مشوار بتوته(115.2) للقضاء على السمنه..شجعوووني

[أسوار77]

وياكم انا الحين متبعة ريجيم من النت وبادية فيه من امس
وزني ٩٩
طولي ١٦٠
الهدف الاول ٨٠
الهدف الناني ٧٠
الحلم ٦٠
بس احتمال مااوصل لي الهدف الثاني لانيي مخططة عالحمال ( زوجي يحن)
بس انا قلتله انطر لي شهر ٤ شكلي بطنش لي شهر ٦ عشان اضعف اكثر لان الحمال يزيد الوزن عالاقل ١٥ كيلو

ميخالف قلت قصة حياتي
ان شاء الله من اليوم راح احط يومياتي

حياك الكريم:d

 

[أسوار77]

ليوم الخامس لمذكراتي :الاربعاء8-2-2012

1-اشرب الصبح اول ما اقعد من النوم ماي دافئ مع شويه(كمون+زنجبيل+دارسين+2شرايح ليمون):rerrerek:
2-ماتريقت اليوم بس الحين باشرب شااي زعتر
4-غداي شوربه دجاج وخضره من دون(بطاطس+جزر)
3- المشي لمدة 35 دقيقه على الجهاز
4-15 دقيقه تمارين منوعه
5- عشاي راح سلطة روب مع خيار
6- العصر باشرب قهوه
7- ما انسى الشاي الاخضر قبل كل وجبه بنص ساعه

:rerrerek:

 

[أسوار77]

بكره وبعد بكره مابيكون عندي نت بس مو مشكله السبت بنزل يومياتي مع الوزن ان شاء الله

 

[غارقة بأحزانها]

الله يحييج اسوار

 

[Aisha Y.M]

بنااااات انا اليوم قست لاني بسافر وبارجع الاحد
تدرون مانزلت الا كيلووو احس ان وزني ثابت ما اعرف ليش
تدرون من يوم الاحد باتبع هالرجيم

detox plan
http://www.q8yat.com/t205446.html

وانشاءالله يفيد معاي

بنااات انا ماراح ادخل لين يوم الاحد ^_*

 

[غارقة بأحزانها]

تروحين وتردين بالسلامة عواشة

 

[قطوة@@]

موفقه حبيبتي

 

[غارقة بأحزانها]

بنات الحمدلله نفسي مسدودة عالاخر
اليوم الصبح بس شربت جاي مع ان المفروض اكل بيضة
وامس زوجي عزمني على بيتزا وقلتله لاااااا وصج ماكليت ولا شي مع انها نقطة ضعفي

المهم
انا اليوم عالغدا راح اتغدا شوربة معروف عنها انها تحرق الدهون بالجسم
واهي عبارة عن كرفس وبصل اخضر وفلفل رومي اخضر وثوم وكوسه

والعصر بسوي رياضة
نص ساعة

وبغيت افيدكم بشغله واهي عبارة عن كريم حارق للدهون تسوينه بنفسج ويصلح للي منطقة بالجسم
تبين نتايجة مع الاستمرار وحسب كمية الدهون بالجسم
امس قريت عنه موضوع + تجارب
وقررت ابدي فيه اليوم

واهو عبارة عن زنجبيل طازج مع خل التفاح مع كريم جوليسويد
بس انا راح استغنى عن خل التفاح لاني وايد سمعت ان يخلي لحم الجسم يستوي
واذا لاسمح الله اضريتي تسوين عمليه في المكان اللي دهنتي عليه خل التفاح ماراح يلتئم

فخلينا بالسليم وراح استبدله بزيت الزنجبيل شريته من الحواي

وهذي الطريقة
تقطعين حبه زنجبيل بعد ماتقشرينها وتحطينها بمطحنه القهوة او تدقينها بالهاون
المهم ان ينهرس وتضيفين عليه زيت الزنجبيل وبعدين تخلطينه مع كريم الجوليسولد الاحمر هم تلقينه بالحواي
وتحطينه بعلبه بلاستيك بالثلاجة
وتحطينه عالاقل ساعتين على اماكن تجمع الدهون بجسمج
وتلفينها بنايلون الاكل
واذا تحبين تلبسين كورسيه او بدله السونا براحتج
ولو تسوين معاها رياضة احلى واحلى
قرقت وايد بس حبيت افيدكم
اي وصاحبه الموضوع تقول انها ساعات كانت تخلط معاه جل اليقانس ( تلقونه عند منى الجميع)

وشكرا تعبت وانا اكتب

 

[غارقة بأحزانها]

امبيه من صجكم التجمع حدة نااااايم
قاعدة اكتب يومياتي حق منووو ؟؟

 

[غارقة بأحزانها]

باااااااااااك

الله يسلمكم اليوم للاسف ماقدرت اسوي الشوربه
لان الغاز خلصواخترب غدانا وابونا عصب وطلع ياب غدا
المهم
ان انا اضطريت اكل شريحتين توست مع جبن قريش
والساعة ٣ ونص دهنت جسمي بالكريم اللي شرحتلكم طريقته بس احسه مافاد باجر بزيد كميه الزنجبيل واضيفه عليه


والساعة ٤ ونص بلشت رياضة ٢٠ دقيقة على جهاز المشي
١٠ دقايق عالقاري وربع ساعة تمارين يعني ساعة الا ربع رياضة

خذيتلي شور
ولبست انا واليهال ورحنا الافنيوز

وقاااااااااااااومت الاكل بكل انواعة
بينك بيري 
مطعم ايكيا تعشوا فيه عيالي عليهم بالعافية
وانا خذيتلي عصير برتقال فريش هالحجي الساعة ٩ وشوي
وشرب نص لتر مااااي
اعتراف :خذيت من بنتي كرتين لحم ( احبهم)

وبس

وطبعا بالافنيوز تعمدت اسفط بعييييييد عشان امشي

ولما رديت البيت قصصتلي خيارة وخلطتها مع قوطي روب خال الدسم طبعا مع بذر الكتان
وعقبها شربت كوب شاي اخضر
وباختصار هذا كان يومي

 

[أسوار77]

واهو عبارة عن زنجبيل طازج مع خل التفاح مع كريم جوليسويد
بس انا راح استغنى عن خل التفاح لاني وايد سمعت ان يخلي لحم الجسم يستوي
واذا لاسمح الله اضريتي تسوين عمليه في المكان اللي دهنتي عليه خل التفاح ماراح يلتئم


سبحان الله كنت اريد احذرك من خل التفاح بس ماشاء الله عليك

 

[أسوار77]

غارقه بأحزانها ماشاء الله يومك حلو

 

[أسوار77]

نزلت 100 غرام الحمد لله نعمه

 

[!! Ba6a 7lwa !!]

انا بعد بدش معاكم ببدي باجر

برجيم طالب الشمري

وووغارقه باحزانها يومياتج وااايد حلوهههه

وبليز بنات خنشجع بعض

 

[Aisha Y.M]

اهلين بناااات شخباااركم

واله حدي مكتئبه اللي انزله يرد مره ثانيه جنه وزني لازم يكون ثابت عند 115
بنااات بليز اللى عندها حل تقولي انا فكرت اجرب


detox plan
http://www.q8yat.com/t205446.html



اللى جربته تقولي

 

[غارقة بأحزانها]

عواشة وايد حلو الريجيم اللي حاطة الدكتور بدر النصرالله
اتبعيه منتي خسرانة شي ويارب تضعفين بصحة وعافية

 

[Aisha Y.M]

خلاااص شكلي راح اطبقة من باجر واجووف انشاءالله خير يارب

 

[غارقة بأحزانها]

السلام عليكم يارشيقات

انا اليوم تريقت تفاحة
وسناكي كان قطعتين كاكاو



والغدا شوية لحم مفروم محموس مع ثوم وطماط مع روبه
ماعجبني تعودت على اكل الريجيم

وليلحين منغثه قاعدة اشرب جاي اخضر بالميرامية
مسويتلي مطارة
وتمرنت عالقاري ٢٠ دقيقة

والعشا روب مع بذرة الكتان مع اني مو مشتهية كلش
اذا ماقدرت باخذ بس البذرة بدون روب

 

[غارقة بأحزانها]

عواشة وايد حلو هذا الريجيم قريت تفاصيله ومن باجر ان شاء الله راح ابدي معاج
بس الغريبه ان هالاسبوع مايبي رياضة مادري ليش
بس انا بلبعب عالخفيف اخاف يرد جسمي يتعود عالكسل