مكتئبه و شعري كشه و كرشي لي ركبي .. في أمل اتغير؟

[الرأي الآخر]

يا بنات انا ما كنت جذي.. كنت احب الحياة و احب الميك اب و القصات و اللبس و اهتم بجسمي و البس اللي يستر عيوب جسمي و يبرز الايجابيات ..
من بعد ولادة بنتي (عمرها 6 اشهر) صرت خلاااااااااص ...
انا ارضعها و الرضاعه الطبيعيه متعبتني لا لي مزاج اطبخ .. اكل كاكاو و خرابيط و اطلب وجبه عائليه (حقي انا بروحي!!!) عشان لا اغسل مواعين ولا اطبخ .. البيبي تقعد على الاقل 3 مرات بالليل و انا انام و اقعد تعبانه ..
ريولي كلهم شعر (ادري وعع .. عيزانه حتى عن الموس!!!) .. احف مره بالشعر .. يعني شكلي مثل القرد المشعر .. او الغوريلا لاني سمنت وايد ..
الكل قالي اووه رضعي البنت و تضعفين بالعكس انا اليوم امتن من وزني اسبوعين بعد الولاده!!!
المشكله بعد اني انا ببريطانيا .. و ماعندي اي احد ابدا يساعدني مع البيبي .. و مشتاقه موت موت على اهلي حتى اني احلم فيهم .. و كل ما ادق عليهم بس اقعد ابجي و يطير الكلام من عقلي ..و المكالمات غاليه..
زوجي ماسك وظيفتين .. يطلع مبجر و يرجع متأخر تاركني مع البيبي...
قمت اكره التعرف على غيري من الامهات بالمنطقه لانهم كله يعزمون بعض بالبيت و انا استحي اعزمهم ببيتي لانه عفسه ..
بنات .. انا سمعت ان اول شهرين مع البيبي صعبين بس الحين صار ستة اشهر و احس ان مافي تقدم ولا حاسه اني تأقلمت ,,,,
كانت علاقتنا الحميميه قويه لكن الحين يمر شهر و يمكن اذا انا بادرت نسوي العلاقه..
احسه بعيد عني و هذا يزيد بحرتي و يخليني اتجه للثلاجه و ابلع كل اللي بطريقي ..

انصحوني شلون اطلع نفسي من هذي الدائره السلبيه قبل لا يطير زوجي مني؟

 

[كارلوفي فاري]

انتي اول شي قرري وعزمي على التغيير تلقين كل الامور تنحل وبتشوفين التغير بحياتج
الله يسر امورج يارب

 

[فله شمعه منورة]

تفألي بالخير اختي والله معاك حاسه فيك والله معاك

 

[احلى ـآ وحده]

والله عفيا صابر عليج

والله كاهم رفيجاتي ماشاء الله تبارك الرحمن شقق بروحهم لا خدم ولا احد يساعدهم ..

وماشاء الله ماتلقين مثل كشخه وريحتهم الطيبه وكشخة اعيالهم تبارك الرحمن ..

 

[فلنتينو]

ابدي ريجيم قااسي وسوي كيراتين لشعرج وحفي بشيره كل بعد دوره
وبتغييرين للأحلى وبتصكين على هيفا بس انتي عزمي
وتلقين الخير جدامج

 

[سموة الزين]

حبيبتي اهم شي الاراده انتي لازم تغيرين من داخلج خلي لج عزم واصرار انج بتصيرين احلى من كيم كرديشن يعني بالجسم وبالانوثه طلعي لازم تغيرين نفسج انتي اللي بيدج الحل وان شاء الله يارب اتغيرين واتصيرين احسن من اول يارب

 

[مدام نفيخه]

ديري باااالج لايطير وبااجر تحسفين لا فات الفوت ماينفع الصوت قرري وعزمي مثل ماقالت الاخت
وبنيتج بالعكس تونسج بالغربه تقضين معاها وقت حلو
خففي رضااعه
وابدي اهتمي بنفسج اشتغلي عشاان تضعفين
اهم شي اذكري ربج ع طول
واهمتي بنفسج حفي الله لايهينج وتسنعي قبل لايصير شي لاتحمد عقباه اذا صد عنج وشااف له شووفه ماراح ينفعج الاكل والربااده
الرجال يبي سنع وزين ونظاافه الصبح لبس وبالليل لبس
والا منتي شاايفه غير غبرته وانا اختج

 

[Laidy n3ooma]

قولي حق ريلج ان حالتج النفسيه ماتسمح انج تقعدين هناك ..

ردي ديرتج اسبوعين جذي تتجدد نفسيتج ..

اذا نفسيتج صفررر مستحيل تقدرين تغيرين شي

 

[swanyway]

طيب انت في بريطانيا يعني استغلي ثم استغلي تقدرين متى ماتبين تتطلعين تتمشين بهالحدايق وش حلاتها والجو منعش

اذا جاء ويك اند اطلبي من زوجك ( مع اني اتوقع عندكم داي كير مراكز راعيه اطفال لمده يوم ونص يوم او بيبي ستر )انك تخصصين لك يوم او نص يوم تروحين سبا او مشغل يحفون لك ( واذا تقدرين على الليزر احسن واحسن خصوصا عندهم تطور ومضمون ان شاء الله ) و استانسي وخذيلك مساج و كريمات وغيرها , روحي اشتري لك ملابس جديده بتتشجعين على الريجيم والرشاقه
ببريطانيا عندهم هايبر ماركتات كلها اكل صحي تسوقي من هناك خلاص او سجلي باللي مثل دايت سنتر , اكل المطاعم خلاص وقفيه الله عليج واكبر وجبه عائليه كلها تاكلينها
الشقه عقب ماتسوين كل هالاشياء بتحسين باانتعاش روحي نظفيها وعطريها دلعي نفسج واعزمي الناس لا تنعزلين بيطلعونج من الجو اللي انتي فيه+ هناك بالغربه كلكم على قلب ان شاء الله وبتستفدين منهم في اماكن رعاية الاولاد ومعرفتهم غير الوناسه
اهلج حطي لج برنامج سكايب صوت وصوره على الاب توب احسن لج ومافيه خساير

 

[ام حمد 85]

الله يساعدج على ما بلاج وان شاء الله تتغيرين للاحسن

 

[مشتطـه]

مثل ما قالو




بس ازيد

ان حطي في بالج ان اذا ما تغيرتي بيتزوج عليج !
وصدقيني بتلقين نفسج غير

 

[يآلبى ضحكتي:$$]

يآحيآتي آكييييييييييييييييييييييد في آمل ونصصصصصصص =)

من آلحييييين آبدي حيآة يديده رتبي آمورج نظمي وقتج ... ! شوفي شنو عيوبج وصلحيهآ .. سووي نيولوك ^^

ديربآلج آتمين على هآلحآل يآثر عليج ويآثر على آللي حوآليج

فكري بينج وبين نفسج لي متى على هآلحآل ؟ وبعدين خلي آرآدتج قويه آنج تتغيرين للآحسسسسسن وآكيد آلغربه صعبه بس حآولي آنج آتسيطرين على آلوضع لآتصيرين ضعيفه خليج قويه وتغيرررررررررررررري صحيح آني مو متزوجه بس ترى آلريآل من آلنوع آللي يمل @@! ويحب يشوف زوجته دآيمآ آحسن حآل وكآشختله ووو آلخ ! لآآإآإآإ تخلينه يمل منج

وتقدرين تقدرين آنج تتغيرين وآن شآءلله فتره وآتعدي



​

 

[دنيا أبوها]

أكييييييييييييد في أمل ، هونيها و تهون بإذن الله ،
عسى الله يفرجها عليج و يحقق لج كل اللي تبينه دنيا وآخرة ....

 

[وردة الدوحه]

تفائلي حبيبتي الدنيا حلوة وانتي الحين عندج احلى نعمه
أول شي انتي ببريطانيا بلاد الكشخه والصوالين والنوادي الرياضيه اللي على أصول
عزمي في اي وقت يكون مزاجج فله ورايق اول شي تروحين الصالون تسوين واكسنق تغيرين الصبغه والقصه
سجلي في نادي رياضي ترا الرياضه والحركه تبعد الاكتئاب
طلعي تمشي لا تقعدين تحكرين نفسج سوي صداقات أضحكي ع الفاضي والمليان حتى لو مافيه شي يضحك
تشري حق ولدج أو بنتج أغراض وبعدين ليش ماتكلمين أهلج من النت كلميهم على سكايب صوت وصوره ببلاش وقعدي معاهم بالساعات لا خساير ولاهم يحزنون
والله يوفقج ويسعدج ياااااارب وبشرينا عنج

 

[يآلبى ضحكتي:$$]

وصحيح آستغلي وجودج في بريطآنيآ آلآجوآء شحلآتهآ آلشوبنق حلووووو =)=) وفي وآيد يتمنون آنه يزورونهآ بسسس ... ​

آستغلي وجودج آهنآك ​

 

[mediaaaa]

طبعا في امل

العزيمه القوية تحقق المستحيلات

شوفي فجر السعيد شلون ضعفت و سنعت شعرها قبل كانت تخرع
http://www.q8yat.com/t868808.html

 

[الغاليه ام احمد]

حبيبتي ولا يهمج

انتي بحسبت وحده من بناتي وبقولج انسي اللي فات وابدي من يديد

اللي فيج اكتئاب بعد الولاده وانتي حبيبتي ما عندج احد بروحج وياهل وريل لاهي بشغله

ولا تلومينه اذا بدا يبعد عنج طبعا من شكلج اللي وصفتيه لنا احنا اخترعنا واحنا ما شفناج اشلون المسكين

حبيبتي شقق بريطانيا صعيره وهم فللها انا رحت لندن وقعدت اشهر ومعاي يهال وبدون خدمي

طبعا بالاول نفسيتي اتعبت يهال وبيت لكن بنفس الوقت ادري ان ما عندي احد يساعدني

وكله مده وتخلص هالغربه فاعتمدت على نفسي والله حتى العزايم اسويها

فانتي الحين اخذي قرار انج لازم تتغيرين للاحسن وانج مصممه على هالشي

ترى بالاراده كل شي يصير

اولا البيبي توه صغير يعني ما يمشي وتتاذين

قومي الحين دشي الحمام وشيلي كل هالغابه اللي بجسمج وتسبحي وتوضي ((حبيبتي لا تزعلين والله اني انفعلت معاج لاني حاسه فيج وحاسبتج من بناتي ))


ثانيا مسكي القران واقري جم سوره وراح تهدا نفسج

ثالثا حاولي قد ما تقدرين تنظفين بالشقه اليوم والباقي باجر

رابعا شيلي من بيتج هالحلويات اللي تسمن وحطي مكانها فواكه

اذا رد ريلج ابتسمي بويهه وطبعا وانتي لابسه ومشطه الكشه ومتعطره وقربي يمه

وقوليله باللي انتي حاسه فيه واعتريله عن الفتره اللي طافت

وصدقيني اهو اللي بلمج

ومن باجر بعد ترتيب الشقه والاهتمام بنفسج اخذي البيبي بالعربانه وطلعي بره شوي تمشي

وراح تردين ونفسج حلوه

وحاولي تتقربين من جاراتج عشان تشغلين وقت الفراق اللي انتي حاسه فيه

وصدقيني بالفربه مرات الجارات يصيرون اقرب من الاهل

وكلها مده دراسه او شغل وتردين للديره

حبيبتي كل شي بالعزيمه يصير

والله يوفقج ويهدي بالج ويخليلج ريلج وبيبيج

 

[نونو العصله]

تدرين شنو اللي يعدل نفسيتج
الشوبنق
انتي اليحن بشقه بروحج مع ريلج
محد يضايقج
كل المجالات مفتوحه جدامج
لا تزعلين من كلامي
فكري فيه و بتشوفينه صح
انتي مو مشجعه ريلج انه يجابلج
استغلي فترة نومه بنتج
وروحي حفي و استشوري
سوي نيولوك
اشتري لبس يديد
حطي ماسكات من بدي شب

طلعي و تمشي
سجلي بنادي رياضي
صدقيني نفسيتج بتعدل
انتي مو اول وحده تتغرب
شغلات وايد تقدرين تسوينها
بس انتي ابدي
حتى ريلج بتغير صوبج

اهم شي الاراده
عيشي حياتج
ولا تنفرين ريلج منج

 

[واصله]

حبيبتي بنتج الحين كبرت يعني تقدرين تاخذينها معاج اي مكان حطيها بالعربانه وتمشي
اخذيلج ملابس يديده وحاولي تضعفين وتعدلين البيت
وصدقيني الريال اذا ليلحين ساكت باجر بيتكلم

 

[أم توتو]

بالعكس الرضاعه تنحف انا ارضع سنتين وجسمي يرد مثل اول بس عقب ما افطم البيبي ارد اسمن بس انتبه حق نفسي ماخربط اقوم اشتغل بالبيت انتي سمنتي من النوم والقعده واكيد تاخذيين مانع حمل لازم تتحركين تتمشين تطلعين واكل المطاعم اتركيه اهو اللي يسمنج الله يسهل عليج وتذكري قول الله عز وجل (ان الله لا يغير مابقوم حتى يغيروا مابانفسهم )