه انا النتيجه النهائيه تطلع بعد سنه الى سنتين بس انا الي قاعد اشوفه انا 90 بالميه من النتيجه تبين على طول اول مايشيل اللزقه انتي تقصدين جدي يعني نتيجة الفك واضحه بس الورم اهوا المشكله
ما تتخيلين اشلون الموضوع شاغل تفكيري ومارقني الصراحه

 

[ftafet85]

انامشكلتي مشكله يادانتيلا انا الدكتور مو معطيني موعد حق العمليه كل مره يقول لي مره عقب شهر ومره شهرين وعليج لحساب وانا كل ماسويت ترتيباتي على اساس الموعد الي حدده لي قبل لا يغيره الا وغير الدكتور الموعد وانا المفروض ملجتي عقب رمضان والعمليه انشالله اخر كلام يقول الدكتور اخر ثمانيه يعني برمضان معناته ماراح ارمض ولا اعيد هل سنه ميخالف اغزرها مسلسات وخلطات ماقبل الزواج لووووووول تهقين لي خلق راح اصير
فشلون الحين راح افش ويهي بشهر اونص بموت كل يوم اسئل نفسي هل سؤال تهقين الابره الي يقزونها الدكتره حق الي يسون خشمهم عشان تسرع النتيجه وتخفف الورم راح تيب معاي نتيجه
ادري اني يننتج بالاسئله بس والله انا من كثر هل موضوع مارقني اني مرات اقعد ابجي

 

[dantella]

حبيبتي فتافيت ترا نفس الي سووه معاج سووه معاي انا بعد ....... على قولتهم كانت حرب نفسيه ...... تخيلي كانو يدقون لي يقولون عمليتج عقب يومين ..... وازهب نفسي وازهب جنطتي تالي اروح هناك وهناك يصدموني ان لا في حاله مستعجله قبلي ........وتعالي شوفي النفسيه شتصير ........... وهالشي تكرر اكثر من 4 مرات ...... وتخيلي ...... عقبها سافرت ودقو علي وانا مسافره قالولي اليوم جراحتج تقدرين تيين ؟؟؟؟؟؟؟؟ ههههههههه والله شي يضحك ......... بس ميخالف بالاخير بتسوين العمليه

 

[dantella]

علي فكره ترا ورم عمليه الفك مو نفس تجميل الانف .......... الاختلاف كبير ماكو مقارنه ......... عظم الفك من اصعب انواع العظم الي ممكن يلتئم عقب الجراحه ........... انا ساعات يلتئم وارجع اسوي اشعه ويقولي الدكتور رد التهب ........ جذي بروحه فلاتقارنين

 

[ملك]

صلي الاستخارة حبيبتي قبل لاتسوينها والله يجدملج الخير يارب

 

[om3boood]

مشكوره دانتيلا عالرد ... صراحه انقذتيني كنت كلش بحط موعد عند عماد ... مدام الدكتور المصري احسن بروحله ...
بس انتي مسويه عند عماد.. صح؟؟ .... سؤال اخير.. الدكتور المصري شلون احصله .؟؟