ملتقى الأمهات - مدارس الخاص + فهرس المدارس الخاصهܓܨ@

[jolie_q8]

رد: ملتقي الامهات - مدارس خاصه

صباح الخير

ترى ما ثريت الصفحات اللي طافو .. فاعذروني ...

باونتي .. مبرووووووووووك قبول ولدج ويارب تفرحين فيه بقبوله بالجامعه

إسكندرية ماريا .. ما عندي فكره .. بس في مدرسه اسمها [الرواد] بالفروانيه واعتقد تقديم المدراس الخاصه بدأ

rawona .. اتوقع الاختبار ماراح يطلع عن ساوند الحروف ..لازم تعلمينها تعرف كل حرف مع الساوند .. مثلا c >> ka

فهمتي قصدي .. وخل تعرف الاشكال والحروف و وسويلها خطوط (مستقيم ومتموج ) بالورقه وخليها تمشي على الخط وخليها تمسك المقص

وتقص الخطوط ..

اتوقع هذي اختبارات غريد 1

بالتوفيق

أوشال .. وايد صغيره بنتج .. نطري عليها حرام ..وان شاءالله تفرحين فيها وهي متخرجه من الجامعه وعروس

كوين .. أي مدرسه انتو؟


New Mum .. يا هلاااااااااا ومرحبااااااا .. شالدينا فيج ما تبينين كلش

هالمدرستين اعرف ناس عيالهم فيهم بس ما دري عن مستواهم بصراحه

ان شاءالله يفيدونج البنات

والحين نيي حق رفيقات النضال والكراف (رفرف- مناره - مس تايقر)

شكلكم كلهم بالسبورت دي @@ انا جيوبي شابه علي والحين بلبس وبروح حق الشباب

وشلونكم مع التراب والعفسه .. ليمتى الشوارع جذيه :/ كفايه الغبار .. انا بصراحه تعبت نفسيتي من التراب

وشلون عيالكم من عقب العطله .. انا عيالي غيبتهم الأحد تعبانين من عقب الشاليه والخشوم حدث ولا حرج

عطوني أخباركم .. سي يو

 

[7bebta bs]

رد: ملتقي الامهات - مدارس خاصه

بنااااااااااااااااااااااااات بليز بليييييييييييييييييييييييز ابي احد ينصحني بمدرسه نفس السلم الدراسي الحكومي
انا بنتي ب البريطانيه بس ودي ما تسبق عمرها لسمح الله بطلعها ما ابيها تنزل ؟؟؟؟
ساعدوني حدي متوهقه

 

[برونزية رشيقة]

رد: ملتقي الامهات - مدارس خاصه

باوبنتي : يا بعد عمررررررررررررررررري أخجلتيني برسالتج ... أخت عزيزة وغالية والله ... يارب تفرحين فيه معرس إنشاءالله

كيتي : امبي الياهل في مدرسة (( روض الصالحين )) مو هذول لبسهم أخضر فستقي ؟؟؟؟؟؟؟؟؟؟؟؟؟؟؟؟ قولي أي مدرسة ؟؟؟؟

 

[New Mum]

رد: ملتقي الامهات - مدارس خاصه

أهلييييييييييين جولي إي والله لونق تايم ميسد يووووو :*
إنشاء الله باجر بمرهم و بشوفهم بأم عيني مثل مايقولون
وبقولكم رايي انتظرونا

 

[حلم الطفولة]

رد: ملتقي الامهات - مدارس خاصه

قطوه 1 .. كيتي كتبت الموضوع عن المدرسه روحي شوفيه : كسر خاطري هالولد .. شوفي تعليقات البنات .. الكل عرف المدرسه .. صح كلامج هذي هي .

 

[سيدة الكويت]

رد: ملتقي الامهات - مدارس خاصه

روض الصالحين =====لبس اخضر فستقى

 

[(أم ضاري)]

رد: ملتقي الامهات - مدارس خاصه

صباح الخير
أحد سامع عن الأكاديميه الامريكيه للبنات شلون مستواها و اهتمامها بالطفل ؟
أو الامريكيه ثنائية اللغه بخيطان ؟
أفيدونا

بصراحه انا مدخله عيالي المدرسه الأمريكيه الثنائيه اللغه الي بخيطان
واييد زينه وقويه وعندهم الروضه والأبتدائي مختلط والمتوسط والثانوي مفصوليين
المتوسط و الثانوي بنات مبنى بروحهم وحتى الأولاد مبني بروحهم
مدرسات اجانب مو هنود
وعربي وايد قويه وعندهم اجتماعيات والتربيه الوطنيه وماده القرآن والتربيه الأسلاميه
والله انا مرتاحه منها والأداره وايد زينه

 

[jolie_q8]

رد: ملتقي الامهات - مدارس خاصه

استغفرالله العظيم

هذي المدرسه توجهها ديني بعد !!

لاحول ولا قوه الا بالله

اذكر من زمان عضوه هم كاتبه انه المدرسه طاقه بينت والمدرسه معقده شي جذيه !!

 

[أوشال]

رد: ملتقي الامهات - مدارس خاصه

مشكورة جوولي على الرد

زين يعني ادخلها حضانه يعني ؟؟ لأن اللي أكبره من بجم شهر بيدشوون الروضة هالسنه !!

الkg1 يستقبل اي عمر ؟؟

وما قصرتي حبيبتي

 

[رفرف]

رد: ملتقي الامهات - مدارس خاصه

أوشال ..

لا ماظن يقبلونها لأني سائلتهم لي اي تاريخ يقبلون (احاتي مستقبل مسوكة بنتي 31-3 وعليا اللي اكبر منها باسبوعين يدشون المدرسة وهي ماتدش) قالولي ما يقبلونها حدهم لي 15-3 مثل الحكومة ...


شلونكم اليوم مع السبورت داي ؟؟
انا شفت منارة وفرصة سعيدة اللي شفتج ترا ما هقيتج تيين ليش على خبري والدة ونفاس قلت يمكن تطرشين احد ..
وبلوزة المعرس حللللوة انا قاعدة اطالعها قبل لا ادري انه ولدج عليه بألف عافية ..
وانشالله لي نقلت صور صبوية اطرشلج صور ولدج لأنه كان يمها باللاين بجم صورة ...
وشفت تايقر على السريع

بنتي اليوم حدها مستدعلة اول شي مارضت تلعب ضيقت خلقي مريضة ولا قدرت تاكل اصلا من بطلو جناطهم بغت تكرمون اترجع غصب غصب كلت بسكوتة وعلى الاخر شوي صحصحت واستانست
والظاهر وجودي له تأثير سلبي عليها تتدلع وماتبي تلعب وتحوس يمي مالها شغل باليهال حتى المس قالتلي ترا اهيه مو جذي بس مادري شفيها اليوم ..
وما مداها تفرح رحنا الجمعية والا اشوف حرارتها ردت ارتفعت وردينا البيت


جولي ماشفناج صف ولدج كان اي لون ؟؟
احنا البنفسجي وانا كنت البطة اللي لابسة نفنوف كحلي وبنفسجي علبو يعني مآزرة فريق بنتي ..

 

[manarah]

رد: ملتقي الامهات - مدارس خاصه

اهلين رفرف وانا استانست بشوفتج وما تشوف شر صبويه .. وبالنسبه لروحتي شسوي كسر خاطري واهو امس بس يسأل باجر اتيين تشوفيني وانا اقول انشالله ومو ناويه اروح بس امي قالتلي طالما يحن جذي خلاص روحي وبعدين انا تقريبا بيصيرلي شهر من والده يعني عدى الشر انشالله ... وترى هم ولدي بعد اذا شافني ينحرج مادري ليش بس لما شاف ابوه بعدين قام يشارك بحماس عشتوا .. انشطتهم اليوم وايد حلوه بس احس ليلحين راسي يعورني من الشمس

مس تايقر انا اعتقد شفتج .. انتي عندج اصبيين الله يسلمهم وكانوا لابسين كابات نفس الشي ملونه .. صح ؟
مس جولي ما يشوفون شر اعيالج

 

[باونتى]

رد: ملتقي الامهات - مدارس خاصه

الله يبااااااااااااااارك فيكم .. ويبلغكم يعيالكم ان شاء الله ..

 

[rawona]

رد: ملتقي الامهات - مدارس خاصه

موفقة راووونا

ان شاء الله تنجح وي انا ليلحين ما رحت كل يوم اقول باجر وحدي خايفة تروح علينا

بس لا تحتين اكيد بيسألونها عن الالوان والحيوانات والاحرف الانجليزية والعربية والاهم انها تعرف تكتبهم يعني هذا اقل شيء

لاني بنتي بريسبشن وراح تروح يير 1 واللي يعطونها اياه هوم وورك عربي وانجليزي
بالانجليزي الحين بدت تكتب الارقام مع الووردز مالتهم وهمن تسوي تريسنق وتحاول تتعرف على الكلمات اللي اهيا الهاي فرنكونسي ووردز وطبعا تقرا قصة من الصور تشوف وتشرحهم وطبعا العربي تكتب احرف وارقام وكلمات للحرف اللي يدرسونه يعني تتعلم تكتب الاحرب بالكلمات

وجنه هالاسبوع يبدون مشبك معاهم

يعني اعتقد هذا اقصى شيء ممكن يسألونها

وي يعني انا اثنينهم بيسوونلهم اختبار وي مادري شراح اسوي بصراحة ليلحين محتارة تصدقين

روونا


انتي دفعتي فلةس للاختبار والا شنو ؟؟؟

واذا عزمت عليها راح اطلب منج تغششينه للللووووللل

جولي و كوين مشكورين على النصايح انا اللي خوفني قالولي هم بيسولها امتحان math اوكي بنتي تعرف الارقام وتكتبهم وتعرف جمع الارقام بس الطرح للحين

الشغله الثانيه بنتي يايه من حكومه والله معلومات ZERO كل شي متعلمته مني انا يعني زين مني والله وانا مو مدرسه!!

الاحرف العربيه ماتعرفهم تعرف الاحرف الانجليزيه كلها بس عندها بعض الاحرف تعكسهم مثل e, c, وتخربط بين b,d

وهم ال w, m اي حرفين عكس بعض تخربط بينهم بس اسمالله عليها اقولها spell apple تتهجاها وتكتبها وتكتب اسمها وتعرف الاشكار تخربط بالمستطيل والبيضاوي والمعين بس ميخالف
والالوان تعرفهم بس انا خايفه تخربط بالقراءه لانها ماتمرنت عدل مدخلتها دوره الحين وتوها اول اسبوع مايمدي

الارقام تعرفهم بس تخربط بقراءتهم واخاف اتنح بيوم الامتحان
تغني الاناشيد الانجليزيه كلها وتعرف اسماء الحيوانات والاشياء بس مو قراءه طبعا!!

شيبوووووووووووون بعد حدي احاتي


وكوين لا مادفعت لهم شي قالولي ما ادفعين الا اذا سويتي المقابله مع انها قبل كانت قايلتلي اذا دفعتي يعني مقبوله فمادري والله باخليها على التساهيل ..

دعواتكم
​

 

[رفرف]

رد: ملتقي الامهات - مدارس خاصه

روونه ..

اتوقع جذي اسمالله عليها تعرف كل شي خلاص لا تحاتين ..


مناره ..
عيل مو بس بنتي اللي تتشيحط جدام الابو والدلع والدعالة لي انا ..
حتى يوم مقابلة الكيجي امادخلت معاها قلت مليوووون بلمية بتقول مابي وماعرف وماقدر ابوها دخل معاها يقول بدعت تتشيحط جدامه تحل وتقوله شووفني اعرف !!
واليوم اخر فنتق طلعت فيه تقول اهمه تدربو ع الالعاب يوم كنت غايبة انا ماعرف العب مثلهم شنو تبيني العب واتفشل ؟؟..

 

[jolie_q8]

رد: ملتقي الامهات - مدارس خاصه

اوشال / مثل ماقالت رفرف مواليد 15 -3 وما قبل

والله انا ماحب الياهل صغير يكسر الخاطر بصفه انا ولدي مواليد شهر 11 ويكسر خاطري احس اصغر من اللي معاه

رفرف / وي رحت .. صف ولدي اللي لابسين أبيض .. ما دققت على الامهات بصراحه انا رحت بالعشر ونص

وكنت تعبانه اليوم وايد .. بس خوش يوم رفهو شويه عن روحهم

توقعت اشوف مس تايقر .. بس ما عرفت اشلون الاقيها لول

مناره / الشر ما اييج حبيبتي

ان شاءالله نلتقى مره ثانيه .. ترى عندكم حفله التخرج .. صج هذي الوناسه ... وشعور حلوووووووو

الله يبلغنا فيهم متخرجين من الجامعه .. قولو آمين

 

[jolie_q8]

رد: ملتقي الامهات - مدارس خاصه

rawona / لا تحاتين وان شاءالله تنقبل

بس نصيحه اذا انقبلت دخليها نادي صيفي او معهد او كورس تقويه ويفضل بنفس المدرسه .. علشان تمشي مع اللي بسنها

لأنه غالبا اللي بأولى يكونون بنفس روضه مدرستهم

وماشين على منهج معين

والله يوفقهم يارب

 

[rawona]

رد: ملتقي الامهات - مدارس خاصه

rawona / لا تحاتين وان شاءالله تنقبل

بس نصيحه اذا انقبلت دخليها نادي صيفي او معهد او كورس تقويه ويفضل بنفس المدرسه .. علشان تمشي مع اللي بسنها

لأنه غالبا اللي بأولى يكونون بنفس روضه مدرستهم

وماشين على منهج معين

والله يوفقهم يارب

مشكوره جولي .. والله هذا اللي قاعده اسويه الحين وناويه اكملها بالصيف وانشالله تمشي وياهم بس المهم القبول اول وشي اكيد ماراح اخليها ادش على مستواها هذا والله يسهل وانشالله ابشركم قريب ​

 

[رفرف]

رد: ملتقي الامهات - مدارس خاصه

جولي ..

اي شفتهم اللي لابسين ابيض بس ماشفت امهاتهم يالله خيرها بغيرها ..
بس ما مداج اهمه خلصو جنه 11 .. احنا مشينا هالحزة ..
انا رايحة مبجر 9 كانو توهم بادين ..

 

[Miss_Tiger79]

رد: ملتقي الامهات - مدارس خاصه

اهلييييييييييييين
رفرف
وااااااااي عالحر اليوم
شفتيني وانا احوس بين كي جي1 وكي جي2 انهد حيلي كل واحد بصوب وعشان كل واحد يبيني اصوره
اشوه شفتج رفرف على الاقل شفت احد اعرفه هناك وقعدت ادورج اسولف معاج وكله صفكم بعيد عنا وقزرتها بالتصوير
اي انا جان قلتيلي


وجولي انا شفت ولدج بس ما شفتج لاني سألت ولدي منو فهودي
انا كنت لابسه قميص اسود وبوردي
حسافه ما شفتج

بس صج استانسنا اليوم بدعت مس انريا اليوم مت عليها من الضحك مع اليهال واشلون اتعلمهم على اللعبه

التغيير حلو

ورفرف ترى كل اليهال جذي حق الحنه عندنا واللعب والوناسه عند الابو
الله يحفظهم انشالله

 

[رفرف]

رد: ملتقي الامهات - مدارس خاصه

تايقر ...

عاد حتى انا تمللت ابي اسولف مع احد ماكو ومناره شفتها ع الاخر خخخ وبس سلام ..
بعد زين اهيه عرفتني انا طاير مخي ماشفت احد ولا عرفت احد ..
بس شفت ام رفيجتي وسلمت علي وهم ماعرفتها فششششششله عاد بنتها معاي من الابتدائي ..
اي ونسيت اقولج ماشالله كبابيس عيالج حلوين من وين خخخخ فرااااااااغه ..