مفسرة احلام كويتية جديدة

[amal6666]

الله يعافيك

حلمت باختي العزباء تزوجت من الشيخ سعد بس كان كلام بدون عرس

ابي التفسير الله يخليج

الحلم يدل على انه اختج بتتغير حياتها للاحسن وانه راح يجيها خير ان شاء الله والله اعلم

 

[amal6666]

اختي ما فسرتيلي هالحلمين

--------------------------------------------------------------------------------

الحلم الاول:::::

تحلمت انة ابوي داش غرفة اختي وتلفون اختي كان على التسريحة في دخلت ابوي للغرفة دق تلفون اختي ولا ابوي يقولها علي يدق ولا اختي تقولة رد علي هذة مال القضية وهو مو مال الواسطة رفيج اختي ولا ابوي يكلمة وعلي يكلم ابوي على بو انة هندي عشان علي ما يبي يلاحظ انة بنتة تكلم شباب ما يشك انة اهو رفيج اختي وابوي على بالة مال القضية ولا انا اقول لاختي شلون ضبطي وياة السالفة على انة يكلم ابوي على جنى مال الواسطة وهو اساسن ما عندة خبر بالسالفة الواسطة والقضية . وقعدت من النوم
الحلم الثاني::::

تحلمت انة اختي تكلم حبيبها او صديقها ولا يقولها عطيني اسم بنت بحرف الدال ولا اختي تقولة دانة ولا يقولها غلط قالها فكري شوي ولا تقولة انطر اسال اختي ولا تناديني باسمي وهو اكيد سمع اسمي ولا انا قتلها قولي دانة او دولة او حلا هم اطلعوا غلط ولا يوم سكرت وياة قتلها ليش قلتي اسمي وخليتية يسمع اسمي ما تخافين لا يسجل صوتج لا وبعد قايلة اسمي الصجي. وقعدت من النوم

ارجو منج التفسير

سامحيني عالتاخير لانه عندي ضغط بتفسير الاحلام وراح ارسل لج التفسير عالخاص باسرع وقت ان شاء الله .

 

[دانه الرياض]

اختي

حلمت انا وجدتي الله يرحمها واقفين بصاله ودخل زوجي علينا واعطاني ظقمين ذهب ان شفت العقد شكل قلب وقال وحده لك وحده لجدتي حقت جدتي كان مره ثقييييييييييييييييل اما طقمي خفيف وزعلت انا قالت جدتي الله يرحمها مسكينه عطاني الثقيل وزوجته الخفيف

والف شكر

 

[QUMAR]

حبوبه ما فسرتي لي هالحلم
الحلم كالتالي:ان شعري أسود وطويل وكثيف وأنا مستانسه فيه ومو مصدقه وقاعده أقول بيني وبين نفسي شلون طال شعر بهالسرعه
ملاحظه:انا شعري قصير في الحقيقه
عساج عالقوه حبيبتي
يزاج الله خير

 

[ريم الفلى]

يعطيج العافيه اختي عالتفسير

ويجزاج الله خير

والله يحطه في ميزان اعمالج الصالحه يارب

 

[ورق عنب]

حلمت من فترة حلم طويل عريض بس اللي لفت انتباهي فيه انه ابوي مادري ولد عمي يايب جراده بيتنا .. بس هي مو مثل باقي الجراد !! لانه لونها صاير اخضر وشكلها كنها فلم كرتون ..وتحوس بلبيت وانا انحاش منها والوالده تقولي لا تخافين هذي ماتسوي شي أليفه بس تاكل بفك !!!

 

[وسامي]

عزيزتى تحلمت قبل اسبوع اني رايحة انا واختي الكبيرة لبطولة مبارزة او رماية موذاكرة بالضبط بس وحدة منهم وكانت اختي تقول انتى تلعبين احسن منى وكنت واقفة وشفت الشيخ فزاع الاماراتي يمشي ويسلم على الشيوخ وبس اللى لفت انتباهي من اللى موجودين من الشيوخ الشيخ احمد الفهد وقاعدة اقول حق اختي شوفى الشيخ فزاع يسلم على الشيخ احمد الفهد وكان الشيخ يضحك وهو يسلم عليه

 

[مزيونه وشقره]

ما فسرتي حلمي


مع تحياتي يا حياتي

مزيونه وشقره​

 

[السكوت مشكلتى]

السلام عليكم
اولا الله يعطيج العافيه وتسلمين على التفسير حلمى ولو سمحتى تفسرين هذا الحلم
حلمت كانى فى مصعد مجمع فيه كانى فيى المصعد مع ناس اعرفهم بس فى الحقيقه ما اعرفهم ونبى نوصل للطابق الى نبيه والمصعد يروح مره فوق مره تحت وبسرعه شوى كان المصعد من النوع الزجاجى كل شوى يوقف فى طابق بس مو الطابق الى نبيه مع الشكر الجزيل .
الله يعينج على التفسير

 

[احلى كويتيه]

الله يخليج امي حيل متاثره بالحلم ماعليج امر تفسرينه واكون شاكره لج
حلمت امي ان واحد من قرايبنا الله يرحمه متوفى بالحقيقه شافته بالحلم تساله انت وين رايح قالها انا رايح لزوجج( ابوي) عشان اقره عليه الرقيه الشرعيه قالت ليش جان يرد اخوي على امي ان فهد اخوي مات امي عصبت وقالت شلون وانا امه مادريت ومحد قالي قالولها روحي المستشفى شوفيه دخلت امي المستشفى لقت ابوي قاعد على كرسي واخوي فهد على سرير المستشفى وجها منور وابيض ومتغطى بشرشف ابيض وهزت امي وتناديه فجاه جان يرد عليها وقالت الحمد لله مامت قالها لا جان تعاتب اخوي الثاني قالت ليش قلتلي انه ميت قالها مات ورد حي مره ثانيه وخلص الحلم

 

[طفوش]

اهلين بنات شلونكم عساكم بخير

ياليت تساعدونى

انا حلمت انه فى حوشنا فواكه موز ومنجا وتفاح انواع الفواكه موجود فى سلال

ياليت تقولولى شنو يرمز الفواكه بالحلم واكون لكم شاكره

 

[واحشنى موت]

حيااااااااااج الله

 

[الداعية إلى الله]

أختي الغاليه

رفيجتي حلمانه وأتمنى تفسرين الحلم

حلمت إنها جنها يايه بيتنا ( القديم ) احنا بيتنا جديد .. المهم ودخلت الصالة
ولاتلقى حريم عبيد ( كلنا عبيد الله ) يعني سمر حيل وشكلهم يخرع وكانوا قاعدين جنهم صنم .. المهم لما دخلت لقيت أمها وأمي وأختي قاعدين حاظين الدوه ويسولفون ولا أيها أنا وأسلم عليها وقعدنا نسولف وتقولي إني ضعفانه وشكلي غير وقعد تسألني شلون ضعفتي .. المهم وبعدين رحنا غرفه يم الصاله كانت صغيره وقعدنا أنا وياها نسولف وتقول إن كان معانا بنت مانعرف منو إهي بس قاعده معانا وشكلها قصيره وبيضه المهم بعدين طلعنا من الغرفه الصغيرة وصار جدامنا بحر فدشيت أنا وياها البحر والظاهر إنها سبقتني ولا تشوف إلا ثلاث حيايه لافين على ريلها اليسار
وشافت بيدها ولا جم حيه متعلقين على إيدها فنفضت إيدها بقوة ولا يعضونها تحت صدرها اليمين( وقالت إنها شافت أثر العضه بالحلم ) فقالت بينها وبين نفسها خل أحرك إيدي شوي شوي يمكن يوخرون ولا أنا يايه من بعيد بساعدها وتقول إن كان شكلي عادي موخايفه وكنت لابسه درنكسوت وردي على أسود واللون الوردي غالب على الأسود .. المهم وآنا يايه بساعدها وهي تقولي لاتقربين وخري المهم مايعضونج
ولا وخروا عنها الحيايه واحنا بنطلع من البحر ولا أمي وأمها وأختي واقفين جدامنا ولا تروح رفيجتي عند أمها وتقط نفسها جدامها ( يعني تعبانه من اللي صار ) وقالت حق أمها بس ماوضح على أمها إنها خايفه بس قالت لها أمشي خل أوديج الطبيب (عشن عضت الحيه ) فلما بتروح ويا أمها حبت أختي على خدها وجنه بقلبها تقول إن السم مال عضت الحيه تمكن منها وإنها بتموت فحبت أختي جنها تودعها ..

أتمنى تفسيرنه أختي الغاليه

الحال الإجتماعيه ..
رفيجتي متزوجه ومتطلقه ( بس ماتمت شهر من ملجتها )
وآنا مومتزوجه .. وحالتي الدينيه ملتزمه وإهيا موملتزمه ..

 

[ام الفوز]

السلام عليك اشلونج اختى اموله حياج الله عندنا فى المنتدى اختى عندى صراحه 3 احلام ودى افسرينهم لي وجزاج الله الف خير اول حلم حلمت انه كانى قاعده فى محاضره وكان فيها ناس وايد بس ما ادرى شنو كانو يتكلمون فيه وبعدين جان يقول الاستاذ الي كان يلقى المحاضره انه بعنى مختصر انه دبلوماسي جان يسكت جان ياشر على قالي تعالي انا قمت بعدببن قعدت يمه والله فجاه تغير شكله صار جنه ساحر مشعوذ لحيته طويله وشعره يخرع قلي يله انسدحي على جنب وبعدبن انسدح يمى واخذ ايدى الثنتين مسكهم بايده وايده الثانيه حاطه على راسي كانه يسوى تجربه وبعدين اخذ يتمتم ما اردى شنو يقول ولا انا اقول بسم الله بسم الله جان يقولي سكتى سكت وبعدين وخر ايده عنى انا قمت ارجف فتحت عيونى ولا ما اشوف جان اقوله حرام عليك انا ما اشوف صرت عميه حرام عيك وقعدتمخترعه والله كانه صج صاير فينى والحلم الثانى كانه ايدى محترقه والحلم الثالث كانه صار يوم القيامه وبعدين صارو الناس بحلقه دائريه وكل ما رحنا لي جام تصغر الدائره واحنا خايفين لين اسغرت الدائره وبعدين وقفناا والله سمعت صوت يقول الحمد الله هذى رحمه من رب العالمين ويعطيج العافيه ادرى طولت عليج سامحينى واشكرج مقدمنا ويعطيج الف عافيه وينولج الي بالج يا رب العالمين وينصر المسلمسن خواتى ياريت ما تنسون الدعاء حق اخوانا الفلسطينين وربي ينصرهم على اليهود الصهاينه يا رب العالمين

 

[lolwah]

اليوم الصبح حلمت بحياية كبار و فيران بيض
كنت اعتقد بغرفتي . و قلت حق اختي يبيلي جيس نايلون كبير
و يابتة و قمت حطيت كل الحياية و الفيران فية و كان اكو جم فار ميت
كان الجيس مترووووس و ربطتة و قمت اصارخ عال خدامة تيي تشيلة و تقلة برة قبل لا ينفتح.

اللة يخليج فسرية لي خايفة من هالحلم

 

[amal6666]

اختي

حلمت انا وجدتي الله يرحمها واقفين بصاله ودخل زوجي علينا واعطاني ظقمين ذهب ان شفت العقد شكل قلب وقال وحده لك وحده لجدتي حقت جدتي كان مره ثقييييييييييييييييل اما طقمي خفيف وزعلت انا قالت جدتي الله يرحمها مسكينه عطاني الثقيل وزوجته الخفيف

والف شكر

الحلم يدل على انه جدتج محتاجة لصدقة ودعاء علشان يرفع من حسناتها عند الله تعالى وانه زوجج راح يضايقج بشي بس هو موقصده انه يضايقج والله اعلم

 

[amal6666]

حبوبه ما فسرتي لي هالحلم
الحلم كالتالي:ان شعري أسود وطويل وكثيف وأنا مستانسه فيه ومو مصدقه وقاعده أقول بيني وبين نفسي شلون طال شعر بهالسرعه
ملاحظه:انا شعري قصير في الحقيقه
عساج عالقوه حبيبتي
يزاج الله خير

الحلم يدل على انج راح تزيدين جمال وصحة والله اعلم

 

[تووت]

اختي امل انا طرشتلج على الخاص من ايااام وللحيني قاعده انطر
وجزاج الله خير وآسفين على الازعاج

 

[الجفـــــول]

السلااام عليكمم00


اختي انا صديقتي حلمانه باخوها انه يرجع دم واخوها بالحقيقه شاكين انه مسحور اوعين لانه فجاه صار عصبي ويثور من اي شي خاصه على امه وابوه وخواته اما مع الناس عادي00

وجزاااج الله الف خيررر00

 

[الريشة]

مشكورة أخت أمل على هالموضوع، أنا الصراحة من النوع اللي أحب اقرأ وايد عن تفسير الأحلام لما صار عندي خلفية شويه عن تفسير الأحلام ، يعني لما أحد يقوللي حلم أو انا أحلم حلم و أقعد من النوم أحس ان الحلم زين او مو زين و لما اقرا عن تفسيره يطلع صح مثل اللي في بالي . بس اذا كنت مو متأكدة من التفسير ما أحب أقوله و أفضل أسكت عشان ما أفسره غلط........المهم انا شكلي بازعجك من كثر ما أدز لك احلامي..عادي
و ان شاء الله تفيدينا.