مكتئبه و شعري كشه و كرشي لي ركبي .. في أمل اتغير؟

[انا لحبيبي .]

حبيبتي لانك حاسه حالك بوحده وما معك حد ،

فكري بحالك هاد اول بطن وهيك كيف تاني بطن؟؟

اعملي نظام وكلي فوائد عشان بنتك كمان الاكل بأثر على بنتك ،

اهتمي بحالك ، وبانوثتك ،

زوجك الله يعينو بداوم دوامين لازم يرجع يشوف الراحه بالبيت والنضافه ويشوفك مرتبه وحلوه ويشوف بنته مرتبه كمان

بلشي خطوه خطوه ، رتبي البيت نظمي نومتك تحركي بالبيت وانتي بتنظفيه ، بنتك لما تنام بالنهار امشي على جهااز مشي

حاولي نقطه نقطه بصير يلي بدك ياه

 

[تاجي أخلاقي]

حبيبتي أنتي مثلي ... أنا لوحدي بالغربة ... ودوام ريلي صباح ومساء ... فطووووول الوقت ابروحي .....

حاسة بالعجز اللي بلقلبج لأنه كان بقلبي نفسج ... وحاسة بالنفسية المكتئبة اللي فيج لأن نفسيتي كانت جذي ...

بس الحمد لله غيرت روحي ... أول خطوة ,, الصلاة على اول وقتها .. يعني أول ما يأذن تصلين ..< هاذي اهم واهم واهم خطوة .. سبحان الله بالصلاة تتنظم الحياة ...

ثانياً ... ابدأي تنظيف شقتج كل يوم مكان .. مرة غرفة النوم مرة الصالة مرة المطبخ ومرة الحمام ( اعزج الله )
طبعاً مو التنظيف العادي .. لآ .. التنظيف الي تغيرين كل شيء ( تغسلين الطوف وتمسحينها ... الكبتات تنزلين الملابس وتعطرين الكبت باي عطر ثم تردين الملابس بترتيب .. غيري الشراشف ومسحي الارضيات .. رتبي اغراضج بعد ما تمسحين الغبار اللي عليها ... نفس الشيء مطبخج .. غسلي من الداخل إلى الخارج ورتبي كل شي ولا خلصتي تنظيف عطري المكان او بخريه لو عندج بخور )

^ ^ ^
هاذي الخطوة سبحان الله لها تأثير عجيب في نفسج .. صحيح انها متعبه .. لكنها بداية الراحة ...
لأن الانسان ما يرتاح الا في المكان الطاهر النظيف العطر .. لأن الملائكة حوله وتنشر السكينة والطمآنينة ...
لا تنسين القرآن حاولي تشغلين القرآن بصوت مسموع في ارجاء البيت ....
.....

الحين الخطوة الثالثة ... كيف تغيرين في نفسج ...
أول خطوة نظافتج الشخصية ... ابدأي خطوة بخطوة ( حف .. شيرة ... سوي لج لوشن خاص لجسمج )
طبعا قصي شعرج قصة مناسبة .. عشان تحسين بالتغيير ,,..

وأخيرا.. سوي لج جدول تشغلين فيه وقت فراغج .. كل يوم تقومين بشيء معين ..

مرة تزوين جارة او صديقة ... مرة تقرأين كتاب ... مرة تطبخين أكلة جديدة ... مرة تروحين السوق وتشترين ملابس للبنوتة " الله يحفظها " ... مرة تسوين برنامج دلع لنفسج ( استشوار .. ميك آب .. صبغ آضافر )

هالجدول ينظم حياتج ويجددها .. وبعد يرد العلاقة بينج وبين ريلج لأنج كل يوم عندج عمل مثله وتنطرين ردته ...
عكس لما تكونين فاااااااااااضية ولما يجي ما تدرين شنو تسوين له ...!!!

...موفقة قلبوو .. واي مساعدة حاضر ...

 

[الملكة كوكو]

هذي كآبة ما بعد الولادة , بس انتي طولت معاج وايد , و اذا عن الرضاعه ترى انا بعد رضعت و فعلا اهي صعبة وبالنسبة لي كان جهاد ارضع البيبي و اداوم و بدون مساعدة امي او خادمة ما كان عندي و بنفس الوقت احاول استعيد طبيعتي و جسمي و شعري و بشرتي , الله يكون في عونج و ان شاء الله تتعدل نفسيتج و يتعدل كل شي ​

 

[جرووح غالية]

أختي ليش هاده روحج جذي حرام عليج أنا عندي سته وجسمي رشيق شعري حلو بشرتي ما شاء الله روعه و هذا بفضل الله ثم لأني أحب شكلي فرش دايم الحمل ما يخرب بلعكس يحلي الوحده بس الوحده لا تنسا روحها وعليه هاذا ونتي بلندن ورجلج يطالع هشماحيط قمي قمي قمي روحي الصيدليه أخذي كريمات عنايه بلبشره والشعر وكل يوم أطلعي أمشي من العصر لين المغرب خو الجو عندكم يهبل وشهر أصيري وراح تشوفين اللي يسرج أهااااااااااااااااااا خلي الرباده عنج

 

[لمسه ضياء]

البنات ماقصروا
يعطيهم العافيه

وان شاء الله شجعووج واقنعوووج


فيه آمل ونصصصصصص بس شدي حيلج ​

 

[وايت اند بلاك]

الحين انتى فى بربطانيا بلد الخضر والجوالرهيب اطلعي واتمشي وانصحج اشربي اول ما تصحي
من النوم قهوة تركية بدون سكر وقوومي اشتغلي فى الشقة نظفيها ورتبيها وبخريها
وبعدين اكلي الج شئ كورن فليكس او خبز وجبنة واطلعي من الشقة اتمشي
اتركي عنج الكسل والخمول وانطلقي وجددي حياتج زي الاول واحسن بعد ارجعي عروس جديدة
بالتوفيق حبووبة

 

[mysterious sea]

اهم شي الاراده وكل شي بيدج

انتي تقدرين تغيرين نفسج مثل ماحطيتي نفسج بهالحالهـ

كل شي بيدج

شدي حيلج وابدي من باجر وعسى الله يوفقج يارب

 

[!الجادل الصعب!]

آآآآول شي تقربي من ربج بالعبآدات عشآن ترتآحين والنفسيه ترتآح
بعدها ابدي شووي شووي بالتغيير .. ممكن تفطمينها من الرضاعه عشآن تقدرين توخرين عنهآ شوي ..
حبي نفسج عشآن يحبج ..

 

[q8moood]

اولا : انا ما الومج على الحالة النفسية اللي انتي فيها .. ترا المرة بعد الولادة تتغير عندها الهرمونات وهذا يأثر
حتى على شعرها ويبدا يتساقط فما بالج النفسية .. والكرش ترا تاخذ وقت عشان تروح انا 9 شهور يالله ردت طبيعية .

ثانيا : بالنسبة لأهلج .. في طرق للتواصل بالنت وبالأيفون وبلاش .

ثالثا : بالنسبة لزوجج انتي تقولين يروح مبجر ويجي متأخر .. انا انصحج تنامين اول مايطلع وعدلى نوم بنتج معاج ..
والفراغ انا مجربته يخليج تشتهين الاكل عشان جذية سوي لج برنامج يومي واسبوعي للاهتمام بنفسج وبنتج وبيتج
عشان تنشغلين عن الأكل

رابعا : اذا نفسيتج جذيه شلون زوجج!!! المفروض انتي تعينينه على هالحياة وتعوضينه عن اهله وهذي فرصة
لصالحج عشان يتعلق فيج اكثر واكثر .. استقبليه بالطباخ الكويتي والعود والبسي هالدراريع والعصاري ضبطي
هالقهوة اللى تعدل راسه .. خليه يحس انه مو مغترب ويجي مشتاق لج ولبنته ..

ولاتزعلين مني :
اول مره اكتب تعليق طويل بس بصراحة انتي بطيتي جبدي .. انا اعرف وحدة نفس حالتج بس زوجها كان يدرس
طب بكندا وكانت بنت الحلال ماتعينه وتحلطم ومو عاجبها الوضع وهو نفسيته تعبت من الغربة .. اول مارد تزوج
يعوض السنين اللي ضاعت معاها ..
فلا تغلطين غلطتها .. نصيحة من اخت .

 

[نشيج الروح]

نظمي وقتج وحطي لج جدول وإن شاء الله تمشي أمورج

 

[ليدي اكتوبر]

تقربي لله سبحانه
انا اتوقع انج بعيده عنه لانج إذا رضيتي الله يرضيج
شوفي علاقتج بالخالق شلون
ومايحتاج تحفين بالصوالين لانه حرام وكشف عورات وانتي تريدين التغير لاتغضبين الله بإرضاء نفسج أو زوجج تقدرين تحفين نفسج انتي واحتسبي الاجر لانج تكونين في جهاد اذا نضفتي بيتج ونضفتي نفسج وحفي
اول شيء تبدين فيه هو
الطهاره والصلاه وإطلبي من الله المعونه سبحانه وحين اتى الرسول عليه الصلاه والسلام لإبنأته فاطمه رضي الله عنها
وكانت تريد خادم من ابيها الرسول صل الله عليه وسلم وقال لها
ألا أدلكما على خير مما سألتما إذا أخذتما مضاجعكما أو أويتما إلى فراشكما فسبحا ثلاثا وثلاثين واحـمدا ثلاثا وثلاثين وكبرا أربعا وثلاثين فهو خير لكما من خادم
استغفري وسبحي واجعلي لكِ ورد يومي من القرآن
ومن ثم ابدئي في بيتج ونفسج وطفلج وتجدين راحه لم تشعري فيها ابداً حين تتقربي إلى الله سبحانه
وتجدين الزوج يتغير إلى الاحسن وإدعي ان ربي يجملكِ امام زوجج ويخفي عيوبج عنه ويضهر مفاتنج له
وغيري انتي من نفسج .
أسأل الله العضيم رب العرش العضيم أن يبدلكِ من الحزن إلى الفرح ويسخر لكِ زوجكِ ويجعلكم صالحين مصلحين .
استودعكم الله
ولاتنسين فأنتي سفيره لدينج وجعلكِ ربي بين الكفار فماذا تفعلين لهذا الدين أحياناِ تكون الكلمه الطيبه والابتسامه سبب في الدعوه للاسلام
بارك الرحمن فيكم وبكم

بارك الله فيها ماقصرت
ثانيا
اول طريق العلاج للاكتئاب
هو تيقنك بانك مصاب به
يعني الحين عرفتي ان فعلا حالتج مش ولابد
بالعربي
ون تو ثريييييييييييي
قوووووووووووووووووووووووووووووووووووووووووووووووووووووووووووووووووووووووووووووووو
لين توصلين الي تبينه
وغيري اماكن الاثاث بالشقه والله يسسسسسسسسساعد ثم يسااااااعد

 

[انبثاقة فتاة]

ياأختي ...........

يعني تتوقعين تلقين حلول هنا وانتي ماتبين تتغيرين ........

ان الله لايغير مابقوم حتى يغيرو مابأنفسهم

لابد انك تعزمين على ترتيب حياتك واتركي الفوضى والتخبط اللي ملازمكي

الحل في القران وطاعة الرحمن

الشئ الثاني عليكي بحصة رياضية في اليوم لمدة ساعه لانك اكيد بتعانين من اكتئاب نفسي وافضل طريقة لعلاجة هو طاعه الله ثم رياضة المشي لمدة ساعه في اليوم .........

والله يعينك

 

[@الليدي لين@]

في أمممل وآمااااال بعد بس انتي عزززززمي من الحين رووحي حفي شيره ولااا تاكليييين خففي خففي حيييل

وركضي ورقصي ودوري بالشقه عشان تضعفين غيري نفسيتج


كشششخي اااخر كشخه خلي ريلج ينصدم من كشختج وتدلعي



سوووي كل شي قولي حق نفسج انا بتغيير

 

[ابدا يالغالي مانساك]

ياااااااختي انت ببرطاااااانيا
الاجوء الحلوه طلعي روحي
عزمي من داااااخل نفسج علي التغير
لاتكسيلين وتقولين بااااااااجر باجر
اولا اهتمي ببيتج من نااااااحية النضااااافه
وعاااااد انتي اهتمي بحالج وليه هامله
روحج جذيه وتعترفين بكشتج وكرشج
وشعر ريولج
انتي ببالج تتوقعي زوجج شنو يقوووووول
عاد الرياجيل نوقيدين لابعد الحااااالات
وعاد بنتج صغيره بسم الله عليه
وخففي من الاكل وبتعدي عن الوجبااااات السريعه تراء هي حيل تمتن
والخرابيط
عشان نفسج
وتنفتح نفسيتج بعد
ربي يوفقج

 

[الغاليه ام احمد]

هاااااااااااااا حبيبتي الراي الاخر

ما رديتي علينا وقلتي اخر التطورات اللي سويتيها

 

[السيده ام حسين]

حببتي من كلامك الظاهر معاك اكتئاب مابعد الولادة
انصحك تروحي المستشفى يكتب لك العلاج
تمنياتي لك بالشفاء

 

[خشف العذارى]

اب اب اب

 

[ساإرهـ]

الله يعينك

 

[الـجـميلة]

مالج حق تردين الكويت سمينة كل هالطبيعه الي هناك وما ملت عينج علي انج تسوين شويت رياضة واكل صحي حرام عليج يامعودة شكلج استخفيتي من القعدة هناك ردي وحطي حرتج بالمجبوووس هههههههههههههههههههههه

 

[شانيل نمبر 5]

ووووووي
ذكرتيني بنفسي...كانت معي بنتي عمرها 3اشهر وحملت وراء علي طول..ماعندي وقت لي ولا للبيت ولا للزوجي ولا بنتي..
بس امي كانت تعطيني نصايح..بس انا جبت وحده عراقيه تساعدني بس مو كل يوم
كل 3ايام اروح اسوي شعر بالصالون واهم شئ البيت يكون نظيف
وتر ادري صعبه الغربه...انا سنتين ماشفت اهلي...اجنيت...وكان وقتها ماكو لا واس اب ولا بي بي
بس ماسنيجر