مكتئبه و شعري كشه و كرشي لي ركبي .. في أمل اتغير؟

[هيبة ملك]

الله يعينج

لكن فيه أمل إن شاء الله
عزمي وتوكلي على الله

 

[miss swan]

حطي البيبي بالعربانه وامشي كل يوم الصبح
نفس الاجانب
والاكل لاتكثرين وجبات موزينه سويلج شي خفيف
كثري خضره كل ماجعتي اكلي خس او جزر
طلعي مع البيبي القعده بالبيت اهي اللي تمتن
ييبي بيبي ستر مثلا ست ساعات روحي طلعي غيري جو بدال القعده وسوي غيري ستايلج
كثري ماي
العشى خليه بسيط مثل كوب حليب وكورن فليكس هم كوب
وبالنهايه مراح تظعفين الا لما تقررين
والاراده انتي تصنعينها​

 

[اميره1980]

حبيبتي ترا شغل البيت بروحه رياضة
تحركي و نظفي بيتج راح ترتاحين نفسيا
لعبي مع بنتج و ركضي وراها لمن تحبي على الارض
حطي بنتج في عربانة الاطفال و طلعي المولات مالوتهم ببريطانيا و تمشي و الجو حلو عندهم روحي حدايق
لا تخلين روتينج واحد يوميا
يعني يوم نظفي
و يوم طبخي و يوم طلعي مع بنتج و يوم خليه للعنايه الشخصية شيلي جسمج كله بالشيرة لمن بنتج تنام
و انتي تشتغلين بالبيت شغلي بالتلفزيون فلم حلو اذا تلفونج ايفون سمعي برنامج او شي تحبينه قرآن كريم

 

[LeeMa q8]

الله يعينج حبيبتي ويسخرلج رجلج يارب

 

[شربت من نيلها]

ما شاء الله على البنات بصراحة كفوا ووفوا
وانتي حبيبتي انسي كل شئ وانسي جسمك هو ايه وابداي التغيير
وزي ما قالوا هي مسألة ارادة حطي في دماغك انك تغيري من نفسك
قومي الصبح بدري اول شئ اذكري ربك واستغفري وبعدين ادخلي الحمام واتوضي
واغسلي وجهك بالماي صدقيني بتعطي نضارة فوق الطبيعي وصلي الصبح بدري
وخلي ذكر الله دايماً على لسانك واساليه بالسجود انه يهون عليكي الغربة ويجملك بعين زوجك
وكلنا بغربة وبنشتاق لأهالينا بس لو اهلك عرفوا حالك والله بيحزنوا عليكي لانهم يتمنوا ليكي السعادة في حياتك ونزلي برنامج ع الكمبيوتر وكلميهم منه وشوفيهم باالصوت والصورة
وحاولي بعد الصلاة لو زوجك موجود تفطروا ولو مش موجود افطري انتي وحاولي على قد ما تقدري تكتري من التفاح بصراحة مخلي جسمي تمام
وشوفي الشقة نظفيها واجمعي الملابس المتسخة واغسليها وبخري الشقة ومارسي رياضة وبنتك رضعيها وحطي قدامها لعب واعملي ماسكات وحمامات مغربي واهتمي بشعرك قصيه واصبغيه وصدقيني انتي هتتغيري وكمان زوجك هيفرح بيكي وربنا يدوم عليكم السسعادة يارب اللهم امين
(يمكن كلامي ملخبط بس والله اعتبرتك اختي وحبيت انصحك قبل الفاس ما تقع بالراس​

 

[الأماكن]

ماشاء الله البنات ما قصروا بالنصايح ...كل اللي في بالي قالوه

بس الارادة والعزم بالتنفيذ يبدأ منج انتي

واهم شي ... نظمي وقتج ... ماكو شي صعب

حمدي ربج بيبي واحد وجذيه ... لو 2 ولا 3 شتسوين

العيب منج انتي ما عندج ارادة ... خليج قوية

 

[المكسيكيه]

اي شي صح

 

[نفهمها صح]

الله يهديج جايبه الاكتئاب حق نفسج
ولدتي بعمليه قيصريه
اطبخ اشيل اعيالي واسهر من 2بليل بلبيبي
الي صبح وربي وانا صابره مضايق لانه دوري في الحياه
وازيدك الخياطه حقة القيصريه من كثر تعب تنفتح عندي كذا فتحه من برا
والحمدالله
خلاص من ينام اقووم اخلص كم شغله وارجع انام وانتي معندج احد بيخرب الي ترتبينه
وشيلي فكرة هلك من بالك خلاص ساعدي نفسك بنفسك
اكييد الجوو عندكم يجنن يساعد انك تغضيين اشغالك الصباح
حطيلك برنامج وكل يووم سووي شي ​

 

[dectora 7elwa]

حبيبتي ولا يهمج

انتي بحسبت وحده من بناتي وبقولج انسي اللي فات وابدي من يديد

اللي فيج اكتئاب بعد الولاده وانتي حبيبتي ما عندج احد بروحج وياهل وريل لاهي بشغله

ولا تلومينه اذا بدا يبعد عنج طبعا من شكلج اللي وصفتيه لنا احنا اخترعنا واحنا ما شفناج اشلون المسكين

حبيبتي شقق بريطانيا صعيره وهم فللها انا رحت لندن وقعدت اشهر ومعاي يهال وبدون خدمي

طبعا بالاول نفسيتي اتعبت يهال وبيت لكن بنفس الوقت ادري ان ما عندي احد يساعدني

وكله مده وتخلص هالغربه فاعتمدت على نفسي والله حتى العزايم اسويها

فانتي الحين اخذي قرار انج لازم تتغيرين للاحسن وانج مصممه على هالشي

ترى بالاراده كل شي يصير

اولا البيبي توه صغير يعني ما يمشي وتتاذين

قومي الحين دشي الحمام وشيلي كل هالغابه اللي بجسمج وتسبحي وتوضي ((حبيبتي لا تزعلين والله اني انفعلت معاج لاني حاسه فيج وحاسبتج من بناتي ))


ثانيا مسكي القران واقري جم سوره وراح تهدا نفسج

ثالثا حاولي قد ما تقدرين تنظفين بالشقه اليوم والباقي باجر

رابعا شيلي من بيتج هالحلويات اللي تسمن وحطي مكانها فواكه

اذا رد ريلج ابتسمي بويهه وطبعا وانتي لابسه ومشطه الكشه ومتعطره وقربي يمه

وقوليله باللي انتي حاسه فيه واعتريله عن الفتره اللي طافت

وصدقيني اهو اللي بلمج

ومن باجر بعد ترتيب الشقه والاهتمام بنفسج اخذي البيبي بالعربانه وطلعي بره شوي تمشي

وراح تردين ونفسج حلوه

وحاولي تتقربين من جاراتج عشان تشغلين وقت الفراق اللي انتي حاسه فيه

وصدقيني بالفربه مرات الجارات يصيرون اقرب من الاهل

وكلها مده دراسه او شغل وتردين للديره

حبيبتي كل شي بالعزيمه يصير

والله يوفقج ويهدي بالج ويخليلج ريلج وبيبيج

ماكو احلى من هالكلام
وكل البنات ما قصروا

 

[ليدي دانة]

ديري باااالج لايطير وبااجر تحسفين لا فات الفوت ماينفع الصوت قرري وعزمي مثل ماقالت الاخت
وبنيتج بالعكس تونسج بالغربه تقضين معاها وقت حلو
خففي رضااعه
وابدي اهتمي بنفسج اشتغلي عشاان تضعفين
اهم شي اذكري ربج ع طول
واهمتي بنفسج حفي الله لايهينج وتسنعي قبل لايصير شي لاتحمد عقباه اذا صد عنج وشااف له شووفه ماراح ينفعج الاكل والربااده
الرجال يبي سنع وزين ونظاافه الصبح لبس وبالليل لبس
والا منتي شاايفه غير غبرته وانا اختج

:eh_s(15)::eh_s(15)::eh_s(15):

 

[كويتية بروما]

والله ما لومج الغربه صعبه ومحد يعرفها لين يجربها
نظمي وقتج وحياتج وحاولي تردين الكويت تغيرين نفسيتج

 

[جووووري الربيع]

حبيبتي البنااااات ماقصروا قالوا كل الي بخاطري حبيبتي طمنينا عليك بعد التغيييييييييييير ان شالله بانتظارك

 

[ليدي الامارات]

الله أيكون فعونج حسه فيج أنا مثلج توني والده من ست اشهور بس يوم كملت اربع اشهور رحت عند دكتورا تغذيه عشان انزل لاني ارضع واحس بالجوع ومشيت على نضام غذائي والحين بداء جسمي يلتم وبديت اهتم في عمري حاولي حبيبتي وبتقدرين

 

[ام مهرة 2009]

تعوذي من بليس

البنات ما قصرو يزاهم الله خير

وانت تيمع عليج شي الغربة ريلج مشغول وايد والثاني البيبي

الغربة مو سهلة لكن انت خليها حلوة وطلعي احسن ما فيها استفيد من المتاح لج اهني وبتمر بسرعة ترى اصعب شي اول سنة عقب بتعودين على الفراق وبتعتمدين على نفسج.

البيبي اخاف ما تشبع علشان جذي تقوم عليج بالليل عطيها رضعة اخاف ما يكفيها منج بس اذا شبعت بتنام
لازم تنضمين وقت نومته ورضعته بالبداية بتتعبين لكن صدقيني بترتاحين وايد عقب
مافيها شي اذا ساعدج بيبي ستر دير كير لو اربع ساعات تتفرغين لنفسج وتروحين تمشين ولا تشتركين في نادي
غالبا النوادي النساءية توفر لج دير كير خلال فترة تواجد .
اهمالج لنفسج مسبب لج الاكتئاب خلي لج هدف الست الشهور تشتغلين على نفسج خذي لج رجيم متوازن اكلي عدل وغذي نفسج بياثر على نفسيتج حافظي على رياضة خلال اليوم حطي بنتج بعربانة وامشي
اهم شي خلي لج ورد يومي من القران وقيام الليل لو 3 ركعات

انت سهليها على نفسج وببتسهل

لا تنسين الكحلة والحمرة تسوي فرق

 

[نور مغليها]

اي عادي تقدرين ليش لاء
بعدين هذي أول ولاده لج شلون بتعيشين حياتج يعني ؟؟؟!
شوفي البنات جدامج وشوفي الدنيا وابدي غيري نفسج

 

[عزتي في عفتي]

انا حاسه بك مثل شعوري بتمام انا مغتربه وبامريكا وان شالله ربي يرزقني بيبي والله ماامل من مجالسته بالعكس هو الي يونسك وانا فعلا قد طرحت مشكلتي علي الصبايا هنا بالمنتدي واجابوا علي بس اضيف بما انك بصيف خلي كل اكلك فواكه وعصاير وحاولي علي قد ماتقدرين انك ماتكثري اكل خاصه الوجبات السريعه او اطلعي كل نهايه شهر لمطعم والباقي انتي تلزمي عمرك بدايت واجباري انا صرت ماشتري لا بان كيك ولا كولا ولا اشياء من هذا لانها هي الي يعرقلني والله جد احس نفشي صرت خفيفه ومثل ماقالت وحده من الاخوات كلمي اهلك بسكايب انا اكلمهم والله ولا كاني بعيده عنهم بالعكس كاني بمنطقه قريبه منهم لا التكنولوجيا قربت البعيد والله يرجعنا الاهلينا سالمين انا وانتي وكل مغترب ان شالله ياربي

 

[مملوحة_الوصايف]

طيب انت في بريطانيا يعني استغلي ثم استغلي تقدرين متى ماتبين تتطلعين تتمشين بهالحدايق وش حلاتها والجو منعش

اذا جاء ويك اند اطلبي من زوجك ( مع اني اتوقع عندكم داي كير مراكز راعيه اطفال لمده يوم ونص يوم او بيبي ستر )انك تخصصين لك يوم او نص يوم تروحين سبا او مشغل يحفون لك ( واذا تقدرين على الليزر احسن واحسن خصوصا عندهم تطور ومضمون ان شاء الله ) و استانسي وخذيلك مساج و كريمات وغيرها , روحي اشتري لك ملابس جديده بتتشجعين على الريجيم والرشاقه
ببريطانيا عندهم هايبر ماركتات كلها اكل صحي تسوقي من هناك خلاص او سجلي باللي مثل دايت سنتر , اكل المطاعم خلاص وقفيه الله عليج واكبر وجبه عائليه كلها تاكلينها
الشقه عقب ماتسوين كل هالاشياء بتحسين باانتعاش روحي نظفيها وعطريها دلعي نفسج واعزمي الناس لا تنعزلين بيطلعونج من الجو اللي انتي فيه+ هناك بالغربه كلكم على قلب ان شاء الله وبتستفدين منهم في اماكن رعاية الاولاد ومعرفتهم غير الوناسه
اهلج حطي لج برنامج سكايب صوت وصوره على الاب توب احسن لج ومافيه خساير

نفس الي كنت بقوله تقريبا تقدرين تمشين او تاكلين وجبات صحيه هناك او يبيلج وحده تشوف البيبي وهناك معاملتهم حق اليهال احسن من الهنود والسيلانيات الي عندنا مليون مره واذا ما رضا ولا شي انتي قوليله ابي ارد مثل اول وشجعي نفسج وشجعيه ولا دشي النت شوفيلج اي رجيم تبينه او اتبعيه هناك والاغراض الي تحتاجينها كلها بهالسوبر ماركت الي عندهم او غير جذي ليش ما تسوين ليزر اكيد هناك ترس العيادات وفكي عمرج اذا انتي مالج خلق شي والله يعينج

 

[ام زاكي]

شكلج مابرحت فيج كئابة مابعد الولاده بس لازم تغييرين من نفسج وبنسبه حق مكالمات مع اهلج الله يخلي الماسنجر

 

[يكفيني حنانك..]

والله يا حبيبتي تقققدرين ونصصص
بقولك عن زوجة اخوي ماشالله عندها ست عيال
وماشالله لا اله الاالله وتبارك الله انظف منهم ماشفت وارتب منهم ماشفت وهي قمه قمه بالنظافه والشياكه وبيتها بأي وقققت تجينه يلمممع وريحة البخوررر وهي ماشافت ولاربع شغاله
وانتي بس بنت وحده وحالتك حاله؟؟؟
لاوفوق هذا زوجك اغلب الوقت مو عندك يعني يبيلك بس ترررتيب وووقت رتبببي وقتك اول ماتنام بنتك ابدي حفي واذا قامت رضعيها وحطيلها العاب او اي شي تتسلى فيه واقعدي عندها واستشوري وتظبطي يعني انتي ادرى بوقتك واككككيد تعرفين ترتبينه بس الاهمال ذاااابحك تنشطططي حبيبتي وغغغيري نفسيتك ونفسية زوووجك
وادعيلي بالحممممل

 

[مـزآج ــــية]

ما يصير هالطريقة حبي

كل الحريم يابوا عيال بس ما هملوا الدنيا كلها
و لا تخلين الغربة الشماعة اللي تبررين عليها كل شي
تاقلمي مع وضعج اليديد و اشتغلي ع نفسج و بينج
الله لا يقوله لا طار منج الريل تندمين

شدي حيلج و اشتغلي ع نفسج
اصلا اعدها وناااسة مو شغل