والله يا جماعة انا صار فيني نفس الموقف بالضبط كنت توني منتقلة للمدرسة والناظرة القديمة ما دحتني عند اليديدة واليديدة اهي اللي قالتلي ومن كثر ما كانت حابتني تقوللي انا ادري راح تنجحين مع بنات المدرسة لان المدرسة اكتشفت بعدين ان بالمنطقة تعتبر من المدارس اللي مستواها ضعيف
المهم المدرسة الاولى اشتغلت علي وكانت ماسكة نفسها عني علشان الموجهة اللي كانت حييييييييييييل تحبني لاني كاروفة حدي بالاضافة لاشياء والله ما احب امدح نفسي فيها, المهم الله يشهد اني اتعب تعب لوجه الله ما همني شي
ورغم اني مريضة باكثر من مرض وكنت اغيب مرضي وغصبن عني
اول ما غيروا التوجيه انقلبت المدرسة الاولى وكله تشيش للناظرة والناظرة يديدة على النظارة وكل ما حاولت اوضح وجه نظري زفوني لين كرهوني بالتدريس ولما ييت للناظرة اسالها عن تقريري لان الموجه اليديد لما يه مدحني مدح مو طبيعي وكان حيييل فرحان فيني وما خل احد الا ومدحني عنده بس انصدم ان الناظرة ماتبي تحط لي امتياز ووحدة توها ياية يديدة تبي تعطيها
ورغم اني اشتغلت للادارة وما اردعليهم بلا ابد..... ماكو فايدة اقلبتها اللي عندي وحاولت ما اشتغل بس خوفي من الله منعني عقبها قلت مالي الا الله واصلى استخارة على روحتي للمراقب والله ما اشتكيت على الناظرة بس قلتله انت اسالها اذا مالي حق خلاص مو لازم اول ما كلمها جان تمدحني ويوم قالها انزين شنو المشكلة قالت المدرسة الاولىتشتكي منها دووم واهي عندها غياب 20 يوم جان يزفها المراقب قال لها والله جدامي ضبطي رئيسة القسم اللي عندج مو كل ما يتها وحدة كفاءة نحشتها اثاري انا مو اول وحدة؟؟؟؟؟؟؟؟؟؟اوبعدين مرا تعبانة ومريضة بامراض مزمنة وعلى كلامج تشتغل احسن من المتعافية وقالها احنا نتجاوز عن الاقدمية فما بالج لو كانت اقدمية وخبرة وكفاءة و20 يوم ولاشي بالنسبة لوضعها الصحي خاصة انها ماشية بالمنهج
ومن عقبها اخذت الامتياز بس والله بجهدي وتعبي وطلعوا عيني عقبها الناظرة من صوب ورئيسة القسم من صوب لا بعد رئيسة القسم الثاني كملتها شكوا ما ادري وطلعوا علي اشاعات اني اغشش صف لان الله سبحانه رفع مستواه ومنعوني ادش عليه الا بحصتي بس وكان ما يهون علي الارب العالمين ومن ثم الموجه ومستوى البنات اللي ارتفع والحمدالله اللي نصرني من سابع سما لما صارت الاختبارات الفترة الرابعة وانجحوا الصف بروحهم من غير ما ادش عليهم يعني لا وضحت ولا غششت والحين بيكرمون اليديدة اللي عندها مشاكل مع البنات ومسقطة اشكثر ويا ليتها خبرة او كويتية بس سالفة لعانة
وماهمني يالي الامتياز بفضل الله وتدرون رغم ان الكثيرين يقولون انتقلي انا مصممة اقعد ما دام ماشية صح وعدل وخايفة الله ما همني
ادري قلت قصة حياتي بس مو معنى ان الروحة للمراقب شكوى على الناظرة ولا معنى ان مطالبتي للامتياز اني ابي الواسطة احيانا ظلم الناظرة او رئيسة القسم يخليج لازم تاخذين موقف وصدقوني الا لها حق بتاخذه غصبن عنهم
واللي ياخذ الامتياز بالواسطة من غير تعب ومن غير حق الله بيبتليه
اسفة على الطوالة
