مشكلتي بللسفر

[العنكبوت]

مرحبا للجميع....عندي مشكله مارقتني ومتعبه نفسيتي. بصراحه انامن عشاق السفر يمكن لاني اجد فيه تغيير لنفسيتي. بحكم تكرار. الروتين ولاني مو موظفه فاجد فيه راحه لي وتغيير جو ....وبصراحه زوجي سفرني كثيرا ولاقصر معي ... وطبعا سفراتنا كانت باتفاق بين الطرفين فسافرنا اكثر من دوله ..... وفي سفرات خصصناها لاولادنا وفي سفرات خاصه لي وله...بصراحه انا من عشاق اسطنبول وفعلا. ذهبت. لها واجد فيها راحة لي مو طبيعيه وقلتله قبل عام ابي اسافر انا وياك بعطله الربيع اسبوع لاني مشتهيه اغير من الروتين قسما بلله قال لي اوكي المهم صار ظرف قوي وماقدرنا انسافر .....وقلت خلاص مو مشكله بللصيف قال لي لا لانه يبي يسفر اولاده قللتله خلاص لما نرجع اروح انا وياك ....قال اوكييه سفرنا االاولاد وكانت السفره بللسياره وكانت من. احلي سفراتنا ولما رجعنا كل مااساله كان يقول الاجازه الحين مو من حقه في ناس قبله المهم زعلت جاني وقال لي يقدر ياخذ بس 4 ايام ومنها يوم اول رمضان زعلت قللتله انا مابى ةاسافر برمضان خلها بللعيد قعد ايعاوش ويعاير انا وديتج وسفرتج وماقصرت فيج ومو لازم سفر انتي عورتي راسي ماعندج الا هالسالفه انتي انانيه متفكريين الا بنفسج المهم لملمت جروحي وسكت وقعدت فتره ورديت وقللتله مع العلم اني قايللتله افلوس السفره علي .. ولما قللتله مره ثانيه حسيت كاني قايلتله عن جريمه قتل اشسوي بغت توصل للطلاق .....ليش كل هذا علشان ابي اقعد معاك اسبوع ابيك فيه لي حسسني اني مسويه جريمه ......بصراحة لما شفت ابرجال تعبان من هالسالفه قمت وسويتله ليله رومانسيه فضيعه ونسي كل شي وجا العيد وماسفرنا مع العلم انه زوجي ماكان جذي كان اذا رفض بعد شوى يوافق بس الحين صار واحد ثاني......موضوع ابسفر مايحبه يجيه ضيقه اذا قللتله له ...المهم قبل ايام رديت وقلتله علي العيد الثاني خلنا انسافر يعلم الله انه مرت علي ظروف صعبه وابي ارتاح بس اسبوع قام وصارخ وعصب سكتت ولما قعدنا الصبح قللتله حرام عليك انا تعبانه وابي هذا الشي منك رد بهدوء يصير خير ..... والحين شنو تنصحوني فيه ارد احن والا اجلها لحد لعطله راس السنه والله انا محتاجه. حق التغيير وودي بس اسبوع شسوي وشنو ابطريقهالي تخليه ماينفعل.

 

[_زينه_]

وبصراحه زوجي سفرني كثيرا ولاقصر معي

حمدي ربج و اشكريه غيرج متوظفه ولا تسافر وانتي مو موظفه ومو مقصر معاج لازم سفر !!!!!

احجزي شاليه فندق

 

[جـوود الحب]

يابنت الحلال خليه لاتضيقين خلقه .....ممكن تقوليله بس بطريقه ثانيه موووفقه

 

[يازمان العجايب]

سفرج وماقصر معاج قولي الحمدالله يمكن عنده ظروف ومايبي يقولج​

 

[hazel eyes]

جذيه بيمل جم سفره بالسنه ماشاءالله عليج لج خلق

 

[مارشميلو..]

اعتقد سبق ونزلتي هالمشكله في قسم الحياه الزوجيه قبل فتره؟؟؟؟؟؟؟؟
مادري مااحس انه غلطان بالعكس ماقصر وسفرك وسفر عيالك بعد قولي الحمدلله على النعمه
اخذي فره على قسم الزوجيه وشوفي المشاكل اللي تشيب اللي زوجها يخونها قدامها واللي يسافر بلاد كلها فساد مع ربعه واللي يتزوج عليها واللي مسكنها مع اهله ومناشبينها والي واللي واللي ...الخ
وانتي ذبحتي الرجال تحنين على السفر
حسستيني انك طفله مو لهالدرجه بتموتين يعني اذا ماسافرتي وطلعتي الرجال من طوره وخليتيه يوصلها للطلاق!!!!!!!!
وترى السفر شي ثانوي مو مجبور زوجك اصلا يسفرك
اعتقد المشكله الحقيقيه مو انه رفض يسفرك
المشكله اللي تحتاج منك تفكير انه ليش فكر يطلقك ؟؟
شوفي شلي خلاه يقولك كذا وحاولي تصلحين الامور بينكم ابرك
وحلاتها تجي منه يكون هو مشتهي يروح مكان وياك لحالكم وتغيرون جو ترى مالها طعم اذا دفعتي انتي الفلوس
ووداك بدون نفس
الله يهديك
الحين انسي سالفه السفر ولا تطرينها قدامه واكييد هو بعد فتره بيشتهي يسافر وبيقولك ..

 

[* ملكني الخوف *]

اب اب اب اب

 

[law love]

لا لا تحنين خلاص اهوه يدري انج محتاجه تغيرين

خلج ساكته عن هالموضوع فتره ليمه اهوه يفتحه معاج

يمكن عنده مشكله بالميزانيه او عنده شي يفكر فيه

و دامه يفكر بعياله و متعود يسفركم ان شاء الله ما يقطع هالعاده

 

[حسبنآ الله]

اعتقد سبق ونزلتي هالمشكله في قسم الحياه الزوجيه قبل فتره؟؟؟؟؟؟؟؟
مادري مااحس انه غلطان بالعكس ماقصر وسفرك وسفر عيالك بعد قولي الحمدلله على النعمه
اخذي فره على قسم الزوجيه وشوفي المشاكل اللي تشيب اللي زوجها يخونها قدامها واللي يسافر بلاد كلها فساد مع ربعه واللي يتزوج عليها واللي مسكنها مع اهله ومناشبينها والي واللي واللي ...الخ
وانتي ذبحتي الرجال تحنين على السفر
حسستيني انك طفله مو لهالدرجه بتموتين يعني اذا ماسافرتي وطلعتي الرجال من طوره وخليتيه يوصلها للطلاق!!!!!!!!
وترى السفر شي ثانوي مو مجبور زوجك اصلا يسفرك
اعتقد المشكله الحقيقيه مو انه رفض يسفرك
المشكله اللي تحتاج منك تفكير انه ليش فكر يطلقك ؟؟
شوفي شلي خلاه يقولك كذا وحاولي تصلحين الامور بينكم ابرك
وحلاتها تجي منه يكون هو مشتهي يروح مكان وياك لحالكم وتغيرون جو ترى مالها طعم اذا دفعتي انتي الفلوس
ووداك بدون نفس
الله يهديك
الحين انسي سالفه السفر ولا تطرينها قدامه واكييد هو بعد فتره بيشتهي يسافر وبيقولك ..

:rerrerek::rerrerek:

 

[غيمه ظميانه]

الله كريييييم حمدي ربج بس

غيرج يتمنى يغير جو بالديره مو حاصل له

لاحقه عالسفر خفي شوي على الرجال لا صج يقلب علييييج ويحس ان هالشي مجبور يسويه مو من طيبه

 

[سفيره الكويت]

انا من عشاق السفر بس اسمحيلي سفر بدون فلوس مايسوى تروحين هناك وخلصت فلوسج وبعدين تطررين انتي وياه مايصير بعد

كلنا نحب السفر وكلنا نحب التغيير وانا اولهم بس الريال عليه التزامات ماديه يتحملها عليه ضغوطات الريال مو مقصر معاج نطري الفرصه

المناسبه عشان تروحين معاه ويكون اهو اموره اوكي وويقولج تجهزي ونفسيته واهو مسافر مايحاتي شي صبري افا عليج بس حبيبتي

وان شاء الله بتسافرين معاه متى ما سمحت الفرصه

 

[Tom ♥ Jerry]

,


واااي آحسج سراحه و من غير زعل وآيد تحنين على هالسالفه !
خلاص الريال كفى و وفى عآد مو تقعدين كل فتره و فتره اتييبين له طاري السفر ,! :/


حبيبتي ريلج مبين من تصرفاته انه تعب و طفش من هالسالفه !
خلاص الحين شيلي سالفه السفر من رآسج و قدري آنه آهوة موظف غير عنج
يتعب و له حق آنه يرتاح في بيته بدون حنه و رنه !.,

سكري هالموضوع خير شر , و اذا تبين تغيرين جووو مآ آعتقد آنه لازم تسافرين بره الدوله
قعدووو بالديره و روحو شاليه خيران طلعووو استانسووو روحو فندق ،
مو الا تسافرون يعني .!

سكري هالموضوع الحين و نطرييي عليييه يهدااا وضعه
بعد جم شهر بتلقينه آهوة اييلج و يقولج تعالي نسافر انا وياج .!

بس صبري عآد ,، و من رايي تروحين تشتركين بـ نآدي أو دورة
عشان تلهين بحياتج شوي .، آحسج مآ عندج الا التفكير بالسفر



-منقول للـ قسم المناسب-

 

[ام رينـاد]

ا اب

 

[Om_Ksha]

امبي احسج قثيتيه بهالسالفه
هاذي ثاني مره تنزلين هالموضوع وقبلها ردو عليج٢١ بنت
ومع هذا مو مقتنعه

الله يعين ريلج عليج ،، خفي عليه لا باجر يزهق ويكره القعده معاج ،،


حلات الشي بطيب خاطر ولا بلاه*

 

[shak!shoka]

صراااحه ومن غير مجامله ولا تزعلين مني
" انتي فسقااااااااانه""
انتها

 

[ام حمادنه]

خخخخخخخخخخخخخخخخخخخخخخخخخخخ هذي سالفه بالله

 

[ملوكـه]

بصراحه بدون زعل
احس عطاااااااج ويه زياده عن اللزوم
سفره لعيالك وسفره لي ,,,

 

[amoory]

الله يهديك هذي مو مشكله تخليك تحتاسين منهااا ..

واذا ماسافرتي سنه والا سنتين يعني وش راح يصير ؟؟ ولا شي

احمدي ربك على النعمه وانتبهي لزووجك احسن .. والرجال مايحب الحرمه الحنانه بقل سنع يطفش وينحاش من البيت

الله يصلحكم وويوفقكم

 

[لافلي روز]

بصرااااااااااااااااحه قهرتيننننننننننننني وين وحده تلقى واحد مثل ريلج يسفرها وايد وانتي قايله بعظمة لسانج انه مو مقصر وياج ولا ع عياله \
بعد اشتبين اكثر
ع فكرة " من لايشكر الناس لايشكر الله " بدل ماتشكرين ريلج وتحمدين ربج انج بنعمه وغيرج حاسدج عليها تطنقرين يعني صج راح تموتين اذا ماسافرتي اذا مالبالج طلب يعني هو اناني مايحبج يحب يزعلج جان زين نص ريياييل الديرة يحبون السفر مع زوجاتهم مثلج

انا اقول احمدي واشكري ربج وقومي صلي لج ركعتين واستغفري ربج ع مابدر منج بحق نفسج اولا وبحق زوجج ثانيا
ومثل ماقالوا البنات ترا بيمل ولاراح يحب القعدة وياج وراح تتحسفين تالي لما تلقين الوقت راح وضاع
والليالي الرومانسيه المفروض تسوينها لمصلحه وبدون عشان ترضين زوجج حبيبج اللي مو مقصر وياج ابداااااا
والله يهديكم لبعض ​

 

[Salamat]

حبيبتي خليه ولا تكررين عليه
صدقيني الزوج ترا يفكر بطلب زوجته
وصدقيني بروحه راح يرتب السفره اذا يقدر
ما يحتاج تحنين بالعكس جذي تنرفزينه ويمكن يعاند