مشكلتي مو مقتنعه بخطيبي وهذي الاسباب

[الحـالمه]

السلام عليكم ~

انا بكتب اللي احس فيه وانتم شورواا على

انا مملكه من شهر 8 وابي افك اللملكه

احس احسااس غرريب ندم مو طبيعي

والله العظيم بعد كل صلاااه اصلى استخااره وادعي ربي

ييسر لي

انا عمري 22 وخطيبي 33

واافقت بالبداايه لان النااس تمدح فيه وباخلاقه متوظف والحمد لله

بس من يوم شفته انكسرت فرحتي مااعجبني قلت يمكن شخصيته زينه

كلمته بعد الملكه اكتشفت اختلاااف كبيررر بيني وبينه في اشياااء كثيررر

ماافي تواافق بالفكر ......


سؤاالي لكم ياابناات

جااوبوني كأنكم تجااوبون اختكم

اكمل معه وماافي قبوول من نااحيتي

مااتخيله زوجي ولا اتخيل اني بيوم انااديه حبيبي احس اني اتسرعت احس اني مو مثل اي بنت

ملكت ومتحمسه لزوااجهاا

وماابي اظلم نفسي واظلمه معي من حقه هو كماان يااخذ بنت مبسووطه فيه

الله يخليكم سااعدوني الله ولو بدعوه

 

[@ كويتيه @]

حبيبتي قولي لامج مشكلتج او اختج وصدقيني رااح تتفهمج !!
قوليلها انج مو مرتاحه ويمكن اظلمه معاي بعدين صدقيني اهي اكثر وحده تعرفج واهي اللي راح تعطيج الحل لمشكلتج !!
وعسى الله يفرج همج ان شاء الله !!

 

[سكوتي بذوقي]

قولي لأهلك

استخرت وماني مرتاحه

مدامك على البر سوي اللي يرضيكِ

لأن هاذي حياتك

وربي يعوضك بالزوج اللي ترتاحين له

 

[Unusual]

حبووووووبة ..
استخيري كماااان ثاني ..
واتناقشي مع احد كبيرمن العيلة اخواتك امك ..
فهميهم شعورك اتجاه هذا الشخص ..
يمكن يساعدوك للقرار السليم ..

واخيييرا هاذي حياتك حاولي قد مااتقدري تحافظي عليه ..
واذا شفتي انك مرة مو قادرة تكملي معاه ..

الله يغني كلا واحد منكم باللي يفهمه ويريحه ...

 

[الغاليه نونو]

يمه حبيبتي الزواج هذا قرارج مو من كلام البنات تقررين تستمرين وياه والا لاء

يمكن يشورون عليج اتركيه وخليه دامج عالبر وتندمين باجراذا حسيتي انج ظلمتيه وظلمتي نفسج وبنفس الوقت مااتقدرين تضمنين نصيبج بالثاني اذا بيسعدج والا بيقهرج
وتختف تستمرين وحياتج تنقلب فوق تحت اذا تميتي تهوجسين بهالشعور انج ماتحبينه ولافي توافق بينكم

انا بعطيج رااايي والهون ابرك مايكون حبيبتي
تكلمين امج واهلج القربين لج بهالسالفه يمكن الريال ماطلع لج كل مشاعره الحين يمكن خايف منج لاينصدم فيج يمكن ويمكن تراااا الريااييل بفترة الخطوبه يحسبون الف حساب حق شريكة حياتهم خصوصا اللي زواجهم يكون تقليدي
عالعموم انتي الحين فترة ملجه ومثل ماقلت لج تسألين اهلج ويمديج تسألين عنه اكثر وتعرفين عنه كل شي يحوس بقلبج والقرار الاول والاخير لج يمه
بس هم ارد واقول ترا وايدييييين صادفتهم بنفس حالتج والله العظيييييييييم بداية الملجه كانت بالنسبه لهم عزااا كثر مايبجون ويشكون بس كل شي تغير عقب العرس وحياتهم الحين من اورع مايكون لاتتسرعين يمه اخذى وقتج بالتفكير العقلاني ماعليج من المظاهر شوفي الريال من داااخله غووصي فيه وتعرفين معدنه ياما ريايييل جمال وملح مكتكت وعقولهم فاضيه طنك مافيها رزانه ولاغيره علي حريمهم والعكس صحيح سألي اول شي عن صلاته وين يصلي اي مسجد يروح له وشنهي اهتماماته وشنو طموحه وكل شي تقدرين تعرفينه بهالفتره وعسا ربي يسخركم حق بعض ويتمم عليكم علي خير يارب

 

[mareea]

حبيبتي قولي لامج مشكلتج او اختج وصدقيني رااح تتفهمج !!
قوليلها انج مو مرتاحه ويمكن اظلمه معاي بعدين صدقيني اهي اكثر وحده تعرفج واهي اللي راح تعطيج الحل لمشكلتج !!
وعسى الله يفرج همج ان شاء الله !!

:eh_s(15): وياها

 

[عويتقة]

حبيبتي انتي حطي فبالك ان وعسى ان تكرهو شيئا وهو خير لكم انتي استخيري واستخيري واستخيري وادعي رب العالمين فجوف الليل انو يبين لك الحق ولو كان خير لك يدخل محبته في قلبك وحاولي تشوفي فيه اشياء حلوة مثلا ان كان متدين او كريم او ... المهم انك تبحتين عن نقط ايجابية في الموضوع يعني انتي قلتي الريال زين والكل يمدحه انا خايفة انك تتسرعين بطلب الانفصال وتندمين المهم انك تفوضين امرك لله وياااربي يسخر لك الخير كله ولو كان في الخير ياااربي تدخل محبته وقبوله في قلب اختي الحالمة يااارب

 

[][ sarah ][]

حبيبتي اذا استخرتي وهم مو مرتاحه
حاولي بعد تستخيرين اكثر من مره واذا استمر هالاحساس كلمي اهلج , دام انتوا عالبر احسنلج تفسخين الخطبه الحين

وفكري عدل , هذا زواج يعني العمر كله

 

[عشقك وطن]

حبيبتي انا رايي لاتوقفين استخاره كل يومين استخيري

وطولي فتره الملكه وحاولي تتعمقين بشخصيته واطردي الافكار السلبيه


اعطي نفسك فرصه واعطيه فرصه عشان لما تتخذين قرارك ماتتحسفين بعدين



موفقه

 

[حره الحرآئر]

حبيبتي لاززززززززززززززززم تفكرين وتقتنعين بقرآرج حتى ماتندمين
يمكن أييلج واحد صغير يعني 25 لكن الاول افضل فراح تاخذينه اكيد وراح تندمين
خلي قناعتج 100%
ومسكي ورقه وكتبي المميزات والعيوب وشوفي الاكثر وقارني عاد

ترا الكل فيه عيوب ومحد كامل واذا بتنفصلين تراج ع البر

الله يوفقج للأصلح

 

[مس روبنز]

"إذا جاءكم من ترضون دينه وخلقه فزوجوه"

حبوبه إذا كان على خلق ودين ومتأكدين من هالشي خلاص كملي طريجج الشكل مو مهم ولا ضروري
وإذا على فكره فشي طبيعي لأن في فرق بالعمر يعني الاهتمامات وطريقة التفكير بتختلف شويه
بس مع الوقت بتتأقلمون عادي

بعدين إنتي المفروض تستخيرين قبل الملجه مو ألحين
آنا أقول تعوذي من إبليس وحافظي عالأذكار يمكن تكون عين صابتج
أما إذا كنتي سامعه عنه أشياء جديده بعد ما ملجتوا فالحل بيدج تكلمين اهلج وتشوفين رايهم بالموضوع

عسى الله يوفقج وييسر لج أمرج ويشرح صدرج​

 

[عالمي انا غير]

شوفي حبييبتي دام صليتي الاستخارة وماارتحتي وهم صليتها اكثر من مرة لا حبييبتي لا توافقين اختي مثلج بخطبتها صلت كذا مرة صلاة استخارة وماارتاحت ولما ارفضت اكتشفنا من الناس انه مو زين وعنده امور تخوف وتشكك . نصيحتي لج اذا نفسج ماتقبلته وصلاة الاستخارة ما ريحتج سوي اللي يرضيه ضميرج والصح واعتقد انه مو صح تكونين زوجته

 

[وردة-الكويت]

اخذي راي امج وخواتج افضل

الله يكتب لج الي فيه الخير يارب

 

[lulwa-q8]

حبيبتي دام صليتي الاستخاره وماارتحتي عيل مو لج

بس مرات انت تصلين الااتسخاره وفي بالج ماتبينه بالاصل !

انتي فكري عدل و تري هذا غلط مفروض ماتكلمينه بعد الملجه

تري عند دخله ربي ينزل قبول لكم وهذا كافي

واكيد في اختلاف انتي ماتبين واحد كوبي مثلج

ولا تطلقين وتفسخين ملجه علي ان ميولج غير عنه او شكله مااعجبج لا تسيرين حيل سطحيه

فكري فكري و استخيري مو تستخرين وفي بالج ان موعاجبج اكيد ماراح ترتاحين فكري هذا طلاق

و حطي في بالج الاخلاق ثم الاخلاق لا يهمج شي غيره ولا تكلمينه االحين خلاص

والله يوفقج بس هذا راي

=)

 

[cat^q8]

مافي ازواج متطابقين بالفكر

شنو فيه عيوب بعد ؟

 

[الـــغـــلآ]

تقريبا نص اللي يملجون يحسون بهالاحساس و انا مثلج كنت بس الحمدلله اقنعت نفسي و شلت من راسي الاوهام و تعمقت بشخصيتها و شفت غيره و قلت الف الحمدلله على زوجي
صدقيني هذا شعور طبيعي عادي
بكره لا عاشرتيه بتشوفين انسان ثاني
انتي اقعدي مع امج و سولفيلها عن اللي تحسينه
واستمري بالاستخاره
والله يكتب لج اللي فيه الخير

 

[*الغاليه*]

داامج تقولين استخررتي ومو مرتااحه مالج الا تكلمين امج

وتشرحين لها اللي حاسه فيه او احد من اهلج قريب لج ويتفهم الوضع

كل شي يمكن يجي بالاجبار وتجبرين روحج عليه الا الزواج

اذا من اولها مو مرتاحتله مو مجبوره تكملين وانتي توج ع البر

واستخيري مره ومرتين وثلاااث

والله يكتبلج الخير

​

 

[خواطر المساء]

مستحيل تلقين شخص التطابق بينكم 100 %


سددوا وقـــاربـــوا

هل الإختلاف بينكم تستحيل معه الحياة ؟ هل يمكن التغاضي عنه ؟

انتِ من يحدد درجة القبـــول ..


أمنياتي .. لكِ

 

[كل شيء عادي]

هل تشرع صلاة الاستخارة مكررة أم تكفي مرة واحدة؟


تشرع مكررة حتى يطمئن قلبه، وينشرح صدره لما يريد، ويستشير إخوانه الثقات المعروفين الذين يعتقد فيهم الخير وأنهم يحبون له الخير يستشيرهم بعد الصلاة يصلي ركعتين ويستخير ربه لما جاء في حديث جابر والحديث معروف موجود في رياض الصالحين وغيره ثم يستشير بعد الدعاء ، فإن انشرح صدره وإلا أعاد الصلاة وأعاد الاستشارة ، وهكذا مرتين ثلاث أربع أكثر حتى يحصل له الطمأنينة والانشراح في الزواج أو في شراء بيت أو في سفر إلى بلد أو في إقامة شركة أو ما أشبه ذلك من الأمور التي تشتبه عليه، فيستخير الله فيها ويستشير إخوانه الطيبين ثم يعمل ما يطمئن إليه قلبه وينشرح إليه صدره بعد الاستخارة وبعد الاستشارة.

 

[محل ثقتكم]

الله يسعدك ومن الزوووج الصالح مايحرمك انتي وبنات المسلمييين
شووفي قلبو صح انا لسى مو مخطوبه
بس اختي الحين نفس حالتك خايفه بس حاالتك ابرك هي مغصووبه
اول شئ قوولي الحمدلله
ثاني شئ شوفي ياعسل اكيد انسان غريب ماتعرفينه كيف ترتاحين له
طيب استخيري واستغفري كثييير
وانا حااسه انها وساوس شيطانيه لااكثرررر لانه يبي يضيق عالانسان ويخوفه