مشواري

[HearT ChocolaTe]

ام عزوز

الصابره

مشاعل

مميزين ما شاءالله وعسى ربى يعوضكم بشفاء عيالكم ويطرح فيهم البركه

ويخليهم لكم ,

موضوع مميز ومؤثر ,,

شهادة نعتز فيها منج يا الحبيبه يا نجد .. ويسرنا وجودج بالإطلاع والرد على المواضيع

:tek:

 

[HearT ChocolaTe]

أم عزوز الحلو ما يطلع منه إلا الأحلىىى

أمهات ذو الإحتياجات الخاصه بالنسبه لي إنتوا خوات كنت ومازلت أتعلم منكم الكثير..:eh_s(22):..

يا حي الله عجميه فديتج وين هالغيبه :68_asmilies-com:
ما هقوتي حلااااج أنتي اللي غطى علينا ... أخبارج فديتج ووين مشاركتج بالموضوع
مو قبووووول نبي مشوارج مع أختج ولج حرية التعبير يا أحلى عجمية

 

[HearT ChocolaTe]

مشواري مع الغاليه نووفه توه في بدايته ,,لكن الله يشهد أني ما يأست صحيح كانت تييني فترات يضيق فيها خلقي لمن أشوفها
ما تقدر تلعب مثل اللي بسنها ,,بس علي طول أحمد ربي وأشكره أن حالتها أحسن من غيرها ,,والله يا خواتي ما تتخيلون
أشكثر غلاتها بقلبي,,تكسر خاطري ,,دوم أفكر لما أموت من يدير باله عليها ,,هل بيصير حنون عليها مثلي ,,ودوم أوصي
أخوها وأختها أنهم يحطونها بعيونهم عقب عيني ,,هدفي الأول أني أشوفها تمشي علشان جذيه وديتها أمريكا ومصر والتشيك
والبحرين ,,كل ما أسمع عن شي جديد في العلاج الطبيعي أسعي أني أوديها ,,فديتها ,,الله لا يحرمني من شوفتها ,,
والله يا خواتي لمن وديتها عند الدكتور وشاف أشعة المخ قالي بنتج ما في فايده ماراح تقدر تمشي
لو تودينها أي دوله بالعالم ,,كلامه مثل الصدمه وكنت مصممه أني ما أخليها وأسعي في علاجها دام الأمكانيات موجوده
ولله الحمد ,,ولما أشوف أشلون تحسنت اليوم أشكر ربي مليوون مره علي هالنعمه ,,ولما تمشي راح أوديها عند الدكتور
وأقوله شوفها مو هذي اللي قلت ما في فايده من العلاج الطبيعي ,,من الحره اللي فيني ,,سامحوني هذا بداية المشوار
مع شوية فضفضه ​

يا بعد قلبي يا نونا .. نفس تفكيري والله .. ما في أحن على الأم واللي خلقهم ما ينساهم فديتج
سبحانه يقذف الرحمه بقلوب العباد .. تنام عين الناس وعين الله ما تنام
ويا بعد عيني انتي ... مسموووووحه يا الغاليه .. حنا خوات هنيه

 

[بنت الكويت1]

أنا مشواري مع حبيبتي المزيونة حنونة كانت ولادتها طبيعية لكن بعد ولادتها بشهر بينت عيونها تنزل ما تصعد اقصد بؤبؤ العين وديناها العيون قالوا عادي طفل النفاس ممكن تطلع منه اشياء وايد ولا تحاتون بعد النفاس وديناها مرة ثانية مستشفى البحر قال دكتور انا ما اشوف اطفال عمرهم اقل من اربع شهور الا بعيادتي الخاصة طبعا عصبنا من رد الدكتور وانزعجنا حيييييل وبعد المراجعات قالوا انها ما تشوف العصب ابيض مافيه نقطة دم وطبعا حمدنا الله على نعمته لغاية ما صار عمرها سبع شهور البنت جثة هامدة ما تتحرك ولا تبتسم ولا تقلب ولا اي شي تسويه انا طلبت اسوي اشعة ام ار اي بعد ما نصحني دكتور اطفال بالفروانية ويوم استلام النتيجة رحت جناح الاطفال بالفروانية اسأل دكتور عن التقرير شنو فيه وبحكم انه خالتي كانت مقيمة مع ولدها المريض (الله يرحمه ) جت معاي نسال دكتور لما شاف التقرير ما رضى يتكلم الا لما انا اروح وطبعا انا بابتسامة عريضة قلت انا متقبلة اي شي واحمد الله على كل حال المهم رحت قعدت عند ولد خالتي وقال حق خالتي انه الاشعة تقول انه البنت ما راح تعيش سنة وتم تحويلنا الى مستشفى البنك الوطني ( الأعصاب ) واول لقاء قالت لنا دكتورة بنتج عندها ضور بالمخ وراح تظل طول عمرها جذي واحمدي الله انها تتنفس وبس وننطرها لما تجيها التشنجات تراجعينه مرة ثانية والمشوار ما وقف ظل مستمر كل يوم بمستشفى وكل يوم دكتور يقول كلمة غير وسافرنا فيها امريكا مستشفى جون هوبكنز وهناك حسسونا انها انسانة طبيعية والمهم في الموضوع انه كان قروب كامل يناقش الحالة من كل قسم ولي تكملة مع ابنتي الغالية على قلبي عسى ربي يتمم شفاها اللهم آميييييييييييييييييييييييييييييين

 

[HearT ChocolaTe]

اللهم آمين يا بنت الكويت 1 فديتج وفديت بنيتنا الغاليه .. عسى الله يجعل مشوار كل أم صبرت
وتحدت وجعلت الله بين عينها في ضناها مشوار الجنه ان شاء الله

بإنتظارك كل أم فيكم أكتبت وأتمنى من الغاليه مشرفتنا أنها تستبدل موضوعي المثبت في هذا
حتى يبقى مشوار أبنائنا بعين كل أم وأخت تدخل علينا بهذا المنتدى\

تحياتي لكم يا احلى خوات دنيا عرفتهم ....

 

[مشاعل الشمري]

ام عزوز


الصابره

مشاعل


مميزين ما شاءالله وعسى ربى يعوضكم بشفاء عيالكم ويطرح فيهم البركه


ويخليهم لكم ,

موضوع مميز ومؤثر ,,

مشكوره حبيبتي وتسلمين:eh_s(6):

 

[مشاعل الشمري]

أم عزوز الحلو ما يطلع منه إلا الأحلىىى

أمهات ذو الإحتياجات الخاصه بالنسبه لي إنتوا خوات كنت ومازلت أتعلم منكم الكثير..:eh_s(22):..

حياتي انتي احنا انكمل بعضنا بعض
وبعد ام عزوز عين السيح ما كو عليها:ggdw:

 

[الصابرة المحتسبة]

موضوع مميز

 

[HearT ChocolaTe]

ما عليج زووود يا الغاليه .. ومشكووورة يا أغلى وأعز إنسانه بقلبي
والشهادة لله أن مواضيعج أنتي المميزة وما عندي ما عندج
عسى الله يوفقنا أجمعين على راحة عيالنا ... وأمهات التحدي والصبر

أحبكم في الله

 

[الصابرة المحتسبة]

تستاهلين يام عزووز

 

[HearT ChocolaTe]

حبيبتي يا ست الناظرة

:eh_s(22):

 

[ام^صالح]

أنا مشواري مع حبيبتي المزيونة حنونة كانت ولادتها طبيعية لكن بعد ولادتها بشهر بينت عيونها تنزل ما تصعد اقصد بؤبؤ العين وديناها العيون قالوا عادي طفل النفاس ممكن تطلع منه اشياء وايد ولا تحاتون بعد النفاس وديناها مرة ثانية مستشفى البحر قال دكتور انا ما اشوف اطفال عمرهم اقل من اربع شهور الا بعيادتي الخاصة طبعا عصبنا من رد الدكتور وانزعجنا حيييييل وبعد المراجعات قالوا انها ما تشوف العصب ابيض مافيه نقطة دم وطبعا حمدنا الله على نعمته لغاية ما صار عمرها سبع شهور البنت جثة هامدة ما تتحرك ولا تبتسم ولا تقلب ولا اي شي تسويه انا طلبت اسوي اشعة ام ار اي بعد ما نصحني دكتور اطفال بالفروانية ويوم استلام النتيجة رحت جناح الاطفال بالفروانية اسأل دكتور عن التقرير شنو فيه وبحكم انه خالتي كانت مقيمة مع ولدها المريض (الله يرحمه ) جت معاي نسال دكتور لما شاف التقرير ما رضى يتكلم الا لما انا اروح وطبعا انا بابتسامة عريضة قلت انا متقبلة اي شي واحمد الله على كل حال المهم رحت قعدت عند ولد خالتي وقال حق خالتي انه الاشعة تقول انه البنت ما راح تعيش سنة وتم تحويلنا الى مستشفى البنك الوطني ( الأعصاب ) واول لقاء قالت لنا دكتورة بنتج عندها ضور بالمخ وراح تظل طول عمرها جذي واحمدي الله انها تتنفس وبس وننطرها لما تجيها التشنجات تراجعينه مرة ثانية والمشوار ما وقف ظل مستمر كل يوم بمستشفى وكل يوم دكتور يقول كلمة غير وسافرنا فيها امريكا مستشفى جون هوبكنز وهناك حسسونا انها انسانة طبيعية والمهم في الموضوع انه كان قروب كامل يناقش الحالة من كل قسم ولي تكملة مع ابنتي الغالية على قلبي عسى ربي يتمم شفاها اللهم آميييييييييييييييييييييييييييييين

الحمدلله الذي لايحمد على مكروه سواه الله يشفي لج بنيتج ويقر عينج بشفائها عاجلا غير اجل

 

[الصابرة المحتسبة]

يلا نبي الكل يشارك

 

[ام^صالح]

يختلف ابتلاء كل منا اخواتي ولكن يزيد يقيني ان الله من علينا بهذه النعمه

ولدت ولاده طبيعيه بل كانت اسهل ولاده ولله الحمد رزقني ربي بطفل جميل ((فديييييييته)) وكان طبيعي وعادي ومافيه اي شي لم الاحظ عليه اي تصرف غريب بعد السنتين بديت اشك لانه ماتكلم اخذته فحصت على السمع والنتيجه مافيه شي

وديته حضانه....وبعد اليوم الاول انتظرته بشوق بس المفاجاه ان المشرفه نادتني وسالتني هل الطفل يسمع قلت ايه قالت الطفل فيه شي
لانه مارضى يقعد مع الاطفال نهاااااااااااائي

استمر في الذهاب للحضانه...وبديت ابحث عن تاخر النطق وفجاه طلع لي موضوع للاخت ريحانه (((الله يجزاها كل خير يارب)) عن التوحد

بديت الاحظ ولدي فعلا اغلب الاشياء فيه بس لجهلي بالمرض واعراضه لم اعرفه

ماابي اقولكم عن حزني صحيح تقبلت الامر لكن كان الحزن يغلف كل شي بحياتي(الحمدلله على كل حال)) لانهاا فترة وعدت ولله الحمد...خذيت موعد للطب التطوري تم تشخيصه على ان فيه توحد بسيط ((لله الفضل والمنه)) طبعا من هالمنتدى عرفت وين اروح ووين اجي ((بتسخير من رب العالمين))

والحين الحمدلله ولدي في تطور بفضل الله وكنت اتمنى اني بس اسمع صوته وهو يقول كلمه مفهومه
واللهم لك الحمد سمعت اسم اختي وكلمة جده وبابا

وانا الان في انتظار كلمة ماما ((ادعوا له فديييتكم))..الشكر لله ولكن اخواتي..هذا مشواري البسيط مع ابني

 

[الصابرة المحتسبة]

الله ياجرج يام صالح وجزاج الله خير على المشاركة وفعلا كلنا احنا هني ايد وحدة لمصلحة وحدة.

 

[ام ناييف]

للرفع
منكم نستفيد ونقوي عزمنا
ويزيد صبرنا

 

[بنت الكويت1]

ام صالح يارب تسمعين كلمة ماما واكثر اللهم امييييين

 

[توت وتين]

موضوع رائع تسلم يمينك أم عزوز

الله يشفي عيالي وعيالكم وكل مريض

يارب انك انت السميع المجيب



اعذروني عن الكتابة هذه الفترة نفسيتي تعبانه

دعوانكم لي الله يجزاكم الجنة

 

[مشاعل الشمري]

يختلف ابتلاء كل منا اخواتي ولكن يزيد يقيني ان الله من علينا بهذه النعمه

ولدت ولاده طبيعيه بل كانت اسهل ولاده ولله الحمد رزقني ربي بطفل جميل ((فديييييييته)) وكان طبيعي وعادي ومافيه اي شي لم الاحظ عليه اي تصرف غريب بعد السنتين بديت اشك لانه ماتكلم اخذته فحصت على السمع والنتيجه مافيه شي

وديته حضانه....وبعد اليوم الاول انتظرته بشوق بس المفاجاه ان المشرفه نادتني وسالتني هل الطفل يسمع قلت ايه قالت الطفل فيه شي
لانه مارضى يقعد مع الاطفال نهاااااااااااائي

استمر في الذهاب للحضانه...وبديت ابحث عن تاخر النطق وفجاه طلع لي موضوع للاخت ريحانه (((الله يجزاها كل خير يارب)) عن التوحد

بديت الاحظ ولدي فعلا اغلب الاشياء فيه بس لجهلي بالمرض واعراضه لم اعرفه

ماابي اقولكم عن حزني صحيح تقبلت الامر لكن كان الحزن يغلف كل شي بحياتي(الحمدلله على كل حال)) لانهاا فترة وعدت ولله الحمد...خذيت موعد للطب التطوري تم تشخيصه على ان فيه توحد بسيط ((لله الفضل والمنه)) طبعا من هالمنتدى عرفت وين اروح ووين اجي ((بتسخير من رب العالمين))

والحين الحمدلله ولدي في تطور بفضل الله وكنت اتمنى اني بس اسمع صوته وهو يقول كلمه مفهومه
واللهم لك الحمد سمعت اسم اختي وكلمة جده وبابا

وانا الان في انتظار كلمة ماما ((ادعوا له فديييتكم))..الشكر لله ولكن اخواتي..هذا مشواري البسيط مع ابني

الله يبلغج فيه وتسمعين مو بس ماما كل شي يقوله
وصدقيني عيالنا يبيلهم صبر
:tek:

 

[نووووونا]

نونا العتيبى

بنت الكويت 1

ام صالح



الله يشافى عيالكم وعيال المسلمين جميعااا وياجركم ويعوضكم بشفاهم يارب ويخليكم لهم ويحفظهم



تسلمين ام عزوز على هالكلام الحلو حبيبتى



الصابره خوش شعار يستاهل الموضوع مؤثر ,,, متابعه معاكم