مسوية ريجيم ؟! تعالي شاركينا بصور وجباتج ..

[قطوووة]

متابعه

 

[نارنجه]

جوريتا


شوفي اختي عشان تضمنين انج راح تلتزمين في أي رجيم
لازم تعدلين عاداتج الغذائية
وتاكلين اكل صحي
شفتي هالخضرا و هالفاكهه
كنت مثلج ما افكر فيهم بوجباتي كلش
اذبحتنا الكربوهيدرات و النشويات و المقالي و الحلويات
وشنو اخذنا منها الا زيادة الوزن !

لازم تفكرين بالاكل الي ماتحبينه على انه مليان فوايد واهو الي راح ينزل وزنج
وانصحج بموضوع قطوة
ماذا بعد الرجيم

ابصراحة وايد استفدت منه
خاصة لما كتبت عن الفواكهه و الخضروات الي تعتبر سالب كالوري
يعني تحرق طاقة عشان تاكلينها اكثر من عدد سعراتها


غير جذي
عندج اللحوم البيضا و الحمرا الي مافيها دهن
وتكون مطبوخه بطريقة الشوي او السلق
واحسن طريقة يقولون الطبخ ع البخار اهي التوب حق الرجيم


والبيض
مقلي بدون زيت بمقلاة تيفال
او السلق


وضروري تتقيدين بمواعيد معينة للاكل
يعني الريوق قبل الساعه 9 وانسب وقت 8

الغدا
من 2 لي 3

السناك
خليه عقب الوجبة الاساسية بساعتين
وقبل الوجبة الاساسية الثانية بساعه على الاقل

والعشا
نفس وجبة الريوق لازم قبل الساعه 9
وقبل ماتنامين بثلاث ساعات على الاقل

مو تاكلين وتنامين
تطلع لج كرشة 100٪


والماي هذا وايد مهم
ماتنزلين وزن الا اذا كنتي تشربين ماي وايد حتى لو التزمتي بالدايت بحذافيرره

2 قلاصين اول ماتقعدين من النوم
واحد فيهم عصير ليمون

بعد نص ساعه تريقي

وقلاصين ماي قبل وجبة الغدا و نفس الشي قبل وجبة العشا

صاروا 6
يبقالج قلاصين
واحد قبل كل سناك

وبجذي تضمنين انج شربتي 8 قلاصات ماي


والله يوفقج اختي

 

[نارنجه]

آلله يهنيكم ‘ مآ شآء آلله آكلآتكم رووووعأآأآ ‘​

تسلمين

 

[نارنجه]

الموضوع متميز مثل صاحبته ماشاء الله عليها ...............مشكورة على الموضوع الرائع

بعد عمري تسلمين ع الكلام الحلوو :**

وياريت تشاركوووني فيه كلكم

 

[نارنجه]

الموضوع حلو ويعطي افكار روعه

حياج الله اختي
نورتي

 

[نارنجه]

متابعه

منوووره

 

[دنيتى انا]

من بعد اذنج نارنجه بنزل اكلي اليوم

كان فطوري 9
3 تمرات

اما غداي تبوله من غير زيت+ ٣ ملاعق اكل حمص + ٢ ملعقه كتجب + ٢ سيخ شيش طاووق + سفن دايت ........................
ملاحظة ( بنات الكباب ما اكلته لان لو اطقه بالطوف رجعلي ربل الله يزيد النعمه )

 

[دنيتى انا]

بااااك مع السناااااك <<< حلوووة

قاعده اطالع مسلسل اكون او لا على يوتيوب

جاي احمر ٠ سعره حراريه
٢شكر تروبيكانا ٠ سعره حراريه
٥ بسكوت تك لو ٩٠ سعره حراريه


الحبه ١٨ سعره حراريه

 

[ازهار ملونه]

يعطيج العافيه

وصور وجباتج تشوق ماشاءالله

جارى التخزين والتنفيذ لاني اسوي رجيم

 

[دنيتى انا]

حياج الله ازهار تابعيني





[بقيت يومي

نسكفي 2in1 مع شكر وشابوره وحده

النسكفي ٦٠ سعره حراريه
الشابوره ٢٢ سعره حراريه
الشكر ٠
=٨٢ سعره حراريه

٧٢٥ + ٨٢= ٨١٠ سعره حراريه خلال يومي


مفروض ٨٠٠ بسسسس مافرقت لو ٩٠٠ زين وااايد


راضيه عن نفسي

 

[جوريتا]

جوريتا


شوفي اختي عشان تضمنين انج راح تلتزمين في أي رجيم
لازم تعدلين عاداتج الغذائية
وتاكلين اكل صحي
شفتي هالخضرا و هالفاكهه
كنت مثلج ما افكر فيهم بوجباتي كلش
اذبحتنا الكربوهيدرات و النشويات و المقالي و الحلويات
وشنو اخذنا منها الا زيادة الوزن !

لازم تفكرين بالاكل الي ماتحبينه على انه مليان فوايد واهو الي راح ينزل وزنج
وانصحج بموضوع قطوة
ماذا بعد الرجيم

ابصراحة وايد استفدت منه
خاصة لما كتبت عن الفواكهه و الخضروات الي تعتبر سالب كالوري
يعني تحرق طاقة عشان تاكلينها اكثر من عدد سعراتها


غير جذي
عندج اللحوم البيضا و الحمرا الي مافيها دهن
وتكون مطبوخه بطريقة الشوي او السلق
واحسن طريقة يقولون الطبخ ع البخار اهي التوب حق الرجيم


والبيض
مقلي بدون زيت بمقلاة تيفال
او السلق


وضروري تتقيدين بمواعيد معينة للاكل
يعني الريوق قبل الساعه 9 وانسب وقت 8

الغدا
من 2 لي 3

السناك
خليه عقب الوجبة الاساسية بساعتين
وقبل الوجبة الاساسية الثانية بساعه على الاقل

والعشا
نفس وجبة الريوق لازم قبل الساعه 9
وقبل ماتنامين بثلاث ساعات على الاقل

مو تاكلين وتنامين
تطلع لج كرشة 100٪


والماي هذا وايد مهم
ماتنزلين وزن الا اذا كنتي تشربين ماي وايد حتى لو التزمتي بالدايت بحذافيرره

2 قلاصين اول ماتقعدين من النوم
واحد فيهم عصير ليمون

بعد نص ساعه تريقي

وقلاصين ماي قبل وجبة الغدا و نفس الشي قبل وجبة العشا

صاروا 6
يبقالج قلاصين
واحد قبل كل سناك

وبجذي تضمنين انج شربتي 8 قلاصات ماي


والله يوفقج اختي

تسلميلي خيتووو فديتج ع الافاااده و ان شاءالله اني بطبقها بذن الله :eh_s(7):

 

[قطوووة]

قريت لاخصائي تغذية بتويتر مادري منو نسيت

ان نسكافية 2 في واحد خدعه

كله دهن مادري شنو

ياربي شنو نسوي

 

[جوريتا]

باك بنات ..

اليوم طبعا بلشت يومي بشرب ماي الترا بالدوام و بعدها بنص ساعه

تريقت توست اسمر مع شوية لبنه وو بيض مفيوح مع شاي و حليب

اسناك الضحى كان عباره عن قطعة كيك صغيره مع قهوه عربيه
الظهر الغدا

كان عباره عن مشويات مشكله بس ما كملتها مع دايت و تبوله

طبعا العصر الساعه 4:30 رحت امشي بالممشى لي غاية 5:30 ساعه تقريبا

رديت البيت شربة قلاص ماي

طبعا اليوم كان عندي زيارات بس ما كلت و لا حلو بس شربة شاي و قهوه

تاخرت ع وجبة ا لعشا ففضلة اكل حبتين كيوي

هذا يومي ان شاءالله اني اضعف بصحه و عافيه

 

[جوريتا]

قريت لاخصائي تغذية بتويتر مادري منو نسيت

ان نسكافية 2 في واحد خدعه

كله دهن مادري شنو

ياربي شنو نسوي

قطوه حبي كل شي طلعو فيه عذروب ماندري شنسوي :bbbiu:

 

[loving wife]

من بكره انشالله راح ابتدي


لان اليوم مخربتهااااااا صح


الوعععععد باجررررر

سيييي يوووووو

 

[دنيتى انا]

قطوة القهوة اساسا دهون بس مومثل الزيت وانواعه





قعدت ٩ ونص وبدلت الجامعه ريوقي كان

ربع خبزة سمره ٤٨ سعره حرارية
جبن قلاص ملعقة صغيييييره ٣٥ سعره حراريه
نسكافية ٢ في ١ ٦٠ سعره حرارية
شكر ٠ سعره حرارية


مجموع ريوقي هو ٤٨ +٣٥+٦٠= ١٤٢ سعره حراريه

المتبقي ليومي ٦٥٨ سعره حراريه

 

[نارنجه]

وناسة اخيرااا في مشاركات في الموضوع

موفقه دنيتي انااا

متابعة

 

[نارنجه]

قريت لاخصائي تغذية بتويتر مادري منو نسيت

ان نسكافية 2 في واحد خدعه

كله دهن مادري شنو

ياربي شنو نسوي

ماكو الا القهوة السااده النسكافيه وي ضيفي له حليب خالي الدسم
او استخدمي القهوة التركية او العربية

واذا بتمشين ع السعرات

قفشة نسكافية =5 كالوري
الانواع الثانية مكتوب عليها جم كالوري


ذبحونا هالدكاترة
ماسوت علينا قلنا رجيم

 

[نارنجه]

قطوة القهوة اساسا دهون بس مومثل الزيت وانواعه





قعدت 9 ونص وبدلت الجامعه ريوقي كان

ربع خبزة سمره 48 سعره حرارية
جبن قلاص ملعقة صغيييييره 35 سعره حراريه
نسكافية 2 في 1 60 سعره حرارية
شكر 0 سعره حرارية


مجموع ريوقي هو 48 +35+60= 142 سعره حراريه

المتبقي ليومي 658 سعره حراريه

اذا تبيت تقللين سعراتج وتشبعين
جربي تسوين لج لفائف الخس بدال الخبز

 

[قطوووة]

مشكورة نارنجة

انا مرتاحة ع تروبيكاانا مشروباتهم :eh_s(15): خاصة اللاتية عجييييييييييب

احلى من ستار بكس وكل الكافيهات


و 60 كالوري بس