مشواري

[HearT ChocolaTe]

الله يجمعني وياج بالفردوس الاعلى ندخلها بدون حساب قولي آمين

اللهم آمين فديتج ..
:tek:

 

[HearT ChocolaTe]

الحمد الله والشكر لله على كل حال00اللهم لاإعتراض00000000وفقكم الله حبيباتي في الله على فتح المنتدى الرحب اللي لقينا انفسنا فيه 000ومع إن حاتي تختلف عن حالاتكم لكني حبيت اشاركم 00 مشواري الله يسلمكم ويسلم عيالكم ويعافيهم 00على حسب ماسمعت من أمي الله يرحمها يوم ولدتني الحمد الله كنت بحالة جيدة وكنت البكر وتقول أن أبوي وجدتي فرحوا فيني ليش أني بنت وأول حفيدة 00مشيت وأنا عمري 9شهور وفي يوم من الأيام كان عندنا زوار وكان عمري تقريبا سنةوشوي وكنت أحوس بينهم ألعب وأسولف وكنت ناعمة صغيرونة سألت جم عمر بنيتكم اللي تمشي وتسولف هذي كملت سنة 00الله يسامحا لي قالوا العين حق صدقوا ماكو ما صار الليل جان تييني سخونة غريبة شالوني جني خرجة ظاروا فيني المشتش:tek::tek:فى وعطوني أبرة بنسلين وما صار ثاني يوم إلا جسمي كله مشلول والله يعلم ذاك اليوم شلون كانت حال أمي وأبوي المهم قعدت تقريبا سنة كاملة في مستشفى الصباح علاجي كان مقويات والعلاج الطبيعي00الحمدالله تعافى جسمي كله بس بقت ريلي اليمين مشلولة ماأقدر أمشي عليها ويم صار عمري خمس سنين لبسوني الجهاز الحديد وقمت أمشي فيه وأستانست وفرحوا أهلي بمشيتي سجلوني أهلي في مهد الشلل ذاك الوقت كان في منطقة المرقاب إذا ما خاب ظني وكان المعهد وقتها إختلاط وكانت عندنا مدلكة أجنبية أسمها إيفا ولما وصلت الصف الرابع إبتدائي أنقلونا مدرسة جديدة في منطقة الشويخ وكنا مجموعة من الإعاقة الحركية والصم والبكم وكنا ما شاء الله أخوان وخوات متعاونين وعلى قلب واحد وفي البيت عمري ما حسيت أني غير اليهال كنت ألعب معاهم كل شي المصيدة واللبيدة والسباقات وشبرا أمرا والحيلة وساعات افصخ الجهاز واتسابق مهاهم لي الدكان أنط على ريل وحدة الله رجعتوني لأحلى أيام عمري حتى في المدرسة ماخليت حفلة ما أشتركت فيها من يوم كان عمري سبع سنين واذكر مرة ودونا التلفزيون وسجلنا حلقة مع ماما أنيسة الله يطول بعمرها ورقصت على أغنية هندية وناااااسة وأذكر بعد بحفلة من الحفلات قالوا لي تعالي قدمي الورد حق الأمير الراحل صباح السالم الصباح ورئس الأردن الملك حسين الله يرحمهم وكان معاي زميلي خالد النوري 000ويوم خلصت المرحلة المتوسطة كانت الوداعية مع مهد الشلل لأن ماكان ذاك الوقت في مرحلة الثانوي وأنتقلت ألى أقرب مدرسة من بيتنا وأذكر بعض البنات لأما دروا بهسالفة ضاقت خلوقهم عكسي أنا ماتتصورون فرحتي لأني حسيت أن في شي يديد بيصير بحباتي ودرست سنة والسنة الثانية ضاعت علي لأني سافرت التشيك بالصيف وقعدت شهرين وكنت أخذ العلاج الطبيعي والسباحة والعلاج بالطين وعقبه قرروا لي عملية بعد أربع شهور رجعت الكويت وقعدت تقريبا شهرين ورجعت التشك مع أبوي وسيت العملية وقعدت عقباأربع شهور ولما خلصت العلاج قالي الدكتور الجهاز لآتلبسينه خليج على العكاز وفعلا مشيت على العكاز ومع الأيام حاولت أدوس على ريلي ومث الياهل لما يخطي ووووصار عنددا ذاك اليوم عيد ومع الأيام قمت أمشي من غي العكاز بالبيت وبرا أستعمله علشان تصير مشيتي أسرع 000رجعت المدرسة وقالوا المعهد فتح صفوف للثانوي لكني رفضت أغير مدرستي كملت المرحلة الثانوية وحتى صفي كان بالدور الثاني والحمدالله نجحت وتخرجت وعقبها مافكرت أكمل دراستي قلت بجرب الوظيفة وفعلا توظفت سنة عقبها أشتقت للدراسة وسجلت بالمعهد التجاري وهني الله كتب أني أتزوج والحمدالله تزوجت والله رزقني بنت وثلاث أولاد والله يعلم شكثر عانيت يوم تزوجت الناس مايخلون أحد بحاله أول شي قالوا هذي وين والزواج وين ويوم حملت وسبحان الله حملت من ليلتي قالوا بعد حامل وي شتبي تيب أهي وريلها مشلولين وهذيل أقرب الناس اللي طلع منهم هالحجي الله يسامحهم ويوم ولدت بنتي قاموا اللي يزوروني من أهل زوجي يتفحصون البنية وطبعا عصبت ومارضيت أطلعها لحد ونظرة الناس لما كنت أطلع أنا وزوجي ومعانا بنيتنا غريبة بشكل عجيب أنا أعصب أقولهم شفيكم شايفين ناس نازلة من كوكب ثاني وزوجي يسكتني ويقول مالجشغل فيهم الحمد الله الحين بنتي عمرها 26سنة متزوجة وعندها بنت وولد وحامل وولدي متزوج ومرته حامل وولدي الثاني توه متخرج من كلية الهندسة والثالث بيروح الصف ال110000000على فكرة أنا ماقلت لكم كنت عضوة ولاعبة في النادي الكويتي للمعاقين وكنت لاعبة سلاح الشيش وألعاب القوى وشاركت بدورة من دورات ستوك ماندفيل والدورات اللي صارت بالكويت وحصلت على 4ميداليات فضية و2برونزية00000

ما شاء الله لا قوة إلا بالله .. عسى الله يعطيج الصحه والعافيه ويرزقج بر عيالج:tek:

 

[بنت الكويت1]

ماشاءالله كل وحدة فيكم مشوارها فيه ارادة وصبر وعزيمة والله وانا اقرا مشوار كل وحدة قمت ابجي من الناس اللي حوالينا وما يحسون فينا وحسبالهم انه احنا اللي جبنا الطفل المريض من عندنا بس والله حسيت بالفخر بعد لانكم ما ياستوا وكملتوا مشواركم ومازلتوا والاهم نشوف انه بعضنا كان لاهي بالدنيا ومتعها وبعد ما جونا عيالنا حبايبنا صار التغيير للافضل الحمدلله والله يتمم على الجميع ويفرحكم بعيالكم ويسعد قلبنا اجمعين وكل المسلمين وما يضيع لنا تعب اللهم آ مييييييييييييييييييين

 

[مشاعل الشمري]

كلمة حق بهالمنتدى الرائع:nbvppw:
بالاخوة المطلوبه وان كل وحده ساعدتني في اني استمد طاقه اكبر من اللي عندي عشان ولدي
والاراده المطلوبه من كل ام او اب او اخ او اخت

 

[ترانيم العود]

يعطيك ألف عافية على الموضوع الاكثر من روعة لما قريت تجارب الامهات الله يصبرنا ويصبرهم ما قدرت امسك نفسي وعسى الله ياجرنا معاهم ويشافي وليدي وعيالهم وحاليا باكتب تجربتي بس كل ما بكتب كلمه قلبي بتقطع مليون قطعه بس بالمختصر [/COLOR
]انا ولدي ومن كان بطني اكتشفو انه في ماي براسه ورحت عند الدكتوره ماجدة اليتامى الله يسامحها وقالت لي لازم تولدين باجر واحتمال 1% ولادتك طبيعية لان الولد راسه كبير وفعلا حاولت فيني طبيعي بس ما كو فايده لدرجة انها مشمخه جفون عينه وخشمه وهو ببطني لما كانت تولدني المهم قالت ما كو فايده لازم عملية وولدوني بس شنو شقت عنق الرحم عندي لان ولدي راسه كبير وصار معاي نزيف بقيت اموت والولد طلع معاي بس كنت ماابي اشوفه او ارضعه كنت خايفه اتعلق فيه اكثر ويروح مني وعقب ما سو له اشعه مقطعيه قلو لازم عمليه انهم يحطون بايب براسه عشان ينزل الماي وكان عمره يابعد عمري 20 يوم بالضبط لما سو العمليه ما كمل حتى شهر بس عقبها بدت الاعراض تطلع ما يشوف ما يتحرك نهائيا والحين اسم الله عليه عمره خمس سنوات بالفراش معدوم الحركه يعني شلل كامل ولا نظره ولاكلمه ولا حركه وفوق كل هذا تشنجات هذا بالمختصر وما حبيت ادخل باتفاصيل عشان ماني قادرة بس الادهى والامر اني عقبه حملت مرتين وسويت ربط وعمليه تصليح عنق الرحم بس ماكو فايده احمل وافرح واتشفق على الياهل ولما اوصل الشهر الرابع والخامس ينزل علي ماي ويطيح الياهل وآخر مره ولدتها بنيه كامله ولاده طبيعيه لاني كنت بالخامس وشفتها بعيني بس ما كو فايده ماتقدر تعيش وهذي قصتي باختصا والله يصبرنا وياجرنا ويشافي عيالنا ويرزقنا الذريه الصالحه

عورتي قلبي,,

يارب يشافي ولدج ويرزقج بالذريه الصالحه

:yaaaaaarb::yaaaaaarb::yaaaaaarb:

 

[نونا العتيبى]

والله يا خواتي وآنا أسمع مشوار كل وحده ,,,أحس أنه مشووووووووواري آنا بعد ,,

عسي الله يعطيكم الصحه والعافيه ويثبتكم ويآجركم ,,

 

[العــــ الناعسه ــيون]

تكملة المشوار""2""
كانت تصيبها بعض التشجنات فديتها والله يعينها على الألم وكانت تبكي بشكل متواصل خاصة فترة الليل
وأستمريت بالعلاج الطبيعي ثلاث مرات بالاسبوع وراجعنا فيها الطب التطوري والوطني والنطق والعلاج بالعمل والخدج
وحاولت أوديها للخارج بس رفضوا لأنها صغيرة
وبعد تقريبا سنتين بدت تستجيب للعلاج وتظهر بعض التحسن وبدأت تظهر مواهبها وكل مكان كنت أروحله كنت أخذها " الجمعيةو الأماكن الترفيهية و البحر " ولحد الأن أحب اطلع معاها من بد اخوانها
لما صار عمرها اربع سنوات دخلتها المدرسة وكانت تحبي على ركبتها ورحنا التشيك ثلاث مرات والمرة الأخيرة سوت أربع عمليات والنتيجة بفضل الله بدت تخطي بس بدون توازن وكانت تطيح بشكل موطبيعي " الله يعينها "

كبرت رهف والعلاج مستمر والتحسن بفضل الله مستمر بس لازال معاها مشكلة البلع وعدم الاتزان وعدم القدرة على اخراج الحروف

وهذي من المشاكل اللي مضايقتها لأنها تتكلم مرات ومحد يفهمها فتتعب من الاستمرار بس انا اعطيها الوقت الكافي علشان تفهمني وأقولها تعطيني كلمات ثانية مشابه وقريبة من المعنى اللي تبيه وتنجح العملية معاها

تعلمت من رهف طول مشوار الثمان سنوات انه ماأستعجل بالنتيجة لأن في أمور تحتاج الى صبر
تعلمت الكفاح والمواصلة

ولازلت مع رهف نتواصل مع بعض في مشوارنا
"كلمة شكر " لأبوها له الفضل الكبير بعد الله في استمرار المشوار

لكل أم صابرة "كل الشكر لك لأنك متفاعلة مع ابنك أو ابنتك وتأكدي انهم نعمة من الله ولك الأجر عند الله "

مشوااار طويييل حاااافل بالتعب والصبر وبالكثييييير من الانجاز والنجااااح,,

قااااعد اقرا كلاااامج واخنقتني العبره

واتذكر لمن كنتي نفاااس كااااانت رهوفه تبجي وانتي معاااها تبجييين
كاااان صعب عليييج التعااامل معااااها وكااان شي طبييييعي منج

ومع مرووور الوقت والسنين كبرتي بعيننا وصرتي فعلا ام مثااااليه
منو كاااان يتخيل انها كااان ممكن تمشي بروحها وتتكلم
صحيح ان كلااامها مرات مو مفهوم ومشيتها شوي مو متوازنه

بــــس سبحان الله شلون تغيرت وتحسنت ولله الحمد
ونتمنى ان ربي يشافيها ويعافيها


وهذا اختبار من رب العالمين يختبر مدى صبرج وايمانج
وانتي قــد هالاختبار ان شاءالله..


والله يجزاج خير انتي وابوها وياجركم على كل شي
سويتوه مع بنيتكم...

ولمن قلتي انج تاخذينها معاج بكل مكان فعلا انا ملاحظه
هالشي واحس انج تفتخرين فيها وهذا شعووور حلو وماينوصف...

عسى الله يخليكم لها ويشافيها ويبلغج فيها يااااااارب,,,,

وهذه ورده لج:tek: وحق كل ام عندها طفل مرييض وتعبت معاااه والله يجزاها خير
والله يصبركم ويبلغكم بعيالكم وكلكم امهاااااات مثااااليات,,,

 

[الصابرة المحتسبة]

 

[مشاعل الشمري]

ولد يوسف ولاده طبيعيه ومرت اول سنه ونصف مرورها لطفل طبيعي
لكن عند السنه والتسع اشهر بدت اعراض وشغلات بروشر التوحد كامل ولاني ما اعرف شي عنه كنت ابي اي احد يفسر لي شنو يعني توحد وانصدمت ان يعتبرونه اصعب اعاقه تطوريه
كان يكسر خاطري لمه نركب لسياره وبس يطالع حوالينه مو عارف شنو هالدنيا او من وين رايح او جاي؟
الاحباط كان في الدكاتره الي يقولون لج ما راح يتغير واذا تغير فبنسبه قليله؟؟؟؟؟؟؟؟؟؟؟
توكلت على الله سبحانه مدبر الامور ومصرفها وقررت اني ما اخلي باب ما اطقه وما اخلي نت او موضوع الا اتبحر فيه محد راح يشيل ولدي الا دعائي لله ثم همتي ان لازم يكون في تدخل مبكر
ولله الحمد عندي اسره تبث فيني الهمه وان لا تخافين راح يتغير والحياة ما تتوقف
مركز الكويت للتوحد كان اول خطوه صحيحه خطيتها في سلم الاراده ليوسف وفيه لقيت الهمه والمساعده ليويو
:ggdw:
كانت في لحظات لكن لحظات ال:eh_s(6):و:ada:و:ggdw:كانت اكثر
وكان يحزني ولحد الحين لمه احد ينظر ليويو نظرة ان ما يفهم او او او
لازم ازرع بفسي ونفس ولدي الاراده وانت تقدر ولا تقول ما اعرف لا تقدر
اقدر اقول ستوب لكل انسان مهما كانت شهادته انه يحبطني او يحبط ولدي
الدعاء-الايمان بالقضاء والقدر -الهمه العاليه للبحث وعدم الوقوف عند نقطه محدده
انتي ام ومحد راح يفهم ولدج غيرج
امهات التحدي والصبر كلكم قاعدين تقرون معاي يويو ولله الحمد شنو وصله
وهذا بفضل من الله سبحانه
وعدم اليأس والقنوط من جهه:68_asmilies-com:

مشوار يويو مع المدارس
ابتد في الحكومه وفي روضه عاديه وكنت لمه ادخله يبوس ايدي كأن يقولي لا توديني مو قاعدين يعاملوني عدل
ولاني كنت متاكدة من ابلته انها وااااايد طييه ومدرسه ولدي من قبل كنت ااسالها وتقولي عادي وما في شي وراح يتاقلم
بعد عمري لان ما يبيهم كنت القاه نايم
ومره دشيت عليهم بالموسيقى ولقيتهم حاطين له خدامه ماسكته وقلت لها ليش جذي قالت الابله ان يبي يكسر البيانو
خذيته وطلعت وقلت لازم اي باكر عند الاخصائيه :eh_s(14):
ورحت لها وقاعده اكلمها قالت اني توني يايه ادق عليج لان ولدج في شي وقلتها ادري وانا يايه اكلمج وشلون اتصرف
ضايقتني لمن قالت ان احنا مانخليه يشارك مع الاطفال واستغربت اني ما اعترضت على كلامها


طلعت من الروضه خطواتي ثقيله وما ني عارفه هالولد وين اوديه ومنو اللي راح يعلمه وقلت لابوه اللي ما عرف شيرد عليي
كنت اطالع يويو وقلبي يعتصر عليه اخوانه يروحون المدرسه ويتعلمون لكن كنت متأكده ان اللي خلقه ما راح يضيعه
بناتي واااايد كانو يصبروني ويقولون يمه لا تخافين على يوسف ان شاء الله
رحت التطوري وخذيت موعد بالواسطه بعد اسبوع
ونصحني الدكتور بمركز التوحد


قبل كل هذا مراجعات عشان اطلع شهادة الاعاقه والذي منه
رحت المدارس الخاصه وعطوني ان هالولد ما ينفع عندهم لازم مدارس خاصه
ووديت الكتاب للمجلس الاعلى وعلى اثره رحت لمركز التوحد ابي موعد وعرفت انهم يطولون بالرد
وبعد دورت واسطه ودقو علي بعد اسبوع
وقابلتني ان وويوسف الوكيله العسل الام الثانيه ليوسف بالمركز
وشافته وقالت فيه بس لو صابرين عليه الروضه جان تاقلم لان واضح ان خفيف وما يبيله تعب
وقبلوه العصر وكان يداوم عندهم ويحبهم ومن اول يوم ما يبي يطلع منهم بعكس الروضه وانتقل صباحي على طول الكورس الثاني لانه وايد تقدم
مع احترامي لكل الاراء عن مركز التوحد الا انه كان البيت الثاني ليوسف قلبي
خلية نحل وبضمير:ggdw:
عيني بارده يوسف انطلق وقام يلعب مع عيال عمه وخالاته ولمن نطلع احسن من اخوانه
يسمع الكلام انطلق السانه وقام يناديني ويطلب وانا بفرحه عامه:ada:
والتغير لاحظوه الدكاتره لمن قالو لي ان يوسف لازم يطلع من مركز التوحد ويروح مدارس ويدرس ويتعلم
اهني مفاجأه وخوف وحرص وكشت بكلامهم سنتين عشان اخاف الحكم مو حكمهم المدرسه اهي اللي تبين لج اذا الولد يبيلة ولا لأ:eh_s(1):
بس كانت واااايد ايام فيها فرح وتعب والم بس كله على الله
هذي السنه تم تغييرشهادته الى بطء تعلم مع صفات توحد خفيفه بتوصيه من الاطباء والله من غير واسطه
وتم نقله الى المدرسه البريطانيه اللي حطو لي الشمس ابايد والقمر بايييد
حطوه في فصول خاصه وجزاها الله الف خير مدرسته اللي اعدته حق اولى ابتدائي وقالت لي لا تخلينه طلعيه من هالمدرسه ووديه الاهليه
وتم قبوله واباشاده انه فاتحت خير للمقابلات اللي وراه
لان واااااايد عسل واستغربو اشلون متشخص توحد
اللهم حط ليوسف الخيرين في كل مكان يدخل فيه ويشافيه ويعافيه
ويشافي عيالنا اجمعين اللهم هذا الدعاء ومنك الاجابه
وهذا الجهد وعليك التكلان
يوسف ولد مجتهد وطموح وحنون في فصلات بس يهبل:dddds:

مشوار يويو في بيت اهلي
يوسف كان وليد غريب عن اليهال وما يلعب معاهم اصلا مايشاركنا جمعتنا
وكانت دايما معاه لعبته اللي ما يفارقها واللي اهي الحيوانات كان يقعد ويصفهم ولا يبي وحده تتغير عن الثانيه وبعد بالسياير يسفطهم مثل الطابور لكنه مستحيل يشارك احد اللعب:
كنت اطالعه واراقبه من بعيد لكن ما كنت ادري ان ولدي في شي ومره حطوا اهلي حمام سباحه بالحوش ودخلنا كلنا فيه الا اهو لمه شافنه طلعنا دش بروحه::وقام يلعب
كانو لمه اليهال نايمين جدامه يدوس عليهم ومو عارف انهم يحسون ويوسف كان مهما يحترق او يتالم او يطيح
ما كان يبالي وكنت احسب ان هذي طبيعه::
ولان يصارخ وما يتكلم كانو وايد يستفزونه ويخلونه يصرخ ويركض وراهم
وعرفت بعدين ان هذي كلها صفات الطفل التوحدي وظليت ادق البيبان عشان عرف شلون انقذ ولدي من هالمجهول
والحمدلله
وظل الرفض بداخلي
والحين او من حوالي 5سنين من اول كورس مر عليه بالتدخل المبكر الحمدلله تغيير جذري
::يلعب ويضحك ويشارك اهلي افراحهم واحزانهم
وقبل سنه استوع شنو الموت او امعتاة فقد عزيز
لمه توفت يدتي ظل يسال ليش تبكين وهي انشاء الله راحت عند الله ووراها بشهرين خالي
فقام يخاف من فكرة الموت او اني ----------ويعبر طبعا بالسانه وتسجيل بالتلفون يسمعني اياه انه يحبني واااايد
حنون على امهاتي وابوي وعلى الاطفال اللي ابيت اهلي
طبعا يويو للآن يتم توجيهه من قبلي او من عند خواته الكبار

 

[مباركيه]

الله يطمنج على وليدج يا مشاعل ويعافيه يارب ويطرح فيه البركة والحمد الله من حجيج مبين إنج قوية والحمد الله رب العالمين

 

[الرهيييفه]

:fun:

مشوااار طويييل حاااافل بالتعب والصبر وبالكثييييير من الانجاز والنجااااح,,

قااااعد اقرا كلاااامج واخنقتني العبره

واتذكر لمن كنتي نفاااس كااااانت رهوفه تبجي وانتي معاااها تبجييين
كاااان صعب عليييج التعااامل معااااها وكااان شي طبييييعي منج

ومع مرووور الوقت والسنين كبرتي بعيننا وصرتي فعلا ام مثااااليه
منو كاااان يتخيل انها كااان ممكن تمشي بروحها وتتكلم
صحيح ان كلااامها مرات مو مفهوم ومشيتها شوي مو متوازنه

بــــس سبحان الله شلون تغيرت وتحسنت ولله الحمد
ونتمنى ان ربي يشافيها ويعافيها





وهذا اختبار من رب العالمين يختبر مدى صبرج وايمانج
وانتي قــد هالاختبار ان شاءالله..


والله يجزاج خير انتي وابوها وياجركم على كل شي
سويتوه مع بنيتكم...

ولمن قلتي انج تاخذينها معاج بكل مكان فعلا انا ملاحظه
هالشي واحس انج تفتخرين فيها وهذا شعووور حلو وماينوصف...

عسى الله يخليكم لها ويشافيها ويبلغج فيها يااااااارب,,,,

وهذه ورده لج:tek: وحق كل ام عندها طفل مرييض وتعبت معاااه والله يجزاها خير
والله يصبركم ويبلغكم بعيالكم وكلكم امهاااااات مثااااليات,,,

:fun:

مشكووررررررررررررررة وايد بنت جابر على هذا الرد الرائع والمشجع

كنتم خير عون لي في تخطي الكثير من المصاعب

ومشكورة على الوردة:friends:

 

[الرهيييفه]

مشوار يويو في بيت اهلي
يوسف كان وليد غريب عن اليهال وما يلعب معاهم اصلا مايشاركنا جمعتنا
وكانت دايما معاه لعبته اللي ما يفارقها واللي اهي الحيوانات كان يقعد ويصفهم ولا يبي وحده تتغير عن الثانيه وبعد بالسياير يسفطهم مثل الطابور لكنه مستحيل يشارك احد اللعب:0bee2e8d89:
كنت اطالعه واراقبه من بعيد لكن ما كنت ادري ان ولدي في شي ومره حطوا اهلي حمام سباحه بالحوش ودخلنا كلنا فيه الا اهو لمه شافنه طلعنا دش بروحه:0bee2e8d89:وقام يلعب
كانو لمه اليهال نايمين جدامه يدوس عليهم ومو عارف انهم يحسون ويوسف كان مهما يحترق او يتالم او يطيح
ما كان يبالي وكنت احسب ان هذي طبيعه:eh_s(1):
ولان يصارخ وما يتكلم كانو وايد يستفزونه ويخلونه يصرخ ويركض وراهم
وعرفت بعدين ان هذي كلها صفات الطفل التوحدي وظليت ادق البيبان عشان عرف شلون انقذ ولدي من هالمجهول
والحمدلله
وظل الرفض بداخلي
والحين او من حوالي 5سنين من اول كورس مر عليه بالتدخل المبكر الحمدلله تغيير جذري
:eh_s(6):يلعب ويضحك ويشارك اهلي افراحهم واحزانهم
وقبل سنه استوع شنو الموت او امعتاة فقد عزيز
لمه توفت يدتي ظل يسال ليش تبكين وهي انشاء الله راحت عند الله ووراها بشهرين خالي
فقام يخاف من فكرة الموت او اني ----------ويعبر طبعا بالسانه وتسجيل بالتلفون يسمعني اياه انه يحبني واااايد
حنون على امهاتي وابوي وعلى الاطفال اللي ابيت اهلي
طبعا يويو للآن يتم توجيهه من قبلي او من عند خواته الكبار

الله يعطيك العافية والقوة علشان تكونين عون لولدك
وعسى الله يبلغه لك ويعافيه:eh_s(6)::eh_s(6):

 

[HearT ChocolaTe]

يا فديت قلبكم أنا ,, عسى الله يجمعني فيكم بالدنيا والآخرة في جنة عرضها السموات والأرض
ويا ليت أسووم الغاليه (( شمس الضحى بينا )) .. عسى الله يردج أنتي وبنيتج بالسلامه

بنت الكويت 1 اللهم آمين فديتج
مشاعل الشمري كلامج على العين والراس
بنت جابر شاكرين مرورج فديتج وعسى الله يجعلج خير العون
الرهييفه \ مباركيه شكرا على تواصلج فديت عيونج

 

[HearT ChocolaTe]

مشواري مع العيادات..

بعد ماطلعنا من المستشفى عطوني اكثر من تحويل للعيون والسمع وعيادات الاطفال الخارجيه واشعه مقطعية على الراس

وكان معها تشنج وبعد شهرين من طلعتنا من المستشفى ماقمت اعطيها
وسويت لها اشعه مقطعية على الراس محد قراها لي حتى دكتورها مال العيادات الخارجية ماقراها لي وقالي بنتج مافيها شي بصراحه ماصدقته وقمت افتر بالانترنت ادور احد يترجمها لي واشكر كل وحده من بنات المنتدى اللي ترجمتلي التقرير وطلع فيها ضمور بالمخ ودكتورها مااقول الا حسبي الله عليه واسأله دكتور بنتي شنو فيها يقولي انطري لين ماتكبر ونعرف شنو فيها يبني انطر هذا اللي ناقص

ورحت عيادات العيون وطبعا اكثر من عياده من حكومة وخاص مثل سامي ربيعه وعبدالمطلب بهبهاني ومستشفى البحر والعدان وطلع فيها ضعف نظر دماغي وهما سويت تخطيط لاعصاب العين عند منى الصالح

والحين اسوي لها علاج طبيعي وسجلتها بمركز التدخل المبكر واللي ماسكتها الدكتوره فاطمة عياد

واخر الشهر بروح جده وبوديها المستشفى السعودي الألماني

والحمد لله على كل حال

عسى الله يطمن قلبج عليها ويأجرك ويأجرنا معاج

 

[HearT ChocolaTe]

مشوار يويو في بيت اهلي
يوسف كان وليد غريب عن اليهال وما يلعب معاهم اصلا مايشاركنا جمعتنا
وكانت دايما معاه لعبته اللي ما يفارقها واللي اهي الحيوانات كان يقعد ويصفهم ولا يبي وحده تتغير عن الثانيه وبعد بالسياير يسفطهم مثل الطابور لكنه مستحيل يشارك احد اللعب:0bee2e8d89:
كنت اطالعه واراقبه من بعيد لكن ما كنت ادري ان ولدي في شي ومره حطوا اهلي حمام سباحه بالحوش ودخلنا كلنا فيه الا اهو لمه شافنه طلعنا دش بروحه:0bee2e8d89:وقام يلعب
كانو لمه اليهال نايمين جدامه يدوس عليهم ومو عارف انهم يحسون ويوسف كان مهما يحترق او يتالم او يطيح
ما كان يبالي وكنت احسب ان هذي طبيعه:eh_s(1):
ولان يصارخ وما يتكلم كانو وايد يستفزونه ويخلونه يصرخ ويركض وراهم
وعرفت بعدين ان هذي كلها صفات الطفل التوحدي وظليت ادق البيبان عشان عرف شلون انقذ ولدي من هالمجهول
والحمدلله
وظل الرفض بداخلي
والحين او من حوالي 5سنين من اول كورس مر عليه بالتدخل المبكر الحمدلله تغيير جذري
:eh_s(6):يلعب ويضحك ويشارك اهلي افراحهم واحزانهم
وقبل سنه استوع شنو الموت او امعتاة فقد عزيز
لمه توفت يدتي ظل يسال ليش تبكين وهي انشاء الله راحت عند الله ووراها بشهرين خالي
فقام يخاف من فكرة الموت او اني ----------ويعبر طبعا بالسانه وتسجيل بالتلفون يسمعني اياه انه يحبني واااايد
حنون على امهاتي وابوي وعلى الاطفال اللي ابيت اهلي
طبعا يويو للآن يتم توجيهه من قبلي او من عند خواته الكبار

عسى الله يخليج له ظهر وسناد ويعطيج الصحه والعافيه .. وعسى الله يجمعنا في ظل الرحمن
حنا وعيالنا يلعبون حوالينا ويمرحون في ربوع وأنهار الجنه اللهم آمين

 

[مباركيه]

بواصلكم00وبواصلكم 00وحاسة أني ماني قادرةأستغنى عنكم 00وعيالكم عيالي الله يعلم أني حبيتهم وحبيت أمهاتهم من غير ما أشوفكم

 

[بنت الكويت1]

مباركية المحبة متبادلة والله شاهد وفعلا صرنا نحس ببعض وااايد ونتفقد الغايبات عسى ربي يردهم بالف سلامة والتواصل مطلوب بينا جميعا وعسى ربي ما يفرقنا ويشفى مرضانا ومرضى المسلمين اللهم امييييييييييييين

 

[مباركيه]

آمين يابنت الكويت1

 

[الصابرة المحتسبة]

مشاعل عفيه عليج وعلى قوة تحملج وصبرج ومحاولتج لعلاج يوسف وان شاءالله يتحسن اكثر واكثر.

خواتي من غير ذكر أسامي (أحبكم في الله)

 

[قـــمـــرهم]

مااااااا ااادري شقووووول


صج صج صج انتو الامهاااااااااااااات المثااااليااااات.... الله يخليلكم عياااالكم ويخليييهم لكم ياااارب....




والله واناا اقرى كلااااااااااااامكم تقططططع قلبي وصلت لي مشاااركة ام باااااسل خلاااااااص ماااااقدرت اكمل ...

عيووووني غرررقت دموووع....


الله يصبركم كلكم والله يشااافي عيااالكم ولاااا يحرمكم منهم ....


اكثر شي اثر فيني قصة ام باااااسل


وقصة مباااركيه ماااشاااااااء الله تباااارك الله عليهاااااااا صج مثااااااااال لقوة الارادة والصبر والعزيمه والتحدي مااااشاااااء الله عليج الله ييخليييلج عياااالج وعيااال عياااالج ...ماااشاااء الله انا منبهره بقصتج ماااشااء الله عليج...


وقصة ايمانوفا مؤثره والله من كثر اللي قريتهم وكل شوي اقوووم اغير جو شوي وارجع نسيت شنوووو قرييييت...


ومثل ماااقلت اختنا ايمااانوفا شنووو مااركات مكيااج ملاااابس ... والله والله والله حسيت اني تااااااافه ....

اذكر ام يوسف ام روان ... ولصاابره المحتسبه ...


الله يصبركم والله لاا يحرمكم الاجر...


ان شااااء الله مانسيت احد ...




(( مشواار الرهيييفه ))


اناا مااا انسى يوم ولادة رهف كنت بثااانيه ثااانوي ورحت لخاالتي المستشى مع امي وكاانت اتولد مااااا انسى هذااااك اليووووم ...الله يسااامح امي عقدتني:0bee2e8d89: والله جني اطااالع فيلم رعب ...




مسكييييييينه خااالتي فديتهاا ... ماااتدري شتسوي الولاااده بصوووب وانااا بصوووب اسمعهاا تقول لامي ليش جبتي بنتج هههههههه!!!



والحمدلله ولدت بنتهااا رهف بس انا ماا اعرف تفااصيل المشواار اللي اعرفه واشوفه انهااا ماااااقصرت معااااهااا وسفرتهاا للتشيك تقريبا 3 مرااااات وغير المراااجعااات والمدرسه والتدليك الطبيعي جد جد جد تعببببت مع رهف حيييييييييل حيييييييييل حييييييييييل......


والحمدلله ربي ماااايضيع تعب احد ومثل ماااقالت العضوه بنت جااابر منو كااان يصدق او يتخيل انه رهف بتمشي بس بفضل ربي ثم فضل امهااااا اللي مااااقصرت وانااا متاكده نهاااا مااارااااااح تقصر معاااهااا... قدرت تمشي الحييين ولله الحمد...


الله يصبرج يااااخااالتي والله يعييينج على تكملة المشوااار وذهب الكثييييييييييييييييييييييييييييييير وبقيه القليييل باذن الله



وفديييييييييييييت عزووووز اناااا .... حبييييييبي






هالموووووووضووع اول موضوووع احطه عندي بالمفضله .... والا البااااجي كله مكياااج وشعر وبشره ....


اول مره احط موضووووع غييييييييييييييير وصج هالموضووووووووووع غييييييييير





الموضوووووع المثاااااااااالي


وخااالتي تستاااهل تكوون الام المثااااليه